ᠠᠵᠠ ᠶ᠋ᠢᠨ ᠥᠯᠥᠭᠡᠢ – ᠴᠣ ᠂ ᠣᠷᠱᠤᠨ Азын өлгий – Чо ᠂ Оршин
321ᠠᠵᠠ ᠶ᠋ᠢᠨ ᠥᠯᠥᠭᠡᠢ
ᠬᠦᠳᠡᠩᠲᠦ ᠰᠢᠯᠢ ᠶ᠋ᠢᠨ ᠡᠩᠭᠡᠷ ᠲᠤ
ᠬᠥᠭᠵᠢᠨ ᠪᠠᠳᠠᠷᠠᠬᠤ ᠦᠢᠯᠡᠰ ᠦ᠋ᠨ
ᠬᠦᠰᠡᠯ ᠳᠡᠯᠭᠡᠷᠡᠨ ᠴᠡᠴᠡᠭᠯᠡᠭᠰᠡᠨ
ᠠᠮᠤᠵᠢ ᠶ᠋ᠢᠨ ᠨᠤᠲᠤᠭ
ᠠᠵᠠ ᠶ᠋ᠢᠨ ᠥᠯᠥᠭᠡᠢ
ᠠᠪᠤ ᠡᠵᠢ ᠶ᠋ᠢᠨ
ᠠᠰᠢᠳᠠ ᠶ᠋ᠢᠨ ᠣᠷᠣᠨ
ᠲᠣᠬᠣᠢᠷᠠᠨ ᠪᠤᠯᠤᠩᠨᠠᠬᠤ ᠨᠠᠭᠤᠷ
ᠲᠤᠩᠭᠠᠯᠠᠭ ᠵᠢᠰᠦ ᠶ᠋ᠢ ᠲᠣᠯᠢᠳᠠᠵᠤ
ᠲᠣᠷᠭᠠᠨ ᠴᠡᠯᠡᠭᠡᠷ ᠬᠥᠨᠳᠡᠢ
ᠲᠣᠰᠣᠨ ᠲᠠᠷᠭᠤ ᠳᠡᠭᠡᠵᠢᠯᠡᠭᠰᠡᠨ
ᠠᠮᠤᠵᠢ ᠶ᠋ᠢᠨ ᠨᠤᠲᠤᠭ
ᠠᠵᠠ ᠶ᠋ᠢᠨ ᠥᠯᠥᠭᠡᠢ
ᠠᠪᠤ ᠡᠵᠢ ᠶ᠋ᠢᠨ
ᠠᠰᠢᠳᠠ ᠶ᠋ᠢᠨ ᠣᠷᠣᠨ
ᠰᠠᠭᠠᠯᠢ ᠶ᠋ᠢᠨ ᠪᠡᠯᠭᠡᠲᠦ ᠲᠠᠪᠰᠢ
ᠴᠠᠭᠠᠨ ᠲᠣᠯᠣᠭᠠᠢ ᠪᠠᠨ ᠲᠡᠪᠡᠷᠢᠵᠦ
ᠰᠠᠯᠬᠢᠲᠤ ᠶ᠋ᠢᠨ ᠨᠣᠭᠣᠭᠠᠨ ᠪᠠᠷᠠ ᠶ᠋ᠢ
ᠰᠠᠨᠠᠨ ᠳᠤᠷᠠᠰᠴᠤ ᠮᠥᠷᠥᠭᠡᠳᠦᠭᠰᠡᠨ
ᠠᠮᠤᠵᠢ ᠶ᠋ᠢᠨ ᠨᠤᠲᠤᠭ
ᠠᠵᠠ ᠶ᠋ᠢᠨ ᠥᠯᠥᠭᠡᠢ
ᠠᠪᠤ ᠡᠵᠢ ᠶ᠋ᠢᠨ
ᠠᠰᠢᠳᠠ ᠶ᠋ᠢᠨ ᠣᠷᠣᠨ
ᠡᠬᠡ ᠶ᠋ᠢᠨ ᠰᠦᠨ ᠡᠪᠦᠷ
ᠡᠷᠢᠶᠡᠨ ᠲᠠᠯᠠ ᠪᠠᠨ ᠳᠡᠯᠭᠡᠵᠦ
ᠡᠷᠳᠡᠨᠢ ᠪᠡᠯᠡᠭᠯᠡᠭᠰᠡᠨ ᠬᠤᠯᠤᠰᠤ
ᠡᠬᠡᠰᠢᠭ ᠤᠶᠠᠬᠠᠨ ᠨᠠᠢᠭᠤᠭᠰᠠᠨ
ᠠᠮᠤᠵᠢ ᠶ᠋ᠢᠨ ᠨᠤᠲᠤᠭ
ᠠᠵᠠ ᠶ᠋ᠢᠨ ᠥᠯᠥᠭᠡᠢ
ᠠᠪᠤ ᠡᠵᠢ ᠶ᠋ᠢᠨ
ᠠᠰᠢᠳᠠ ᠶ᠋ᠢᠨ ᠣᠷᠣᠨ
ᠠᠶᠠᠨ ᠤ᠋ ᠮᠠᠰᠢᠨ ᠤ᠋ ᠬᠠᠷᠭᠤᠢ
ᠠᠮᠤᠭᠤᠯᠠᠩ ᠬᠠᠢᠯᠠᠷ ᠢ᠋ ᠬᠣᠯᠪᠣᠵᠤ
ᠠᠯᠤᠰ ᠲᠤ ᠳᠥᠮᠥᠢᠬᠦ ᠬᠠᠷᠠᠭᠠᠨᠠᠲᠠᠢ
ᠠᠶᠤᠤᠯᠢᠬᠠᠢ ᠵᠢᠷᠦᠬᠡ ᠶ᠋ᠢ ᠴᠢᠩᠭᠠᠭᠠᠭᠰᠠᠨ
ᠠᠮᠤᠵᠢ ᠶ᠋ᠢᠨ ᠨᠤᠲᠤᠭ
ᠠᠵᠠ ᠶ᠋ᠢᠨ ᠥᠯᠥᠭᠡᠢ
ᠠᠪᠤ ᠡᠵᠢ ᠶ᠋ᠢᠨ
ᠠᠰᠢᠳᠠ ᠶ᠋ᠢᠨ ᠣᠷᠣᠨ
ᠥᠷᠭᠡᠨ ᠶᠡᠬᠡ ᠲᠦᠮᠡᠨ ᠦ᠌
ᠥᠩ ᠬᠡᠰᠢᠭ ᠢ᠋ ᠬᠠᠳᠠᠭᠠᠯᠠᠵᠤ
ᠥᠭᠡᠳᠡᠯᠡᠬᠦ ᠵᠣᠯ ᠵᠢᠷᠭᠠᠯ ᠤ᠋ᠨ
ᠥᠭᠭᠢᠶᠡᠮᠦᠷ ᠳᠡᠮᠪᠡᠷᠢ ᠡᠷᠭᠦᠭᠰᠡᠨ᠂
ᠠᠮᠤᠵᠢ ᠶ᠋ᠢᠨ ᠨᠤᠲᠤᠭ
ᠠᠵᠠ ᠶ᠋ᠢᠨ ᠥᠯᠥᠭᠡᠢ
ᠠᠪᠤ ᠡᠵᠢ ᠶ᠋ᠢᠨ
ᠠᠰᠢᠳᠠ ᠶ᠋ᠢᠨ ᠣᠷᠣᠨ
ᠠᠵᠢᠯᠯᠠᠭᠠᠳ ᠰᠥᠭᠡᠷᠭᠦ ᠪᠡᠨ ᠢᠷᠡᠬᠦ ᠳ᠋ᠦ᠍
ᠠᠯᠠᠭᠠ ᠲᠠᠰᠢᠨ ᠲᠣᠰᠴᠤ
ᠠᠢᠯᠴᠢᠯᠠᠭᠠᠳ ᠳᠠᠬᠢᠨ ᠪᠤᠴᠠᠬᠤ ᠳ᠋ᠤ᠌
ᠠᠯᠠᠭ ᠢ᠋ ᠪᠥᠮᠪᠥᠷᠢᠭᠦᠯᠵᠦ ᠬᠣᠴᠣᠷᠤᠭᠰᠠᠨ
ᠠᠮᠤᠵᠢ ᠶ᠋ᠢᠨ ᠨᠤᠲᠤᠭ
ᠠᠵᠠ ᠶ᠋ᠢᠨ ᠥᠯᠥᠭᠡᠢ
ᠠᠪᠤ ᠡᠵᠢ ᠶ᠋ᠢᠨ
ᠠᠰᠢᠳᠠ ᠶ᠋ᠢᠨ ᠣᠷᠣᠨ
ᠪᠦᠲᠦᠮᠵᠢ ᠲᠤᠩᠬᠠᠭᠯᠠᠭᠰᠠᠨ ᠡᠷᠡᠰ ᠦ᠋ᠨ
ᠪᠦᠪᠡᠢ ᠶ᠋ᠢᠨ ᠳᠠᠭᠤᠤ ᠶ᠋ᠢ ᠰᠠᠭᠠᠲᠠᠭᠤᠯᠵᠤ
ᠪᠦᠲᠦᠭᠡᠯ ᠰᠠᠷᠠᠪᠴᠢᠯᠠᠭᠰᠠᠨ ᠬᠡᠳᠦ ᠶ᠋ᠢᠨ
ᠪᠦᠷᠢᠨ ᠵᠢᠯᠣᠭᠣ ᠶ᠋ᠢ ᠪᠠᠷᠢᠭᠤᠯᠤᠭᠰᠠᠨ
ᠠᠮᠤᠵᠢ ᠶ᠋ᠢᠨ ᠨᠤᠲᠤᠭ
ᠠᠵᠠ ᠶ᠋ᠢᠨ ᠥᠯᠥᠭᠡᠢ
ᠠᠪᠤ ᠡᠵᠢ ᠶ᠋ᠢᠨ
ᠠᠰᠢᠳᠠ ᠶ᠋ᠢᠨ ᠣᠷᠣᠨ
ᠢᠷᠡᠯᠲᠡ᠄· ᠴᠣ· ᠣᠷᠱᠤᠨ ᠤ᠋《 ᠮᠠᠯᠴᠢᠨ ᠬᠥᠮᠦᠨ ᠦ᠌ ᠳᠠᠭᠤᠤ》 ᠨᠣᠮ ᠠ᠋ᠴᠠ ᠡᠰᠢᠯᠡᠪᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠪᠠᠶᠠᠷᠴᠡᠴᠡᠭ
2024 04 07