ᠶᠡᠬᠡ ᠡᠵᠡᠨ ᠴᠢᠩᠭᠢᠰ ᠬᠠᠭᠠᠨ ᠳ᠋ᠤ᠌ ᠪᠢᠴᠢᠭᠰᠡᠨ ᠵᠠᠬᠢᠳᠠᠯ-ᠱ·ᠴᠡᠯᠮᠡᠭИх эзэн Чингис хаанд бичсэн захидал-Ш·Цэлмэг
446ᠶᠡᠬᠡ ᠡᠵᠡᠨ ᠴᠢᠩᠭᠢᠰ ᠬᠠᠭᠠᠨ ᠳ᠋ᠤ᠌ ᠪᠢᠴᠢᠭᠰᠡᠨ ᠵᠠᠬᠢᠳᠠᠯ
ᠱ· ᠴᠡᠯᠮᠡᠭ
ᠪᠤᠷᠬᠠᠨ ᠤ᠋ ᠣᠷᠣᠨ ᠳ᠋ᠤ᠌ ᠲᠠ ᠠᠮᠤᠷᠬᠠᠨ ᠮᠣᠷᠢᠯᠠᠵᠤ ᠪᠠᠢᠨᠠ ᠤᠤ?
ᠪᠤᠷᠬᠠᠨ ᠬᠠᠯᠳᠤᠨ ᠢ᠋ᠶ᠋ᠠᠨ ᠰᠠᠨᠠᠭᠠᠳ ᠬᠡᠴᠡᠭᠦᠦ ᠯᠡ ᠪᠠᠢᠭᠠ ᠪᠢᠵᠡ ᠳᠡ⁈
ᠨᠥᠭᠦᠭᠡ ᠶᠢᠷᠲᠢᠨᠴᠦ ᠭᠡᠭᠴᠢ ᠶᠠᠮᠠᠷᠬᠠᠤ ᠶᠤᠮ ᠳᠠ ᠲᠡᠭᠡᠭᠡᠳ⁈
ᠨᠥᠭᠡᠯᠭᠡ ᠳ᠋ᠦ᠍ ᠤᠨᠤᠨ ᠢ᠋ ᠶ᠋ᠢᠨ ᠴᠢᠨᠢ ᠵᠤᠨ ᠢ᠋ ᠠᠷᠠᠢ ᠯᠠ ᠭᠦᠢᠴᠡᠬᠦ ᠦᠭᠡᠢ ᠪᠠᠢᠨᠠ ᠤᠤ⁈
ᠳᠡᠯᠢᠭᠦᠨ ᠪᠣᠯᠳᠣᠭ ᠪᠤᠷᠬᠠᠨ ᠬᠠᠯᠳᠤᠨ ᠴᠢᠨᠢ ᠬᠡᠪ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠪᠠᠢᠭᠠ᠂
ᠳᠡᠯᠡᠬᠡᠢ ᠶ᠋ᠢ ᠰᠥᠬᠥᠷᠡᠭᠦᠯᠵᠦ ᠶᠠᠪᠤᠭᠰᠠᠨ ᠮᠣᠩᠭᠣᠯ ᠦᠷᠡᠰ ᠴᠢᠨᠢ ᠴᠦ᠍ ᠬᠡᠪ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠪᠠᠢᠭᠠ᠂
ᠲᠤᠭᠤᠷᠠᠢ ᠶ᠋ᠢᠨ ᠲᠠᠮᠠᠭᠠ ᠲᠠᠢ ᠤᠯᠤᠰ ᠴᠢᠨᠢ ᠬᠡᠪ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠪᠠᠢᠭᠠ᠂
ᠲᠤᠭ᠂ ᠰᠦᠯᠳᠡ᠂ ᠮᠣᠩᠭᠣᠯ ᠴᠢᠨᠢ ᠴᠦ᠍ ᠬᠡᠪ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠪᠠᠢᠭᠠ᠂
ᠭᠡᠪᠡᠴᠦ ᠲᠠᠨ ᠤ᠋ ᠠᠮᠢᠳᠤᠷᠠᠵᠤ ᠶᠠᠪᠤᠭᠰᠠᠨ ᠴᠠᠭ ᠦᠶᠡ ᠡᠴᠡ ᠴᠢᠨᠢ᠂
ᠭᠡᠷᠢᠶᠡᠰᠦᠯᠡᠵᠦ ᠦᠯᠡᠳᠡᠭᠡᠭᠰᠡᠨ ᠠᠤᠭᠠ ᠳᠥᠷᠦᠲᠦ ᠤᠯᠤᠰ ᠠ᠋ᠴᠠ ᠴᠢᠨᠢ᠂
ᠥᠴᠢᠨᠡᠨ ᠣᠯᠠᠨ ᠵᠦᠢᠯᠡᠰ ᠥᠭᠡᠷᠡ ᠪᠣᠯᠤᠨ ᠬᠤᠪᠢᠷᠠᠭᠰᠠᠨ᠂
ᠦᠷᠡ ᠬᠣᠢᠴᠢᠰ ᠴᠢᠨᠢ ᠬᠥᠯ ᠲᠣᠯᠣᠭᠠᠢ ᠪᠠᠨ ᠣᠯᠬᠤ ᠪᠠᠨ ᠪᠣᠯᠢᠵᠤ᠂
ᠤᠷᠢᠳᠤ ᠵᠦᠭ ᠦ᠋ᠨ ᠵᠦᠷᠴᠢᠳ᠂ ᠨᠠᠩᠭᠢᠶᠠᠳ᠂ ᠬᠠᠷᠠ ᠬᠢᠳᠠᠨ ᠤ᠋᠂
ᠤᠯᠠ ᠶ᠋ᠢ ᠳᠣᠯᠢᠶᠠᠴᠢᠬᠠᠬᠤ ᠰᠢᠬᠠᠭᠰᠠᠨ ᠬᠡᠳᠦᠨ ᠨᠣᠶᠠᠳ ᠲᠠᠢ ᠪᠣᠯᠤᠭᠰᠠᠨ ᠪᠢᠳᠡ᠂
ᠤᠰᠤ ᠶ᠋ᠢ ᠨᠢ ᠤᠤᠭᠤᠬᠤ ᠳ᠋ᠤ᠌ ᠪᠠᠨ ᠰᠥᠭᠥᠳᠴᠦ ᠬᠦᠷᠲᠡᠳᠡᠭ ᠨᠤᠲᠤᠭ ᠢ᠋ ᠴᠢᠨᠢ᠂
ᠤᠯᠠᠭᠠᠨ ᠰᠢᠷᠣᠢ ᠪᠣᠯᠲᠠᠯᠠ ᠨᠢ ᠤᠬᠤᠵᠤ ᠲᠥᠩᠬᠢᠭᠡᠳ ᠬᠠᠶᠠᠴᠢᠬᠠᠭᠰᠠᠨ᠂
ᠮᠣᠩᠭᠣᠯ ᠢ᠋ᠶ᠋ᠠᠨ ᠭᠡᠰᠡᠨ ᠰᠡᠳᠬᠢᠯ ᠦᠭᠡᠢ ᠡᠨᠡ ᠬᠡᠳᠦᠨ ᠨᠣᠶᠠᠳ ᠢ᠋᠂
ᠮᠣᠳᠣᠨ ᠡᠯᠵᠢᠭᠡᠨ ᠳ᠋ᠦ᠍ ᠪᠣᠯᠳᠠᠭ ᠪᠣᠯ ᠬᠠᠲᠠᠵᠤ ᠣᠷᠬᠢᠮᠠᠷ ᠰᠠᠨᠠᠭᠳᠠᠬᠤ ᠶᠤᠮ᠂
ᠳᠤᠷᠠ ᠪᠠᠷ ᠢ᠋ᠶ᠋ᠠᠨ ᠳᠣᠷᠭᠢᠵᠤ ᠪᠣᠢ ᠡᠨᠡ ᠣᠯᠠᠨ ᠲᠡᠨᠡᠭ ᠦ᠋ᠳ ᠢ᠋᠂
ᠳᠤᠭᠤᠢᠲᠤ ᠲᠡᠷᠭᠡᠨ ᠳ᠋ᠦ᠍ ᠴᠢᠴᠠᠤᠯᠠᠭᠠᠳ ᠬᠢᠳᠤᠵᠤ ᠣᠷᠬᠢᠮᠠᠷ ᠰᠠᠨᠠᠭᠳᠠᠬᠤ ᠶᠤᠮ᠂
ᠥᠭᠡᠯᠦᠨ ᠡᠬᠡ᠂ ᠪᠥᠷᠲᠡ ᠭᠤᠸᠠ ᠬᠠᠲᠤᠨ ᠤ᠋ ᠴᠢᠨᠢ ᠤᠳᠤᠮ᠂
ᠦᠵᠡᠰᠬᠦᠯᠡᠩᠲᠦ ᠥᠬᠢᠳ ᠴᠢᠨᠢ ᠬᠠᠷᠢ ᠶ᠋ᠢᠨ ᠪᠡᠷᠢ ᠪᠤᠯᠵᠠᠭᠠᠵᠤ ᠪᠠᠢᠨᠠ᠂
ᠤᠳᠤᠮ ᠨᠢ ᠠᠷᠢᠭᠤᠨ ᠤᠷᠤᠭ ᠤ᠋ᠨ ᠴᠢᠨᠢ ᠴᠢᠰᠤ ᠪᠤᠯᠠᠩᠭᠢᠷᠲᠤᠵᠤ ᠪᠠᠢᠨᠠ᠂
ᠠᠭᠤᠯᠠᠰ ᠬᠦᠷᠲᠡᠯᠡ ᠲᠦᠭᠰᠦᠢᠵᠦ ᠲᠩᠷᠢ ᠪᠦᠦᠳᠡᠢᠵᠦ ᠪᠠᠢᠨᠠ᠂
ᠰᠠᠷᠠ ᠳ᠋ᠤ᠌ ᠪᠠᠨ ᠨᠢᠭᠡ ᠭᠥᠷᠳᠡ ᠭᠡᠮᠡᠨ ᠲᠠᠨ ᠤ᠋ ᠵᠠᠷᠯᠢᠭ ᠪᠣᠯᠤᠭᠰᠠᠨ᠂
ᠰᠠᠷᠬᠤᠳ ᠢ᠋ ᠡᠳᠦᠷ ᠰᠥᠨᠢ ᠦᠭᠡᠢ ᠤᠤᠭᠤᠵᠠᠭᠠᠵᠤ᠂
ᠰᠣᠭᠲᠣᠭᠤ ᠨᠣᠶᠠᠳ ᠤ᠋ᠨ ᠬᠥᠯᠴᠥᠭᠦᠦ ᠬᠡᠢᠷᠬᠡᠯ ᠬᠥᠯ ᠦᠭᠡᠢ ᠲᠡᠨᠡᠭᠯᠡᠯ ᠳᠤᠮᠳᠠ᠂
ᠰᠣᠩᠭᠣᠭᠤᠯᠢ ᠪᠠᠷ ᠪᠦᠷᠢᠯᠳᠦᠭᠰᠡᠨ ᠶᠡᠬᠡ ᠬᠤᠷᠠᠯᠳᠠᠢ ᠴᠢᠭᠤᠯᠵᠤ ᠪᠠᠢᠨᠠ᠂
ᠶᠢᠷᠲᠢᠨᠴᠦ ᠳ᠋ᠠᠬᠢᠨ ᠢ᠋ ᠰᠥᠬᠦᠷᠡᠭᠦᠯᠵᠦ ᠪᠥᠬᠥᠢᠯᠭᠡᠵᠦ ᠶᠠᠪᠤᠭᠰᠠᠨ᠂
ᠶᠢᠰᠦᠨ ᠴᠠᠭᠠᠨ ᠲᠤᠭ ᠴᠢᠨᠢ ᠭᠤᠨᠢᠭᠲᠠᠢᠬᠠᠨ ᠬᠡᠢᠰᠴᠦ ᠪᠠᠢᠨᠠ᠂
ᠪᠣᠰᠤᠭᠠ ᠵᠠᠶᠠᠭᠠᠲᠤ ᠲᠥᠷᠥ ᠶ᠋ᠢᠨ ᠴᠢᠨᠢ ᠬᠡᠢᠮᠣᠷᠢ ᠭᠣᠳᠣᠢᠵᠤ᠂
ᠪᠣᠷᠵᠢᠭᠢᠨ ᠤᠳᠤᠮᠲᠤ ᠭᠡᠷ ᠦ᠋ᠨ ᠴᠢᠨᠢ ᠬᠡᠢᠮᠣᠷᠢ ᠭᠤᠨᠳᠠᠵᠤ ᠪᠠᠢᠨᠠ᠂
ᠪᠤᠷᠤᠭᠤ ᠨᠣᠮᠲᠠᠨ ᠨᠤᠭᠤᠳ ᠪᠣᠷᠳᠣᠭ ᠰᠡᠳᠬᠢᠯᠲᠡᠨ ᠨᠦ᠍ᠭᠦᠳ ᠨᠤᠲᠤᠭ ᠢ᠋ ᠴᠢᠨᠢ ᠴᠥᠯᠮᠥᠵᠦ ᠪᠠᠢᠨᠠ᠂
ᠪᠤᠯᠠᠰᠢ ᠶ᠋ᠢ ᠴᠢᠨᠢ ᠬᠦᠷᠲᠡᠯᠡ ᠬᠠᠢᠵᠤ ᠶᠠᠰᠤ ᠶ᠋ᠢ ᠲᠠᠨᠢ ᠥᠨᠳᠡᠯᠵᠡᠭᠦᠯᠵᠦ ᠪᠠᠢᠨᠠ᠂
ᠲᠠᠨ ᠤ᠋ ᠨᠡᠷᠡ ᠶ᠋ᠢ ᠢᠴᠢᠬᠦ ᠦᠭᠡᠢ ᠪᠠᠮᠪᠠᠢ ᠪᠣᠯᠭᠠᠵᠤ ᠡᠮᠦᠨᠡ ᠪᠡᠨ ᠪᠠᠷᠢᠭᠰᠠᠳ ᠣᠯᠠᠨ ᠪᠣᠯᠤᠭᠰᠠᠨ᠂
ᠲᠠᠨ ᠤ᠋ ᠨᠡᠷᠡ ᠶ᠋ᠢ ᠢᠴᠢᠵᠦ ᠦᠬᠦᠮᠡᠷ ᠣᠯᠠᠨ ᠶᠠᠭᠤᠮᠠᠰ ᠢ᠋ ᠪᠠᠰᠠ ᠨᠡᠷᠡᠯᠡᠳᠡᠭ ᠪᠣᠯᠤᠭᠰᠠᠨ᠂
ᠬᠥᠭᠡᠷᠦᠬᠦᠢ ᠶᠠᠳᠠᠷᠠᠭᠰᠠᠨ ᠦᠷᠡᠰ ᠢ᠋ ᠴᠢᠨᠢ ᠳᠡᠭᠡᠷᠡᠯᠬᠡᠵᠦ ᠲᠠᠪᠠᠯᠠᠭᠰᠠᠨ ᠪᠦᠬᠦᠨ ᠢ᠋᠂
ᠬᠥᠬᠡ ᠲᠩᠷᠢ ᠶ᠋ᠢᠨ ᠢ᠋ᠶ᠋ᠡᠨ ᠠᠶᠤᠩᠭᠠ ᠪᠠᠷ ᠨᠢᠷᠭᠡᠵᠦ ᠥᠭᠭᠦᠭᠡᠴᠢ ᠲᠠ ᠮᠢᠨᠢ᠂
ᠮᠥᠬᠥᠯ ᠰᠦᠬᠦᠯ ᠦ᠋ᠨ ᠬᠣᠷᠸᠠ ᠶ᠋ᠢ ᠨᠢᠭᠡᠨ ᠵᠢᠯᠤᠭᠤᠨ ᠳ᠋ᠤ᠌ ᠵᠠᠩᠭᠢᠳᠤᠭᠰᠠᠨ᠂
ᠮᠥᠩᠬᠡ ᠲᠩᠷᠢ ᠶ᠋ᠢᠨ ᠢ᠋ᠶ᠋ᠡᠨ ᠣᠩᠭᠣᠳ ᠢ᠋ᠶ᠋ᠠᠷ ᠢᠪᠡᠭᠡᠵᠦ ᠬᠠᠢᠷᠠᠯᠠᠭᠠᠴᠢ ᠲᠠ ᠮᠢᠨᠢ᠂
ᠠᠯᠲᠠ ᠪᠡᠶᠡ ᠮᠢᠨᠢ ᠠᠯᠵᠢᠶᠠᠪᠠᠰᠤ ᠠᠯᠵᠢᠶᠠᠲᠤᠭᠠᠢ ᠭᠡᠵᠦ ᠰᠡᠳᠬᠢᠨᠡᠮ᠂
ᠠᠤᠭᠠ ᠶᠡᠬᠡ ᠴᠠᠭ ᠦᠶᠡ ᠢᠷᠡᠨᠡ ᠭᠡᠮᠡᠨ ᠢᠲᠡᠭᠡᠨᠡᠮ ᠵᠠ( ᠵᠧ)᠃
ᠣᠯᠠᠨᠯᠢᠭ ᠲᠥᠪ ᠰᠤᠷᠭᠠᠭᠤᠯᠢ ᠶ᠋ᠢᠨ8 ᠠ ᠠᠩᠭᠢ ᠶ᠋ᠢᠨ ᠰᠤᠷᠤᠭᠴᠢ
ᠱ· ᠴᠡᠯᠮᠡᠭ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠮᠥᠩᠬᠡ ᠭᠠᠯ
ᠦᠰᠦᠭ ᠬᠠᠲᠠᠭᠴᠢ᠄ ᠮᠥᠩᠬᠡ ᠭᠠᠯ
ᠬᠢᠨᠠᠭᠴᠢ᠄ ᠤᠷᠠᠨᠲᠠᠨᠠ᠂ ᠣᠳᠬᠠᠨᠰᠤᠠ᠂ ᠭᠠᠷᠮᠠ᠂ ᠡᠩᠬᠡᠲᠤᠶᠠᠭᠠ