ᠱᠠᠩᠳᠠ ᠶᠢᠨ ᠰᠠᠢᠬᠠᠨ ᠲᠠᠯᠠ – ᠴᠣ ᠂ ᠣᠷᠱᠤᠨ Шандын сайхан тал – Чо ᠂ Оршин
329ᠱᠠᠩᠳᠠ ᠶᠢᠨ ᠰᠠᠢᠬᠠᠨ ᠲᠠᠯᠠ
ᠴᠠᠢᠯᠭᠠᠨ ᠰᠡᠳᠬᠢᠯ ᠢ᠋ᠶ᠋ᠡᠷ ᠬᠠᠷᠢᠭᠤᠯᠬᠤ
ᠰᠠᠷᠠ ᠵᠢᠯ ᠦ᠋ᠨ ᠮᠢᠨᠢ ᠲᠣᠭᠠᠯᠠᠯ ᠳᠡᠭᠡᠷᠡᠬᠢ
ᠴᠡᠩᠬᠡᠷ ᠨᠣᠭᠣᠭᠠᠨ ᠵᠡᠭᠦᠳᠦ
ᠰᠠᠢᠬᠠᠨ ᠨᠤᠲᠤᠭ ᠤ᠋ᠨ ᠮᠢᠨᠢ
ᠡᠯᠢᠭᠡᠨ ᠰᠤᠳᠠᠯ ᠲᠠᠲᠠᠯᠳᠤᠬᠤ
ᠱᠠᠩᠳᠠ ᠶ᠋ᠢᠨ ᠰᠠᠢᠬᠠᠨ ᠲᠠᠯᠠ ᠮᠢᠨᠦ᠃
ᠠᠵᠢᠯ ᠦᠢᠯᠡᠰ ᠨᠢ
ᠥᠯᠵᠡᠢ ᠮᠥᠷ ᠲᠡᠢ ᠳᠡᠭᠵᠢᠷᠡᠵᠦ ᠳᠡᠭᠡᠭᠰᠢᠯᠡᠭᠰᠡᠨ
ᠠᠷᠠᠳ ᠲᠦᠮᠡᠨ ᠨᠢ
ᠬᠠᠢᠷᠠ ᠶ᠋ᠢᠨ ᠥᠨᠳᠥᠷᠯᠢᠭ ᠢ᠋ᠶ᠋ᠡᠷ ᠪᠠᠷᠠᠯᠠᠵᠤ ᠪᠠᠶᠠᠰᠤᠭᠰᠠᠨ
ᠥᠨᠢᠷ ᠥᠷᠭᠡᠨ ᠲᠡᠦᠬᠡᠨ ᠵᠠᠢ ᠳ᠋ᠠᠬᠢ
ᠥᠨᠢᠳᠡ ᠶ᠋ᠢᠨ ᠪᠤᠭᠤᠷᠤᠯ ᠲᠡᠦᠬᠡ᠃
ᠣᠨ ᠳᠠᠷᠠᠭᠠᠯᠠᠭᠰᠠᠨ ᠬᠠᠭᠤᠳᠠᠰᠤ ᠶ᠋ᠢ ᠴᠢᠨᠢ ᠰᠡᠬᠦᠪᠡᠯ
ᠣᠯᠠᠨ ᠮᠢᠩᠭᠠᠨ ᠵᠡᠭᠡᠷᠡ ᠶ᠋ᠢᠨ ᠰᠦᠷᠦᠭ ᠦᠶᠡᠷᠯᠡᠭᠰᠡᠨ
ᠲᠦᠮᠡᠨ ᠠᠳᠤᠭᠤᠨ ᠤ᠋ ᠲᠠᠷᠭᠤ ᠶ᠋ᠢᠨ ᠰᠤᠷ ᠳᠡᠭᠡᠵᠢᠯᠡᠭᠰᠡᠨ
ᠱᠠᠩᠳᠠ ᠶ᠋ᠢᠨ ᠰᠠᠢᠬᠠᠨ ᠲᠠᠯᠠ ᠮᠢᠨᠦ᠃
ᠣᠳᠣᠳ ᠪᠡᠯᠴᠢᠭᠰᠡᠨ ᠥᠨᠥᠳᠥᠷ ᠳᠡᠯᠭᠡᠭᠳᠡᠬᠦ ᠳ᠋ᠦ᠍
ᠮᠠᠯ ᠥᠩ ᠢᠳᠡ ᠪᠦᠷᠬᠦᠵᠦ
ᠮᠠᠯᠴᠢᠨ ᠤ᠋ ᠬᠡᠰᠢᠭ ᠳᠡᠯᠭᠡᠷ ᠲᠡᠮᠡᠦᠯᠦᠭᠰᠡᠨ
ᠳᠣᠨᠣᠯᠵᠠᠮᠠ ᠱᠠᠩᠳᠠ ᠶ᠋ᠢᠨ ᠥᠭᠭᠢᠶᠡᠮᠦᠷ ᠰᠡᠳᠬᠢᠯ
ᠲᠤᠩᠭᠠᠯᠠᠭ ᠪᠤᠯᠠᠭ ᠤ᠋ᠨ ᠮᠥᠩᠬᠡ ᠷᠠᠰᠢᠶᠠᠨ ᠲᠠᠢ
ᠰᠠᠨᠠᠬᠤ ᠳ᠋ᠤ᠌ ᠰᠡᠳᠬᠢᠯ ᠠᠭᠤᠵᠢᠷᠠᠳᠠᠭ
ᠱᠠᠩᠳᠠ ᠶ᠋ᠢᠨ ᠰᠠᠢᠬᠠᠨ ᠲᠠᠯᠠ ᠮᠢᠨᠦ᠃
ᠢᠷᠡᠯᠲᠡ᠄· ᠴᠣ· ᠣᠷᠱᠤᠨ ᠤ᠋《 ᠮᠠᠯᠴᠢᠨ ᠬᠥᠮᠦᠨ ᠦ᠌ ᠳᠠᠭᠤᠤ》 ᠨᠣᠮ ᠠ᠋ᠴᠠ ᠡᠰᠢᠯᠡᠪᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠪᠠᠶᠠᠷᠴᠡᠴᠡᠭ
2024 04 0