ᠦᠷᠴᠢᠬᠡᠷ ᠤᠰᠤᠨ ᠬᠥᠷᠰᠢҮрчгэр усан хөрш
324
ᠦᠷᠴᠢᠬᠡᠷ ᠤᠰᠤᠨ ᠬᠥᠷᠰᠢ
ᠤᠰᠤᠨ ᠬᠥᠷᠰᠢ ᠶ᠋ᠢᠨ ᠢᠵᠠᠭᠤᠷ
ᠤᠰᠤᠨ ᠤ᠋ ᠣᠯᠠᠨ ᠨᠠᠰᠤᠲᠤ ᠡᠪᠡᠰᠦᠯᠢᠭ ᠤᠷᠭᠤᠮᠠᠯ᠂ ᠨᠠᠷᠢᠬᠠᠨ ᠤᠷᠲᠤ ᠦᠨᠳᠦᠰᠦᠯᠢᠭ ᠡᠰᠢ ᠲᠡᠢ᠃ ᠡᠰᠢ ᠨᠢ ᠪᠠᠬᠠᠨ ᠬᠠᠪᠲᠠᠭᠠᠢ ᠪᠥᠭᠡᠳ ᠣᠯᠠᠨ ᠰᠠᠯᠠᠭᠠᠯᠠᠨᠠ᠃ ᠨᠠᠪᠴᠢ ᠨᠢ ᠪᠦᠷ ᠤᠰᠤᠨ ᠳ᠋ᠤ᠌ ᠵᠢᠪᠴᠦ ᠤᠷᠭᠤᠨᠠ᠂ ᠵᠤᠵᠠᠭᠠᠨ᠂ ᠥᠷᠭᠡᠨ ᠬᠠᠪᠲᠠᠭᠠᠢ ᠲᠡᠪᠡᠨᠡ ᠬᠡᠯᠪᠡᠷᠢ ᠲᠡᠢ᠂4_5mm ᠤᠷᠲᠤ᠂5_10mm ᠥᠷᠭᠡᠨ᠂ ᠮᠤᠬᠤᠷ ᠦᠵᠦᠭᠦᠷ ᠲᠡᠢ᠂ ᠳᠣᠯᠭᠢᠶᠠᠨ ᠰᠢᠭ᠋ ᠠᠲᠤᠷᠢᠶᠠᠲᠤ ᠬᠥᠪᠡᠭᠡ ᠳ᠋ᠦ᠍ᠨᠢ ᠨᠠᠷᠢᠨ ᠬᠡᠷᠴᠢᠶᠡᠰᠦ ᠲᠡᠢ᠂ ᠪᠠᠷᠢᠭᠤᠯ ᠦᠭᠡᠢ᠂3_5 ᠰᠤᠳᠠᠯ ᠲᠠᠢ᠃ ᠲᠣᠰᠬᠣᠭᠤᠷ ᠨᠠᠪᠴᠢ ᠨᠢ ᠲᠣᠷᠭᠠᠨ ᠬᠠᠯᠢᠰᠤᠯᠢᠭ ᠪᠥᠭᠡᠳ ᠤᠭ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠨᠠᠪᠴᠢ ᠲᠠᠢ ᠪᠠᠨ ᠨᠡᠢᠯᠡᠵᠡᠢ᠂5mm ᠭᠠᠷᠤᠢ ᠤᠷᠲᠤ᠂ ᠡᠷᠲᠡ ᠤᠨᠠᠳᠠᠭ᠃ ᠲᠦᠷᠦᠭᠦᠦ ᠬᠡᠯᠪᠡᠷᠢᠲᠦ ᠪᠠᠭ ᠴᠡᠴᠡᠭ ᠨᠢ ᠢᠬᠴᠤ᠂12_20mm ᠤᠷᠲᠤ ᠰᠠᠯᠠᠭᠠ ᠶ᠋ᠢᠨ ᠣᠷᠣᠢ ᠳ᠋ᠤ᠌ ᠤᠷᠭᠤᠨᠠ᠂2_5cm ᠤᠷᠲᠤ ᠶᠡᠷᠦᠩᠬᠡᠢ ᠪᠠᠷᠢᠭᠤᠯ ᠲᠠᠢ᠃ ᠴᠡᠴᠡᠭ ᠦ᠋ᠨ ᠰᠢᠳᠠᠷ ᠨᠢ ᠳᠥᠷᠪᠡ᠃ ᠡᠷᠡ ᠡᠮᠡ ᠲᠣᠭᠣᠷᠴᠣᠭ ᠨᠢ ᠪᠦᠷ ᠳᠥᠷᠪᠡ᠃ ᠵᠢᠵᠢᠭ ᠬᠠᠲᠠᠭᠤ ᠵᠢᠮᠢᠰ ᠨᠢ ᠥᠨᠳᠡᠭᠡᠯᠵᠢᠨ᠂3mm ᠤᠷᠲᠤ᠂ ᠠᠷᠤ ᠳ᠋ᠤᠨᠢ ᠬᠢᠩᠭᠠ ᠶᠠᠰᠤ ᠰᠢᠭ᠋ ᠨᠢᠷᠤᠭᠤᠪᠴᠢ ᠲᠠᠢ᠂ ᠣᠷᠣᠢ ᠳ᠋ᠤᠨᠢ ᠱᠣᠪᠬᠣ ᠬᠣᠰᠢᠭᠤ ᠲᠠᠢ ᠂ ᠪᠦᠲᠦᠨ ᠬᠥᠪᠡᠭᠡ ᠲᠡᠢ ᠪᠤᠶᠤ ᠬᠢᠷᠥᠭᠡᠨ ᠰᠢᠳᠦᠲᠦ ᠬᠥᠪᠡᠭᠡ ᠲᠡᠢ᠃
ᠨᠠᠭᠤᠷ ᠲᠠᠩᠭᠢᠰ ᠤ᠋ᠨ ᠲᠣᠭᠲᠠᠮᠠᠯ ᠤᠰᠤ ᠬᠢᠭᠡᠳ ᠭᠣᠷᠣᠬᠠ᠂ ᠲᠤᠲᠤᠷᠭᠠᠨ ᠲᠠᠷᠢᠶᠠᠨ ᠤ᠋ ᠤᠰᠤᠨ ᠳ᠋ᠤ᠌ ᠪᠦᠷ ᠤᠷᠭᠤᠨᠠ᠃ ᠮᠠᠨ ᠤ᠋ ᠤᠯᠤᠰ ᠤ᠋ᠨ ᠡᠯᠡ ᠮᠣᠵᠢ ᠣᠷᠣᠨ ᠳ᠋ᠤ᠌ ᠪᠦᠷ ᠤᠷᠭᠤᠳᠠᠭ᠃ ᠭᠠᠬᠠᠢ ᠶ᠋ᠢᠨ ᠮᠠᠰᠢ ᠰᠠᠢᠨ ᠪᠣᠷᠳᠣᠭᠠ ᠡᠪᠡᠰᠦ ᠮᠥᠨ᠂ ᠪᠠᠰᠠ ᠨᠣᠭᠣᠭᠠᠨ ᠪᠣᠷᠳᠣᠭᠠ ᠬᠢᠨᠡ᠃ ᠲᠤᠲᠤᠷᠭᠠᠨ ᠲᠠᠷᠢᠶᠠᠨ ᠤ᠋ ᠬᠣᠭ ᠡᠪᠡᠰᠦ᠃
ᠬᠢᠲᠠᠳ ᠨᠡᠷᠡ᠄菹草
ᠠᠩᠭ᠌ᠯᠢ ᠨᠡᠷᠡ᠄potamgeton crispusl
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠲᠤᠶᠠᠭᠠ
ᠬᠢᠨᠠᠭᠴᠢ᠄ ᠫᠣ· ᠴᠠᠭᠠᠨ