ᠲᠤᠱᠠᠮᠠᠨ ᠵᠢᠮᠢᠰТушман жимс
409
ᠲᠤᠱᠠᠮᠠᠨ ᠵᠢᠮᠢᠰ
ᠲᠤᠱᠠᠮᠠᠨ ᠵᠢᠮᠢᠰ ᠦ᠋ᠨ ᠢᠵᠠᠭᠤᠷ
ᠪᠤᠲᠠ ᠮᠣᠳᠣ ᠪᠤᠶᠤ ᠪᠠᠭᠠᠪᠲᠤᠷ ᠲᠤᠷᠤᠭ ᠮᠣᠳᠣ᠂ ᠰᠢᠯᠤᠭᠤᠨ ᠤᠷᠭᠤᠬᠤ ᠪᠥᠭᠡᠳ ᠣᠯᠠᠨ ᠰᠠᠯᠠᠭᠠ ᠲᠠᠢ᠂ ᠠᠭᠠᠷ ᠲᠠᠬᠢ ᠲᠤᠯᠭᠠᠭᠤᠷᠢ ᠦᠨᠳᠦᠰᠦ ᠲᠡᠢ᠃ ᠨᠠᠪᠴᠢ ᠨᠢ ᠮᠥᠴᠢᠷ ᠦ᠋ᠨ ᠣᠷᠣᠢ ᠳ᠋ᠤ᠌ ᠪᠠᠭᠯᠠᠷᠠᠨ ᠤᠷᠭᠤᠨᠠ᠂ ᠪᠦᠰᠡᠯᠢᠭ ᠬᠠᠪᠲᠠᠭᠠᠢ ᠲᠡᠪᠡᠨᠡ ᠬᠡᠯᠪᠡᠷᠢ ᠲᠡᠢ᠂1.5m ᠤᠷᠲᠤ᠂2—3cm ᠥᠷᠭᠡᠨ᠂ ᠬᠥᠪᠡᠭᠡ ᠪᠠ ᠠᠷᠤ ᠶ᠋ᠢᠨ ᠭᠣᠣᠯ ᠰᠤᠳᠠᠯ ᠳ᠋ᠤᠨᠢ ᠦᠵᠦᠭᠦᠷ ᠲᠡᠢᠰᠢ ᠬᠠᠨᠳᠤᠵᠤ ᠤᠷᠭᠤᠭᠰᠠᠨ ᠥᠷᠭᠡᠰᠦ ᠲᠡᠢ᠃ ᠴᠡᠴᠡᠭ ᠨᠢ ᠭᠠᠭᠴᠠ ᠪᠡᠯᠭᠡ ᠲᠡᠢ᠂ ᠣᠨᠳᠣᠣ ᠭᠡᠷ ᠲᠡᠢ᠂ ᠮᠥᠴᠢᠷ ᠦ᠋ᠨ ᠣᠷᠣᠢ ᠳ᠋ᠤ᠌ ᠴᠤᠭᠯᠠᠷᠠᠭᠠᠳ ᠨᠠᠪᠴᠢᠨ ᠬᠡᠯᠪᠡᠷᠢᠲᠦ ᠲᠦᠷᠦᠭᠦᠪᠴᠢ ᠲᠡᠢ ᠮᠢᠬᠠᠯᠢᠭ ᠲᠦᠷᠦᠭᠦᠦ ᠬᠡᠯᠪᠡᠷᠢᠲᠦ ᠪᠠᠭ ᠴᠡᠴᠡᠭ ᠪᠦᠷᠢᠯᠳᠦᠨᠡ᠃ ᠴᠡᠴᠡᠭ ᠦ᠋ᠨ ᠰᠢᠳᠠᠷ ᠦᠭᠡᠢ᠃ ᠡᠷᠡ ᠪᠠᠭ ᠴᠡᠴᠡᠭ ᠨᠢ ᠪᠠᠷᠤᠭ50cm ᠤᠷᠲᠤ᠂ ᠠᠩᠬᠢᠯᠤᠮᠠ ᠦᠨᠦᠷ ᠲᠡᠢ᠂ ᠴᠠᠭᠠᠪᠲᠤᠷ ᠬᠠᠪᠲᠠᠭᠠᠢ ᠲᠡᠪᠡᠨᠡ ᠬᠡᠯᠪᠡᠷᠢᠲᠦ ᠲᠦᠷᠦᠭᠦᠪᠴᠢ ᠲᠡᠢ᠂ ᠣᠯᠠᠨ ᠡᠷᠡ ᠲᠣᠭᠣᠷᠴᠣᠭ ᠲᠠᠢ᠃ ᠳᠣᠬᠢᠭᠤᠷ ᠨᠢ ᠮᠠᠰᠢ ᠤᠷᠲᠤ᠂ ᠳᠣᠣᠷᠠᠲᠤ ᠬᠠᠭᠠᠰ ᠨᠢ ᠨᠡᠢᠯᠡᠩᠭᠢ᠃ ᠲᠣᠭᠣᠰᠣᠪᠴᠢ ᠨᠢ ᠦᠵᠦᠭᠦᠷ ᠲᠡᠭᠡᠨ ᠰᠤᠷ ᠲᠠᠢ᠃ ᠡᠮᠡ ᠴᠡᠴᠡᠭ ᠦ᠋ᠨ ᠤᠮᠠᠢ ᠶ᠋ᠢᠨ ᠬᠠᠯᠢᠰᠤ ᠨᠢ ᠪᠠᠭᠯᠠᠷᠠᠨ ᠤᠷᠭᠤᠨᠠ᠂ ᠤᠮᠠᠢ ᠨᠢ ᠬᠣᠶᠠᠷ ᠲᠠᠰᠤᠭ ᠲᠠᠢ᠃ ᠨᠡᠢᠯᠡᠮᠡᠯ ᠵᠢᠮᠢᠰ ᠨᠢ ᠵᠤᠤᠪᠠᠩ ᠪᠤᠶᠤ ᠪᠥᠮᠪᠥᠭᠡᠯᠢᠭ ᠵᠤᠤᠪᠠᠩ᠂20cm ᠤᠷᠲᠤ᠂50—70 ᠪᠤᠶᠤ ᠨᠡᠩ ᠠᠷᠪᠢᠨ ᠰᠢᠷᠬᠡᠭ ᠮᠡᠲᠦ ᠨᠠᠷᠢᠨ ᠮᠢᠬᠠᠯᠢᠭ ᠶᠠᠰᠤᠲᠤ ᠵᠢᠮᠢᠰ ᠢ᠋ᠶ᠋ᠡᠷ ᠪᠦᠷᠢᠯᠳᠦᠪᠡ᠃ ᠶᠠᠰᠤᠲᠤ ᠵᠢᠮᠢᠰ ᠨᠢ4—6cm ᠤᠷᠲᠤ᠂ ᠲᠣᠩᠭᠣᠷᠠᠭᠤ ᠱᠣᠷᠣᠯᠵᠢᠨ ᠬᠡᠯᠪᠡᠷᠢ ᠲᠡᠢ᠂ ᠪᠣᠯᠪᠠᠰᠤᠷᠠᠪᠠᠯ ᠰᠢᠷᠠᠪᠲᠤᠷ ᠤᠯᠠᠭᠠᠨ ᠪᠣᠯᠤᠨᠠ᠂ ᠪᠠᠬᠠᠨ ᠢᠷᠮᠡᠭ ᠲᠡᠢ
ᠳᠠᠯᠠᠢ ᠶ᠋ᠢᠨ ᠬᠥᠪᠡᠭᠡ ᠪᠡᠷ ᠤᠷᠭᠤᠳᠠᠭ᠃
ᠮᠠᠨ ᠤ᠋ ᠤᠯᠤᠰ ᠤ᠋ᠨ ᠭᠤᠸᠠᠩᠳᠦᠩ᠂ ᠭᠤᠸᠠᠩᠰᠢ ᠵᠡᠷᠭᠡ ᠭᠠᠵᠠᠷ ᠣᠷᠣᠨ ᠢ᠋ᠶ᠋ᠠᠷ ᠤᠷᠭᠤᠳᠠᠭ᠃
ᠨᠠᠪᠴᠢᠨ ᠤ᠋ ᠰᠢᠷᠬᠡᠭ ᠢ᠋ᠶ᠋ᠡᠷ ᠨᠢ ᠲᠣᠣᠷ ᠨᠡᠬᠡᠬᠦ ᠪᠤᠶᠤ ᠳᠡᠭᠡᠰᠦ ᠲᠠᠮᠤᠵᠤ ᠪᠣᠯᠤᠨᠠ᠂ ᠪᠠᠰᠠ ᠴᠠᠭᠠᠰᠤ ᠬᠢᠨᠡ᠂ ᠲᠤᠯᠭᠠᠭᠤᠷ ᠤᠲᠠᠰᠤᠨ ᠰᠢᠷᠬᠡᠭ ᠢ᠋ᠶ᠋ᠡᠷ ᠨᠢ ᠡᠪᠡᠰᠦᠨ ᠱᠠᠬᠠᠢ ᠬᠦᠷᠦᠨᠡ᠃ ᠰᠢᠨᠡ ᠰᠣᠷᠭᠣᠭ ᠴᠡᠴᠡᠭ ᠡᠴᠡ ᠨᠢ ᠦᠨᠦᠷᠲᠦ ᠲᠣᠰᠣ ᠠᠪᠤᠨᠠ᠃
ᠬᠢᠲᠠᠳ ᠨᠡᠷᠡ᠄露兜树
ᠠᠩᠭ᠌ᠯᠢ ᠨᠡᠷᠡ᠄pandanus tectorius parkins
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠲᠤᠶᠠᠭᠠ
ᠬᠢᠨᠠᠭᠴᠢ᠄ ᠫᠣ· ᠴᠠᠭᠠᠨ