ᠬᠣᠨᠢᠨ ᠵᠡᠭᠡᠰᠦХонин зэгс
314
ᠬᠣᠨᠢᠨ ᠵᠡᠭᠡᠰᠦ
ᠵᠡᠭᠡᠰᠦ ᠶ᠋ᠢᠨ ᠢᠵᠠᠭᠤᠷ
ᠣᠯᠠᠨ ᠨᠠᠰᠤᠲᠤ ᠡᠪᠡᠰᠦᠯᠢᠭ ᠤᠷᠭᠤᠮᠠᠯ᠂ ᠦᠨᠳᠦᠰᠦᠯᠢᠭ ᠡᠰᠢ ᠲᠡᠢ᠃ ᠡᠰᠢ ᠨᠢ ᠨᠡᠯᠢᠶᠡᠳ ᠨᠠᠷᠢᠨ᠂ 30—70cm ᠥᠨᠳᠥᠷ᠂ ᠰᠢᠯᠤᠭᠤᠨ ᠤᠷᠭᠤᠨᠠ᠃ ᠨᠠᠪᠴᠢ ᠨᠢ ᠴᠤᠪᠤᠷᠠᠨ ᠤᠷᠭᠤᠨᠠ᠃ ᠨᠠᠪᠴᠢᠨ ᠤ᠋ ᠲᠣᠭᠳᠣᠢ ᠶ᠋ᠢᠨ ᠶᠡᠬᠡᠩᠬᠢ ᠨᠢ ᠡᠰᠢ ᠪᠡᠨ ᠪᠠᠭᠯᠠᠳᠠᠭ ᠦᠭᠡᠢ᠂ ᠲᠣᠷᠭᠠᠨ ᠬᠠᠯᠢᠰᠤᠯᠢᠭ ᠬᠥᠪᠡᠭᠡ ᠲᠡᠢ᠂ ᠡᠰᠢᠨ ᠦ᠌ ᠤᠭ ᠤ᠋ᠨ ᠬᠡᠰᠡᠭ ᠦ᠋ᠨ ᠨᠠᠪᠴᠢᠨ ᠤ᠋ ᠲᠣᠭᠳᠣᠢ ᠨᠢ ᠶᠡᠷᠦ ᠳ᠋ᠡᠭᠡᠨ ᠨᠠᠪᠴᠢ ᠦᠭᠡᠢ ᠪᠤᠶᠤ ᠳᠣᠷᠣᠢᠲᠠᠭᠠᠳ ᠱᠣᠪᠬᠣ ᠥᠷᠭᠡᠰᠦ ᠮᠡᠲᠦ ᠪᠤᠶᠤ ᠬᠠᠢᠷᠰᠤᠨ ᠢᠯᠲᠠᠰᠤ ᠮᠡᠲᠦ ᠪᠠᠢᠳᠠᠭ᠃ ᠨᠠᠪᠴᠢᠨ ᠤ᠋ ᠢᠯᠲᠠᠰᠤ ᠨᠢ ᠪᠦᠰᠡ ᠬᠡᠯᠪᠡᠷᠢ ᠲᠡᠢ᠂ 2—3mm ᠥᠷᠭᠡᠨ᠂ ᠡᠰᠢ ᠲᠡᠢ ᠪᠡᠨ ᠪᠠᠷᠤᠭ ᠢᠵᠢᠯ ᠤᠷᠲᠤ᠃ ᠴᠡᠴᠡᠭ ᠨᠢ ᠭᠠᠭᠴᠠ ᠪᠡᠯᠭᠡ ᠲᠡᠢ᠂ ᠨᠢᠭᠡ ᠭᠡᠷ ᠲᠡᠢ᠂ ᠪᠥᠭᠡᠷᠡᠩᠬᠡᠢ ᠪᠠᠭᠠᠨᠠ ᠰᠢᠭ᠋ ᠲᠦᠷᠦᠭᠦᠦ ᠬᠡᠯᠪᠡᠷᠢᠲᠦ ᠪᠠᠭ ᠴᠡᠴᠡᠭ ᠪᠦᠷᠢᠯᠳᠦᠨᠡ᠃ ᠡᠷᠡ ᠪᠠᠭ ᠴᠡᠴᠡᠭ ᠨᠢ ᠳᠡᠭᠡᠳᠦ ᠬᠡᠰᠡᠭ ᠲᠤ ᠤᠷᠭᠤᠵᠤ᠂ ᠡᠮᠡ ᠪᠠᠭ ᠴᠡᠴᠡᠭ ᠨᠢ ᠳᠣᠣᠷᠠᠲᠤ ᠬᠡᠰᠡᠭ ᠲᠤ ᠤᠷᠭᠤᠨᠠ᠂ ᠬᠣᠭᠣᠷᠣᠨᠳᠣ ᠨᠢ 1—2cm ᠬᠢᠷᠢ ᠵᠠᠢ ᠲᠠᠢ᠃ ᠡᠮᠡ ᠪᠠᠭ ᠴᠡᠴᠡᠭ ᠨᠢ 1.5—5cm ᠤᠷᠲᠤ᠂ ᠳ᠋ᠢᠶᠠᠮᠧᠲ᠋ᠷ ᠨᠢ 0.8—1.2cm᠃ ᠡᠮᠡ ᠴᠡᠴᠡᠭ ᠦ᠋ᠨ ᠤᠮᠠᠢ ᠨᠢ ᠤᠷᠲᠤᠯᠵᠢᠨ ᠪᠥᠭᠡᠷᠡᠩᠬᠡᠢ᠂ ᠤᠷᠲᠤ ᠴᠠᠭᠠᠨ ᠦᠰᠦᠲᠦ ᠨᠠᠷᠢᠨ ᠤᠷᠲᠤ ᠪᠠᠷᠢᠭᠤᠯ ᠲᠠᠢ᠂ ᠴᠡᠴᠡᠭ ᠦ᠋ᠨ ᠪᠠᠭᠠᠨᠠ ᠶ᠋ᠢᠨ ᠠᠮᠠᠰᠠᠷ ᠨᠢ ᠬᠠᠪᠲᠠᠭᠠᠢ ᠲᠡᠪᠡᠨᠡ ᠬᠡᠯᠪᠡᠷᠢ ᠲᠡᠢ ᠪᠥᠭᠡᠳ ᠴᠠᠭᠠᠨ ᠦᠰᠦ ᠡᠴᠡ ᠪᠡᠨ ᠪᠠᠬᠠᠨ ᠤᠷᠲᠤ᠃ ᠵᠢᠵᠢᠭ ᠪᠠᠭᠯᠠᠭᠴᠢ ᠨᠢ ᠨᠢᠮᠭᠡᠨ᠂ ᠬᠦᠷᠡᠩ᠃ ᠡᠷᠡ ᠪᠠᠭ ᠴᠡᠴᠡᠭ ᠨᠢ4—6cm ᠤᠷᠲᠤ᠃ ᠡᠷᠡ ᠴᠡᠴᠡᠭ ᠨᠢ ᠨᠢᠭᠡ ᠯᠡ ᠡᠷᠡ ᠲᠣᠭᠣᠷᠴᠣᠭ ᠲᠠᠢ᠂ ᠤᠭ ᠲᠤᠨᠢ ᠦᠰᠦ ᠦᠭᠡᠢ᠃ ᠵᠢᠵᠢᠭ ᠬᠠᠲᠠᠭᠤ ᠵᠢᠮᠢᠰ ᠨᠢ ᠮᠥᠩᠬᠡ ᠣᠷᠣᠰᠢᠬᠤ ᠴᠡᠴᠡᠭ ᠦ᠋ᠨ ᠪᠠᠭᠠᠨᠠ ᠲᠠᠢ᠃
ᠭᠣᠣᠯ ᠮᠥᠷᠡᠨ ᠦ᠌ ᠬᠥᠪᠡᠭᠡ ᠶ᠋ᠢᠨ ᠴᠢᠭᠢᠭᠲᠡᠢ ᠬᠣᠲᠣᠭᠣᠷ ᠭᠠᠵᠠᠷ ᠳᠤ ᠤᠷᠭᠤᠨᠠ᠃ ᠬᠤᠵᠢᠷ ᠳᠤ ᠲᠡᠰᠪᠦᠷᠢᠲᠡᠢ᠃
ᠮᠠᠨ ᠤ᠋ ᠤᠯᠤᠰ ᠤ᠋ᠨ ᠤᠮᠠᠷᠠᠲᠤ ᠣᠷᠣᠨ᠂ ᠪᠠᠷᠠᠭᠤᠨ ᠬᠣᠢᠲᠤ ᠣᠷᠣᠨ᠂ ᠵᠡᠭᠦᠨ ᠬᠣᠢᠲᠤ ᠣᠷᠣᠨ ᠤ᠋ ᠡᠯᠡ ᠮᠣᠵᠢ ᠣᠷᠣᠨ ᠳ᠋ᠤ᠌ ᠤᠷᠭᠤᠳᠠᠭ᠃
ᠴᠡᠴᠡᠭ ᠦ᠋ᠨ ᠲᠣᠭᠣᠰᠣ ᠨᠢ ᠡᠮ ᠳ᠋ᠦ᠍ ᠣᠷᠣᠨᠠ᠃ ᠡᠰᠢ ᠨᠠᠪᠴᠢ ᠶ᠋ᠢ ᠨᠢ ᠴᠢᠬᠢᠷᠰᠦ᠂ ᠡᠪᠡᠰᠦᠨ ᠳᠡᠪᠢᠰᠬᠡᠷ ᠬᠦᠷᠦᠬᠦ ᠳ᠋ᠦ᠍ ᠬᠡᠷᠡᠭᠯᠡᠬᠦ ᠡᠴᠡ ᠭᠠᠳᠠᠨᠠ ᠴᠠᠭᠠᠰᠤ ᠬᠢᠳᠡᠭ᠃
ᠬᠢᠲᠠᠳ ᠨᠡᠷᠡ᠄小香蒲
ᠠᠩᠭ᠌ᠯᠢ ᠨᠡᠷᠡ᠄ Typha minima Funk
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠳ᠂ ᠡᠷᠬᠢᠮᠪᠠᠭᠠᠲᠤᠷ
ᠬᠢᠨᠠᠭᠴᠢ᠄ ᠫᠣ· ᠴᠠᠭᠠᠨ