ᠠᠷᠪᠠᠨ ᠬᠣᠶᠠᠷ ᠤᠳᠤᠨ ᠡᠵᠡᠯᠡᠭᠰᠡᠨ ᠡᠳᠦᠷ ᠵᠢᠴᠢ ᠲᠡᠭᠦᠨ ᠦ ᠲᠠᠢᠯᠪᠤᠷᠢᠯᠠᠯ Арван хоёр одон эзэлсэн өдөр жич түүний тайлбарлал
314 ᠠᠷᠪᠠᠨ ᠬᠣᠶᠠᠷ ᠣᠳᠣᠨ ᠡᠵᠡᠯᠡᠭᠰᠡᠨ ᠡᠳᠦᠷ ᠵᠢᠴᠢ ᠲᠡᠭᠦᠨ ᠤ ᠲᠠᠢᠯᠪᠤᠷᠢᠯᠠᠯ ᠴᠠᠭᠠᠨ ᠰᠠᠷᠠ ᠶ᠋ᠢᠨ ᠨᠡᠭᠡᠭᠡᠭᠴᠢ ᠣᠳᠣᠨ ᠳ᠋ᠤ᠌ ᠬᠤᠯᠤᠭᠠᠨᠠ ᠡᠳᠦᠷ ᠢ ᠲᠣᠬᠢᠷᠠᠭᠤᠯᠬᠤ᠂ ᠬᠣᠶᠠᠷ ᠰᠠᠷᠠ ᠶ᠋ᠢᠨ ᠦᠬᠡᠷ ᠡᠳᠦᠷ ᠨᠡᠭᠡᠭᠡᠭᠴᠢ᠂ ᠭᠤᠷᠪᠠᠨ ᠰᠠᠷᠠ ᠶ᠋ᠢᠨ ᠪᠠᠷᠰ᠂ ᠳᠥᠷᠪᠡᠨ ᠰᠠᠷᠠ ᠶ᠋ᠢᠨ ᠲᠠᠤᠯᠠᠢ ᠡᠳᠦᠷ ᠨᠡᠭᠡᠭᠡᠭᠴᠢ ᠁ ᠭᠡᠵᠦ ᠳᠣᠷᠣᠭᠰᠢ ᠰᠠᠷᠠ ᠪᠦᠷᠢ ᠨᠢᠭᠡᠨ ᠢ ᠲᠣᠬᠢᠷᠠᠭᠤᠯᠤᠨ ᠪᠣᠳᠣᠬᠤ ᠪᠥᠭᠡᠳ ᠨᠡᠭᠡᠭᠡᠭᠴᠢ᠂ ᠬᠠᠭᠠᠭᠴᠢ᠂ ᠡᠵᠡᠯᠡᠭᠴᠢ᠂ ᠠᠷᠢᠯᠭᠠᠭᠴᠢ᠂ ᠲᠦᠭᠦᠷᠡᠭᠴᠢ᠂ ᠲᠣᠭᠲᠠᠭᠠᠭᠴᠢ ᠰᠠᠬᠢᠭᠴᠢ᠂ ᠡᠪᠳᠡᠭᠴᠢ᠂ ᠲᠦᠭᠰᠢᠭᠴᠢ᠂ ᠪᠦᠲᠦᠭᠡᠭᠴᠢ᠂ ᠬᠤᠷᠢᠶᠠᠭᠴᠢ ᠭᠡᠵᠦ ᠨᠢᠭᠡᠨ ᠤᠳᠠᠭᠠ ᠡᠭᠡᠯᠵᠢᠯᠡᠭᠡᠳ ᠳᠠᠬᠢᠨ ᠨᠡᠭᠡᠭᠡᠭᠴᠢ᠂ ᠬᠠᠭᠠᠭᠴᠢ ᠭᠡᠮᠡᠨ ᠦᠶᠡᠯᠡᠬᠦ ᠴᠢᠨᠠᠷᠲᠠᠢ ᠳᠠᠪᠲᠠᠵᠤ ᠦᠷᠭᠦᠯᠵᠢᠯᠡᠨ ᠲᠣᠭᠠᠯᠠᠪᠠᠯ ᠠᠯᠢ ᠣᠳᠣᠨ ᠡᠵᠡᠯᠡᠭᠰᠡᠨ ᠡᠳᠦᠷ ᠢ ᠬᠢᠯᠪᠠᠷᠬᠠᠨ ᠡᠷᠢᠵᠦ ᠣᠯᠳᠠᠭ᠃
1 ᠨᠡᠭᠡᠭᠡᠭᠴᠢ ᠡᠳᠦᠷ : ᠡᠨᠡ ᠡᠳᠦᠷ ᠠᠮᠢᠨ ᠵᠣᠯᠢᠶᠠ ᠰᠠᠬᠢᠭᠤᠯᠰᠤᠨ ᠦᠢᠯᠡᠳᠪᠡᠯ᠂ ᠲᠡᠭᠷᠢ ᠳᠠᠬᠢᠪᠠᠯ᠂ ᠳᠠᠭᠤᠳᠠᠯᠭᠠ ᠪᠢᠴᠢᠭ ᠪᠠᠷᠢᠪᠠᠯ ᠪᠢᠴᠢᠭ ᠲᠦ᠍ ᠣᠷᠣᠪᠠᠯ᠂ ᠳᠡᠪᠡᠯ ᠡᠰᠬᠡᠪᠡᠯ᠂ ᠥᠬᠢᠨ ᠪᠣᠭᠲᠣᠯᠠᠪᠠᠯ᠂ ᠠᠳᠤᠭᠤᠨ ᠰᠠᠯᠭᠠᠪᠠᠯ᠂ ᠭᠡᠷ ᠵᠠᠰᠠᠪᠠᠯ᠂ ᠬᠤᠳᠳᠤᠭ ᠡᠷᠦᠪᠡᠯ᠂ ᠣᠬᠣᠷ ᠬᠡᠷᠡᠮ ᠪᠠᠢᠭᠤᠯᠪᠠᠯ᠂ ᠬᠤᠳᠠᠯᠳᠤᠭᠠ ᠬᠢᠪᠡᠯ ᠲᠠᠷᠢᠶᠠ ᠲᠠᠷᠢᠪᠠᠯ᠂ ᠮᠥᠷ ᠭᠠᠷᠭᠠᠪᠠᠯ᠂ ᠰᠠᠩ ᠨᠡᠭᠡᠭᠡᠪᠡᠯ ᠨᠣᠶᠠᠳ ᠲᠤ᠌ ᠵᠣᠯᠭᠠᠪᠠᠯ᠂ ᠰᠢᠨᠡ ᠭᠡᠷ ᠲᠦ᠍ ᠣᠷᠣᠪᠠᠯ᠂ ᠡᠮ ᠤᠤᠭᠤᠪᠠᠯ᠂ ᠭᠠᠵᠠᠷ ᠬᠥᠨᠳᠡᠪᠡᠯ ᠪᠦᠷ ᠰᠠᠢᠨ᠃ ᠬᠤᠳᠠᠯᠳᠤᠭᠠ ᠬᠢᠬᠦ ᠳ᠋ᠦ᠍ ᠰᠠᠷᠠ ᠶ᠋ᠢᠨ ᠡᠬᠢᠨᠡ ᠪᠠᠬᠠᠨ ᠮᠠᠭᠤ᠃
2 ᠬᠠᠭᠠᠭᠴᠢ ᠡᠳᠦᠷ : ᠡᠨᠡ ᠣᠳᠣᠨ ᠤ᠋ ᠡᠳᠦᠷ ᠠᠮᠢᠨ ᠵᠣᠯᠢᠶᠠ ᠰᠠᠬᠢᠭᠤᠯᠰᠤᠨ ᠦᠢᠯᠡᠳᠪᠡᠯ᠂ ᠲᠡᠭᠷᠢ ᠨᠥᠬᠥᠳ ᠢ ᠳᠠᠬᠢᠪᠠᠯ ᠬᠥᠪᠡᠭᠦᠨ ᠥᠬᠢᠨ ᠢ ᠨᠡᠢᠯᠡᠭᠦᠯᠪᠡᠯ᠂ ᠬᠤᠳᠠᠯᠳᠤᠭᠠ ᠬᠢᠪᠡᠯ᠂ ᠦᠭᠯᠢᠭᠡᠡ ᠥᠭᠪᠡᠯ ᠂ ᠭᠡᠷ ᠵᠠᠰᠠᠪᠠᠯ ᠭᠠᠵᠠᠷ ᠬᠥᠳᠡᠯᠭᠡᠪᠡᠯ᠂ ᠲᠠᠷᠢᠶᠠ ᠳᠠᠷᠢᠪᠠᠯ ᠰᠠᠢᠨ᠃ ᠲᠥᠭᠡᠨᠡᠪᠡᠯ ᠡᠮ ᠤᠤᠭᠤᠪᠠᠯ ᠂ ᠭᠠᠯ ᠳᠠᠬᠢᠪᠠᠯ ᠂ ᠰᠢᠨᠡ ᠭᠡᠷ ᠲᠦ᠍ ᠣᠷᠣᠪᠠᠯ ᠮᠠᠭᠤ᠃
3 ᠡᠵᠡᠯᠡᠭᠴᠢ ᠡᠳᠦᠷ : ᠣᠭᠲᠠᠷᠭᠤᠢ ᠶ᠋ᠢᠨ ᠡᠳᠦᠷ ᠪᠤᠶᠤ᠃ ᠭᠡᠷ ᠵᠠᠰᠠᠪᠠᠯ ᠂ ᠪᠦᠷᠢᠪᠡᠯ᠂ ᠮᠥᠷ ᠭᠠᠷᠭᠠᠪᠠᠯ᠂ ᠳᠠᠬᠢᠪᠠᠯ᠂ ᠲᠠᠪᠠᠭᠯᠠᠪᠠᠯ᠂ ᠪᠢᠴᠢᠭ ᠲᠦ᠍ ᠣᠷᠣᠪᠠᠯ᠂ ᠪᠤᠰᠤᠳ ᠲᠤ᠌ ᠵᠣᠯᠭᠠᠪᠠᠯ᠂ ᠨᠡᠩ ᠢᠯᠠᠩᠭᠤᠶᠠ ᠨᠣᠶᠠᠨ ᠰᠠᠢᠳ ᠲᠤ᠌ ᠵᠣᠯᠭᠠᠪᠠᠯ ᠰᠠᠢᠨ᠃ ᠭᠠᠵᠠᠷ ᠬᠥᠨᠳᠡᠬᠦ ᠪᠠ ᠰᠠᠩ ᠨᠡᠭᠡᠭᠡᠬᠦ ᠵᠢᠴᠢ ᠤᠰᠤᠨ ᠦᠢᠯᠡᠰ ᠲᠦ᠍ ᠮᠠᠭᠤ᠃
4 ᠠᠷᠢᠯᠭᠠᠭᠴᠢ ᠡᠳᠦᠷ : ᠡᠭᠦᠳᠬᠦ ᠡᠳᠦᠷ ᠪᠤᠶᠤ ᠪᠤᠷᠬᠠᠨ ᠲᠡᠭᠷᠢ ᠳᠠᠬᠢᠪᠠᠯ᠂ ᠵᠣᠯᠢᠶᠠ ᠰᠠᠬᠢᠭᠤᠯᠰᠤᠨ ᠦᠢᠯᠡᠳᠪᠡᠯ᠂ ᠲᠠᠲᠠᠯᠭᠠ ᠪᠢᠴᠢᠯᠭᠡ ᠳ᠋ᠦ᠍ ᠣᠷᠣᠪᠠᠯ᠂ ᠭᠡᠷ ᠪᠠᠷᠢᠪᠠᠯ᠂ ᠮᠠᠯ ᠠᠳᠤᠭᠤᠰᠤ ᠰᠠᠯᠭᠠᠪᠠᠯ᠂ ᠬᠤᠳᠠᠯᠳᠤᠭᠠ ᠬᠢᠪᠡᠯ᠂ ᠡᠪᠡᠳᠴᠢᠨ ᠵᠠᠰᠠᠭᠤᠯᠪᠠᠯ᠂ ᠦᠷᠡ ᠲᠠᠷᠢᠶᠠ ᠳᠠᠷᠢᠪᠠᠯ ᠡᠮ ᠨᠠᠢᠷᠠᠪᠠᠯ᠂ ᠬᠡᠷᠡᠭ ᠬᠢᠯᠭᠡᠪᠡᠯ᠂ ᠭᠠᠯ ᠳᠠᠬᠢᠪᠠᠯ᠂ ᠰᠦᠨᠡᠰᠦ ᠳᠠᠯᠠᠯᠪᠠᠯ ᠪᠦᠷ ᠰᠠᠢᠨ᠃ ᠨᠠᠮᠠᠨᠴᠢᠯᠠᠯ ᠳᠠᠭᠠᠳᠬᠠᠯ ᠬᠢᠪᠡᠯ ᠮᠠᠭᠤ᠃
5 ᠲᠦᠭᠦᠷᠡᠭᠴᠢ ᠡᠳᠦᠷ ᠄ ᠭᠡᠷ ᠵᠠᠰᠠᠪᠠᠯ ᠂ ᠬᠤᠪᠴᠠᠰᠤ ᠡᠰᠬᠡᠪᠡᠯ᠂ ᠪᠢᠴᠢᠭ ᠲᠠᠮᠠᠭᠠ ᠴᠣᠬᠢᠭᠤᠯᠪᠠᠯ᠂ ᠰᠢᠨᠡ ᠭᠡᠷ ᠲᠦ᠍ ᠣᠷᠣᠪᠠᠯ ᠥᠭᠯᠢᠭᠡ ᠥᠭᠪᠡᠯ ᠂ ᠶᠠᠭᠤᠮᠠ ᠠᠪᠤᠪᠠᠯ᠂ ᠠᠮᠢᠨ ᠵᠣᠯᠢᠶᠠ ᠰᠠᠬᠢᠭᠤᠯᠰᠤᠨ ᠦᠢᠯᠡᠳᠪᠡᠯ : ᠰᠢᠨᠡ ᠬᠥᠰᠢᠭᠡ ᠲᠠᠲᠠᠪᠠᠯ ᠪᠦᠷ ᠰᠠᠢᠨ ᠭᠠᠵᠠᠷ ᠭᠦᠨᠳᠡᠪᠡᠯ᠂ ᠬᠣᠯᠠ ᠭᠠᠵᠠᠷ ᠬᠤᠳᠠᠯᠳᠤᠭᠠ ᠬᠢᠬᠦ ᠪᠡᠷ ᠶᠠᠪᠤᠪᠠᠯ᠂ ᠭᠡᠷ ᠨᠡᠭᠦᠪᠡᠯ ᠮᠠᠭᠤ᠃
6 ᠲᠡᠭᠰᠢᠳᠬᠡᠭᠴᠢ ᠡᠳᠦᠷ ᠄ ᠮᠥᠷ ᠭᠠᠷᠭᠠᠪᠠᠯ ᠭᠡᠷ ᠪᠠᠷᠢᠪᠠᠯ᠂ ᠬᠠᠭᠤᠴᠢᠨ ᠡᠳ᠋ ᠪᠠᠷᠠᠭᠠ ᠵᠠᠰᠠᠪᠠᠯ ᠰᠠᠢᠨ᠂ ᠰᠤᠪᠠᠭ ᠲᠠᠲᠠᠬᠤ᠂ ᠲᠠᠷᠢᠶᠠ ᠬᠤᠪᠴᠠᠰᠤ ᠡᠰᠬᠡᠬᠦ ᠨᠣᠮ ᠪᠢᠴᠢᠬᠦ ᠵᠡᠷᠭᠡ ᠦᠢᠯᠡᠰ ᠲᠦ᠍ ᠮᠠᠭᠤ᠃
7 ᠲᠣᠭᠲᠠᠭᠠᠭᠴᠢ ᠡᠳᠦᠷ ᠄ ᠪᠢᠴᠢᠭ ᠲᠦ᠍ ᠣᠷᠣᠪᠠᠯ᠂ ᠬᠤᠪᠴᠠᠰᠤ ᠡᠰᠬᠡᠪᠡᠯ᠂ ᠪᠡᠷᠢ ᠭᠤᠶᠤᠪᠠᠯ᠂ ᠥᠬᠢᠨ ᠬᠦᠦ ᠶ᠋ᠢ ᠨᠡᠢᠯᠡᠭᠦᠯᠪᠡᠯ᠂ ᠠᠳᠤᠭᠤᠰᠤᠨ ᠰᠦᠷᠦᠭ ᠰᠠᠯᠭᠠᠪᠠᠯ᠂ ᠬᠥᠮᠦᠨ ᠠᠳᠤᠭᠤᠰᠤᠨ ᠥᠭᠪᠡᠯ᠂ ᠬᠤᠳᠠᠯᠳᠤᠭᠠ ᠬᠢᠪᠡᠯ ᠰᠠᠢᠨ᠂ ᠮᠥᠷ ᠭᠠᠷᠭᠠᠪᠠᠯ ᠮᠠᠭᠤ᠃
8 ᠰᠠᠬᠢᠭᠴᠢ ᠡᠳᠦᠷ : ᠠᠯᠲᠠᠨ ᠤ᠋ ᠬᠡᠰᠢᠭ ᠡᠳᠦᠷ ᠪᠤᠶᠤ᠂ ᠠᠮᠢᠨ ᠰᠠᠬᠢᠭᠤᠯᠰᠤᠨ᠂ ᠣᠩᠭᠣᠨ᠂ ᠣᠩᠭᠣᠳ ᠳᠠᠬᠢᠪᠠᠯ᠂ ᠬᠠᠭᠠᠨ ᠳᠠᠳᠤᠯᠭᠠ ᠪᠢᠴᠢᠭ ᠲᠦ᠍ ᠣᠷᠣᠪᠠᠯ᠂ ᠬᠥᠪᠡᠭᠦᠨ ᠥᠬᠢᠨ ᠨᠡᠢᠯᠡᠭᠦᠯᠪᠡᠯ ᠬᠤᠯᠠᠭᠠᠢ ᠭᠡᠲᠡᠪᠡᠯ᠂ ᠪᠢᠴᠢᠭ ᠠᠪᠤᠯᠴᠠᠪᠠᠯ ᠰᠠᠢᠨ᠂ ᠰᠢᠨᠡ ᠭᠡᠷ ᠲᠦ᠍ ᠣᠷᠣᠪᠠᠯ ᠰᠠᠩ ᠨᠡᠭᠡᠭᠡᠪᠡᠯ ᠂ ᠦᠭᠯᠢᠭᠡᠡ ᠥᠭᠪᠡᠯ ᠵᠢᠴᠢ ᠮᠠᠯ ᠰᠦᠷᠦᠭᠯᠡᠭᠦᠯᠪᠡᠯ ᠮᠠᠭᠤ᠃
9 ᠡᠪᠳᠡᠯᠡᠭᠴᠢ ᠡᠳᠦᠷ ᠄ ᠡᠪᠡᠳᠴᠢᠨ ᠦᠵᠡᠪᠡᠯ᠂ ᠬᠠᠭᠤᠴᠢᠨ ᠭᠡᠷ ᠵᠠᠰᠠᠪᠠᠯ᠂ ᠬᠤᠯᠠᠭᠠᠢ ᠨᠡᠬᠡᠮᠵᠢᠯᠡᠯ ᠰᠠᠢᠨ᠃ ᠭᠠᠵᠠᠷ ᠭᠦᠨᠳᠡᠪᠡᠯ ᠮᠥᠷ ᠭᠠᠷᠭᠠᠪᠠᠯ ᠭᠡᠷ ᠨᠡᠭᠦᠪᠡᠯ᠂ ᠦᠬᠦᠨ ᠪᠤᠭᠳᠠᠯᠠᠪᠠᠯ ᠭᠠᠯ ᠳᠠᠬᠢᠪᠠᠯ ᠮᠠᠭᠤ᠃
10 ᠲᠦᠭᠰᠢᠭᠴᠢ ᠡᠳᠦᠷ : ᠪᠠᠰᠠ ᠬᠥᠳᠡᠭᠳᠡᠬᠦ ᠡᠳᠦᠷ ᠭᠡᠳᠡᠭ᠂ ᠠᠮᠢᠨ ᠵᠣᠯᠢᠶᠠ ᠰᠠᠬᠢᠭᠤᠯᠰᠤᠨ ᠦᠢᠯᠡᠳᠪᠡᠯ᠂ ᠥᠬᠢᠨ ᠪᠣᠭᠲᠣᠯᠠᠪᠠᠯ ᠠᠩ ᠠᠩᠨᠠᠪᠠᠯ᠂ ᠣᠷᠣᠨ ᠰᠢᠷᠡᠭᠡ ᠵᠠᠰᠠᠪᠠᠯ᠂ ᠬᠤᠳᠠᠯᠳᠤᠭᠠ ᠬᠢᠪᠡᠯ ᠰᠠᠢᠨ᠂ ᠮᠣᠳᠣᠨ ᠣᠭᠲᠣᠯᠪᠠᠯ ᠮᠠᠭᠤ᠃
11ᠪᠦᠲᠦᠭᠡᠭᠴᠢ ᠡᠳᠦᠷ : ᠲᠡᠭᠷᠢ ᠳᠠᠬᠢᠪᠠᠯ᠂ ᠠᠮᠢᠨ ᠵᠣᠯᠢᠶᠠ ᠦᠢᠯᠡᠳᠪᠡᠯ᠂ ᠬᠤᠪᠴᠠᠰᠤ ᠡᠰᠬᠡᠪᠡᠯ᠂ ᠡᠮ ᠤᠤᠭᠤᠪᠠᠯ᠂ ᠠᠳᠤᠭᠤᠰᠤᠨ ᠰᠠᠯᠭᠠᠪᠠᠯ᠂ ᠡᠪᠡᠳᠴᠢᠨ ᠦᠵᠡᠪᠡᠯ᠂ ᠬᠠᠭᠤᠴᠢᠨ ᠭᠡᠷ ᠵᠠᠰᠠᠪᠠᠯ᠂ ᠮᠥᠷ ᠭᠠᠷᠭᠠᠪᠠᠯ᠂ ᠡᠳ᠋ ᠲᠠᠸᠠᠷ ᠨᠥᠬᠥᠪᠡᠯ᠂ ᠪᠡᠷᠢ ᠪᠠᠭᠤᠯᠭᠠᠪᠠᠯ᠂ ᠥᠭᠯᠢᠭᠡ ᠥᠭᠪᠡᠯ ᠰᠠᠢᠨ᠃ ᠵᠠᠷᠭᠤ ᠬᠢᠪᠡᠯ ᠮᠠᠭᠤ᠃
12 ᠬᠤᠷᠢᠶᠠᠭᠴᠢ ᠡᠳᠦᠷ : ᠬᠤᠯᠠᠭᠠᠢ ᠭᠡᠲᠡᠪᠡᠯ᠂ ᠪᠠᠷᠠᠭᠠ ᠣᠷᠣᠭᠤᠯᠪᠠᠯ᠂ ᠭᠡᠷ ᠲᠡᠷᠭᠡ ᠵᠠᠰᠠᠪᠠᠯ᠂ ᠲᠠᠷᠢᠶᠠ ᠳᠠᠷᠢᠪᠠᠯ᠂ ᠲᠡᠭᠷᠢ ᠳᠠᠬᠢᠪᠠᠯ ᠪᠢᠴᠢᠭ ᠲᠦ᠍ ᠣᠷᠣᠪᠠᠯ᠂ ᠰᠠᠩ ᠨᠡᠭᠡᠭᠡᠪᠡᠯ᠂ ᠬᠥᠮᠦᠨ ᠠᠳᠤᠭᠤᠰᠤᠨ ᠢ ᠥᠭᠪᠡᠯ ᠰᠠᠢᠨ᠂ ᠮᠥᠷ ᠭᠠᠷᠭᠠᠬᠤ ᠨᠣᠮ ᠪᠢᠴᠢᠪᠡᠯ ᠮᠠᠭᠤ᠃