ᠨᠠᠷᠢᠨ ᠵᠡᠭᠡᠰᠦНарийн зэгс
356
ᠨᠠᠷᠢᠨ ᠵᠡᠭᠡᠰᠦ (ᠮᠣᠷᠢᠨ ᠵᠡᠭᠡᠰᠦ)
ᠵᠡᠭᠡᠰᠦ ᠶ᠋ᠢᠨ ᠢᠵᠠᠭᠤᠷ
ᠨᠠᠮᠤᠭ ᠲᠤ ᠤᠷᠭᠤᠬᠤ
ᠣᠯᠠᠨ ᠨᠠᠰᠤᠲᠤ ᠡᠪᠡᠰᠦᠯᠢᠭ ᠤᠷᠭᠤᠮᠠᠯ᠂1—4m ᠥᠨᠳᠥᠷ᠃ ᠡᠰᠢ ᠨᠢ ᠰᠢᠯᠤᠭᠤᠨ᠂ ᠴᠣᠯ ᠴᠠᠭᠠᠨ ᠭᠣᠣᠯ ᠲᠠᠢ᠃ ᠨᠠᠪᠴᠢ ᠨᠢ ᠪᠦᠰᠡ ᠬᠡᠯᠪᠡᠷᠢ ᠲᠡᠢ᠂ ᠬᠣᠶᠠᠷ ᠮᠥᠷᠯᠡᠨ ᠴᠤᠪᠤᠷᠠᠵᠤ ᠤᠷᠭᠤᠨᠠ᠂4—10mm ᠥᠷᠭᠡᠨ᠂ ᠨᠠᠪᠴᠢᠨ ᠤ᠋ ᠲᠣᠭᠳᠣᠢ ᠨᠢ ᠶᠡᠷᠦ ᠳ᠋ᠡᠭᠡᠨ ᠨᠠᠪᠴᠢᠨ ᠤ᠋ ᠴᠢᠬᠢ ᠲᠡᠢ᠂ ᠲᠣᠷᠭᠠᠨ ᠬᠠᠯᠢᠰᠤᠯᠢᠭ ᠬᠥᠪᠡᠭᠡ ᠲᠡᠢ᠃ ᠪᠠᠭ ᠴᠡᠴᠡᠭ ᠨᠢ ᠭᠦᠨ ᠬᠦᠷᠡᠩ ᠪᠥᠭᠡᠳ ᠪᠥᠭᠡᠷᠡᠩᠬᠡᠢ ᠪᠠᠭᠠᠨᠠ ᠬᠡᠯᠪᠡᠷᠢ ᠲᠡᠢ᠃ ᠡᠷᠡ ᠡᠮᠡ ᠪᠠᠭ ᠴᠡᠴᠡᠭ ᠦ᠋ᠨ ᠲᠦᠷᠦᠭᠦᠦ ᠶ᠋ᠢᠨ ᠬᠣᠭᠣᠷᠣᠨᠳᠣᠬᠢ ᠵᠠᠢ ᠨᠢ ᠶᠡᠷᠦ ᠳ᠋ᠡᠭᠡᠨ0.5—3cm ᠤᠷᠲᠤ ᠲᠤᠯᠠ ᠬᠣᠶᠠᠷ ᠲᠦᠷᠦᠭᠦᠦ ᠶ᠋ᠢ ᠨᠡᠯᠢᠶᠡᠳ ᠬᠣᠯᠠ ᠰᠠᠯᠭᠠᠵᠤ ᠪᠣᠢ᠃ ᠡᠷᠡ ᠪᠠᠭ ᠴᠡᠴᠡᠭ ᠨᠢ ᠡᠮᠡ ᠪᠠᠭ ᠴᠡᠴᠡᠭ ᠦ᠋ᠨ ᠢ᠋ᠶ᠋ᠡᠨ ᠳᠡᠭᠡᠳᠦ ᠬᠡᠰᠡᠭ ᠲᠤ ᠤᠷᠭᠤᠨ ᠮᠠᠰᠢ ᠨᠠᠷᠢᠨ ᠪᠥᠭᠡᠳ ᠡᠷᠲᠡ ᠤᠨᠠᠳᠠᠭ ᠣᠬᠣᠷ ᠲᠦᠷᠦᠭᠦᠪᠴᠢ ᠰᠢᠭ ᠪᠠᠭᠯᠠᠭᠴᠢ ᠲᠠᠢ᠃ ᠲᠣᠭᠣᠰᠣᠪᠴᠢ ᠨᠢ ᠰᠠᠯᠠᠭᠠ ᠲᠠᠢ ᠳᠣᠬᠢᠭᠤᠷ ᠤ᠋ᠨ ᠣᠷᠣᠢ ᠳ᠋ᠤ᠌2—3 ᠪᠠᠷ ᠪᠠᠭᠯᠠᠷᠠᠨ ᠤᠷᠭᠤᠨᠠ᠁ ᠡᠮᠡ ᠪᠠᠭ ᠴᠡᠴᠡᠭ ᠨᠢ ᠲᠣᠣᠷᠲᠤ ᠬᠡᠰᠡᠭ ᠲᠦ ᠤᠷᠭᠤᠨᠠ᠂8—20cm ᠤᠷᠲᠤ᠂ ᠭᠦᠨ ᠬᠦᠷᠡᠩ ᠪᠣᠷᠣ ᠤᠯᠠᠪᠲᠤᠷ ᠬᠦᠷᠡᠩ᠂ ᠬᠠᠷᠠᠪᠲᠤᠷ ᠬᠦᠷᠡᠩ ᠵᠢᠵᠢᠭ ᠪᠠᠭᠯᠠᠭᠴᠢ ᠲᠠᠢ᠃ ᠦᠷᠡᠯᠡᠬᠦ ᠴᠡᠴᠡᠭ ᠨᠢ ᠤᠷᠲᠤ ᠦᠰᠦᠲᠦ ᠪᠠᠷᠢᠭᠤᠯ ᠲᠠᠢ᠂ ᠨᠠᠷᠢᠬᠠᠨ ᠤᠷᠲᠤ ᠭᠦᠨ ᠬᠦᠷᠡᠩ ᠴᠡᠴᠡᠭ ᠦ᠋ᠨ ᠪᠠᠭᠠᠨᠠ ᠲᠠᠢ ᠪᠠ ᠪᠠᠭᠠᠨᠠ ᠶ᠋ᠢᠨ ᠠᠮᠠᠰᠠᠷ ᠨᠢ ᠪᠦᠰᠡᠯᠢᠭ ᠪᠤᠶᠤ ᠪᠦᠰᠡᠯᠢᠭ ᠤᠷᠲᠤᠯᠵᠢᠨ ᠲᠣᠭᠣᠷᠢᠭ᠃ ᠦᠷᠡᠯᠡᠬᠦ ᠦᠭᠡᠢ ᠴᠡᠴᠡᠭ ᠦ᠋ᠨ ᠬᠥᠭᠵᠢᠯ ᠦᠭᠡᠢ ᠤᠮᠠᠢ ᠨᠢ ᠥᠷᠭᠡᠨ ᠪᠥᠭᠡᠳ ᠬᠠᠪᠲᠠᠭᠠᠢ᠂ ᠣᠷᠣᠢ ᠳ᠋ᠤᠨᠢ ᠳᠣᠷᠣᠢᠲᠠᠭᠰᠠᠨ ᠴᠡᠴᠡᠭ ᠦ᠋ᠨ ᠪᠠᠭᠠᠨᠠ ᠪᠣᠢ᠃ ᠵᠢᠮᠢᠰ ᠨᠢ ᠵᠢᠵᠢᠭ ᠬᠠᠲᠠᠭᠤ ᠵᠢᠮᠢᠰ᠂ ᠣᠷᠣᠢ ᠳ᠋ᠤᠨᠢ ᠮᠥᠩᠬᠡ ᠣᠷᠣᠰᠢᠬᠤ ᠴᠡᠴᠡᠭ ᠦ᠋ᠨ ᠪᠠᠭᠠᠨᠠ ᠲᠠᠢ ᠃
ᠨᠠᠭᠤᠷ ᠤᠨ ᠬᠥᠪᠡᠭᠡ᠂ ᠨᠠᠮᠤᠭ ᠭᠠᠵᠠᠷ ᠪᠤᠶᠤ ᠭᠦᠢᠬᠡᠨ ᠨᠠᠭᠤᠷ ᠴᠥᠬᠥᠷᠡᠮ ᠦ᠋ᠨ ᠤᠰᠤᠨ ᠳ᠋ᠤ᠌ ᠤᠷᠭᠤᠨᠠ᠃
ᠮᠠᠨ ᠤ ᠤᠯᠤᠰ ᠤ᠋ᠨ ᠡᠯᠡ ᠮᠣᠵᠢ ᠣᠷᠣᠨ ᠳ᠋ᠤ᠌ ᠪᠦᠷ ᠤᠷᠭᠤᠳᠠᠭ᠃
ᠴᠡᠴᠡᠭ ᠦᠨ ᠲᠣᠭᠣᠰᠣ ᠨᠢ ᠡᠮ ᠳ᠋ᠦ᠍ ᠣᠷᠣᠨᠠ᠃ ᠨᠠᠪᠴᠢ᠂ ᠡᠰᠢ ᠶ᠋ᠢ ᠨᠢ ᠡᠪᠡᠰᠦᠨ ᠳᠡᠪᠢᠰᠬᠡᠷ ᠵᠡᠷᠭᠡ ᠬᠥᠷᠥᠬᠦ ᠳ᠋ᠦ᠍ ᠠᠰᠢᠭᠯᠠᠨᠠ᠃
ᠬᠢᠲᠠᠳ ᠨᠡᠷᠡ᠄狭叶香蒲 (水烛)
ᠠᠩᠭ᠌ᠯᠢ ᠨᠡᠷᠡ᠄Typha Angustifolia L.
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠫᠤ· ᠴᠠᠭᠠᠨ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ