ᠲᠣᠷᠯᠣᠭ – ᠴᠣ ᠂ ᠣᠷᠱᠤᠨ Торлог – Чо ᠂ Оршин
248ᠲᠣᠷᠯᠣᠭ
ᠲᠣᠰᠣ ᠭᠡᠭᠴᠢ ᠨᠢ ᠨᠡᠭᠡᠷᠡᠨ
ᠲᠤᠯᠭᠠ ᠵᠤᠤᠬᠠᠨ ᠳ᠋ᠤ᠌ ᠬᠢᠪᠡᠯ
ᠬᠥᠷ ᠭᠡᠳ ᠯᠡ ᠨᠣᠴᠣᠨᠠ᠃
ᠦᠶᠡ ᠮᠥᠴᠢᠷ ᠨᠠᠮᠠᠭᠠ ᠳ᠋ᠤ᠌
ᠥᠷᠭᠡᠰᠦ ᠰᠢᠪᠦᠭᠡ ᠪᠠᠢᠬᠤ ᠦᠭᠡᠢ
ᠲᠠᠬᠢᠷ ᠮᠣᠬᠢᠷᠬᠠᠨ ᠣᠷᠭᠣᠭᠠᠳ
ᠲᠠᠯᠠ ᠶ᠋ᠢᠨ ᠬᠠᠮᠢᠭᠠ ᠴᠤ᠌ ᠪᠠᠢᠳᠠᠭ ᠢ᠋
ᠬᠥᠭᠰᠢᠳ ᠲᠣᠮᠣᠭᠠᠲᠠᠨ ᠠ᠋ᠴᠠ ᠰᠣᠨᠢᠷᠬᠠᠵᠤ
ᠬᠦᠰᠡᠵᠦ ᠯᠠᠪᠯᠠᠨ ᠠᠰᠠᠭᠤᠪᠠᠯ
ᠲᠣᠪᠴᠢ ᠨᠠᠷᠢᠯᠢᠭ ᠦᠭᠡ ᠪᠡᠷ
ᠲᠣᠳᠣᠷᠬᠠᠢ ᠰᠠᠢᠬᠠᠨ ᠬᠡᠯᠡᠬᠦ ᠳ᠋ᠡᠭᠡᠨ
ᠡᠵᠡᠨ ᠴᠢᠩᠭᠢᠰ ᠬᠠᠭᠠᠨ
ᠡᠷᠡᠯᠬᠡᠭ ᠴᠤᠤᠲᠤ ᠴᠡᠷᠢᠭ ᠲᠡᠢ ᠪᠡᠨ
ᠠᠯᠲᠠᠨ ᠳᠡᠯᠡᠬᠡᠢ ᠶ᠋ᠢ ᠰᠤᠨᠳᠠᠯᠠᠨ
ᠠᠶᠠᠯᠠᠨ ᠪᠠᠢᠯᠳᠤᠵᠤ ᠶᠠᠪᠤᠬᠤ ᠳ᠋ᠠᠭᠠᠨ
ᠬᠥᠬᠡ ᠮᠣᠩᠭᠣᠯ ᠣᠷᠣᠨ
ᠬᠥᠯᠥᠨ ᠪᠤᠢᠷ ᠲᠤ ᠢᠷᠡᠭᠡᠳ
ᠲᠣᠷᠯᠣᠭ ᠮᠣᠳᠣᠨ ᠤ᠋ ᠴᠢᠨᠠᠷ ᠢ᠋ᠶ᠋ᠠᠷ
ᠲᠣᠭᠰᠢᠨ ᠪᠠᠭᠠᠲᠤᠷ ᠤ᠋ᠳ ᠢ᠋ᠶ᠋ᠠᠨ ᠰᠤᠷᠭᠠᠨ
《 ᠨᠣᠢᠲᠠᠨ ᠶᠠᠩᠵᠤ ᠪᠠᠷ ᠢ᠋ᠶ᠋ᠠᠨ ᠨᠣᠴᠣᠵᠤ
ᠨᠣᠷᠮᠠ ᠢᠯᠴᠢ ᠪᠡᠨ ᠬᠠᠳᠠᠭᠠᠯᠠ》 ᠭᠡᠵᠦ᠂
ᠪᠤᠳᠠᠭᠠ ᠰᠠᠴᠤᠵᠤ ᠡᠷᠭᠦᠭᠰᠡᠨ ᠶᠦᠮ ᠭᠡᠨᠡ
ᠪᠣᠰᠤᠨ ᠵᠣᠭᠰᠣᠵᠤ ᠥᠭᠦᠯᠡᠭᠰᠡᠨ ᠶᠦᠮ ᠭᠡᠨᠡ᠃
ᠲᠣᠷᠯᠣᠭ ᠮᠣᠳᠣᠨ ᠤ᠋ ᠳᠣᠮᠣᠭ
ᠲᠤᠯᠭᠠ ᠭᠣᠯᠣᠮᠲᠠ ᠳ᠋ᠤ᠌ ᠣᠴᠢ ᠲᠠᠢ
ᠲᠣᠭᠣᠨᠣᠲᠤ ᠭᠡᠷ ᠦ᠋ᠨ ᠮᠠᠨᠳᠤᠯ ᠳ᠋ᠤ᠌
ᠲᠤᠶᠠᠭᠠ ᠲᠠᠲᠠᠭᠰᠠᠨ ᠭᠠᠯ ᠲᠠᠢ᠃
ᠢᠷᠡᠯᠲᠡ᠄· ᠴᠣ· ᠣᠷᠱᠤᠨ ᠤ᠋《 ᠮᠠᠯᠴᠢᠨ ᠬᠥᠮᠦᠨ ᠦ᠌ ᠳᠠᠭᠤᠤ》 ᠨᠣᠮ ᠠ᠋ᠴᠠ ᠡᠰᠢᠯᠡᠪᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠪᠠᠶᠠᠷᠴᠡᠴᠡᠭ
2024 03 29