ᠳᠤᠷᠠᠰᠤᠯ-ᠬᠦᠷᠡᠯᠲᠦᠰᠢ Дурсал-Хүрэлтөш
338
ᠳᠤᠷᠠᠰᠤᠯ
ᠬᠦᠷᠡᠯᠲᠦᠰᠢ
ᠶᠢᠷᠲᠢᠨᠴᠦ ᠶ᠋ᠢᠨ ᠬᠥᠮᠦᠨ ᠦ᠌ ᠨᠠᠰᠤᠨ ᠤ᠋ ᠬᠡᠮᠵᠢᠶᠡᠨ ᠳ᠋ᠦ᠍
ᠪᠢ ᠭᠤᠨᠢᠶᠠᠬᠤᠨ ᠦᠭᠡᠢ᠂
ᠡᠷᠳᠡᠨᠢ ᠬᠡᠯᠬᠢᠵᠦ ᠤᠶᠠᠩᠭᠠ ᠪᠦᠲᠦᠭᠡᠬᠦ ᠳ᠋ᠡᠭᠡᠨ
ᠪᠢ ᠴᠢᠮᠠ ᠪᠠᠨ ᠦᠭᠡᠢᠯᠡᠬᠦ ᠶᠦᠮ᠃
ᠥᠷᠥᠭᠡᠯ ᠦ᠋ᠨ ᠭᠠᠴᠢᠭᠳᠠᠯ ᠳ᠋ᠤ᠌ ᠦᠨᠡᠨᠴᠢᠷᠬᠡᠨ ᠳᠡᠮᠵᠢᠳᠡᠭ
ᠴᠢᠨᠦ ᠪᠦᠲᠦᠨ ᠠᠮᠢᠰᠬᠤᠭᠠ
ᠦᠨᠡᠨ ᠮᠥᠰᠥ ᠴᠢᠨᠢ ᠲᠥᠪ ᠭᠣᠣᠯᠴᠢ ᠲᠤᠯᠠ
ᠶᠠᠷᠢᠶᠠ ᠬᠦᠨᠳᠦᠳᠬᠡᠯ ᠦᠯᠡᠮᠵᠢ᠃
ᠡᠷᠢᠨ ᠴᠠᠭ ᠤ᠋ᠨ ᠮᠠᠨᠠᠨ ᠰᠢᠭᠤᠷᠭᠠᠨ ᠳ᠋ᠤ᠌
ᠢᠷᠠᠭᠤ ᠨᠠᠢᠷᠠᠭᠴᠢᠳ ᠢ᠋ᠶ᠋ᠠᠨ ᠬᠥᠬᠢᠭᠡᠭᠡᠳ
ᠡᠷᠬᠢᠮ ᠬᠠᠨᠳᠢᠪ ᠭᠤᠷᠪᠠᠨ ᠮᠢᠩᠭᠠᠨ ᠮᠥᠩᠭᠥ
《ᠮᠥᠩᠭᠥᠨ ᠴᠢᠪᠬᠠᠳᠠᠰᠤᠨ》 ᠢ᠋ ᠬᠥᠪᠴᠢᠯᠡᠪᠡᠢ᠃
ᠡᠷᠡᠳᠡᠭᠦᠨ ᠬᠦᠵᠢᠰ ᠰᠥᠨᠥᠭᠰᠡᠨ ᠦ᠌ ᠬᠣᠢᠨᠠ
ᠴᠢᠨᠠᠷ ᠠᠨᠤ ᠨᠡᠩᠳᠡ ᠲᠠᠨᠢᠭᠳᠠᠭᠠᠳ
ᠡᠷᠡᠮᠳᠡᠭ ᠰᠣᠯᠣᠩᠭᠠ ᠪᠣᠷᠣᠭᠠᠨ ᠤ᠋ ᠳᠠᠷᠠᠭᠠ
ᠥᠩᠭᠡ ᠢᠨᠦ ᠤᠯᠠᠮ ᠬᠤᠷᠴᠠᠳᠤᠮᠤᠢ᠃
ᠤᠷᠰᠢᠭᠲᠤ ᠨᠡᠢᠭᠡᠮ ᠦ᠋ᠨ ᠨᠡᠷᠡ ᠠᠰᠢᠭ ᠢ᠋ ᠲᠡᠪᠴᠢᠨ
ᠪᠠᠭᠰᠢ ᠶ᠋ᠢᠨ ᠦᠢᠯᠡᠰ ᠲᠦ᠍ ᠪᠡᠨ ᠬᠢᠴᠢᠶᠡᠭᠡᠳ
ᠣᠯᠠᠩᠬᠢ ᠴᠠᠭ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠳᠠᠭᠤ ᠦᠭᠡᠢ ᠴᠦ᠍ ᠭᠡᠰᠡᠨ
ᠪᠣᠳᠣᠯ ᠶᠠᠪᠤᠳᠠᠯ ᠴᠢᠮᠪᠠᠢ᠃
ᠣ ᠶ᠋ᠢᠨ ᠴᠢᠨᠳᠠᠰᠤ ᠯᠠ ᠶ᠋ᠢᠨ ᠰᠦᠳᠡᠭ ᠲᠦ᠍
ᠨᠠᠰᠤ ᠪᠠᠷ ᠢ᠋ᠶ᠋ᠠᠨ ᠵᠢᠳᠬᠦᠭᠰᠡᠨ ᠢ᠋ ᠴᠢᠨᠢ ᠬᠢᠨᠠᠬᠤᠯᠠ
ᠣᠷᠴᠢᠯᠠᠩ ᠬᠣᠷᠸᠠ ᠳ᠋ᠠᠬᠢ ᠤᠯᠠ ᠮᠥᠷ ᠴᠢᠨᠢ
《ᠬᠠᠷᠠ ᠬᠠᠪᠲᠠᠰᠤᠨᠠ》 ᠳᠤᠷᠠᠰᠤᠯ ᠲᠠᠢ᠃
ᠤᠯᠠᠭᠠᠨ ᠲᠣᠭᠣᠰᠣᠨ ᠤ᠋ ᠪᠠᠶᠠᠨ ᠡᠷᠬᠢᠮ
ᠲᠠ ᠪᠢᠳᠡᠨ ᠳ᠋ᠦ᠍ ᠬᠤᠪᠢ ᠦᠭᠡᠢ
ᠣᠷᠣᠢ ᠶ᠋ᠢᠨ ᠨᠠᠷᠠᠨ ᠤ᠋ ᠲᠠᠰᠤᠷᠬᠠᠢ ᠲᠤᠶᠠᠭᠠᠨ ᠳ᠋ᠤ᠌
ᠬᠥᠰᠢᠶᠡ ᠳᠤᠷᠠᠰᠬᠠᠯ ᠴᠢᠨᠢ ᠤᠯᠠᠢᠨᠠᠮ᠃
ᠨᠠᠢᠷᠲᠠᠢ ᠬᠠᠢᠷᠠᠲᠠᠢ ᠶᠠᠪᠤᠯᠴᠠᠭᠰᠠᠨ
ᠥᠩᠭᠡᠷᠡᠭᠰᠡᠨ ᠤᠴᠢᠷ ᠤ᠋ᠳ ᠢ᠋ᠶ᠋ᠠᠨ ᠡᠷᠭᠢᠴᠡᠭᠦᠯᠦᠨ
ᠨᠣᠢᠷ ᠦᠭᠡᠢ ᠪᠣᠯᠬᠣᠷ ᠰᠢᠯᠦᠭᠯᠡᠪᠡᠢ᠃
( ᠬᠥᠬᠡ ᠯᠤᠤ ᠵᠢᠯ ᠦ᠋ᠨ ᠬᠠᠩᠰᠢᠨᠠ)
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠪᠤᠤ᠂ ᠰᠠᠷᠠᠨᠠ
ᠬᠢᠨᠠᠭᠴᠢ᠄ ᠮᠥᠴᠢᠷ᠂ ᠣᠳᠬᠠᠨᠰᠣᠠ