ᠡᠪᠡᠢ ᠳ᠋ᠸ ᠮᠢᠨᠦ ᠮᠠᠭᠤ ᠬᠠᠨᠢ- ᠣ᠂ᠵᠠᠶᠠᠭᠠЭвий дээ миний муу хань-О,Заяа
509ᠡᠪᠡᠢ ᠳ᠋ᠸ ᠮᠢᠨᠦ ᠮᠠᠭᠤ ᠬᠠᠨᠢ
ᠣ᠂ ᠵᠠᠶᠠᠭᠠ
ᠡᠪᠡᠢ ᠳ᠋ᠸ ᠮᠢᠨᠦ ᠮᠠᠭᠤ ᠬᠠᠨᠢ
ᠡᠷᠡ ᠬᠥᠮᠦᠨ ᠨᠡᠷᠡ ᠳᠦ ᠪᠡᠨ ᠳᠠᠷᠤᠭᠳᠠᠭᠠᠳ
ᠡᠷᠬᠡᠯᠡᠵᠦ ᠴᠢᠳᠠᠬᠤ ᠦᠭᠡᠢ ᠪᠠᠷᠳᠠᠭᠠᠳ
ᠡᠯᠡᠭᠳᠡᠵᠦ ᠶᠠᠪᠤᠭᠠ ᠪᠠᠨ ᠨᠢᠭᠤᠬᠤ ᠭᠡᠰᠡᠨ ᠳᠦ ᠪᠡᠨ
ᠦᠷᠡ ᠶ᠋ᠢᠨ ᠢ᠋ᠶ᠋ᠡᠨ ᠲᠥᠯᠥᠭᠡ ᠮᠠᠷᠭᠠᠰᠢ ᠶ᠋ᠢ ᠪᠣᠳᠣᠵᠤ
ᠦᠷ ᠦ᠋ᠨ ᠭᠡᠭᠡ ᠪᠡᠷ ᠠᠵᠢᠯ ᠳᠦ ᠪᠡᠨ ᠭᠠᠷᠬᠤ ᠶᠤᠮ
ᠦᠬᠦᠲᠡᠯᠡ ᠪᠡᠨ ᠵᠢᠳᠬᠦᠬᠦ ᠡᠭᠦᠷᠭᠡ ᠠᠪᠤᠭᠰᠠᠨ ᠴᠡᠷᠢᠭ ᠰᠢᠭ ᠯᠡ
ᠦᠳᠡᠰᠢ ᠶ᠋ᠢᠨ ᠪᠦᠷᠦᠢ ᠪᠡᠷ ᠭᠡᠷ ᠦ᠋ᠨ ᠪᠠᠷᠠ ᠬᠠᠷᠠᠬᠤ ᠶᠤᠮ
ᠦᠷᠦ ᠡᠪᠡᠳᠬᠦ ᠯᠡ ᠶᠦᠮ ᠳᠡ ᠴᠢᠮᠠᠶ᠋ᠢ ᠪᠠᠨ᠂ ᠬᠠᠨᠢ ᠮᠢᠨᠢ
ᠠᠶᠠᠭᠠ ᠴᠠᠢ ᠤᠤᠭᠤᠴᠢᠬᠠᠭᠠᠳ
ᠠᠰᠬᠠᠷᠠᠲᠠᠯᠠ ᠬᠥᠯᠥᠷᠡᠬᠦ ᠶ᠋ᠢ ᠨᠢ ᠬᠠᠷᠠᠭᠠᠳ
ᠠᠮᠢᠳᠤᠷᠠᠯ ᠴᠢᠮᠠ ᠳ᠋ᠤ᠌ ᠮᠢᠨᠢ ᠳᠡᠩᠳᠡᠭᠦᠦ ᠶᠡᠬᠡ
ᠠᠴᠢᠶᠠ ᠲᠣᠬᠣᠭᠠᠳ ᠪᠠᠢᠨᠠ ᠤᠤ ᠴᠤ᠌ ᠭᠡᠵᠦ ᠪᠣᠳᠣᠬᠤ ᠶᠤᠮ
ᠠᠴᠢᠶᠠ ᠲᠠᠢ ᠲᠡᠮᠡᠭᠡ ᠰᠢᠭ ᠴᠢ ᠮᠢᠨᠢ ᠰᠥᠬᠥᠷᠡᠵᠦ ᠪᠣᠰᠴᠤ ᠵᠢᠳᠬᠦᠭᠰᠡᠭᠡᠷ
ᠠᠵᠠ ᠵᠢᠷᠭᠠᠯ ᠤ᠋ᠨ ᠲᠥᠯᠥᠭᠡ ᠠᠯᠤᠰ ᠤ᠋ᠨ ᠪᠣᠳᠣᠯ ᠳ᠋ᠤ᠌ ᠳᠠᠷᠤᠭᠳᠠᠵᠤ ᠶᠠᠪᠤᠭᠠ ᠬᠠᠷᠠᠭᠳᠠᠬᠤ ᠶᠤᠮ
ᠠᠢ ᠳᠠ᠂ ᠬᠠᠨᠢ ᠮᠢᠨᠢ
ᠪᠠᠶᠠᠷᠯᠠᠬᠤ ᠶᠤᠮ ᠳᠠ ᠴᠢᠮᠠ ᠳᠦ ᠪᠡᠨ
ᠵᠢᠷᠭᠠᠭᠠᠨᠠ ᠭᠡᠵᠦ ᠨᠠᠳᠠ ᠳ᠋ᠤ᠌ ᠠᠮᠠᠯᠠᠭᠰᠠᠨ ᠠᠮᠠᠯᠠᠯᠲᠠ ᠳᠦ ᠪᠡᠨ ᠬᠦᠷᠬᠦ ᠭᠡᠵᠦ ᠵᠢᠳᠬᠦᠭᠡᠳ
ᠵᠢᠭᠠᠯᠬᠠᠨ ᠦᠷᠡᠰ ᠢ᠋ᠶ᠋ᠡᠨ ᠪᠣᠳᠣᠬᠤᠯᠠᠷ ᠤᠨᠲᠠᠬᠤ ᠨᠣᠢᠷ ᠢ᠋ᠶ᠋ᠠᠨ ᠬᠦᠷᠲᠡᠯᠡ ᠬᠠᠷᠠᠮᠨᠠᠭᠠᠳ
ᠵᠢᠷᠭᠠᠵᠤ ᠮᠠᠨᠳᠤᠬᠤ ᠨᠠᠷᠠ ᠲᠠᠢ ᠤᠷᠤᠯᠳᠤᠵᠤ ᠭᠦᠶᠦᠭᠰᠡᠭᠡᠷ ᠴᠢ ᠮᠢᠨᠢ
ᠵᠢᠷᠭᠠᠯ ᠭᠤᠨᠢᠭ ᠤ᠋ᠨ ᠰᠡᠭᠦᠳᠡᠷ ᠲᠤ ᠡᠯᠡᠭᠳᠡᠭᠡᠳ ᠪᠠᠢᠨᠠ ᠤᠤ ᠳᠠ
ᠵᠣᠷᠢᠭ᠂ ᠵᠢᠷᠦᠬᠡ ᠬᠣᠶᠠᠷ ᠢ᠋ ᠴᠢᠨᠢ ᠪᠢᠰᠢᠷᠡᠵᠦ ᠪᠠᠢᠨᠠ ᠂ ᠬᠠᠨᠢ ᠮᠢᠨᠢ
ᠦᠷᠡᠰ ᠮᠢᠨᠢ ᠥᠰᠴᠦ ᠡᠳᠦᠷ ᠡᠳᠦᠷ ᠢ᠋ᠶ᠋ᠡᠷ ᠬᠣᠯᠠᠳᠠᠨ ᠨᠢᠰᠬᠦ ᠶ᠋ᠢᠨ ᠴᠠᠭ
ᠦᠰᠦ ᠵᠢᠰᠦ ᠮᠢᠨᠢ ᠨᠢᠭᠡᠨ ᠳᠦ ᠪᠡᠨ ᠠᠭᠤᠰᠴᠤ ᠨᠢᠭᠡᠳᠴᠦ ᠢᠵᠢᠯᠢᠳᠡᠬᠦ ᠶ᠋ᠢᠨ ᠴᠠᠭ ᠲᠤ᠌
ᠡᠩᠭᠡᠷ ᠲᠦ᠍ ᠮᠢᠨᠢ ᠨᠢᠯᠬᠠᠰᠢᠵᠤ ᠤᠬᠢᠯᠠᠭᠠᠷᠠᠢ᠂ ᠬᠠᠨᠢ ᠮᠢᠨᠢ
ᠡᠷᠡ ᠬᠥᠮᠦᠨ ᠨᠡᠷᠡ ᠪᠡᠨ ᠭᠡᠭᠡᠵᠦ ᠣᠷᠬᠢᠭᠠᠳ ᠡᠷᠬᠡᠯᠡᠭᠡᠷᠡᠢ᠂ ᠬᠠᠨᠢ ᠮᠢᠨᠢ
ᠡᠪᠡᠢ ᠳ᠋ᠸ ᠮᠢᠨᠦ ᠮᠠᠭᠤ ᠬᠠᠨᠢ
ᠠᠵᠢᠯ ᠲᠠᠷᠬᠠᠭᠠᠳ ᠢᠷᠡᠵᠦ ᠶᠠᠪᠤᠭᠠ ᠪᠠᠢᠬᠠ
ᠠᠶᠠᠭᠠ ᠬᠣᠭᠣᠯᠠ ᠶ᠋ᠢ ᠨᠢ ᠬᠠᠯᠠᠭᠤᠨ ᠪᠠᠢᠯᠭᠠᠶᠠ
ᠠᠯᠠᠭ ᠦᠷᠡᠰ ᠢ᠋ᠶ᠋ᠡᠨ ᠰᠠᠨᠠᠭᠠᠳ ᠶᠠᠭᠠᠷᠠᠵᠤ ᠭᠦᠶᠦᠵᠦ ᠶᠠᠪᠤᠭᠠ ᠪᠠᠢᠬᠠ
ᠢᠨᠢᠶᠡᠭᠡᠳ ᠤᠭᠲᠤᠶᠠ
ᠠᠵᠠ ᠵᠢᠷᠭᠠᠯ ᠢ᠋ᠶ᠋ᠠᠨ ᠲᠥᠰᠦᠭᠡᠯᠡᠭᠡᠳ ᠵᠠᠪ ᠦᠭᠡᠢ ᠯᠡ ᠶᠠᠪᠤᠭᠠ ᠪᠠᠢᠬᠠ
ᠬᠠᠨᠢ ᠨᠢ ᠲᠡᠪᠡᠷᠢᠶᠡ
ᠠᠮᠢᠳᠤᠷᠠᠯ ᠢ᠋ ᠮᠢᠨᠢ ᠲᠦᠰᠢᠭᠰᠡᠨ ᠴᠢᠮᠠ ᠲᠠᠢ ᠪᠠᠨ
ᠠᠯᠤᠰ ᠢᠷᠡᠭᠡᠳᠦᠢ ᠤᠷᠤᠭᠤ ᠬᠠᠮᠲᠤ ᠠᠯᠬᠤᠨᠠ᠂ ᠬᠠᠨᠢ ᠮᠢᠨᠢ
ᠠᠢ ᠳᠠ᠂ ᠬᠠᠨᠢ ᠮᠢᠨᠢ
ᠪᠠᠶᠠᠷᠯᠠᠬᠤ ᠶᠤᠮ ᠳᠠ᠂ ᠴᠢᠮᠠ ᠳᠦ ᠪᠡᠨ
ᠵᠣᠷᠢᠭ᠂ ᠵᠢᠷᠦᠬᠡ ᠬᠣᠶᠠᠷ ᠢ᠋ ᠴᠢᠨᠢ ᠪᠢᠰᠢᠷᠡᠵᠦ ᠪᠠᠢᠨᠠ᠂ ᠬᠠᠨᠢ ᠮᠢᠨᠢ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠡᠩᠬᠡᠪᠠᠲᠤ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ