ᠮᠠᠯ ᠤᠨ ᠴᠤᠪᠤᠭᠠ – ᠴᠣ ᠂ ᠣᠷᠱᠤᠨ Малын цуваа – Чо ᠂ Оршин
289ᠮᠠᠯ ᠤᠨ ᠴᠤᠪᠤᠭᠠ
ᠰᠢᠷᠢᠩᠭᠢᠲᠤ ᠮᠠᠩᠬᠠ ᠪᠠᠷ ᠵᠢᠷᠢᠢᠭᠰᠡᠨ
ᠪᠤᠷᠭᠠᠰᠤᠲᠤ ᠪᠤᠯᠳᠤᠷᠤᠤ ᠪᠠᠷ ᠰᠦᠯᠵᠢᠯᠳᠦᠵᠦ
ᠪᠤᠯᠠᠭ ᠤ᠋ᠨ ᠬᠥᠪᠡᠭᠡ ᠲᠤᠯᠤᠭᠰᠠᠨ
ᠮᠠᠯ ᠤ᠋ᠨ ᠨᠠᠷᠢᠬᠠᠨ ᠴᠤᠪᠤᠭᠠ ᠶ᠋ᠢ
ᠮᠠᠯᠴᠢᠳ ᠶᠡᠷᠦ ᠠᠨᠳᠠᠬᠤ ᠦᠭᠡᠢ᠃
ᠪᠣᠷᠣᠭᠠ ᠴᠠᠰᠤᠨ ᠤ᠋ ᠤᠬᠢᠶᠠᠯᠲᠠ ᠳ᠋ᠤ᠌
ᠪᠤᠯᠠᠭᠳᠠᠵᠤ ᠶᠡᠷᠦ ᠦᠵᠡᠭᠡ ᠦᠭᠡᠢ
ᠬᠠᠷᠠᠩᠭᠤᠢ ᠪᠦᠷᠦᠭ ᠦ᠋ᠨ ᠠᠯᠢᠨ ᠳ᠋ᠤ᠌ ᠴᠤ᠌
ᠬᠠᠯᠴᠠᠷᠠᠵᠤ ᠮᠥᠷ ᠨᠢ ᠪᠠᠯᠠᠷᠠᠭᠠ ᠦᠭᠡᠢ
ᠮᠠᠯ ᠤ᠋ᠨ ᠨᠠᠷᠢᠬᠠᠨ ᠴᠤᠪᠤᠭᠠ
ᠮᠠᠯᠴᠢᠳ ᠲᠤ ᠡᠩᠬᠦᠷᠡᠢ ᠰᠠᠨᠠᠭᠳᠠᠳᠠᠭ᠃
ᠪᠤᠳᠠᠩ ᠮᠠᠨᠠᠨ ᠲᠠᠢ ᠥᠷᠯᠥᠭᠡ
ᠴᠤᠪᠤᠭᠠᠳ ᠮᠠᠯ ᠮᠢᠨᠢ ᠪᠡᠯᠴᠢᠳᠡᠭ
ᠪᠤᠷᠭᠠᠨᠢᠭᠰᠠᠨ ᠴᠠᠰᠤ ᠲᠠᠢ ᠦᠳᠡᠰᠢ
ᠪᠤᠴᠠᠭᠠᠳ ᠮᠠᠯ ᠮᠢᠨᠢ ᠢᠷᠡᠳᠡᠭ
ᠮᠠᠯ ᠤ᠋ᠨ ᠨᠠᠷᠢᠬᠠᠨ ᠴᠤᠪᠤᠭᠠ ᠶ᠋ᠢ
ᠮᠠᠯᠴᠢᠳ ᠳᠣᠲᠣᠨᠣ ᠬᠠᠢᠷᠠᠯᠠᠳᠠᠭ᠃
ᠤᠰᠤ᠂ ᠪᠡᠯᠴᠢᠭᠡᠷ᠂ ᠭᠡᠷ ᠢ᠋
ᠬᠣᠯᠪᠣᠵᠤ ᠪᠠᠢᠳᠠᠭ ᠰᠤᠳᠠᠯ
ᠤᠷᠢᠳᠤ ᠳᠡᠭᠡᠳᠦ ᠶ᠋ᠢᠨ ᠵᠠᠶᠠᠭᠠ ᠪᠠᠷ
ᠨᠤᠲᠤᠭ ᠢ᠋ᠶ᠋ᠠᠨ ᠡᠮᠵᠢᠭᠰᠡᠨ ᠮᠥᠷ
ᠮᠠᠯ ᠤ᠋ᠨ ᠨᠠᠷᠢᠬᠠᠨ ᠴᠤᠪᠤᠭᠠ ᠶ᠋ᠢ
ᠮᠠᠯᠴᠢᠳ ᠬᠡᠵᠢᠶᠡᠳᠡ ᠡᠷᠬᠢᠮᠯᠡᠳᠡᠭ᠃
ᠢᠷᠡᠯᠲᠡ᠄· ᠴᠣ· ᠣᠷᠱᠤᠨ ᠤ᠋《 ᠮᠠᠯᠴᠢᠨ ᠬᠥᠮᠦᠨ ᠦ᠌ ᠳᠠᠭᠤᠤ》 ᠨᠣᠮ ᠠ᠋ᠴᠠ ᠡᠰᠢᠯᠡᠪᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠪᠠᠶᠠᠷᠴᠡᠴᠡᠭ
2024 03 29