ᠰᠢᠷᠠ ᠵᠡᠭᠡᠷᠭᠡᠨᠡШар зээргэнэ
421
ᠰᠢᠷᠠ ᠵᠡᠭᠡᠷᠭᠡᠨᠡ (ᠬᠣᠨᠢᠨ ᠵᠡᠭᠡᠷᠭᠡᠨᠡ)
ᠵᠡᠭᠡᠷᠭᠡᠨᠡ ᠶ᠋ᠢᠨ ᠢᠵᠠᠭᠤᠷ
ᠪᠤᠲᠠ ᠮᠣᠳᠣ᠂ 60—24cm ᠥᠨᠳᠥᠷ᠂ ᠰᠠᠬᠤᠯᠢᠭ ᠰᠠᠯᠠᠭᠠ ᠮᠥᠴᠢᠷ ᠲᠡᠢ᠃ ᠭᠣᠣᠯ ᠮᠥᠴᠢᠷ ᠨᠢ ᠪᠦᠳᠦᠭᠦᠨ᠂ ᠰᠢᠯᠤᠭᠤᠨ ᠪᠥᠭᠡᠳ ᠴᠠᠢᠪᠤᠷ ᠰᠢᠷᠠ ᠪᠤᠶᠤ ᠴᠠᠢᠪᠤᠷ ᠬᠦᠷᠡᠩ᠃ ᠨᠢᠯᠬᠠ ᠮᠥᠴᠢᠷ ᠨᠢ ᠶᠡᠷᠦ ᠳ᠋ᠡᠭᠡᠨ ᠳᠤᠭᠤᠢᠷᠠᠨ ᠤᠷᠭᠤᠨᠠ᠂ ᠬᠠᠲᠠᠭᠤ ᠪᠥᠭᠡᠳ ᠠᠷᠵᠠᠭᠠᠷ᠂ ᠳᠡᠭᠡᠷᠡ ᠪᠡᠨ ᠦᠰᠦ ᠲᠡᠢ᠂ ᠦᠵᠦᠭᠦᠷ ᠨᠢ ᠭᠠᠷᠠᠬᠠ ᠰᠢᠭ᠋ ᠮᠠᠲᠠᠷᠢᠵᠤ ᠤᠷᠭᠤᠭᠰᠠᠨ ᠶᠤᠮ᠂ ᠰᠢᠷᠠᠪᠲᠤᠷ ᠨᠣᠭᠣᠭᠠᠨ᠂ ᠦᠶᠡ ᠶ᠋ᠢᠨ ᠵᠠᠢ ᠨᠢ 2.5—5cm ᠤᠷᠲᠤ᠃ ᠨᠠᠪᠴᠢ ᠨᠢ ᠭᠤᠷᠪᠠᠯᠵᠢᠨ᠂ ᠴᠢᠭᠲᠠᠯᠠᠨ ᠤᠷᠭᠤᠨᠠ᠂ ᠲᠣᠷᠭᠠᠨ ᠬᠠᠯᠢᠰᠤᠯᠢᠭ᠂ ᠤᠯᠠᠪᠤᠷ ᠬᠦᠷᠡᠩ᠂ ᠳᠣᠣᠷᠠᠲᠤ ᠬᠡᠰᠡᠭ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠨᠡᠢᠯᠡᠵᠦ ᠲᠣᠭᠳᠣᠢ ᠬᠡᠯᠪᠡᠷᠢ ᠲᠡᠢ ᠪᠣᠯᠤᠨᠠ᠂ ᠣᠷᠣᠢ ᠳ᠋ᠠᠭᠠᠨ ᠬᠣᠶᠠᠷ ᠪᠤᠶᠤ ᠨᠢᠭᠡ ᠣᠨᠢ ᠲᠠᠢ᠃ ᠴᠡᠴᠡᠭ ᠨᠢ ᠭᠠᠭᠴᠠ ᠪᠡᠯᠭᠡ ᠲᠡᠢ᠂ ᠣᠨᠳᠣᠣ ᠭᠡᠷ ᠲᠡᠢ᠃ ᠡᠷᠡ ᠪᠠᠭ ᠴᠡᠴᠡᠭ ᠨᠢ ᠪᠠᠷᠢᠭᠤᠯ ᠦᠭᠡᠢ᠂ ᠳᠤᠭᠤᠢᠷᠠᠨ ᠤᠷᠭᠤᠭᠰᠠᠨ4—6 ᠬᠦᠢᠰ ᠴᠡᠴᠡᠭ ᠲᠡᠢ ᠪᠤᠶᠤ ᠴᠢᠭᠲᠠᠯᠠᠨ ᠤᠷᠭᠤᠭᠰᠠᠨ2 ᠬᠦᠢᠰ ᠴᠡᠴᠡᠭ ᠲᠡᠢ ᠪᠥᠭᠡᠳ 3—4 ᠴᠠᠭᠠᠷᠢᠭ ᠬᠠᠯᠢᠰᠤᠯᠢᠭ ᠪᠠᠭᠯᠠᠭᠴᠢ ᠲᠠᠢ᠃ ᠡᠷᠡ ᠴᠡᠴᠡᠭ ᠨᠢ 7—8 ᠡᠷᠡ ᠲᠣᠭᠣᠷᠴᠣᠭ ᠲᠠᠢ᠃ ᠡᠮᠡ ᠪᠠᠭ ᠴᠡᠴᠡᠭ ᠨᠢ 2—3 ᠬᠦᠢᠰ ᠴᠡᠴᠡᠭ ᠲᠡᠢ᠂ ᠪᠥᠮᠪᠥᠭᠡᠯᠢᠭ᠂ ᠪᠠᠭᠯᠠᠭᠴᠢ ᠨᠢ 4—5 ᠴᠠᠭᠠᠷᠢᠭ᠂ ᠡᠮᠲᠡᠷᠬᠡᠢ ᠬᠠᠯᠢᠰᠤᠯᠢᠭ ᠬᠥᠪᠡᠭᠡ ᠲᠡᠢ᠂ ᠪᠦᠷ ᠲᠤᠰᠠᠭᠠᠷ ᠪᠠᠢᠳᠠᠭ ᠪᠠ ᠬᠠᠮᠤᠭ ᠤ᠋ᠨ ᠳᠡᠭᠡᠷᠡᠬᠢ ᠨᠢᠭᠡ ᠴᠠᠭᠠᠷᠢᠭ ᠪᠠᠭᠯᠠᠭᠴᠢ ᠨᠢ ᠲᠤᠰ ᠪᠦᠷᠢ ᠨᠢᠭᠡ ᠡᠮᠡ ᠴᠡᠴᠡᠭ ᠲᠡᠢ᠃ ᠦᠷᠡ ᠨᠠᠬᠢᠶᠠᠨ ᠤ᠋ ᠪᠦᠷᠬᠦᠭᠦᠯ ᠦ᠋ᠨ ᠬᠣᠭᠣᠯᠠᠢ ᠨᠢ 1.5—2mm ᠤᠷᠲᠤ᠂ ᠴᠤᠬᠤᠢᠨ ᠭᠠᠷᠳᠠᠭ᠃ ᠦᠷᠡ ᠨᠢ ᠶᠡᠷᠦ ᠳ᠋ᠡᠭᠡᠨ ᠭᠤᠷᠪᠠ (ᠴᠥᠭᠡᠨ ᠳ᠋ᠡᠭᠡᠨ ᠬᠣᠶᠠᠷ)᠂ ᠤᠷᠲᠤ ᠥᠨᠳᠡᠭᠡᠯᠵᠢᠨ ᠪᠥᠭᠡᠳ᠂ ᠲᠣᠷᠭᠠᠨ ᠬᠠᠯᠢᠰᠤᠯᠢᠭ ᠪᠠᠭᠯᠠᠭᠴᠢ ᠲᠠᠢ᠃
ᠭᠣᠪᠢ ᠮᠠᠩᠬᠠ ᠶ᠋ᠢᠨ ᠨᠡᠢᠲᠡᠮᠯᠢᠭ ᠤᠷᠭᠤᠮᠠᠯ᠂ ᠣᠯᠠᠩᠬᠢ ᠳ᠋ᠠᠭᠠᠨ ᠨᠡᠯᠢᠶᠡᠳ ᠶᠡᠬᠡ ᠲᠠᠯᠠᠪᠠᠢ ᠳ᠋ᠤ᠌ ᠪᠦᠯᠦᠭᠯᠡᠨ ᠤᠷᠭᠤᠨᠠ᠃
ᠮᠠᠨ ᠤ᠋ ᠤᠯᠤᠰ ᠤ᠋ᠨ ᠥᠪᠥᠷ ᠮᠣᠩᠭᠣᠯ᠂ ᠭᠠᠨᠰᠦ᠂ ᠰᠢᠨᠵᠢᠶᠠᠩ᠂ ᠬᠥᠬᠡᠨᠠᠭᠤᠷ ᠵᠡᠷᠭᠡ ᠮᠣᠵᠢ ᠣᠷᠣᠨ ᠢ᠋ᠶ᠋ᠠᠷ ᠤᠷᠭᠤᠳᠠᠭ᠃
ᠬᠣᠣᠷᠲᠤ ᠤᠷᠭᠤᠮᠠᠯ᠃ ᠡᠮ ᠳ᠋ᠦ᠍ ᠣᠷᠣᠨᠠ᠃ ᠡᠯᠡᠰᠦ ᠲᠣᠭᠲᠠᠭᠠᠬᠤ ᠤᠷᠭᠤᠮᠠᠯ ᠪᠣᠯᠭᠠᠵᠤ ᠪᠣᠯᠤᠨᠠ᠃
ᠬᠢᠲᠠᠳ ᠨᠡᠷᠡ膜果麻黄
ᠠᠩᠭ᠌ᠯᠢ ᠨᠡᠷᠡ᠄Ephedra przewalskii Stapf
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠳ᠂ ᠡᠷᠬᠢᠮᠪᠠᠭᠠᠲᠤᠷ
ᠬᠢᠨᠠᠭᠴᠢ᠄ ᠲᠤᠶᠠᠭᠠ