ᠬᠠᠶ᠋ᠢᠷᠠ ᠶ᠋ᠢᠨ ᠳᠠᠭᠤᠤ – ᠴᠣ ᠂ ᠣᠷᠱᠤᠨ Хайрын дуу – Чо ᠂ Оршин
354ᠬᠠᠢᠷᠠ ᠶᠢᠨ ᠳᠠᠭᠤᠤ
ᠰᠡᠳᠬᠢᠯ ᠪᠣᠯ ᠨᠠᠢᠷᠠᠭ
ᠡᠬᠡ ᠳᠡᠯᠡᠬᠡᠢ ᠶ᠋ᠢᠨ ᠢᠯᠴᠢᠨ ᠳ᠋ᠦ᠍
ᠡᠩᠬᠦᠷᠡᠢ ᠨᠤᠲᠤᠭ ᠮᠢᠨᠢ ᠮᠥᠩᠬᠡᠵᠢᠨᠡ
ᠡᠨᠡᠷᠢᠯ ᠢ᠋ᠶ᠋ᠡᠷ ᠳᠠᠯᠠᠯᠤᠭᠰᠠᠨ ᠳᠤᠤᠨᠢᠯ
ᠡᠯᠡᠷᠡᠰᠢ ᠦᠭᠡᠢ ᠲᠤᠩᠬᠠᠭᠯᠠᠨᠠ᠃
ᠬᠠᠢᠷᠠᠯᠠᠵᠤ ᠪᠦᠪᠡᠢᠯᠡᠳᠡᠭ ᠲᠠᠯᠠ ᠮᠢᠨᠢ
ᠬᠠᠷᠠᠬᠠᠨ ᠮᠢᠨᠦ ᠮᠠᠨᠴᠤᠢ
ᠬᠠᠨᠠᠢᠨ ᠰᠦᠮᠪᠦᠷᠯᠡᠬᠦ ᠣᠪᠣᠭᠠ ᠮᠢᠨᠢ
ᠬᠠᠯᠠ ᠣᠪᠣᠭ ᠤ᠋ᠨ ᠬᠡᠢᠮᠣᠷᠢ
ᠪᠤᠷᠭᠢᠯᠤᠨ ᠰᠠᠴᠤᠯᠠᠬᠤ ᠣᠷᠬᠢᠯᠤᠭᠠ
ᠪᠣᠳᠣᠯ ᠤ᠋ᠨ ᠰᠢᠵᠢᠷ ᠬᠡᠯᠬᠢᠶᠡ᠂
ᠪᠤᠯᠠᠭ ᠰᠠᠴᠤᠭᠰᠠᠨ ᠨᠠᠢᠷᠠᠭ
ᠪᠣᠭᠰᠢᠵᠤ ᠬᠥᠭᠡᠰᠦᠷᠡᠭᠰᠡᠨ ᠠᠢᠷᠠᠭ᠃
ᠤᠨᠠᠭᠠᠨ ᠨᠤᠲᠤᠭ ᠤ᠋ᠨ ᠴᠡᠴᠡᠭᠯᠡᠯ ᠳ᠋ᠦ᠍
ᠣᠶᠤᠨ ᠲᠠᠷᠢᠬᠢ ᠪᠠᠨ ᠰᠢᠮᠡᠳᠬᠡᠵᠦ
ᠤᠳᠬᠠ ᠶ᠋ᠢᠨ ᠢᠷᠠᠭᠤ ᠡᠩᠨᠡᠭᠡᠨ ᠳ᠋ᠦ᠍
ᠤᠶᠠᠩᠭᠠ ᠶ᠋ᠢᠨ ᠦᠵᠦᠭ ᠪᠠᠷᠢᠵᠤ
ᠬᠦᠰᠡᠯᠡᠩ ᠳ᠋ᠦ᠍ ᠲᠡᠮᠡᠦᠯᠦᠭᠰᠡᠨ ᠵᠢᠷᠦᠬᠡ ᠮᠢᠨᠢ
ᠬᠥᠬᠡᠷᠡᠭᠰᠡᠨ ᠨᠤᠲᠤᠭ ᠲᠤ ᠡᠷᠭᠢᠴᠡᠭᠡᠳ
ᠬᠦᠴᠢᠷ ᠢ᠋ ᠳᠠᠪᠲᠠᠭᠰᠠᠨ ᠵᠣᠷᠢᠭ ᠮᠢᠨᠢ
ᠬᠥᠭᠵᠢᠯ ᠦ᠋ᠨ ᠦᠢᠯᠡᠰ ᠲᠤ ᠨᠡᠮᠡᠷᠢᠯᠡᠭᠡᠳ
ᠠᠭᠤᠯᠠ ᠲᠠᠯᠠ ᠶ᠋ᠢᠨ ᠴᠢᠨᠢ ᠠᠭᠤᠵᠢᠮ
ᠣᠴᠢᠯᠠᠬᠤ ᠬᠠᠷᠠᠭᠠ ᠶ᠋ᠢ ᠥᠷᠭᠡᠳᠬᠡᠵᠦ
ᠤᠰᠤ ᠭᠣᠣᠯ ᠤ᠋ᠨ ᠴᠢᠨᠢ ᠲᠤᠩᠭᠠᠯᠠᠭ
ᠤᠶᠠᠬᠠᠨ ᠰᠡᠳᠬᠢᠯ ᠢ᠋ ᠢᠪᠢᠯᠭᠡᠵᠦ
ᠲᠠᠪᠰᠢᠵᠤ ᠪᠠᠢᠭᠠ ᠨᠤᠲᠤᠭ ᠤ᠋ᠨ ᠢ᠋ᠶ᠋ᠠᠨ
ᠳᠡᠯᠭᠡᠷᠡᠵᠦ ᠪᠠᠢᠭᠠ ᠠᠮᠢᠳᠤᠷᠠᠯ ᠳ᠋ᠤ᠌
《 ᠵᠧ ᠬᠥᠶᠢ ᠠᠢ ᠪᠣᠷᠣ ᠪᠢᠯᠵᠤᠤᠬᠠᠢ》 ᠪᠠᠨ
ᠵᠢᠷ ᠦ᠋ᠨ ᠦᠷᠡ ᠶ᠋ᠢᠨ ᠴᠢᠨᠢ ᠬᠤᠪᠢ ᠪᠠᠷ
ᠬᠠᠢᠷᠠ ᠶ᠋ᠢᠨ ᠤᠴᠢᠭ ᠲᠤ ᠰᠢᠵᠢᠮᠯᠡᠵᠦ
ᠬᠠᠩᠭᠢᠨᠠᠲᠠᠯᠠ ᠳᠠᠭᠤᠯᠠᠵᠤ ᠶᠠᠪᠤᠨᠠ᠂
ᠬᠠᠨ ᠳᠡᠯᠡᠬᠡᠢ ᠶ᠋ᠢᠨ ᠬᠠᠮᠢᠭᠠ ᠠ᠋ᠴᠠ ᠴᠤ᠌
ᠬᠠᠷᠠᠭᠳᠠᠬᠤ ᠪᠠᠷᠠ ᠶ᠋ᠢ ᠴᠢᠨᠢ ᠰᠢᠷᠲᠡᠵᠦ ᠶᠠᠪᠤᠨᠠ᠃
ᠢᠷᠡᠯᠲᠡ᠄· ᠴᠣ· ᠣᠷᠱᠤᠨ ᠤ᠋《 ᠮᠠᠯᠴᠢᠨ ᠬᠥᠮᠦᠨ ᠦ᠌ ᠳᠠᠭᠤᠤ》 ᠨᠣᠮ ᠠ᠋ᠴᠠ ᠡᠰᠢᠯᠡᠪᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠪᠠᠶᠠᠷᠴᠡᠴᠡᠭ
2024 03 28