ᠵᠡᠭᠦᠳᠦᠨ ᠳ᠋ᠦ᠍ ᠢᠷᠡᠬᠦ ᠡᠵᠢ-ᠰᠠᠢᠨᠵᠢᠷᠭᠠᠯЗүүдэнд ирэх ээж-Сайнжаргал
343ᠵᠡᠭᠦᠳᠦᠨ ᠳ᠋ᠦ᠍ ᠢᠷᠡᠬᠦ ᠡᠵᠢ
ᠰᠠᠶ᠋ᠢᠨᠵᠢᠷᠭᠠᠯ
ᠮᠠᠯᠴᠢᠨ ᠬᠥᠮᠦᠨ ᠦ᠌ ᠵᠤᠷᠰᠢᠯ ᠢ᠋ᠶ᠋ᠠᠷ
ᠮᠠᠩᠬᠠᠢᠬᠤ ᠦᠷ ᠢ᠋ᠶ᠋ᠡᠨ ᠤᠭᠲᠤᠭᠠᠳ
ᠮᠣᠳᠣᠨ ᠰᠠᠭᠤᠯᠠᠭᠠ ᠪᠠᠨ ᠳᠡᠭᠦᠵᠢᠯᠡᠭᠡᠳ
ᠮᠤᠬᠤᠷ ᠤᠯᠠᠭᠠᠨ ᠢ᠋ᠶ᠋ᠠᠨ ᠰᠠᠭᠠᠴᠢᠬᠠᠭᠠᠳ
ᠮᠠᠯ ᠦ᠋ᠨ ᠪᠠᠷᠠ ᠪᠠᠨ ᠰᠠᠷᠠᠪᠴᠢᠯᠠᠭᠠᠳ
ᠮᠥᠮᠥ ᠮᠢᠨᠢ ᠲᠡᠨᠳᠡ ᠵᠣᠭᠰᠣᠬᠤ ᠰᠢᠭ᠋
ᠠᠷᠭᠠᠯ ᠤ᠋ᠨ ᠭᠠᠯ ᠢ᠋ᠶ᠋ᠠᠨ ᠲᠦᠯᠡᠭᠡᠳ
ᠠᠭᠠᠭ ᠲᠠᠢ ᠴᠠᠢ ᠪᠠᠨ ᠰᠦᠯᠡᠭᠡᠳ
ᠠᠭᠠᠷ ᠲᠩᠷᠢ ᠳ᠋ᠦ᠍ ᠪᠡᠨ ᠳᠡᠭᠡᠵᠢᠯᠡᠭᠡᠳ
ᠠᠭᠤᠯᠠ ᠤᠰᠤᠨ ᠳ᠋ᠤ᠌ ᠪᠠᠨ ᠡᠷᠭᠦᠴᠢᠬᠡᠭᠡᠳ
ᠠᠮᠤᠰᠬᠢᠨ ᠵᠢᠭᠠᠬᠠᠨ ᠰᠠᠭᠤᠴᠢᠬᠠᠭᠠᠳ
ᠠᠩᠭᠠ ᠨᠠᠮᠠ ᠶ᠋ᠢ ᠰᠡᠷᠢᠭᠡᠬᠦ ᠰᠢᠭ
ᠡᠭᠦᠳᠡᠨ ᠦ᠌ ᠴᠠᠰᠤ ᠪᠠᠨ ᠠᠷᠢᠯᠭᠠᠭᠠᠳ
ᠡᠷᠭᠢᠨᠡᠭ ᠬᠣᠷᠭᠣ ᠪᠠᠨ ᠵᠦᠯᠭᠦᠭᠡᠳ
ᠡᠷᠦᠬᠡ ᠭᠡᠷ ᠢ᠋ᠶ᠋ᠡᠨ ᠴᠡᠪᠡᠷᠯᠡᠭᠡᠳ
ᠢᠰᠡᠭᠡᠢ ᠣᠢᠮᠣᠰᠤ ᠶ᠋ᠢ ᠮᠢᠨᠢ ᠴᠣᠭᠣᠯᠢᠳᠤᠭᠠᠳ
ᠥᠬᠥᠭᠡᠷᠳᠡᠵᠦ ᠨᠠᠮᠠ ᠶ᠋ᠢ ᠦᠨᠦᠰᠴᠢᠬᠡᠭᠡᠳ
ᠥᠨᠳᠡᠢᠨ ᠪᠣᠰᠴᠤ ᠬᠣᠯᠠᠳᠠᠭᠠᠳ᠁
ᠵᠡᠭᠦᠨ ᠲᠣᠬᠣᠢ ᠶ᠋ᠢᠨ ᠴᠣᠭᠣᠯᠤᠭᠤᠷ ᠠ᠋ᠴᠠ ᠪᠠᠨ
ᠤᠰᠤ ᠪᠠᠨ ᠳᠠᠮᠨᠠᠬᠤ ᠨᠢ ᠬᠠᠷᠠᠭᠳᠠᠨᠠ
ᠵᠤᠪᠴᠠᠭᠠ ᠳᠡᠪᠡᠯ ᠦ᠋ᠨ ᠬᠢᠨ ᠬᠣᠷᠮᠣᠢ ᠠ᠋ᠴᠠ ᠨᠢ
ᠤᠯᠠᠭᠠᠨ ᠭᠥᠯᠥᠭᠡ ᠨᠢ ᠴᠢᠷᠦᠭᠳᠡᠨᠡ
ᠬᠤᠷᠠᠭᠠ ᠲᠤᠭᠤᠯ ᠤ᠋ᠨ ᠲᠡᠵᠢᠭᠡᠪᠦᠷᠢ ᠨᠢ
ᠬᠣᠢᠨᠠ ᠡᠮᠦᠨᠡ ᠨᠢ ᠭᠦᠶᠦᠯᠳᠦᠨᠡ
ᠦᠨᠡᠭᠡᠨ ᠠᠷᠠᠰᠤᠨ ᠴᠢᠬᠢᠪᠴᠢ ᠨᠢ
ᠥᠩᠭᠡ ᠨᠢ ᠪᠠᠭᠤᠷᠠᠢ ᠰᠠᠨᠠᠭᠳᠠᠨᠠ
ᠥᠨᠳᠡᠯᠵᠡᠨ ᠥᠨᠳᠡᠯᠵᠡᠨ ᠠᠯᠬᠤᠬᠤ ᠨᠢ
ᠡᠭᠦᠯᠡᠨ ᠲᠣᠯᠣᠭᠠᠢ ᠭᠢᠰᠬᠢᠯᠡᠨᠡ
ᠡᠵᠢ ᠠ᠋ ᠡᠵᠢ ᠭᠡᠵᠦ ᠰᠡᠷᠢᠬᠦ ᠳ᠋ᠦ᠍
ᠬᠡᠬᠦᠳᠡᠭ ᠴᠡᠭᠡᠵᠢ ᠮᠢᠨᠢ ᠬᠥᠨᠳᠡᠢᠷᠡᠨᠡ᠁
2020᠂ 11᠂ 22
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠣᠯᠬᠤᠨᠤᠳ ᠠᠶᠤᠰᠢ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ