ᠴᠠᠭᠠᠨ ᠵᠡᠭᠡᠷᠭᠡᠨᠡЦагаан зээргэнэ
381
ᠴᠠᠭᠠᠨ ᠵᠡᠭᠡᠷᠭᠡᠨᠡ( ᠬᠣᠨᠢᠨ ᠵᠡᠭᠡᠷᠭᠡᠨᠡ)
ᠡᠭᠡᠷᠭᠡᠨᠡ ᠶ᠋ᠢᠨ ᠢᠵᠠᠭᠤᠷ
ᠳᠡᠭᠡᠭᠰᠢ ᠰᠢᠯᠤᠭᠤᠨ ᠢ᠋ᠶ᠋ᠠᠷ ᠪᠤᠶᠤ ᠲᠠᠰᠢᠭᠤ ᠪᠠᠷ ᠤᠷᠭᠤᠳᠠᠭ ᠪᠠᠭᠠ ᠪᠤᠲᠠ ᠮᠣᠳᠣ᠂1m ᠢᠯᠡᠭᠦᠦ ᠥᠨᠳᠥᠷ ᠪᠥᠭᠡᠳ ᠰᠠᠬᠤᠯᠢᠭ ᠰᠠᠯᠠᠭᠠ ᠮᠥᠴᠢᠷ ᠲᠡᠢ᠃ ᠵᠢᠵᠢᠭ ᠮᠥᠴᠢᠷ ᠨᠢ ᠰᠢᠷᠠ ᠨᠣᠭᠣᠭᠠᠨ ᠪᠤᠶᠤ ᠬᠥᠬᠡᠪᠲᠦᠷ ᠨᠣᠭᠣᠭᠠᠨ᠂ ᠴᠠᠭᠠᠨ ᠣ ᠲᠠᠢ᠂ ᠪᠠᠰᠠ ᠠᠷ ᠲᠠᠢ᠂ ᠭᠥᠯᠢᠭᠡᠷ ᠪᠤᠶᠤ ᠠᠷᠵᠠᠭᠠᠢ ᠦᠶᠡ ᠶ᠋ᠢᠨ ᠬᠣᠭᠣᠷᠣᠨᠳᠣᠬᠢ ᠵᠠᠢ ᠨᠢ3—6cm ᠤᠷᠲᠤ᠂ ᠳ᠋ᠢᠶᠠᠮᠧᠲ᠋ᠷ ᠨᠢ2—3mm᠃ ᠨᠠᠪᠴᠢ ᠨᠢ ᠬᠠᠢᠷᠰᠤᠨ ᠬᠡᠯᠪᠡᠷᠢ ᠲᠡᠢ ᠪᠥᠭᠡᠳ ᠤᠯᠠᠭᠠᠨ ᠥᠩᠭᠡ ᠲᠡᠢ ᠪᠠᠢᠳᠠᠭ᠃2—6mm ᠤᠷᠲᠤ᠂ ᠤᠭ ᠤ᠋ᠨ ᠬᠡᠰᠡᠭ ᠲᠡᠭᠡᠨ ᠬᠠᠷᠢᠯᠴᠠᠨ ᠨᠡᠢᠯᠡᠭᠡᠳ ᠬᠣᠭᠣᠯᠠᠢ ᠰᠢᠭ᠋ ᠪᠣᠯᠵᠠᠢ᠂ ᠮᠥᠴᠢᠷ ᠳᠡᠭᠡᠷᠡ ᠪᠡᠨ ᠴᠢᠭᠲᠠᠯᠠᠵᠤ ᠤᠷᠭᠤᠬᠤ ᠪᠤᠶᠤ3—1 ᠪᠡᠷ ᠳᠤᠭᠤᠢᠷᠠᠨ ᠤᠷᠭᠤᠨᠠ᠃ ᠴᠡᠴᠡᠭ ᠨᠢ ᠭᠠᠭᠴᠠ ᠪᠡᠯᠭᠡ ᠲᠡᠢ᠂ ᠣᠨᠳᠣᠣ ᠭᠡᠷ ᠲᠡᠢ; ᠡᠷᠡ ᠪᠠᠭ ᠴᠡᠴᠡᠭ ᠨᠢ ᠶᠡᠷᠦ ᠳ᠋ᠡᠭᠡᠨ ᠬᠡᠳᠦ ᠬᠡᠳᠦ ᠪᠡᠷ ᠮᠥᠴᠢᠷ ᠦ᠋ᠨ ᠦᠶᠡ ᠳᠡᠭᠡᠷᠡ ᠪᠠᠭᠯᠠᠷᠠᠨ ᠤᠷᠭᠤᠨᠠ᠂ ᠵᠢᠵᠢᠭ ᠪᠥᠮᠪᠦᠭᠡᠨ ᠬᠡᠯᠪᠡᠷᠢ ᠲᠡᠢ᠂ ᠡᠰᠡᠬᠦᠯᠡ ᠥᠨᠳᠡᠭᠡᠯᠵᠢᠨ ᠪᠤᠶᠤ ᠲᠣᠩᠭᠣᠷᠤᠤ ᠥᠨᠳᠡᠭᠡᠯᠵᠢᠨ ᠰᠢᠭ ᠪᠣᠯᠳᠠᠭ᠂5—7 ᠪᠠᠭᠯᠠᠭᠴᠢ ᠲᠠᠢ᠂3—4 ᠬᠣᠣᠰ ᠡᠷᠡ ᠴᠡᠴᠡᠭ ᠲᠡᠢ ᠪᠠ ᠡᠷᠡ ᠴᠡᠴᠡᠭ ᠪᠦᠷᠢ ᠨᠢ5—8 ᠡᠷᠡ ᠲᠣᠭᠣᠷᠴᠣᠭ; ᠡᠮᠡ ᠪᠠᠭ ᠴᠡᠴᠡᠭ ᠨᠢ ᠭᠠᠭᠴᠠᠭᠠᠷ ᠪᠤᠶᠤ2—3 ᠪᠠᠷ ᠮᠥᠴᠢᠷ ᠦ᠋ᠨ ᠦᠶᠡ ᠳᠡᠭᠡᠷᠡ ᠤᠷᠭᠤᠨᠠ᠂᠂2—3 ᠬᠦᠢᠰ ᠴᠡᠴᠡᠭ ᠲᠡᠢ᠂2—3 ᠬᠣᠣᠰ ᠪᠠᠭᠯᠠᠭᠴᠢ ᠨᠢ ᠤᠭ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠬᠠᠷᠢᠯᠴᠠᠨ ᠨᠡᠢᠯᠡᠵᠦ ᠤᠷᠭᠤᠵᠠᠢ; ᠦᠷᠡ ᠨᠠᠬᠢᠶᠠᠨ ᠤ᠋ ᠪᠦᠷᠬᠦᠭᠦᠯ ᠦ᠋ᠨ ᠬᠣᠭᠣᠯᠠᠢ ᠨᠢ3mm ᠤᠷᠲᠤ ᠪᠥᠭᠡᠳ ᠱᠤᠷᠠᠭᠯᠠᠭᠰᠠᠨ ᠬᠡᠯᠪᠡᠷᠢ ᠲᠡᠢ ᠪᠡᠷ ᠮᠤᠰᠬᠢᠷᠠᠯᠳᠤᠭᠰᠠᠨ ᠪᠠᠢᠳᠠᠭ᠃ ᠡᠮᠡ ᠪᠠᠭ ᠴᠡᠴᠡᠭ ᠨᠢ ᠪᠣᠯᠪᠠᠰᠤᠷᠠᠪᠠᠯ ᠪᠠᠭᠯᠠᠭᠴᠢ ᠨᠢ ᠮᠢᠬᠠᠯᠢᠭᠵᠢᠭᠠᠳ ᠵᠢᠮᠢᠰ ᠮᠡᠲᠦ ᠪᠣᠯᠳᠠᠭ ᠂ ᠤᠯᠠᠭᠠᠨ᠂6—7mm ᠤᠷᠲᠤ2—3 ᠬᠦᠷᠡᠩ ᠦᠷᠡ ᠲᠡᠢ᠃
ᠭᠣᠪᠢᠷᠬᠠᠤ ᠣᠷᠣᠨ᠂ ᠡᠯᠡᠰᠦᠨ ᠭᠣᠪᠢ ᠣᠷᠣᠨ ᠪᠤᠶᠤ ᠠᠭᠤᠯᠠ ᠪᠠᠷ ᠤᠷᠭᠤᠨᠠ᠃
ᠮᠠᠨ ᠤ᠋ ᠤᠯᠤᠰ ᠤ᠋ᠨ ᠥᠪᠥᠢ ᠮᠣᠩᠭᠣᠯ᠂ ᠰᠢᠨᠵᠢᠶᠠᠩ᠂ ᠬᠥᠬᠡᠨᠠᠭᠤᠷ᠂ ᠭᠠᠨᠰᠦ᠂ ᠱᠠᠨᠰᠢ᠂ ᠱᠠᠨ ᠰᠢ᠂ ᠾᠧᠪᠧᠢ᠂ ᠯᠢᠶᠣᠤᠨᠢᠩ᠂ ᠬᠢᠷᠢᠨ ᠵᠡᠷᠭᠡ ᠮᠣᠵᠢ ᠣᠷᠣᠨ ᠳ᠋ᠤ᠌ ᠤᠷᠭᠤᠳᠠᠭ᠃
ᠡᠮ ᠦ᠋ᠨ ᠤᠷᠭᠤᠮᠠᠯ ᠶᠤᠮ᠃ ᠮᠢᠬᠠᠯᠢᠭᠵᠢᠭᠰᠠᠨ ᠪᠠᠭᠯᠠᠭᠴᠢ ᠶ᠋ᠢ ᠨᠢ ᠢᠳᠡᠵᠦ ᠪᠣᠯᠤᠨᠠ᠃
ᠬᠢᠲᠠᠳ ᠨᠡᠷᠡ᠄中麻黄
ᠠᠩᠭ᠌ᠯᠢ ᠨᠡᠷᠡ᠄Ephedra intermedia Schrenkex C.A.Mey.
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠣ ᠰᠡᠴᠡᠨᠲᠦ
ᠬᠢᠨᠠᠭᠴᠢ᠄ ᠲᠤᠶᠠᠭᠠ