ᠮᠢᠩᠭᠠᠨ ᠬᠣᠲᠠ – ᠴᠣ ᠂ ᠣᠷᠱᠤᠨ Мянган хот – – Чо᠂ Оршин
280ᠮᠢᠩᠭᠠᠨ ᠬᠣᠲᠠ
ᠮᠢᠩᠭᠠ ᠪᠠᠷ ᠬᠣᠲᠠᠯᠠᠳᠠᠭ ᠬᠣᠨᠢᠨ ᠤ᠋
ᠮᠢᠩᠭᠠ ᠮᠢᠩᠭᠠᠨ ᠤ᠋ ᠪᠠᠭᠤᠴᠠ
ᠬᠤᠵᠢᠷᠲᠠᠢ ᠲᠣᠭᠣᠷᠢᠮ ᠤ᠋ᠨ ᠲᠥᠭᠥᠷᠢᠭ ᠨᠢ
ᠬᠣᠲᠠ ᠲᠠᠢ ᠬᠣᠨᠢᠨ ᠤ᠋ ᠪᠠᠭᠤᠴᠠ ᠭᠡᠪᠡ ᠤᠤ?
ᠬᠤᠨ ᠲᠠᠷᠬᠠᠭᠰᠠᠨ ᠰᠢᠯᠢ ᠨᠢ
ᠬᠣᠨᠢᠨ ᠰᠦᠷᠦᠭ ᠦ᠋ᠨ ᠪᠡᠯᠴᠢᠭᠡᠷ ᠭᠡᠪᠡ ᠤᠤ?
ᠥᠰᠬᠦ ᠮᠠᠯ ᠤ᠋ᠨ ᠵᠢᠰᠦ ᠲᠡᠭᠰᠢ
ᠦᠷᠡᠵᠢᠵᠦ ᠥᠰᠦᠭᠰᠡᠨ ᠭᠠᠵᠠᠷ ᠭᠡᠪᠡ ᠤᠤ?
ᠥᠭᠡᠳᠡ ᠲᠡᠢ ᠠᠢᠯ ᠤ᠋ᠨ ᠦᠭᠡ ᠨᠡᠢᠴᠡᠭ
ᠥᠪ ᠭᠣᠯᠣᠮᠲᠠ ᠶ᠋ᠢᠨ ᠰᠠᠭᠤᠷᠢ ᠭᠡᠪᠡ ᠤᠤ?
ᠮᠠᠢᠯᠠᠭᠠᠳ ᠲᠣᠷᠨᠢᠳᠠᠭ ᠰᠦᠷᠦᠭ ᠦ᠋ᠨ ᠢ᠋ᠶ᠋ᠡᠨ
ᠮᠢᠩᠭᠠ ᠮᠢᠩᠭᠠᠨ ᠬᠣᠲᠠ ᠭᠡᠨᠡ ᠤᠤ?
ᠮᠠᠯ ᠢ᠋ᠶ᠋ᠠᠨ ᠠᠷᠠᠴᠢᠯᠠᠳᠠᠭ ᠲᠦᠮᠡᠨ ᠦ᠌
ᠮᠠᠨᠳᠤᠵᠤ ᠳᠡᠭᠵᠢᠷᠡᠭᠰᠡᠨ ᠨᠤᠲᠤᠭ ᠭᠡᠨᠡ ᠤᠤ?
ᠠᠭᠢ ᠪᠠᠷ ᠬᠥᠷᠥᠰᠥᠯᠡᠭᠰᠡᠨ ᠥᠯᠥᠭᠡᠢ ᠳ᠋ᠦ᠍
ᠠᠷᠭᠠᠯ ᠬᠣᠷᠭᠣᠯ ᠤ᠋ᠨ ᠦᠯᠡᠳᠡᠰᠦ ᠲᠡᠢ
ᠠᠮᠢᠰᠬᠤᠯ ᠳᠠᠭᠠᠯᠠᠭᠰᠠᠨ ᠬᠥᠲᠥᠯ ᠳ᠋ᠦ᠍
ᠠᠮᠢᠳᠤᠷᠠᠯ ᠡᠭᠡᠨᠡᠭᠰᠢᠭᠰᠡᠨ ᠴᠤᠤᠷᠠᠢ ᠲᠠᠢ
ᠰᠢᠲᠦᠵᠦ ᠮᠥᠷᠥᠭᠡᠳᠳᠡᠭ ᠨᠤᠲᠤᠭ ᠲᠠᠭᠠᠨ
ᠰᠢᠯᠦᠭ ᠢ᠋ᠶ᠋ᠡᠨ ᠪᠢ ᠰᠠᠴᠤᠨᠠᠮ!
ᠰᠢᠵᠢᠷ ᠢ᠋ᠶ᠋ᠡᠷ ᠥᠩᠭᠡᠯᠡᠭᠰᠡᠨ ᠲᠠᠯᠠ ᠳ᠋ᠠᠭᠠᠨ
ᠰᠢᠷᠬᠡᠭ ᠡᠪᠡᠰᠦ ᠨᠢ ᠴᠤ᠌ ᠪᠣᠯᠤᠨᠠᠮ!
ᠢᠷᠡᠯᠲᠡ᠄· ᠴᠣ· ᠣᠷᠱᠤᠨ ᠤ᠋《 ᠮᠠᠯᠴᠢᠨ ᠬᠥᠮᠦᠨ ᠦ᠌ ᠳᠠᠭᠤᠤ》 ᠨᠣᠮ ᠠ᠋ᠴᠠ ᠡᠰᠢᠯᠡᠪᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠪᠠᠶᠠᠷᠴᠡᠴᠡᠭ
2024 03 28