ᠳᠣᠮᠪᠣ ᠲᠣᠯᠣᠭᠠᠢ ᠳᠤ – ᠴᠣ ᠂ ᠣᠷᠱᠤᠨ Домбо толгойд –Чо ᠂ Оршин
276ᠳᠣᠮᠪᠣ ᠲᠣᠯᠣᠭᠠᠢ ᠳᠤ
ᠳᠤᠭᠠᠩ ᠰᠦᠮᠡ ᠶ᠋ᠢᠨ ᠪᠠᠭᠤᠷᠢ
ᠲᠣᠷᠭᠠ ᠬᠤᠴᠢᠭᠰᠠᠨ ᠲᠠᠯᠠ ᠶ᠋ᠢᠨ
ᠲᠣᠰᠣ ᠬᠠᠯᠭᠢᠭᠰᠠᠨ ᠬᠣᠭᠣᠯᠠᠢ ᠳ᠋ᠤ᠌᠂
ᠳᠤᠭᠠᠩ ᠰᠦᠮᠡ ᠶ᠋ᠢᠨ ᠪᠠᠭᠤᠷᠢ ᠲᠠᠢ
ᠳᠣᠮᠪᠣ ᠲᠣᠯᠣᠭᠠᠢ ᠬᠠᠷᠠᠭᠳᠠᠳᠠᠭ᠃
ᠡᠷᠲᠡ ᠳᠡᠭᠡᠳᠦ ᠶ᠋ᠢᠨ ᠦᠶᠡ ᠪᠡᠷ
ᠡᠨᠡ ᠯᠡ ᠭᠠᠯᠪᠠ ᠶ᠋ᠢᠨ ᠡᠬᠢᠨ ᠳ᠋ᠦ᠍
ᠯᠤᠤ ᠬᠡᠪᠲᠡᠭᠰᠡᠨ ᠵᠣ ᠶ᠋ᠢᠨ
ᠯᠤᠲᠠ ᠲᠥᠮᠪᠥᠭᠡᠷ ᠳᠣᠪᠣ ᠳ᠋ᠤ᠌
ᠦᠬᠡᠷᠴᠢᠨ ᠳᠣᠮᠪᠣ ᠡᠪᠦᠭᠡᠨ
ᠡᠷᠦᠬᠡ ᠭᠡᠷ ᠢ᠋ᠶ᠋ᠡᠨ ᠣᠷᠣᠮᠯᠠᠵᠤ᠂
ᠥᠩ ᠮᠠᠯ ᠢ᠋ᠶ᠋ᠠᠨ ᠥᠰᠬᠡᠨ
ᠥᠨᠢᠷ ᠵᠢᠷᠭᠠᠵᠤ ᠪᠠᠢᠪᠠ᠃
ᠲᠡᠷᠡ ᠦᠶᠡ ᠡᠴᠡ ᠡᠬᠢᠯᠡᠵᠦ
ᠳᠣᠮᠪᠣ ᠲᠣᠯᠣᠭᠠᠢ ᠪᠠᠷ ᠨᠠᠷᠠᠰᠢᠵᠠᠢ᠂
ᠲᠡᠭᠦᠨ ᠡᠴᠡ ᠬᠣᠢᠰᠢ ᠦᠶᠡᠰ
ᠰᠦᠮᠡ ᠪᠣᠰᠬᠠᠵᠤ ᠰᠢᠲᠦᠵᠡᠢ᠃
ᠣᠨ ᠵᠢᠯ ᠤᠳᠠᠭᠰᠠᠨ ᠴᠤ᠌
ᠣᠷᠴᠢᠯᠠᠩ ᠭᠡᠭᠴᠢ ᠬᠡᠪ ᠲᠡᠭᠡᠨ
ᠣᠪᠣᠢᠵᠤ ᠬᠠᠷᠠᠭᠳᠠᠬᠤ ᠪᠠᠭᠤᠷᠢ ᠨᠢ
ᠣᠷᠣ ᠮᠥᠷ ᠯᠡ ᠳᠠᠷᠤᠢ᠃
ᠦᠬᠡᠷᠴᠢᠨ ᠡᠪᠦᠭᠡᠨ ᠦ᠌ ᠪᠠᠭᠤᠴᠠᠨ ᠳ᠋ᠤ᠌
ᠦᠨᠡᠲᠦ ᠡᠷᠳᠡᠨᠢ ᠨᠢ ᠶᠠᠭᠤ ᠪᠣᠯ?
ᠥᠨᠳᠥᠷᠯᠡᠵᠦ ᠰᠦᠨᠳᠡᠷᠯᠡᠭᠰᠡᠨ ᠬᠡᠢᠳ ᠲᠤ
ᠥᠷᠲᠡᠭ ᠬᠡᠳᠦᠢ ᠣᠷᠣᠭᠠ ᠪᠣᠯ?
ᠪᠠᠯᠪᠠᠷᠠᠵᠤ ᠰᠦᠢᠷᠡᠭᠰᠡᠨ ᠰᠦᠮᠡ ᠳ᠋ᠦ᠍
ᠪᠠᠯᠢᠩ ᠪᠠᠷᠢᠬᠤ ᠶ᠋ᠢ ᠰᠠᠨᠠᠭᠠ ᠦᠭᠡᠢ᠂
ᠪᠠᠢᠭᠤᠯᠵᠤ ᠴᠣᠭᠴᠠᠯᠠᠭᠰᠠᠨ ᠬᠥᠳᠡᠯᠮᠦᠷᠢ ᠶ᠋ᠢ
ᠪᠠᠳᠠᠭᠯᠠᠵᠤ ᠳᠤᠷᠠᠰᠤᠨ ᠬᠦᠨᠳᠦᠯᠡᠨᠡ!
ᠢᠷᠡᠯᠲᠡ᠄· ᠴᠣ· ᠣᠷᠱᠤᠨ ᠤ᠋《 ᠮᠠᠯᠴᠢᠨ ᠬᠥᠮᠦᠨ ᠦ᠌ ᠳᠠᠭᠤᠤ》 ᠨᠣᠮ ᠠ᠋ᠴᠠ ᠡᠰᠢᠯᠡᠪᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠪᠠᠶᠠᠷᠴᠡᠴᠡᠭ
2024 03 27