ᠬᠣᠨᠢᠨ ᠠᠷᠴᠠХонин арц
492
ᠬᠣᠨᠢᠨ ᠠᠷᠴᠠ
ᠠᠷᠴᠠ ᠶ᠋ᠢᠨ ᠢᠵᠠᠭᠤᠷ
ᠭᠠᠵᠠᠷ ᠳᠡᠭᠡᠷᠡ ᠬᠡᠪᠲᠡᠭᠡ ᠤᠷᠭᠤᠬᠤ ᠮᠥᠩᠬᠡ ᠨᠣᠭᠣᠭᠠᠨ ᠪᠤᠲᠠ ᠮᠣᠳᠣ᠂ ᠬᠠᠶᠠ ᠲᠤᠷᠤᠭ ᠮᠣᠳᠣ ᠪᠣᠯᠳᠠᠭ ᠨᠢ ᠪᠣᠢ᠃ ᠨᠠᠪᠴᠢ ᠨᠢ ᠰᠦᠯᠵᠢᠯᠳᠦᠨ ᠴᠢᠭᠲᠠᠯᠠᠵᠤ ᠤᠷᠭᠤᠨᠠ᠃ ᠵᠡᠭᠦᠦ ᠬᠡᠯᠪᠡᠷᠢᠲᠦ ᠨᠠᠪᠴᠢ ᠨᠢ ᠶᠡᠷᠦ ᠳ᠋ᠡᠭᠡᠨ ᠵᠠᠯᠠᠭᠤ ᠤᠷᠭᠤᠮᠠᠯ ᠳᠡᠭᠡᠷᠡ ᠪᠠᠢᠳᠠᠭ ᠪᠣᠯᠪᠠᠴᠤ ᠵᠠᠷᠢᠮ ᠳ᠋ᠠᠭᠠᠨ ᠢᠳᠡᠷᠬᠡᠭ ᠤᠷᠭᠤᠮᠠᠯ ᠨᠢ ᠴᠦ᠍ ᠴᠥᠭᠡᠨ ᠵᠡᠭᠦᠦ ᠮᠡᠲᠦ ᠨᠠᠪᠴᠢ ᠲᠠᠢ ᠪᠠᠢᠳᠠᠭ᠂ ᠡᠨᠡ ᠬᠦ᠌ ᠨᠠᠪᠴᠢ ᠨᠢ ᠲᠠᠰᠢᠭᠤ ᠪᠠᠷ ᠳᠡᠭᠡᠭᠰᠢ ᠪᠡᠨ ᠤᠷᠭᠤᠨᠠ᠂ ᠭᠠᠳᠠᠭᠰᠢ ᠳᠡᠯᠭᠡᠬᠦ ᠦᠭᠡᠢ᠂3—7mm ᠤᠷᠲᠤ᠂ ᠢᠭᠴᠤ ᠪᠠᠢᠷᠢᠯᠠᠨᠠ᠃ ᠬᠠᠢᠷᠰᠤᠨ ᠬᠡᠯᠪᠡᠷᠢᠲᠦ ᠨᠠᠪᠴᠢ ᠨᠢ1—2.5mm ᠤᠷᠲᠤ᠂ ᠮᠤᠬᠤᠷ ᠪᠤᠶᠤ ᠵᠢᠭᠠᠬᠠᠨ ᠱᠣᠪᠬᠣ ᠦᠵᠦᠭᠦᠷ ᠲᠡᠢ᠂ ᠵᠢᠭᠠᠰᠤᠨ ᠬᠠᠢᠷᠰᠤ ᠮᠡᠲᠦ ᠢᠬᠴᠤ ᠪᠠᠢᠷᠢᠯᠠᠭᠰᠠᠨ ᠪᠥᠭᠡᠳ ᠠᠷᠤ ᠲᠠᠯᠠ ᠶ᠋ᠢᠨ ᠬᠢᠨᠢ ᠳᠤᠮᠳᠠ ᠬᠠᠪᠢ ᠪᠠᠷ ᠵᠤᠤᠪᠠᠩ ᠪᠤᠯᠴᠢᠷᠬᠠᠢ ᠪᠣᠢ᠃ ᠪᠤᠭᠤᠷᠴᠠᠭ ᠨᠢ ᠨᠡᠯᠢᠶᠡᠳ ᠤᠷᠲᠤ ᠮᠥᠷᠲᠡᠭᠡᠨ ᠤᠨᠵᠢᠢᠭᠰᠠᠨ ᠵᠢᠵᠢᠭ ᠮᠥᠴᠢᠷ ᠦ᠋ᠨ ᠣᠷᠣᠢ ᠳ᠋ᠤ᠌ ᠰᠠᠭᠤᠨᠠ᠂ ᠡᠮᠬᠢ ᠦᠭᠡᠢ ᠲᠣᠩᠭᠣᠷᠠᠭᠤ ᠥᠨᠳᠡᠭᠡᠯᠵᠢᠨ ᠰᠢᠭ ᠪᠥᠮᠪᠦᠭᠡᠨ ᠬᠡᠯᠪᠡᠷᠢ ᠲᠡᠢ᠂ ᠡᠰᠡᠬᠦᠯᠡ ᠪᠠᠷᠤᠭ ᠪᠥᠭᠡᠷᠡᠩᠬᠡᠢ ᠪᠤᠶᠤ ᠥᠨᠳᠡᠭᠡᠯᠵᠢᠨ ᠪᠥᠭᠡᠷᠡᠩᠬᠡᠢ᠂ ᠲᠡᠭᠰᠢᠬᠡᠨ ᠲᠣᠭᠣᠷᠢᠭ ᠪᠤᠶᠤ ᠠᠴᠠ ᠮᠡᠲᠦ ᠣᠷᠣᠢ ᠲᠠᠢ᠂5—9mm ᠤᠷᠲᠤ᠂ ᠪᠣᠯᠪᠠᠰᠤᠷᠠᠪᠠᠯ ᠬᠠᠷᠠᠪᠲᠤᠷ ᠬᠦᠷᠡᠩ ᠪᠤᠶᠤ ᠪᠣᠷᠣᠪᠲᠤᠷ ᠬᠠᠷᠠ ᠥᠩᠭᠡᠲᠡᠢ ᠪᠣᠯᠬᠤ ᠪᠥᠭᠡᠳ ᠴᠠᠭᠠᠨ ᠣ ᠲᠠᠢ᠃ ᠦᠷᠡ ᠨᠢ1—5( ᠶᠡᠷᠦ ᠳ᠋ᠡᠭᠡᠨ2—3)᠂ ᠵᠢᠭᠠᠬᠠᠨ᠂ ᠬᠠᠪᠲᠠᠭᠠᠢ᠂ ᠥᠨᠳᠡᠭᠡᠯᠵᠢᠨ ᠪᠥᠭᠡᠷᠡᠩᠬᠡᠢ ᠪᠣᠯᠪᠠᠴᠤ ᠨᠢᠷᠤᠭᠤᠯᠠᠭᠰᠠᠨ ᠢᠷᠮᠡᠭ ᠲᠡᠢ᠂ ᠪᠠᠬᠠᠨ ᠴᠥᠭᠡᠬᠡᠨ ᠬᠡᠳᠦᠨ ᠮᠣᠳᠣᠨ ᠤ᠋ ᠪᠣᠬᠢ ᠶ᠋ᠢᠨ ᠬᠣᠪᠢᠯ ᠲᠠᠢ᠃
ᠳᠠᠯᠠᠢ ᠶ᠋ᠢᠨ ᠲᠦᠪᠰᠢᠨ ᠡᠴᠡ ᠳᠡᠭᠡᠭᠰᠢ1200—2800m ᠥᠨᠳᠥᠷ ᠭᠠᠵᠠᠷ ᠤ᠋ᠨ ᠡᠯᠡᠰᠦᠷᠬᠡᠭ ᠬᠥᠷᠥᠰᠥ ᠪᠤᠶᠤ ᠬᠠᠢᠷ ᠴᠢᠯᠠᠭᠤᠲᠤ ᠭᠠᠩ ᠬᠠᠭᠤᠷᠠᠢ ᠠᠭᠤᠯᠠ᠂ ᠣᠢ ᠮᠣᠳᠣᠨ ᠳᠣᠲᠣᠷᠠ ᠤᠷᠭᠤᠨᠠ᠃
ᠮᠠᠨ ᠤ᠋ ᠤᠯᠤᠰ ᠤ᠋ᠨ ᠥᠪᠥᠷ ᠮᠣᠩᠭᠣᠯ᠂ ᠰᠢᠨᠵᠢᠶᠠᠩ᠂ ᠬᠥᠬᠡᠨᠠᠭᠤᠷ᠂ ᠭᠠᠨᠰᠦ᠂ ᠱᠠᠨᠰᠢ᠂ ᠵᠡᠷᠭᠡ ᠮᠣᠵᠢ ᠣᠷᠣᠨ ᠢ᠋ᠶ᠋ᠠᠷ ᠤᠷᠭᠤᠳᠠᠭ᠃ ᠬᠥᠷᠥᠰᠥ ᠰᠢᠷᠣᠢ ᠶ᠋ᠢ ᠬᠠᠮᠠᠭᠠᠯᠠᠬᠤ ᠪᠤᠶᠤ ᠡᠯᠡᠰᠦ ᠶ᠋ᠢ ᠲᠣᠭᠲᠠᠪᠤᠷᠢᠵᠢᠭᠤᠯᠬᠤ ᠪᠤᠲᠠ ᠮᠣᠳᠣ ᠮᠥᠨ᠃ ᠨᠠᠪᠴᠢ ᠮᠥᠴᠢᠷ ᠲᠦ᠋ᠨᠢ ᠳᠡᠭᠳᠡᠮᠡᠬᠡᠢ ᠲᠣᠰᠣ ᠪᠣᠢ᠂ ᠪᠠᠰᠠ ᠡᠮ ᠳ᠋ᠦ᠍ ᠣᠷᠣᠨᠠ᠃
ᠬᠢᠲᠠᠳ ᠨᠡᠷᠡ᠄沙地柏
ᠠᠩᠭ᠌ᠯᠢ ᠨᠡᠷᠡ᠄Sabina vulgaris Ant
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠫᠣ· ᠴᠠᠭᠠᠨ
ᠬᠢᠨᠠᠭᠴᠢ᠄ ᠲᠤᠶᠠᠭᠠ