ᠲᠥᠷᠥᠯᠬᠢ ᠨᠤᠲᠤᠭ – ᠴᠣ ᠂ ᠣᠷᠱᠤᠨ Төрөлх нутаг– Чо ᠂ Оршин
458ᠲᠥᠷᠥᠯᠬᠢ ᠨᠤᠲᠤᠭ
ᠴᠣ· ᠣᠷᠱᠤᠨ
ᠳᠠᠰᠤᠯ ᠪᠤᠰᠤ ᠭᠠᠵᠠᠷ ᠰᠡᠳᠬᠢᠯ ᠡᠮᠵᠡᠭᠯᠡᠵᠦ
ᠲᠠᠩᠳᠠ ᠨᠠᠳᠠ ᠨᠤᠲᠤᠭ ᠮᠢᠨᠢ ᠪᠣᠳᠣᠭᠳᠠᠨᠠ᠂
ᠲᠠᠭᠠᠷᠠᠯᠳᠤᠬᠤ ᠪᠣᠯᠭᠠᠨ ᠨᠠᠷᠭᠢᠵᠤ ᠶᠠᠪᠤᠳᠠᠭ
ᠲᠠᠨᠢᠯ ᠣᠯᠠᠨ ᠨᠥᠬᠥᠳ ᠮᠢᠨᠢ ᠳᠤᠷᠠᠰᠤᠭᠳᠠᠨᠠ᠃
ᠬᠣᠶᠠᠷ ᠬᠥᠯ ᠢ᠋ᠶ᠋ᠡᠷ ᠭᠢᠰᠬᠢᠭᠰᠡᠨ ᠨᠠᠳᠠ
ᠬᠣᠷᠸᠠ ᠳ᠋ᠤ᠌ ᠨᠤᠲᠤᠭ ᠥᠯᠥᠭᠡᠢ ᠶᠦᠮ᠃
ᠬᠣᠯᠠ ᠶᠠᠪᠤᠬᠤ ᠳ᠋ᠤ᠌ ᠰᠦᠯᠳᠡ ᠡᠷᠭᠦᠳᠡᠭ
ᠬᠣᠪᠳᠣᠯ ᠵᠢᠷᠦᠬᠡᠨ ᠦ᠌ ᠰᠢᠲᠦᠭᠡᠨ ᠶᠦᠮ᠃
ᠰᠡᠳᠬᠢᠯ ᠦ᠋ᠨ ᠤᠭ ᠢ᠋ᠶ᠋ᠠᠷ ᠨᠠᠮᠠᠶ᠋ᠢ ᠠᠷᠭᠠᠮᠵᠢᠭᠰᠠᠨ
ᠵᠡᠭᠦᠳᠦᠨ ᠦ᠌ ᠭᠦᠨ ᠳ᠋ᠦ᠍ ᠲᠦᠳᠡᠬᠡᠨ ᠬᠦᠷᠦᠭᠡᠳ
ᠬᠠᠢᠷᠠ ᠶ᠋ᠢᠨ ᠰᠢᠵᠢᠮ ᠪᠢᠳᠡᠨ ᠢ᠋ ᠬᠣᠯᠪᠣᠭᠰᠠᠨ
ᠵᠢᠷᠦᠬᠡᠨ ᠦ᠌ ᠬᠠᠩᠭᠠᠢ ᠳ᠋ᠤ᠌ ᠨᠤᠲᠤᠭ ᠡᠭᠡᠨᠡᠭᠰᠢᠭᠡᠳ
ᠲᠦᠪᠰᠢᠨ ᠨᠤᠲᠤᠭ ᠢ᠋ᠶ᠋ᠠᠨ ᠬᠥᠮᠦᠨ ᠮᠠᠭᠲᠠᠳᠠᠭ
ᠲᠥᠷᠥᠯᠬᠢ ᠬᠡᠯᠡ ᠪᠡᠷ ᠢ᠋ᠶ᠋ᠡᠨ ᠪᠢ ᠳᠠᠭᠤᠯᠠᠨᠠ
ᠲᠦᠮᠡᠨ ᠭᠠᠵᠠᠷ ᠠᠯᠤᠰᠯᠠᠵᠤ ᠵᠠᠢᠳᠠᠪᠠᠴᠤ
ᠲᠦᠯᠬᠢᠯᠡᠬᠦ ᠯᠤᠭᠰᠢᠯᠲᠠ ᠲᠡᠭᠦᠨ ᠳ᠋ᠡᠭᠡᠨ ᠴᠣᠬᠢᠯᠤᠨᠠ᠃
ᠢᠷᠡᠯᠲᠡ᠄ ᠴᠣ· ᠣᠷᠱᠤᠨ ᠤ᠋《 ᠮᠠᠯᠴᠢᠨ ᠬᠥᠮᠦᠨ ᠦ᠌ ᠳᠠᠭᠤᠤ》 ᠨᠣᠮ ᠠ᠋ᠴᠠ ᠡᠰᠢᠯᠡᠪᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠪᠠᠶᠠᠷᠴᠡᠴᠡᠭ
2024 03 25