ᠠᠯᠠᠭ ᠱᠠᠭᠠᠵᠠᠭᠠᠢ ᠶ᠋ᠢᠨ ᠦᠯᠢᠭᠡᠷАлаг шаазгайн Үлгэр
1202ᠠᠯᠠᠭ ᠱᠠᠭᠠᠵᠠᠭᠠᠢ ᠶ᠋ᠢᠨ ᠦᠯᠢᠭᠡᠷ
ᠡᠷᠲᠡ ᠤᠷᠢᠳᠤ ᠶ᠋ᠢᠨ ᠴᠠᠭ ᠲᠤ ᠳᠣᠯᠣᠭᠠᠨ ᠥᠨᠳᠡᠭᠡ ᠲᠡᠢ ᠱᠠᠭᠠᠵᠠᠭᠠᠢ ᠠᠯᠲᠠᠨ ᠤᠯᠢᠶᠠᠰᠤᠨ ᠳᠡᠭᠡᠷᠡ ᠡᠭᠦᠷ ᠢ᠋ᠶ᠋ᠡᠨ ᠵᠠᠰᠠᠭᠠᠳ ᠠᠷᠢᠭᠤᠨ ᠬᠤᠳᠳᠤᠭ ᠤ᠋ᠨ ᠤᠰᠤᠨ ᠠ᠋ᠴᠠ ᠤᠮᠳᠠᠭᠠᠯᠠᠭᠠᠳ ᠠᠮᠤᠷ ᠵᠢᠮᠤᠷ ᠠᠵᠤ ᠲᠥᠷᠥᠨ ᠠᠮᠢᠳᠤᠷᠠᠨ ᠰᠠᠭᠤᠳᠠᠭ ᠪᠠᠢᠵᠠᠢ᠃
ᠨᠢᠭᠡᠨ ᠡᠳᠦᠷ ᠲᠡᠭᠦᠨ ᠳᠡᠭᠡᠷᠡ ᠦᠨᠡᠭᠡ ᠢᠷᠡᠯᠡ᠃
ᠦᠨᠡᠭᠡ᠄ ᠱᠠᠭᠠᠵᠠᠭᠠᠢ ᠭᠤᠸᠠᠢ ᠱᠠᠭᠠᠵᠠᠭᠠᠢ᠂ ᠭᠤᠸᠠᠢ᠂ ᠨᠢᠭᠡ ᠥᠨᠳᠡᠭᠡ ᠪᠡᠨ ᠥᠭᠭᠦᠭᠡᠴᠢ ᠭᠡᠵᠦ ᠭᠡᠨᠡ᠃
ᠱᠠᠭᠠᠵᠠᠭᠠᠢ᠄ ᠥᠭᠭᠦ ᠦᠭᠡᠢ ᠬᠢᠵᠦ ᠬᠠᠷᠢᠭᠤᠯᠵᠠᠢ᠃
ᠭᠡᠲᠡᠯᠡ ᠦᠨᠡᠭᠡ᠄ ᠵᠠ ᠲᠡᠭᠡᠪᠡᠯ ᠪᠢ ᠠᠯᠤᠰ ᠤ᠋ᠨ ᠭᠠᠵᠠᠷ ᠠ᠋ᠴᠠ ᠲᠣᠭᠣᠰᠣ ᠲᠠᠲᠠᠭᠤᠯᠵᠤ ᠢᠷᠡᠭᠡᠳ ᠠᠯᠲᠠᠨ ᠤᠯᠢᠶᠠᠰᠤ ᠶ᠋ᠢ ᠴᠢᠨᠢ ᠬᠤᠭᠤ ᠮᠥᠷᠭᠥᠨᠡ᠂ ᠠᠷᠢᠭᠤᠨ ᠬᠤᠳᠳᠤᠭ ᠤ᠋ᠨ ᠤᠰᠤ ᠶ᠋ᠢ ᠴᠢᠨᠢ ᠬᠣᠪᠬᠤ ᠰᠤᠷᠤᠨᠠ᠂ ᠲᠡᠭᠡᠭᠡᠳ ᠪᠦᠬᠦ ᠥᠨᠳᠡᠭᠡ ᠶ᠋ᠢ ᠴᠢᠨᠢ ᠢᠳᠡᠬᠦ ᠪᠣᠯᠤᠨᠠ ᠳᠠ ᠭᠡᠮᠡᠨ ᠰᠦᠷᠳᠡᠭᠦᠯᠵᠡᠢ᠃
ᠱᠠᠭᠠᠵᠠᠭᠠᠢ ᠠᠶᠤᠭᠠᠳ ᠳᠣᠯᠣᠭᠠᠨ ᠥᠨᠳᠡᠭᠡᠨ ᠦ᠌ ᠪᠡᠨ ᠨᠢᠭᠡ ᠶ᠋ᠢ ᠨᠢ ᠥᠭᠴᠦ ᠵᠢᠷᠭᠤᠭᠠᠨ ᠥᠨᠳᠡᠭᠡ ᠲᠡᠢ ᠦᠯᠡᠲᠡᠯᠡ᠃
7 - 1 = 6
ᠳᠣᠯᠣᠭᠠ ᠠ᠋ᠴᠠ ᠬᠠᠰᠤᠬᠤ ᠨᠢ ᠨᠢᠭᠡ ᠲᠡᠩᠴᠡᠭᠦᠦ ᠵᠢᠷᠭᠤᠭᠠ
ᠮᠠᠷᠭᠠᠰᠢ ᠨᠢ ᠦᠨᠡᠭᠡ ᠳᠠᠬᠢᠭᠠᠳ ᠯᠠ ᠢᠷᠡᠪᠡ᠂ ᠮᠥᠨ ᠯᠡ ᠱᠠᠭᠠᠵᠠᠭᠠᠢ ᠭᠤᠸᠠᠢ᠂ ᠱᠠᠭᠠᠵᠠᠭᠠᠢ ᠭᠤᠸᠠᠢ᠂ ᠨᠢᠭᠡ ᠥᠨᠳᠡᠭᠡ ᠪᠡᠨ ᠥᠭᠭᠦᠭᠡᠴᠢ ᠭᠡᠵᠦ ᠭᠡᠨᠡ᠃
ᠱᠠᠭᠠᠵᠠᠭᠠᠢ᠄ ᠥᠭᠭᠦ ᠦᠭᠡᠢ ᠭᠡᠵᠦ ᠬᠠᠷᠢᠭᠤᠯᠤᠯᠠ᠃
ᠦᠨᠡᠭᠡ᠄ ᠵᠠ ᠲᠡᠭᠡᠪᠡᠯ ᠪᠢ ᠠᠯᠤᠰ ᠤ᠋ᠨ ᠭᠠᠵᠠᠷ ᠠ᠋ᠴᠠ ᠲᠣᠭᠣᠰᠣ ᠲᠠᠲᠠᠭᠤᠯᠵᠤ ᠢᠷᠡᠭᠡᠳ ᠠᠯᠲᠠᠨ ᠤᠯᠢᠶᠠᠰᠤ ᠶ᠋ᠢ ᠴᠢᠨᠢ ᠬᠤᠭᠤ ᠮᠥᠷᠭᠥᠨᠡ᠂ ᠠᠷᠢᠭᠤᠨ ᠬᠤᠳᠳᠤᠭ ᠤ᠋ᠨ ᠤᠰᠤ ᠶ᠋ᠢ ᠴᠢᠨᠢ ᠬᠣᠪᠬᠤ ᠰᠤᠷᠤᠨᠠ᠂ ᠲᠡᠭᠡᠭᠡᠳ ᠪᠦᠬᠦ ᠥᠨᠳᠡᠭᠡ ᠶ᠋ᠢ ᠴᠢᠨᠢ ᠢᠳᠡᠬᠦ ᠪᠣᠯᠤᠨᠠ ᠳᠠ ᠭᠡᠮᠡᠨ ᠰᠦᠷᠳᠡᠭᠦᠯᠵᠡᠢ᠃
ᠱᠠᠭᠠᠵᠠᠭᠠᠢ ᠠᠶᠤᠭᠠᠳ ᠵᠢᠷᠭᠤᠭᠠᠨ ᠥᠨᠳᠡᠭᠡᠨ ᠦ᠌ ᠪᠡᠨ ᠨᠢᠭᠡ ᠶ᠋ᠢ ᠨᠢ ᠥᠭᠴᠦ ᠲᠠᠪᠤᠨ ᠥᠨᠳᠡᠭᠡ ᠲᠡᠢ ᠦᠯᠡᠲᠡᠯᠡ᠃
6 - 1 = 5
ᠵᠢᠷᠭᠤᠭᠠ ᠠ᠋ᠴᠠ ᠬᠠᠰᠤᠬᠤ ᠨᠢ ᠨᠢᠭᠡ ᠲᠡᠩᠴᠡᠭᠦᠦ ᠲᠠᠪᠤ
ᠵᠠᠯᠢᠲᠤ ᠰᠢᠷᠠ ᠦᠨᠡᠭᠡ ᠮᠠᠷᠭᠠᠰᠢ ᠨᠢ ᠳᠠᠬᠢᠭᠠᠳ ᠯᠠ ᠢᠷᠡᠵᠦ ᠭᠡᠨᠡ᠃ ᠥᠨᠥᠬᠢ ᠠᠷᠭᠠ ᠪᠠᠷ ᠢ᠋ᠶ᠋ᠠᠨ ᠰᠦᠷᠳᠡᠭᠦᠯᠵᠦ ᠭᠡᠨᠡ᠂ ᠲᠡᠭᠡᠭᠡᠳ ᠲᠠᠪᠤᠨ ᠥᠨᠳᠡᠭᠡᠨ ᠦ᠌ ᠪᠡᠨ ᠨᠢᠭᠡ ᠶ᠋ᠢ ᠥᠭᠴᠦ ᠳᠥᠷᠪᠡᠨ ᠥᠨᠳᠡᠭᠡ ᠲᠡᠢ ᠪᠡᠨ ᠦᠯᠡᠲᠡᠯᠡ᠃
5 - 1 = 4
ᠲᠠᠪᠤ ᠠ᠋ᠴᠠ ᠬᠠᠰᠤᠬᠤ ᠨᠢ ᠨᠢᠭᠡ ᠲᠡᠩᠴᠡᠭᠦᠦ ᠳᠥᠷᠪᠡ
ᠮᠠᠷᠭᠠᠰᠢ ᠨᠢ ᠮᠥᠨ ᠯᠡ ᠳᠠᠬᠢᠭᠠᠳ ᠯᠠ ᠢᠷᠡᠵᠦ ᠭᠡᠨᠡ᠂ ᠥᠨᠥᠬᠢ ᠠᠷᠭᠠ ᠪᠠᠷ ᠢ᠋ᠶ᠋ᠠᠨ ᠰᠦᠷᠳᠡᠭᠦᠯᠦᠭᠡᠳ ᠳᠥᠷᠪᠡᠨ ᠥᠨᠳᠡᠭᠡᠨ ᠦ᠌ ᠬᠢᠨᠢ ᠨᠢᠭᠡ ᠶ᠋ᠢ ᠠᠪᠴᠤ ᠢᠳᠡᠯᠡ᠂ ᠢᠩᠭᠢᠭᠡᠳ ᠱᠠᠭᠠᠵᠠᠭᠠᠢ ᠭᠤᠷᠪᠠᠨ ᠥᠨᠳᠡᠭᠡ ᠲᠡᠢ ᠦᠯᠡᠲᠡᠯᠡ᠃
4 - 1 = 3
ᠳᠥᠷᠪᠡ ᠡᠴᠡ ᠬᠠᠰᠤᠬᠤ ᠨᠢ ᠨᠢᠭᠡ ᠲᠡᠩᠴᠡᠭᠦᠦ ᠭᠤᠷᠪᠠ
ᠮᠠᠷᠭᠠᠰᠢ ᠨᠢ ᠳᠠᠬᠢᠭᠠᠳ ᠯᠠ ᠢᠷᠡᠵᠦ ᠭᠡᠨᠡ᠂ ᠠᠬᠢᠭᠠᠳ ᠯᠠ ᠥᠨᠥᠬᠢ ᠠᠷᠭᠠ ᠪᠠᠷ ᠢ᠋ᠶ᠋ᠠᠨ ᠰᠦᠷᠳᠡᠭᠦᠯᠦᠨ ᠨᠢᠭᠡ ᠥᠨᠳᠡᠭᠡ ᠶ᠋ᠢ ᠨᠢ ᠠᠪᠴᠤ ᠢᠳᠡᠯᠡ᠂ ᠢᠩᠭᠢᠭᠡᠳ ᠭᠤᠷᠪᠠᠨ ᠥᠨᠳᠡᠭᠡᠨ ᠦ᠌ ᠬᠢᠨᠢ ᠨᠢᠭᠡ ᠶ᠋ᠢ ᠨᠢ ᠠᠪᠤᠭᠠᠳ ᠬᠣᠶᠠᠷ ᠥᠨᠳᠡᠭᠡ ᠲᠡᠢ ᠦᠯᠡᠲᠡᠯᠡ᠃
3 - 1 = 2
ᠮᠠᠷᠭᠠᠰᠢ ᠨᠢ ᠳᠠᠬᠢᠭᠠᠳ ᠯᠠ ᠢᠷᠡᠵᠦ ᠭᠡᠨᠡ᠂ ᠬᠣᠶᠠᠷ ᠥᠨᠳᠡᠭᠡᠨ ᠦ᠌ ᠬᠢᠨᠢ ᠨᠢᠭᠡ ᠶ᠋ᠢ ᠠᠪᠴᠤ ᠢᠳᠡᠯᠡ᠃ ᠢᠩᠭᠢᠭᠡᠳ ᠱᠠᠭᠠᠵᠠᠭᠠᠢ ᠭᠠᠭᠴᠠᠬᠠᠨ ᠥᠨᠳᠡᠭᠡ ᠲᠡᠢ ᠦᠯᠡᠲᠡᠯᠡ᠃
2 - 1 = 1
ᠱᠠᠭᠠᠵᠠᠭᠠᠢ᠄ ᠣᠳᠣ ᠭᠠᠭᠴᠠ ᠥᠨᠳᠡᠭᠡ ᠶ᠋ᠢ ᠮᠢᠨᠢ ᠦᠨᠡᠭᠡ ᠢᠷᠡᠭᠡᠳ ᠪᠠᠰᠠ ᠯᠠ ᠢᠳᠡᠬᠦ ᠪᠠᠢᠬᠤ ᠳᠠ ᠭᠡᠮᠡᠨ ᠤᠬᠢᠯᠠᠵᠤ ᠪᠠᠢᠪᠠ᠃ ᠭᠡᠲᠡᠯᠡ ᠲᠡᠭᠦᠨ ᠳᠡᠭᠡᠷᠡ ᠬᠤᠯᠤᠭᠠᠨᠠ ᠢᠷᠡᠯᠡ᠃
ᠬᠤᠯᠤᠭᠠᠨᠠ᠄ ᠱᠠᠭᠠᠵᠠᠭᠠᠢ ᠭᠤᠸᠠᠢ ᠱᠠᠭᠠᠵᠠᠭᠠᠢ ᠭᠤᠸᠠᠢ᠂ ᠲᠠ ᠶᠠᠭᠤᠨ ᠳ᠋ᠤ᠌ ᠤᠬᠢᠯᠠᠪᠠ? ᠭᠡᠵᠦ ᠭᠡᠨᠡ᠃
ᠱᠠᠭᠠᠵᠠᠭᠠᠢ᠄ ᠪᠢ ᠳᠣᠯᠣᠭᠠᠨ ᠥᠨᠳᠡᠭᠡ ᠲᠡᠢ ᠪᠠᠢᠭᠰᠠᠨ ᠶᠤᠮ᠂ ᠭᠡᠲᠡᠯᠡ ᠦᠨᠡᠭᠡ ᠢᠷᠡᠭᠡᠳ ᠨᠢᠭᠡ ᠨᠢᠭᠡ ᠪᠡᠷ ᠨᠢ ᠢᠳᠡᠭᠰᠡᠭᠡᠷ ᠪᠠᠢᠭᠠᠳ ᠣᠳᠣ ᠭᠠᠭᠴᠠᠬᠠᠨ ᠥᠨᠳᠡᠭᠡ ᠲᠡᠢ ᠦᠯᠡᠳᠡᠭᠰᠡᠨ ᠠ᠋᠂ ᠥᠭᠭᠦ ᠦᠭᠡᠢ ᠭᠡᠬᠦ ᠪᠡᠷ ᠠᠯᠤᠰ ᠤ᠋ᠨ ᠭᠠᠵᠠᠷ ᠠ᠋ᠴᠠ ᠲᠣᠭᠣᠰᠣ ᠲᠠᠲᠠᠭᠤᠯᠵᠤ ᠢᠷᠡᠭᠡᠳ ᠠᠯᠲᠠᠨ ᠤᠯᠢᠶᠠᠰᠤ ᠶ᠋ᠢ ᠮᠢᠨᠢ ᠬᠤᠭᠤ ᠮᠥᠷᠭᠥᠨᠡ᠂ ᠠᠷᠢᠭᠤᠨ ᠬᠤᠳᠳᠤᠭ ᠤ᠋ᠨ ᠤᠰᠤ ᠶ᠋ᠢ ᠮᠢᠨᠢ ᠬᠣᠪᠬᠤ ᠰᠤᠷᠤᠨᠠ ᠭᠡᠵᠦ ᠠᠶᠤᠯᠭᠠᠳᠠᠭ᠃ ᠣᠳᠣ ᠦᠯᠡᠳᠡᠭᠰᠡᠨ ᠭᠠᠭᠴᠠ ᠥᠨᠳᠡᠭᠡ ᠶ᠋ᠢ ᠮᠢᠨᠢ ᠢᠳᠡᠬᠦ ᠪᠠᠢᠬᠤ ᠳᠠ ᠬᠡᠮᠡᠵᠢ᠃
ᠬᠤᠯᠤᠭᠠᠨᠠ᠄ ᠲᠠ ᠲᠡᠭᠡᠪᠡᠯ ᠦᠨᠡᠭᠡ ᠶ᠋ᠢ ᠳᠠᠬᠢᠭᠠᠳ ᠢᠷᠡᠪᠡᠯ᠂ ᠠᠯᠤᠰ ᠤ᠋ᠨ ᠭᠠᠵᠠᠷ ᠠ᠋ᠴᠠ ᠲᠣᠭᠣᠰᠣ ᠲᠠᠲᠠᠭᠤᠯᠵᠤ ᠢᠷᠡᠬᠦ ᠲᠤᠭᠤᠷᠠᠢ ᠴᠢᠨᠢ ᠬᠠᠮᠢᠭᠠ ᠪᠠᠢᠨᠠ? ᠠᠯᠲᠠᠨ ᠤᠯᠢᠶᠠᠰᠤ ᠶ᠋ᠢ ᠮᠢᠨᠢ ᠬᠤᠭᠤ ᠮᠥᠷᠭᠥᠬᠦ ᠡᠪᠡᠷ ᠴᠢᠨᠢ ᠬᠠᠮᠢᠭᠠ ᠪᠠᠢᠨᠠ? ᠠᠷᠢᠭᠤᠨ ᠬᠤᠳᠳᠤᠭ ᠤ᠋ᠨ ᠤᠰᠤ ᠶ᠋ᠢ ᠮᠢᠨᠢ ᠬᠣᠪᠬᠤ ᠰᠣᠷᠣᠬᠤ ᠬᠣᠳᠣᠭᠣᠳᠣ ᠴᠢᠨᠢ ᠬᠠᠮᠢᠭᠠ ᠪᠠᠢᠨᠠ ᠭᠡᠮᠡᠨ ᠠᠰᠠᠭᠤᠭᠠᠷᠠᠢ ᠭᠡᠵᠡᠢ᠃
ᠮᠠᠷᠭᠠᠰᠢ ᠨᠢ ᠦᠨᠡᠭᠡ ᠳᠠᠬᠢᠭᠠᠳ ᠯᠠ ᠢᠷᠡᠵᠦ ᠥᠨᠥᠬᠢ ᠠᠷᠭᠠ ᠪᠠᠷ ᠢ᠋ᠶ᠋ᠠᠨ ᠰᠦᠷᠳᠡᠭᠦᠯᠵᠡᠢ᠃
ᠭᠡᠲᠡᠯᠡ ᠱᠠᠭᠠᠵᠠᠭᠠᠢ ᠬᠤᠯᠤᠭᠠᠨᠠ ᠶ᠋ᠢᠨ ᠵᠢᠭᠠᠵᠤ ᠥᠭᠭᠦᠭᠰᠡᠨᠴᠢᠯᠡᠨ ᠠᠯᠤᠰ ᠤ᠋ᠨ ᠭᠠᠵᠠᠷ ᠠ᠋ᠴᠠ ᠲᠣᠭᠣᠰᠣ ᠲᠠᠲᠠᠭᠤᠯᠬᠤ ᠲᠤᠭᠤᠷᠢ ᠴᠢᠨᠢ ᠬᠠᠮᠢᠭᠠ ᠪᠠᠢᠨᠠ? ᠠᠯᠲᠠᠨ ᠤᠯᠢᠶᠠᠰᠤ ᠶ᠋ᠢ ᠮᠢᠨᠢ ᠬᠤᠭᠤ ᠮᠥᠷᠭᠥᠬᠦ ᠡᠪᠡᠷ ᠴᠢᠨᠢ ᠬᠠᠮᠢᠭᠠ ᠪᠠᠢᠨᠠ? ᠠᠷᠢᠭᠤᠨ ᠬᠤᠳᠳᠤᠭ ᠤ᠋ᠨ ᠮᠢᠨᠢ ᠤᠰᠤ ᠶ᠋ᠢ ᠬᠣᠪᠬᠤ ᠰᠣᠷᠣᠬᠤ ᠬᠣᠳᠣᠭᠣᠳᠣ ᠴᠢᠨᠢ ᠬᠠᠮᠢᠭᠠ ᠪᠠᠢᠨᠠ? ᠭᠡᠵᠡᠢ᠃
ᠭᠡᠲᠡᠯᠡ ᠦᠨᠡᠭᠡ᠄ ᠴᠢᠮᠠ ᠳ᠋ᠤ᠌ ᠨᠠᠭᠠᠳᠤ ᠦᠭᠡ ᠶ᠋ᠢ ᠴᠢᠨᠢ ᠬᠡᠨ ᠵᠢᠭᠠᠵᠤ ᠥᠭᠪᠡ ᠬᠡᠮᠡᠯᠡ᠃
ᠪᠢ ᠥᠪᠡᠷ ᠢ᠋ᠶ᠋ᠡᠨ ᠪᠣᠳᠣᠨ ᠪᠣᠳᠣᠨ ᠪᠣᠳᠣᠯ ᠣᠷᠣᠪᠠ᠂ ᠤᠨᠲᠠᠨ ᠤᠨᠲᠠᠨ ᠤᠬᠠᠭᠠ ᠣᠷᠣᠪᠠ᠂ ᠰᠠᠨᠠᠨ ᠰᠠᠨᠠᠨ ᠰᠠᠨᠠᠭᠠ ᠲᠥᠷᠥᠪᠡ ᠭᠡᠮᠡᠨ ᠬᠠᠷᠢᠭᠤᠯᠵᠠᠢ᠃
ᠦᠨᠡᠭᠡ᠄ ᠬᠡᠨ ᠵᠢᠭᠠᠵᠤ ᠥᠭᠭᠦᠭᠰᠡᠨ ᠢ᠋ ᠬᠡᠯᠡᠬᠦ ᠦᠭᠡᠢ ᠪᠣᠯ ᠪᠢ ᠴᠢᠮᠠ ᠶ᠋ᠢ ᠦᠨᠡᠭᠡᠨ ᠦ᠌ ᠠᠷᠪᠠᠨ ᠭᠤᠷᠪᠠᠨ ᠮᠡᠬᠡ ᠪᠡᠨ ᠠᠰᠢᠭᠯᠠᠭᠠᠳ ᠪᠠᠷᠢᠵᠤ ᠢᠳᠡᠨᠡ ᠳᠡ ᠭᠡᠮᠡᠨ ᠰᠦᠷᠳᠡᠭᠦᠯᠵᠡᠢ᠃
ᠱᠠᠭᠠᠵᠠᠭᠠᠢ ᠠᠶᠤᠬᠤ ᠳ᠋ᠠᠭᠠᠨ ᠲᠡᠷᠡ ᠨᠦᠬᠡᠨ ᠳ᠋ᠦ᠍ ᠪᠠᠢᠭᠠ ᠬᠤᠯᠤᠭᠠᠨᠠ ᠵᠢᠭᠠᠵᠤ ᠦᠭᠭᠦᠭᠰᠡᠨ ᠭᠡᠵᠡᠢ᠃
ᠦᠨᠡᠭᠡ ᠥᠨᠥᠬᠢ ᠣᠭᠣᠲᠣᠨᠠ ᠶ᠋ᠢᠨ ᠨᠦᠬᠡᠨ ᠦ᠌ ᠠᠮᠠᠰᠠᠷ ᠳᠡᠭᠡᠷᠡ ᠣᠴᠢᠭᠠᠳ ᠤᠭᠲᠤᠨᠠ ᠶ᠋ᠢ ᠳᠠᠭᠤᠳᠠᠵᠠᠢ᠃ ᠣᠭᠣᠲᠣᠨᠠ ᠠ᠋ ᠣᠭᠣᠲᠣᠨᠠ ᠠ᠋ ᠭᠠᠷᠤᠭᠠᠳ ᠢᠷᠡ ᠬᠡᠮᠡᠪᠡ᠃
ᠣᠭᠣᠲᠣᠨᠠ᠄ ᠪᠢ ᠭᠡᠷ ᠢ᠋ᠶ᠋ᠡᠨ ᠴᠡᠪᠡᠷᠯᠡᠵᠦ ᠪᠠᠢᠨᠠ ᠠ᠋ ᠬᠣᠭ ᠢ᠋ᠶ᠋ᠠᠨ ᠱᠦᠭᠦᠷᠳᠡᠵᠦ ᠪᠠᠢᠨᠠ ᠭᠡᠵᠡᠢ᠃
ᠦᠨᠡᠭᠡ ᠵᠢᠭᠠᠬᠠᠨ ᠬᠦᠯᠢᠶᠡᠵᠦ ᠪᠠᠢᠭᠰᠠᠨ ᠢ᠋ᠶ᠋ᠠᠨ ᠠᠬᠢᠭᠠᠳ ᠣᠭᠣᠲᠣᠨᠠ ᠠ᠋ ᠣᠭᠣᠲᠣᠨᠠ ᠠ᠋ ᠭᠠᠷᠤᠭᠠᠳ ᠢᠷᠡ ᠭᠡᠵᠦ ᠭᠡᠨᠡ᠃
ᠣᠭᠣᠲᠣᠨᠠ᠄ ᠪᠢ ᠲᠣᠯᠢ ᠪᠠᠨ ᠠᠷᠴᠢᠵᠤ ᠪᠠᠢᠨᠠ ᠠ᠋ ᠭᠡᠵᠡᠢ᠃
ᠦᠨᠡᠭᠡ ᠵᠢᠭᠠᠬᠠᠨ ᠬᠦᠯᠢᠶᠡᠵᠦ ᠪᠠᠢᠭᠠᠳ ᠣᠭᠣᠲᠣᠨᠠ ᠠ᠋ ᠣᠭᠣᠲᠣᠨᠠ ᠠ᠋ ᠭᠠᠷᠤᠭᠠᠳ ᠢᠷᠡ ᠭᠡᠵᠦ ᠭᠡᠨᠡ᠃
ᠣᠭᠣᠲᠣᠨᠠ ᠡᠭᠦᠷ ᠳᠡᠭᠡᠷᠡ ᠪᠡᠨ ᠲᠣᠯᠣᠭᠠᠢ ᠪᠠᠨ ᠴᠤᠬᠤᠢᠯᠭᠠᠵᠠᠢ᠃
ᠦᠨᠡᠭᠡ᠄ ᠲᠣᠯᠣᠭᠠᠢ ᠨᠢ ᠡᠢᠮᠦ ᠬᠥᠭᠡᠷᠦᠬᠦᠨ ᠪᠠᠢᠭᠠ ᠶᠤᠮ ᠴᠢᠨᠢ ᠴᠡᠭᠡᠵᠢ ᠨᠢ ᠶᠠᠮᠠᠷ ᠬᠥᠭᠡᠷᠦᠬᠦᠨ ᠪᠠᠢᠭᠠ ᠪᠣᠯ ᠳᠠ ᠭᠡᠵᠦ ᠭᠡᠨᠡ᠃
ᠣᠭᠣᠲᠣᠨᠠ ᠴᠡᠭᠡᠵᠢ ᠪᠡᠨ ᠭᠠᠷᠭᠠᠵᠤ ᠭᠡᠨᠡ᠃
ᠦᠨᠡᠭᠡ᠄ ᠴᠡᠭᠡᠵᠢ ᠨᠢ ᠡᠢᠮᠦ ᠬᠥᠭᠡᠷᠦᠬᠦᠨ ᠪᠠᠢᠭᠠ ᠶᠤᠮ ᠴᠢᠨᠢ ᠪᠥᠭᠰᠡ ᠨᠢ ᠶᠠᠮᠠᠷ ᠬᠥᠭᠡᠷᠦᠬᠦᠨ ᠪᠣᠯ ᠳᠠ ᠭᠡᠵᠦ ᠭᠡᠨᠡ᠃
ᠣᠭᠣᠲᠣᠨᠠ ᠪᠥᠭᠰᠡ ᠪᠡᠨ ᠭᠠᠷᠭᠠᠵᠤ ᠭᠡᠨᠡ᠃
ᠦᠨᠡᠭᠡ᠄ ᠪᠥᠭᠰᠡ ᠨᠢ ᠡᠢᠮᠦ ᠬᠥᠭᠡᠷᠦᠬᠦᠨ ᠪᠠᠢᠭᠠ ᠶᠤᠮ ᠴᠢᠨᠢ ᠰᠡᠭᠦᠯ ᠨᠢ ᠶᠠᠮᠠᠷ ᠬᠥᠭᠡᠷᠦᠬᠦᠨ ᠪᠠᠢᠭᠠ ᠪᠣᠯ ᠳᠠ ᠭᠡᠵᠦ ᠭᠡᠨᠡ᠃
ᠣᠭᠣᠲᠣᠨᠠ ᠰᠡᠭᠦᠯ ᠢ᠋ᠶ᠋ᠡᠨ ᠭᠠᠷᠭᠠᠵᠤ ᠭᠡᠨᠡ᠃
ᠦᠨᠡᠭᠡ᠄ ᠡᠢᠮᠦ ᠬᠥᠭᠡᠷᠦᠬᠦᠨ ᠪᠡᠶᠡ ᠲᠡᠢ ᠶᠦᠮ ᠴᠢᠨᠢ ᠬᠠᠳᠠᠨ ᠳᠡᠭᠡᠭᠦᠷ ᠪᠥᠭ ᠪᠥᠭᠬᠢᠵᠦ ᠭᠦᠶᠦᠬᠦ ᠨᠢ ᠶᠠᠭᠠᠬᠢᠭᠰᠠᠨ ᠬᠥᠭᠡᠷᠦᠬᠦᠨ ᠪᠠᠢᠬᠤ ᠪᠣᠯ ᠳᠠ ᠭᠡᠵᠦ ᠭᠡᠨᠡ᠃ ᠣᠭᠣᠲᠣᠨᠠ ᠪᠥᠭ ᠪᠥᠭ ᠭᠦᠶᠦᠲᠡᠯᠡ ᠦᠨᠡᠭᠡ ᠡᠮᠬᠦᠭᠡᠳ ᠠᠪᠴᠠᠢ᠃
ᠣᠭᠣᠲᠣᠨᠠ ᠢᠩᠭᠢᠵᠦ ᠬᠡᠯᠡᠵᠡᠢ᠃ ᠦᠨᠡᠭᠡ ᠮᠢᠨᠢ᠂ ᠴᠢ ᠤᠮᠠᠷ ᠤᠮᠠᠷ ᠭᠡᠵᠦ ᠢᠳᠡᠪᠡᠯ ᠪᠢ ᠦᠮᠦᠬᠡᠢ ᠪᠠᠢᠬᠤ ᠪᠣᠯᠤᠨᠠ᠂ ᠬᠠᠷᠢᠨ ᠠᠩᠭᠠᠷ ᠠᠩᠭᠠᠷ ᠭᠡᠵᠦ ᠢᠳᠡᠪᠡᠯ ᠠᠮᠲᠠᠲᠠᠢ ᠪᠠᠢᠬᠤ ᠪᠣᠯᠤᠨᠠ ᠭᠡᠵᠦ ᠭᠡᠨᠡ᠃
ᠦᠨᠡᠭᠡ ᠣᠭᠣᠲᠣᠨᠠ ᠶ᠋ᠢᠨ ᠬᠡᠯᠡᠭᠰᠡᠨ ᠶᠣᠰᠤᠭᠠᠢ ᠠᠩᠭᠠᠷ ᠠᠩᠭᠠᠷ ᠭᠡᠵᠦ ᠢᠳᠡᠬᠦ ᠭᠡᠳ ᠠᠮᠠ ᠪᠠᠨ ᠠᠩᠭᠠᠯᠵᠠᠭᠤᠯᠲᠠᠯᠠ ᠣᠭᠯᠣ ᠬᠠᠷᠠᠢᠨ ᠵᠢᠭᠤᠲᠠᠵᠤ ᠣᠳᠴᠠᠢ᠃
ᠦᠨᠡᠭᠡ ᠶ᠋ᠢ ᠡᠢᠨᠬᠦ ᠳᠡᠢᠯᠦᠭᠰᠡᠨ ᠭᠡᠳᠡᠭ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ᠄ ᠤᠳᠤᠩᠭᠡᠷᠡᠯ
ᠦᠰᠦᠭ ᠬᠠᠲᠠᠭᠰᠠᠨ ᠨᠢ᠄ ᠮᠣᠳᠣᠲᠤ ᠬᠠᠪᠤᠷᠵᠢᠶᠠ
ᠬᠢᠨᠠᠭᠴᠢ ᠄ ᠭᠠᠷᠮᠠ