ᠳᠥᠷᠪᠡᠨ ᠤᠯᠠᠷᠢᠯ-ᠡᠷᠳᠡᠨᠢᠪᠠᠲᠤ ᠠᠯᠲᠠᠨ ᠤᠷᠠᠭᠠErdenebat _ Altan urag - Дөрвөн улирал _ Dorvon uliral
975ᠳᠥᠷᠪᠡᠨ ᠤᠯᠠᠷᠢᠯ
ᠦᠭᠡ᠄ ᠪ᠊᠂ ᠡᠷᠳᠡᠨᠢᠪᠠᠲᠤ
ᠠᠶᠠ᠄ ᠠᠯᠲᠠᠨ᠌ᠨ᠌ᠣᠷᠣᠭ
ᠡᠷᠲᠡ ᠤᠷᠢᠳᠤ ᠶ᠋ᠢᠨ ᠴᠠᠭ ᠲᠤ᠌ ᠯᠠ ᠭᠡᠨᠡ
ᠡᠨᠡ ᠶᠢᠷᠲᠢᠨᠴᠦ ᠵᠠᠳᠠᠭᠠᠢ ᠪᠠᠢᠬᠤ ᠳ᠋ᠤ᠌
ᠲᠡᠭᠷᠢ ᠭᠡᠳᠡᠭ ᠠᠪᠤ ᠲᠠᠢ
ᠳᠡᠯᠡᠬᠡᠢ ᠭᠡᠳᠡᠭ ᠡᠵᠢ ᠲᠡᠢ
ᠡᠪᠦᠯ ᠭᠡᠳᠡᠭ ᠠᠬᠠ ᠲᠠᠢ
ᠬᠠᠪᠤᠷ ᠭᠡᠳᠡᠭ ᠡᠭᠡᠴᠢ ᠲᠡᠢ
ᠵᠤᠨ ᠨᠠᠮᠤᠷ ᠭᠡᠳᠡᠭ ᠳᠡᠭᠦᠦᠰ ᠲᠡᠢ
ᠠᠬᠠ ᠳᠡᠭᠦᠦ ᠳᠥᠷᠪᠡ ᠪᠠᠢᠵᠤ ᠯᠠ ᠭᠡᠨᠡ᠃
ᠨᠢᠭᠡᠨ ᠡᠳᠦᠷ ᠲᠩᠷᠢ ᠠᠪᠤ ᠨᠢ ᠠᠬᠠ ᠳᠡᠭᠦᠦ ᠳᠥᠷᠪᠡ ᠡᠴᠡ ᠠᠰᠠᠭᠤᠪᠠ ᠭᠡᠨᠡ᠃ ᠲᠠ ᠳᠥᠷᠪᠡ ᠶ᠋ᠢᠨ ᠮᠥᠷᠥᠭᠡᠳᠦᠯ ᠨᠢ ᠶᠠᠭᠤ ᠶᠤᠮ ᠪᠣᠯ ᠳᠠ ᠭᠡᠵᠦ ᠯᠡ ᠭᠡᠨᠡ᠃
ᠠᠬᠠ ᠳᠡᠭᠦᠦ ᠳᠥᠷᠪᠡ ᠨᠢᠭᠡᠨ ᠵᠡᠷᠭᠡ ᠪᠢᠳᠡ ᠳᠡᠯᠡᠬᠡᠢ ᠡᠵᠢ ᠶ᠋ᠢ ᠪᠡᠨ ᠨᠠᠰᠤᠨ ᠲᠤᠷᠰᠢ ᠳ᠋ᠠᠭᠠᠨ ᠠᠰᠠᠷᠠᠵᠤ ᠲᠤᠢᠯᠠᠬᠤ ᠶ᠋ᠢ ᠬᠦᠰᠡᠳᠡᠭ ᠪᠢᠯᠡ ᠭᠡᠵᠦ ᠯᠡ ᠭᠡᠨᠡ᠃ ᠡᠭᠦᠨ ᠢ᠋ ᠰᠣᠨᠣᠰᠤᠭᠠᠳ ᠲᠩᠷᠢ ᠡᠴᠢᠭᠡ ᠨᠢ ᠦᠷᠭᠦᠯᠵᠢᠯᠡᠭᠦᠯᠦᠨ ᠠᠰᠠᠭᠤᠪᠠ ᠭᠡᠨᠡ᠃ ᠬᠡᠦᠬᠡᠳ ᠦ᠋ᠳ ᠦ᠋ᠨ ᠮᠢᠨᠢ ᠮᠥᠷᠥᠭᠡᠳᠦᠯ ᠨᠢ ᠦᠨᠡᠬᠡᠷ ᠰᠠᠢᠬᠠᠨ ᠬᠦᠰᠡᠯ ᠶᠦᠮ ᠠ᠋! ᠠᠪᠤ ᠨᠢ ᠲᠠ ᠨᠠᠷ ᠤ᠋ᠨ ᠬᠦᠰᠡᠯ ᠢ᠋ ᠨᠢ ᠠᠩᠬᠠᠷᠴᠤ ᠰᠠᠢᠨ ᠰᠣᠨᠣᠰᠤᠮᠠᠷ ᠪᠠᠢᠨᠠ᠃ ᠲᠠ ᠳᠥᠷᠪᠡ ᠨᠢᠭᠡ ᠨᠢᠭᠡ ᠪᠡᠷ ᠠᠪᠤ ᠳ᠋ᠠᠭᠠᠨ ᠬᠦᠰᠡᠯ ᠢ᠋ᠶ᠋ᠡᠨ ᠬᠡᠯᠡᠭᠡᠴᠢ ᠭᠡᠵᠡᠢ᠃
ᠵᠠ᠂ ᠪᠢ ᠡᠵᠢ ᠶ᠋ᠢ ᠪᠡᠨ ᠰᠡᠷᠢᠭᠦᠨ ᠴᠠᠭᠠᠨ ᠳᠡᠪᠡᠯ ᠲᠡᠢ ᠪᠣᠯᠭᠠᠭᠠᠳ ᠬᠠᠯᠠᠭᠤᠴᠠᠬᠤ ᠵᠣᠪᠠᠯᠠᠩ ᠠ᠋ᠴᠠ ᠬᠣᠯᠠᠳᠠᠭᠤᠯᠤᠨᠠ ᠭᠡᠵᠦ ᠡᠪᠦᠯ ᠬᠡᠯᠡᠪᠡ᠃ ᠪᠢ ᠡᠵᠢ ᠶ᠋ᠢ ᠪᠠᠨ ᠯᠠ ᠪᠣᠷᠣ ᠵᠥᠭᠡᠯᠡᠨ ᠳᠡᠪᠡᠯ ᠲᠡᠢ ᠪᠣᠯᠭᠠᠭᠠᠳ ᠪᠦᠯᠢᠶᠡᠴᠡᠭᠦᠯᠦᠨ ᠲᠡᠪᠡᠷᠢᠬᠦ ᠶ᠋ᠢ ᠬᠦᠰᠡᠳᠡᠭ ᠭᠡᠵᠦ ᠬᠠᠪᠤᠷ ᠬᠡᠯᠡᠪᠡ᠃ ᠵᠠ᠂ ᠪᠢ ᠡᠵᠢ ᠶ᠋ᠢ ᠪᠠᠨ ᠯᠠ ᠥᠩᠭᠡ ᠥᠩᠭᠡ ᠪᠡᠷ ᠭᠤᠶᠤᠬᠤ ᠶ᠋ᠢ ᠬᠦᠰᠡᠳᠡᠭ ᠴᠠᠩᠭᠠᠬᠤ ᠵᠣᠪᠠᠯᠠᠩ ᠦᠭᠡᠢ ᠪᠠᠢᠬᠤ ᠶ᠋ᠢ ᠬᠦᠰᠡᠳᠡᠭ ᠭᠡᠵᠦ ᠯᠡ ᠵᠤᠨ ᠬᠡᠯᠡᠪᠡ᠃ ᠲᠡᠭᠡᠪᠡᠯ ᠪᠢ ᠡᠵᠢ ᠶ᠋ᠢ ᠪᠠᠨ ᠯᠠ ᠰᠢᠷᠠ ᠤᠯᠠᠭᠠᠨ ᠳᠡᠪᠡᠯ ᠲᠡᠢ ᠪᠣᠯᠭᠠᠭᠠᠳ ᠠᠮᠲᠠᠨ ᠤ᠋ ᠰᠠᠢᠬᠠᠨ ᠳ᠋ᠤ᠌ ᠤᠮᠪᠠᠭᠤᠯᠬᠤ ᠶ᠋ᠢ ᠬᠦᠰᠡᠳᠡᠭ ᠭᠡᠵᠦ ᠯᠡ ᠨᠠᠮᠤᠷ ᠬᠡᠯᠡᠪᠡ᠃
ᠬᠡᠦᠬᠡᠳ ᠦ᠋ᠳ ᠦ᠋ᠨ ᠢ᠋ᠶ᠋ᠡᠨ ᠬᠡᠯᠡᠬᠦ ᠶ᠋ᠢ ᠰᠣᠨᠣᠰᠤᠭᠠᠳ ᠲᠩᠷᠢ ᠠᠪᠤ ᠨᠢ ᠢᠩᠭᠢᠵᠦ ᠬᠡᠯᠡᠪᠡ᠃ ᠮᠢᠨᠦ ᠬᠦᠰᠡᠯ ᠲᠠ ᠨᠠᠷ ᠤ᠋ᠨ ᠬᠢ ᠲᠡᠢ ᠠᠪ ᠠᠳᠠᠯᠢᠬᠠᠨ ᠶᠤᠮ ᠪᠠᠢᠨᠠ ᠭᠡᠵᠡᠢ᠃
ᠠᠪᠤ ᠨᠢ ᠴᠦ᠍ ᠭᠡᠰᠡᠨ ᠡᠵᠢ ᠶ᠋ᠢ ᠨᠢ ᠭᠣᠶᠣ ᠰᠠᠢᠬᠠᠨ ᠢ᠋ᠶ᠋ᠠᠷ ᠬᠠᠷᠠᠬᠤ ᠶ᠋ᠢ ᠬᠦᠰᠡᠳᠡᠭ᠃ ᠡᠯᠳᠡᠪ ᠮᠠᠭᠤᠬᠠᠢ ᠵᠣᠪᠠᠯᠠᠩ ᠠ᠋ᠴᠠ ᠨᠢ ᠬᠠᠮᠠᠭᠠᠯᠠᠵᠤ ᠶᠠᠪᠤᠬᠤ ᠶ᠋ᠢ ᠬᠦᠰᠡᠳᠡᠭ ᠭᠡᠵᠡᠢ ᠠ᠋᠃
ᠲᠡᠷᠡ ᠴᠠᠭ ᠠ᠋ᠴᠠ ᠬᠣᠢᠰᠢ ᠳᠥᠷᠪᠡᠨ ᠬᠡᠦᠬᠡᠳ ᠨᠢ ᠳᠥᠷᠪᠡᠨ ᠤᠯᠠᠷᠢᠯ ᠪᠣᠯᠤᠨ ᠲᠩᠷᠢ ᠠᠪᠤ ᠨᠢ ᠠᠯᠤᠰ ᠠ᠋ᠴᠠ ᠲᠡᠳᠡᠨ ᠳ᠋ᠦ᠍ ᠲᠤᠰᠠᠯᠠᠵᠤ ᠳᠡᠯᠡᠬᠡᠢ ᠡᠵᠢ ᠪᠡᠨ ᠠᠰᠠᠷᠠᠵᠤ ᠲᠤᠢᠯᠠᠳᠠᠭ ᠪᠣᠯᠵᠠᠢ᠃ ᠲᠣᠮᠣ ᠬᠦᠦ ᠨᠢ ᠡᠪᠦᠯ ᠦ᠋ᠨ ᠤᠯᠠᠷᠢᠯ ᠪᠣᠯᠤᠨ ᠲᠩᠷᠢ ᠠᠪᠤ ᠨᠢ ᠴᠠᠰᠤ ᠢᠯᠡᠭᠡᠵᠦ ᠳᠡᠯᠡᠬᠡᠢ ᠡᠵᠢ ᠶ᠋ᠢ ᠪᠡᠨ ᠰᠡᠷᠢᠭᠦᠨ ᠴᠠᠭᠠᠨ ᠳᠡᠪᠡᠯ ᠢ᠋ᠶ᠋ᠡᠷ ᠭᠣᠶᠣᠳᠠᠭ ᠪᠣᠯᠵᠠᠢ᠃ ᠭᠠᠭᠴᠠ ᠥᠬᠢᠨ ᠨᠢ ᠬᠠᠪᠤᠷ ᠤ᠋ᠨ ᠤᠯᠠᠷᠢᠯ ᠪᠣᠯᠤᠨ ᠲᠩᠷᠢ ᠠᠪᠤ ᠶ᠋ᠢᠨ ᠢᠯᠡᠭᠡᠭᠰᠡᠨ ᠤᠷᠢ ᠪᠠᠷ ᠴᠠᠰᠤ ᠶ᠋ᠢ ᠬᠠᠢᠯᠤᠭᠤᠯᠤᠨ ᠳᠡᠯᠡᠬᠡᠢ ᠡᠵᠢ ᠶ᠋ᠢ ᠪᠠᠨ ᠯᠠ ᠪᠣᠷᠣ ᠵᠥᠭᠡᠯᠡᠨ ᠳᠡᠪᠡᠯ ᠢ᠋ᠶ᠋ᠡᠷ ᠭᠤᠶᠤᠨ ᠳᠤᠯᠠᠭᠠᠴᠠᠭᠤᠯᠳᠠᠭ ᠪᠣᠯᠵᠠᠢ᠃ ᠤᠳᠠᠭᠠᠬᠢ ᠬᠦᠦ ᠵᠤᠨ ᠤ᠋ ᠤᠯᠠᠷᠢᠯ ᠪᠣᠯᠵᠤ ᠲᠩᠷᠢ ᠡᠴᠢᠭᠡ ᠶ᠋ᠢᠨ ᠢᠯᠡᠭᠡᠭᠰᠡᠨ ᠪᠣᠷᠣᠭᠠ ᠪᠠᠷ ᠳᠡᠯᠡᠬᠡᠢ ᠡᠵᠢ ᠶ᠋ᠢ ᠪᠡᠨ ᠤᠮᠳᠠᠯᠠᠨ ᠥᠩᠭᠡ ᠥᠩᠭᠡ ᠶ᠋ᠢᠨ ᠤᠷᠭᠤᠮᠠᠯ ᠠᠩ ᠠᠮᠢᠲᠠᠳ ᠤ᠋ᠨ ᠣᠯᠠᠨ ᠰᠠᠢᠬᠠᠨ ᠵᠢᠰᠦ ᠪᠡᠷ ᠳᠡᠪᠡᠯ ᠢ᠋ ᠬᠢᠨ ᠭᠣᠶᠣᠳᠠᠭ ᠪᠣᠯᠵᠠᠢ᠃ ᠣᠳᠬᠣᠨ ᠬᠦᠦ ᠨᠢ ᠨᠠᠮᠤᠷ ᠪᠣᠯᠤᠨ ᠲᠩᠷᠢ ᠡᠴᠢᠭᠡ ᠪᠣᠯᠤᠨ ᠠᠬᠠᠨ ᠳᠡᠭᠦᠦᠰ ᠦ᠋ᠨ ᠢ᠋ᠶ᠋ᠡᠨ ᠲᠤᠰᠠ ᠪᠠᠷ ᠳᠡᠯᠡᠬᠡᠢ ᠡᠵᠢ ᠶ᠋ᠢᠨ ᠢ᠋ᠶ᠋ᠡᠨ ᠰᠢᠮᠡ ᠮᠠᠨᠳᠠᠯ ᠢ᠋ ᠲᠡᠳᠬᠦᠨ ᠵᠢᠮᠢᠰ᠂ᠨᠣᠭᠣᠭᠠ᠂ ᠰᠦ᠂ ᠴᠠᠭᠠᠨ ᠢᠳᠡᠭᠡ ᠭᠡᠳ ᠠᠮᠲᠠᠲᠠᠨ ᠪᠦᠷᠢ ᠶ᠋ᠢ ᠳᠡᠯᠭᠡᠷᠡᠭᠦᠯᠦᠨ ᠨᠢᠳᠦ ᠰᠡᠷᠭᠦᠨ ᠰᠡᠳᠬᠢᠯ ᠤᠶᠠᠷᠠᠮᠠ ᠤᠯᠠᠭᠠᠨ ᠰᠢᠷᠭᠠᠯ ᠳᠡᠪᠡᠯ ᠢ᠋ᠶ᠋ᠡᠷ ᠭᠣᠶᠣᠳᠠᠭ ᠪᠣᠯᠤᠭᠰᠠᠨ ᠶᠤᠮ ᠭᠡᠨᠡ᠃
ᠦᠯᠢᠭᠡᠷ ᠳᠣᠮᠣᠭ ᠢ᠋ᠶ᠋ᠠᠨ ᠢᠩᠭᠢᠭᠡᠳ ᠳᠠᠭᠤᠰᠬᠠᠭᠠᠳ ᠦᠷᠭᠦᠯᠵᠢᠯᠡᠭᠦᠯᠦᠨ ᠵᠠᠬᠢᠶᠠᠰᠤ ᠬᠡᠯᠡᠶᠡ᠃ ᠬᠡᠦᠬᠡᠳ ᠦ᠋ᠳ ᠲᠠ ᠨᠠᠷ ᠥᠪᠡᠷ ᠦ᠋ᠨ ᠴᠢᠳᠠᠯ ᠢ᠋ᠶ᠋ᠠᠷ ᠬᠥᠪᠴᠢᠨ ᠳᠡᠯᠡᠬᠡᠢ ᠪᠡᠨ ᠬᠠᠢᠷᠠᠯᠠᠭᠠᠷᠠᠢ ᠳᠠ! ᠤᠷᠭᠤᠮᠠᠯ ᠠᠮᠢᠲᠠᠨ ᠢ᠋ᠶ᠋ᠠᠨ ᠭᠠᠮᠨᠠᠵᠤ ᠶᠠᠪᠤᠭᠠ ᠠᠭᠤᠯᠠ ᠤᠰᠤ ᠪᠠᠨ ᠬᠦᠨᠳᠦᠯᠡᠵᠦ ᠶᠠᠪᠤᠭᠠ ᠠᠮᠢ ᠲᠠᠢ ᠪᠦᠬᠦᠨ ᠢ᠋ ᠲᠡᠳᠬᠦᠭᠴᠢ ᠡᠵᠢ ᠠᠯᠲᠠᠨ ᠳᠡᠯᠡᠬᠡᠢ ᠪᠡᠨ ᠬᠠᠢᠷᠠᠯᠠᠵᠤ ᠶᠠᠪᠤᠭᠠᠷᠠᠢ!
ᠦᠯᠢᠭᠡᠷ ᠶᠠᠷᠢᠭᠰᠠᠨ ᠨᠢ᠄ᠴ᠂ ᠣᠶᠣᠨᠵᠠᠶᠠᠭᠠ ᠵ᠂ ᠠᠵᠠᠪᠠᠶᠠᠷ ᠮ᠂ ᠮᠢᠰᠢᠶᠡᠯ ᠱ᠂ ᠳᠦᠯᠭᠢᠶᠡᠨᠲᠠᠮᠢᠷ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠬᠠᠲᠠᠭᠴᠢ᠄ ᠰ᠂ ᠳᠣᠷᠣᠨᠠ
ᠬᠢᠨᠠᠭᠴᠢ᠄ ᠮᠥᠴᠢᠷ ᠂ ᠭᠠᠷᠮᠠ᠂ ᠠᠯᠲᠠᠨᠴᠢᠮᠡᠭ