ᠰᠢᠨᠡ ᠳᠤᠮᠳᠠᠳᠤ ᠤᠯᠤᠰ ᠤᠨ ᠤᠷᠠᠨ ᠪᠢᠴᠢᠯᠭᠡᠳᠡᠳ -<ᠨᠢᠭᠡ>1949 ᠣᠨ ᠠᠴᠠ ᠡᠮᠦᠨᠡ ᠮᠡᠨᠳᠦᠯᠡᠭᠰᠡᠳ - ᠪᠠᠢ ᠶᠦᠨ ᠱᠠᠨ Шинэ дундад улсын уран бичлэгдэд -<1>1949 оноос өмнө мэндэлсэд - Бай юн шан
325 ᠪᠠᠢ ᠶᠦᠨ ᠱᠠᠨ ᠭᠤᠸᠠᠢ 《 ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠳ᠋ᠤ᠌ ᠣᠷᠣᠬᠤ ᠠ᠋ᠴᠠ ᠡᠮᠦᠨᠡ᠂ ᠤᠬᠠᠭᠠᠨ ᠭᠦᠢᠴᠡᠭᠡᠳᠦᠢ ᠦᠶᠡ ᠡᠴᠡ ᠡᠬᠢᠯᠡᠨ ᠪᠠᠭᠰᠢ ᠪᠣᠯᠬᠤ ᠶᠡᠬᠡ ᠳᠤᠷᠠᠲᠠᠢ ᠪᠠᠢᠭᠰᠠᠨ 》（ᠬᠤᠪᠢ ᠶ᠋ᠢᠨ ᠨᠠᠮᠲᠠᠷ ᠲᠤ᠌ ᠪᠠᠨ ᠪᠢᠴᠢᠭᠰᠡᠨ ᠥᠪᠡᠷ ᠦ᠋ᠨ ᠬᠢᠨᠢ ᠦᠭᠡ）ᠪᠥᠭᠡᠳ ᠦᠨᠡᠬᠡᠷ ᠥᠪᠡᠷ ᠦ᠋ᠨ ᠬᠦᠰᠡᠯ ᠶᠣᠰᠣᠭᠠᠷ ᠢ᠋ᠶ᠋ᠠᠨ ᠪᠠᠭᠰᠢ ᠶ᠋ᠢᠨ ᠠᠵᠢᠯ ᠤ᠋ᠨ ᠪᠠᠢᠷᠢ ᠳ᠋ᠤ᠌ ᠭᠠᠷᠮᠠᠭᠠᠢᠯᠠᠨ ᠴᠢᠷᠮᠠᠢᠵᠤ᠂ ᠪᠦᠬᠦ ᠨᠠᠰᠤ ᠪᠠᠨ ᠦᠨᠳᠦᠰᠦᠲᠡᠨ ᠦ᠌ ᠰᠣᠶᠣᠯ ᠰᠤᠷᠭᠠᠨ ᠬᠥᠮᠦᠵᠢᠯ ᠦ᠋ᠨ ᠦᠢᠯᠡᠰ ᠲᠦ᠍ ᠵᠣᠷᠢᠭᠤᠯᠤᠭᠰᠠᠨ ᠪᠠᠢᠨᠠ᠃ ᠢᠯᠠᠩᠭᠤᠶᠠ ᠶᠡᠬᠡ ᠰᠤᠷᠭᠠᠭᠤᠯᠢ ᠳ᠋ᠤ᠌ ᠠᠵᠢᠯᠯᠠᠵᠤ ᠪᠠᠢᠭᠠ ᠬᠤᠭᠤᠴᠠᠭᠠᠨ ᠳ᠋ᠤ᠌ ᠪᠠᠨ《 ᠴᠢᠦᠢ ᠶᠤᠸᠠᠨ ᠤ᠋ ᠤᠶᠠᠩᠭᠠ 》᠂《ᠰᠤᠷᠭᠠᠬᠤᠢ ᠲᠡᠮᠳᠡᠭᠯᠡᠯ 》᠂《 ᠴᠦ ᠶ᠋ᠢᠨ ᠤᠶᠠᠩᠭᠠ ᠶ᠋ᠢᠨ ᠰᠣᠩᠭᠣᠮᠠᠯ 》ᠢ᠋ ᠣᠷᠴᠢᠭᠤᠯᠤᠨ ᠬᠡᠪᠯᠡᠭᠦᠯᠵᠦ᠂ ᠯᠦ᠍ ᠰᠢᠶᠦ᠋ᠨ ᠦ᠌ ᠵᠣᠬᠢᠶᠠᠯ ᠵᠡᠷᠭᠡ ᠭᠤᠴᠢ ᠭᠠᠷᠤᠢ ᠰᠢᠯᠦᠭ᠂ ᠥᠭᠦᠯᠡᠯᠭᠡ᠂ ᠨᠠᠢᠷᠠᠭᠤᠯᠤᠯ ᠢ᠋ ᠣᠷᠴᠢᠭᠤᠯᠤᠨ ᠨᠡᠢᠲᠡᠯᠡᠵᠦ᠂《 ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠳ᠋ᠤ᠌ ᠬᠡᠯᠡ ᠪᠢᠴᠢᠭ ᠵᠢᠭᠠᠬᠤ ᠠᠷᠭᠠ 》᠂《ᠮᠣᠩᠭᠣᠯ ᠦᠰᠦᠨ ᠪᠢᠷ ᠦ᠋ᠨ ᠵᠢᠭᠠᠨ ᠰᠤᠷᠭᠠᠯᠲᠠ ᠶ᠋ᠢᠨ ᠯᠠᠪᠯᠠᠬᠤ ᠪᠢᠴᠢᠭ 》ᠭᠡᠬᠦ ᠮᠡᠲᠦ ᠶ᠋ᠢᠨ ᠰᠤᠷᠬᠤ ᠪᠢᠴᠢᠭ ᠨᠠᠢᠷᠠᠭᠤᠯᠤᠭᠰᠠᠨ ᠪᠠᠢᠨᠠ᠃
《 ᠮᠣᠩᠭᠣᠯ ᠦᠰᠦᠨ ᠪᠢᠷ ᠦ᠋ᠨ ᠪᠢᠴᠢᠯᠭᠡ 》 ᠪᠣᠯ ᠪᠠᠢ ᠶᠦᠨ ᠱᠠᠨ ᠭᠤᠸᠠᠢ ᠶ᠋ᠢᠨ ᠨᠠᠢᠷᠠᠭᠤᠯᠵᠤ ᠪᠢᠴᠢᠭᠰᠡᠨ᠂ ᠬᠠᠮᠤᠭ ᠡᠷᠲᠡᠨ ᠦ᠌ ᠮᠣᠩᠭᠣᠯ ᠤᠷᠠᠨ ᠪᠢᠴᠢᠯᠭᠡ ᠶ᠋ᠢᠨ ᠬᠣᠪᠣᠷᠬᠠᠨ ᠬᠡᠳᠦᠨ ᠰᠤᠷᠬᠤ ᠪᠢᠴᠢᠭ ᠦ᠋ᠨ ᠨᠢᠭᠡ ᠪᠣᠯᠤᠨᠠ᠃ ᠲᠡᠷᠡ ᠨᠢ ᠪᠦᠬᠦᠯᠢ ᠡᠳᠦᠷ ᠦ᠋ᠨ ᠠᠷᠪᠠᠨ ᠵᠢᠯ ᠦ᠋ᠨ ᠳᠦᠷᠢᠮᠲᠦ ᠰᠤᠷᠭᠠᠭᠤᠯᠢ ᠶ᠋ᠢᠨ ᠪᠠᠭᠠ᠂ ᠠᠩᠬᠠ ᠳᠤᠮᠳᠠᠳᠤ ᠳ᠋ᠤ᠌ ᠰᠣᠩᠭᠣᠨ ᠬᠡᠷᠡᠭᠯᠡᠬᠦ ᠪᠢᠴᠢᠭ ᠦ᠋ᠨ ᠬᠤᠪᠢ ᠪᠠᠷ᠂ 1981 ᠣᠨ ᠳ᠋ᠤ᠌ ᠥᠪᠥᠷ ᠮᠣᠩᠭᠣᠯ ᠤ᠋ᠨ ᠰᠤᠷᠭᠠᠨ ᠬᠥᠮᠦᠵᠢᠯ ᠦ᠋ᠨ ᠬᠡᠪᠯᠡᠯ ᠦ᠋ᠨ ᠬᠣᠷᠢᠶᠠ ᠠ᠋ᠴᠠ ᠬᠡᠪᠯᠡᠭᠦᠯᠦᠭᠰᠡᠨ ᠪᠠᠢᠨᠠ᠃
ᠪᠠᠢ ᠶᠦᠨ ᠱᠠᠨ ᠭᠤᠸᠠᠢ ᠶ᠋ᠢᠨ《 ᠮᠣᠩᠭᠣᠯ ᠦᠰᠦᠨ ᠪᠢᠷ ᠦ᠋ᠨ ᠪᠢᠴᠢᠯᠭᠡ 》ᠨᠢ ᠄ a ᠦᠰᠦᠨ ᠪᠢᠷ ᠬᠡᠷᠡᠭᠯᠡᠬᠦ ᠠᠴᠢ ᠬᠣᠯᠪᠣᠭᠳᠠᠯ b ᠪᠢᠴᠢᠭ ᠦ᠋ᠨ ᠭᠡᠷ ᠦ᠋ᠨ ᠳᠥᠷᠪᠡᠨ ᠡᠷᠳᠡᠨᠢ c ᠦᠰᠦᠨ ᠪᠢᠷ ᠢ᠋ ᠬᠡᠷᠬᠢᠨ ᠬᠡᠷᠡᠭᠯᠡᠬᠦ ᠲᠤᠬᠠᠢ d ᠮᠣᠩᠭᠣᠯ ᠪᠢᠴᠢᠭ ᠦ᠋ᠨ ᠤᠷᠠᠨ ᠪᠢᠴᠢᠯᠭᠡ ᠶ᠋ᠢᠨ ᠲᠤᠬᠠᠢ ᠰᠢᠨᠵᠢᠯᠡᠯᠲᠡ e ᠤᠷᠠᠨ ᠪᠢᠴᠢᠯᠭᠡ ᠶ᠋ᠢᠨ ᠲᠢᠭ ᠵᠢᠱ᠌ᠢᠶᠡ ᠵᠡᠷᠭᠡ ᠲᠠᠪᠤᠨ ᠪᠦᠯᠦᠭ ᠢ᠋ᠶ᠋ᠡᠷ ᠪᠦᠷᠢᠯᠳᠦᠵᠡᠢ᠃ ᠣᠨᠴᠠᠭᠠᠢᠯᠠᠨ 《 ᠮᠣᠩᠭᠣᠯ ᠪᠢᠴᠢᠭ ᠦ᠋ᠨ ᠤᠷᠠᠨ ᠪᠢᠴᠢᠯᠭᠡ ᠶ᠋ᠢᠨ ᠲᠤᠬᠠᠢ ᠰᠢᠨᠵᠢᠯᠡᠯᠲᠡ》ᠪᠦᠯᠦᠭ ᠲᠦ᠍᠂ ᠮᠣᠩᠭᠣᠯ ᠤᠷᠠᠨ ᠪᠢᠴᠢᠯᠭᠡ ᠰᠤᠷᠴᠤ ᠪᠣᠯᠪᠠᠰᠤᠷᠠᠬᠤ ᠠᠯᠬᠤᠮ ᠳᠠᠷᠠᠭᠠ᠂ ᠪᠢᠴᠢᠬᠦ ᠠᠷᠭᠠ ᠪᠠᠷᠢᠯ《ᠳᠥᠭᠥᠮ ᠨᠥᠬᠥᠴᠡᠰᠦ ᠲᠢᠭ》ᠡᠴᠡ《ᠪᠤᠳᠤᠯᠢᠶᠠᠨ ᠲᠠᠢ ᠦᠭᠡ》ᠲᠡᠰᠢ《ᠠᠯᠬᠤᠮ ᠳᠠᠷᠠᠭᠠ ᠲᠠᠢ ᠠᠭᠠᠵᠢᠮ ᠢ᠋ᠶ᠋ᠠᠷ ᠠᠬᠢᠬᠤ ᠵᠠᠷᠴᠢᠮ》ᠪᠠ《ᠦᠰᠦᠭ ᠦ᠋ᠨ ᠲᠢᠭ ᠦ᠋ᠨ ᠪᠦᠲᠦᠴᠡ᠂ ᠵᠢᠷᠤᠯᠭᠠ ᠶ᠋ᠢ ᠬᠢᠨᠠᠵᠤ ᠰᠤᠳᠤᠯᠤᠨ᠂ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠴᠢᠯᠠᠭᠰᠠᠨ ᠵᠢᠮᠡ ᠶᠣᠰᠣ᠂ ᠪᠢᠴᠢᠬᠦ ᠠᠷᠭᠠ ᠪᠠᠷᠢᠯ ᠢ᠋ ᠨᠢ ᠣᠯᠬᠤ》ᠴᠢᠬᠤᠯᠠ ᠴᠢᠨᠠᠷ ᠢ᠋ ᠳᠤᠷᠠᠳᠴᠤ᠂ ᠮᠣᠩᠭᠣᠯ ᠦᠰᠦᠭ ᠦ᠋ᠨ ᠦᠨᠳᠦᠰᠦᠨ ᠵᠢᠷᠤᠯᠭᠠ ᠶ᠋ᠢ《 ᠦᠶᠡ ᠦᠰᠦᠭ ᠦ᠋ᠨ ᠲᠢᠲᠢᠮ ᠲᠣᠯᠣᠭᠠᠢ ᠪᠣᠯᠬᠤ〈 ᠡ ᠂ ᠨ ᠂ ᠦ᠌ ᠂ ᠫ ᠂ ᠹ ᠂ ᠭ（ ᠬ ）᠂ ᠵ ᠂ ᠶ ᠂ ᠲ ᠂ ᠳ᠋᠊ ᠂ ᠮ ᠂ ᠴ ᠂ ᠷ ᠂ ᠱ ᠂ ᠯ ᠂ ᠸ ᠂ ᠼ ᠂ ᠽ ᠂ ᠺ ᠂ ᠾ 〉ᠵᠡᠷᠭᠡ ᠪᠠ〈 ᠨ᠂ ᠡ᠂ ᠊ᠢ᠂ ᠣ ᠂ ᠪ ᠂ ᠡ ᠂ ᠵ 〉ᠭᠡᠬᠦ ᠮᠡᠲᠦ ᠶ᠋ᠢᠨ ᠠᠴᠤᠭ᠂ ᠰᠢᠯᠪᠢ᠂ ᠭᠡᠳᠡᠰᠦ᠂ ᠣᠷᠬᠢᠴᠠ᠂ ᠤᠷᠤᠭᠰᠢᠯᠠᠭᠠ᠂ ᠴᠠᠴᠤᠯᠭᠠ᠂ ᠪᠢᠲᠡᠭᠦᠦ᠂ ᠬᠡᠢᠰᠪᠦᠷᠢ ᠰᠡᠭᠦᠯ᠂ ᠨᠢᠷᠤᠭᠤ（ᠵᠠᠯᠭᠠᠬᠤ ᠨᠢᠷᠤᠭᠤ ᠪᠠᠭᠲᠠᠨᠠ）ᠵᠡᠷᠭᠡ ᠶ᠋ᠢᠨ ᠦᠨᠳᠦᠰᠦᠨ ᠲᠢᠭ ᠲᠡᠮᠳᠡᠭ᠂ ᠬᠡᠯᠪᠡᠷᠢ ᠳᠦᠷᠰᠦ ᠲᠡᠳᠦᠢ ᠪᠣᠯᠤᠨᠠ》ᠭᠡᠮᠡᠨ ᠬᠤᠷᠢᠶᠠᠩᠭᠤᠢᠯᠠᠨ᠂《ᠪᠢᠴᠢᠯᠭᠡ ᠶ᠋ᠢᠨ ᠬᠡᠪ ᠢ᠋ᠶ᠋ᠡᠨ ᠬᠠᠷᠠᠨᠳᠠ ᠪᠤᠶᠤ ᠪᠣᠯᠣᠳ ᠪᠢᠷ ᠢ᠋ᠶ᠋ᠡᠷ ᠳᠠᠭᠤᠷᠢᠶᠠᠨ ᠪᠢᠴᠢᠭᠡᠳ᠂ ᠳᠠᠬᠢᠨ ᠳᠡᠭᠡᠷᠡ ᠡᠴᠡ ᠨᠢ ᠦᠰᠦᠨ ᠪᠢᠷ ᠢ᠋ᠶ᠋ᠡᠷ ᠪᠢᠴᠢᠬᠦ》᠂《ᠰᠢᠭᠤᠳ ᠪᠢᠴᠢᠯᠭᠡ ᠶ᠋ᠢᠨ ᠬᠡᠪ ᠢ᠋ᠶ᠋ᠡᠨ ᠦᠵᠡᠵᠦ ᠳᠠᠭᠤᠷᠢᠶᠠᠨ ᠪᠢᠴᠢᠬᠦ》ᠬᠣᠶᠠᠷ ᠵᠦᠢᠯ ᠦ᠋ᠨ ᠳᠠᠭᠤᠷᠢᠶᠠᠨ ᠪᠢᠴᠢᠬᠦ ᠠᠷᠭᠠ ᠶ᠋ᠢ ᠲᠠᠨᠢᠯᠴᠠᠭᠤᠯᠤᠨ᠂《ᠮᠣᠩᠭᠣᠯ ᠦᠰᠦᠭ ᠢ᠋ ᠰᠠᠢᠬᠠᠨ ᠪᠢᠴᠢᠬᠦ ᠳ᠋ᠦ᠍ ᠠᠩᠬᠠᠷᠤᠭᠤᠰᠢᠲᠠᠢ ᠵᠦᠢᠯ ᠦ᠋ᠳ》ᠢ᠋ ᠣᠯᠠᠨ ᠲᠠᠯᠠ ᠪᠠᠷ ᠨᠠᠷᠢᠯᠢᠭ ᠮᠥᠷᠲᠡᠭᠡᠨ ᠵᠢᠱ᠌ᠢᠶᠡ ᠲᠡᠢ ᠲᠠᠢᠯᠪᠣᠷᠢᠯᠠᠭᠰᠠᠨ ᠢ᠋ᠶ᠋ᠠᠷ ᠪᠠᠷᠠᠬᠤ ᠦᠭᠡᠢ᠂ ᠤᠷᠠᠨ ᠪᠢᠴᠢᠯᠭᠡ ᠶ᠋ᠢᠨ ᠲᠢᠭ ᠵᠢᠱ᠌ᠢᠶᠡ ᠪᠦᠯᠦᠭ ᠲᠦ᠍《ᠦᠰᠦᠭ ᠦ᠋ᠨ ᠲᠢᠭ ᠪᠢᠴᠢᠵᠦ ᠪᠣᠯᠪᠠᠰᠤᠷᠠᠬᠤ ᠵᠢᠱ᠌ᠢᠶᠡ》᠂《ᠴᠠᠭᠠᠨ ᠲᠣᠯᠣᠭᠠᠢ ᠪᠣᠯᠤᠨ ᠳᠥᠭᠥᠮ ᠦᠭᠡ ᠪᠢᠴᠢᠵᠦ ᠪᠣᠯᠪᠠᠰᠤᠷᠠᠬᠤ ᠵᠢᠱ᠌ᠢᠶᠡ》 ᠂《ᠲᠥᠯᠥᠭᠡᠯᠡᠬᠦ ᠴᠢᠨᠠᠷᠲᠠᠢ ᠦᠭᠡᠰ ᠪᠢᠴᠢᠵᠦ ᠪᠣᠯᠪᠠᠰᠤᠷᠠᠬᠤ ᠵᠢᠱ᠌ᠢᠶᠡ》᠂《ᠥᠭᠦᠯᠡᠪᠦᠷᠢ ᠨᠦ᠍ᠭᠦᠳ ᠢ᠋ ᠪᠢᠴᠢᠵᠦ ᠪᠣᠯᠪᠠᠰᠤᠷᠠᠬᠤ ᠵᠢᠱ᠌ᠢᠶᠡ》᠂《ᠵᠣᠬᠢᠶᠠᠯ ᠤ᠋ᠨ ᠬᠡᠰᠡᠭ ᠪᠦᠯᠦᠭ ᠢ᠋ ᠪᠢᠴᠢᠵᠦ ᠪᠣᠯᠪᠠᠰᠤᠷᠠᠬᠤ ᠵᠢᠱ᠌ᠢᠶᠡ》᠂《ᠪᠦᠷᠢᠨ ᠪᠦᠲᠦᠨ ᠵᠣᠬᠢᠶᠠᠯ ᠪᠢᠴᠢᠵᠦ ᠪᠣᠯᠪᠠᠰᠤᠷᠠᠬᠤ ᠵᠢᠱ᠌ᠢᠶᠡ》ᠵᠡᠷᠭᠡ ᠶ᠋ᠢ ᠥᠪᠡᠷ ᠦ᠋ᠨ ᠪᠢᠴᠢᠯᠭᠡ ᠶ᠋ᠢᠨ ᠲᠢᠭ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠪᠢᠴᠢᠨ ᠦᠯᠡᠳᠡᠭᠡᠭᠰᠡᠨ ᠨᠢ ᠮᠣᠩᠭᠣᠯ ᠤᠷᠠᠨ ᠪᠢᠴᠢᠯᠭᠡ ᠶ᠋ᠢᠨ ᠣᠨᠣᠯ ᠤ᠋ᠨ ᠰᠤᠳᠤᠯᠭᠠᠨ ᠪᠠ ᠦᠢᠯᠡᠳᠦᠯᠭᠡ ᠶ᠋ᠢᠨ ᠪᠣᠯᠪᠠᠰᠤᠷᠠᠯ ᠳ᠋ᠤ᠌ ᠲᠤᠢᠯ ᠤ᠋ᠨ ᠦᠨᠡᠲᠦ ᠬᠣᠪᠣᠷ ᠮᠠᠲ᠋ᠧᠷᠢᠶᠠᠯ ᠪᠣᠯᠤᠨ ᠬᠣᠴᠣᠷᠤᠭᠰᠠᠨ ᠪᠠᠢᠨᠠ᠃ ᠪᠠᠢ ᠶᠦᠨ ᠱᠠᠨ ᠪᠠᠭᠰᠢ ᠶ᠋ᠢᠨ ᠲᠤᠰ ᠨᠣᠮ ᠳ᠋ᠤ᠌ ᠥᠭᠦᠯᠡᠭᠰᠡᠨ ᠤᠷᠠᠨ ᠪᠢᠴᠢᠯᠭᠡ ᠭᠡᠳᠡᠭ ᠨᠢ ᠮᠠᠨ ᠤ᠋ ᠣᠳᠣ ᠶ᠋ᠢᠨ ᠶᠠᠷᠢᠳᠠᠭ ᠲᠥᠪ ᠪᠢᠴᠢᠯᠭᠡ ᠶ᠋ᠢ ᠵᠢᠭᠠᠭᠰᠠᠨ ᠪᠠᠢᠨᠠ᠃ ᠭᠡᠬᠦ ᠳ᠋ᠡᠭᠡᠨ ᠲᠥᠪ ᠪᠢᠴᠢᠯᠭᠡ ᠶ᠋ᠢ《ᠲᠣᠮᠣ ᠦᠰᠦᠭ᠂ ᠳᠤᠮᠳᠠ ᠶ᠋ᠢᠨ ᠦᠰᠦᠭ᠂ ᠵᠢᠵᠢᠭ ᠦᠰᠦᠭ》ᠭᠡᠵᠦ ᠭᠤᠷᠪᠠ ᠬᠤᠪᠢᠶᠠᠨ ᠦᠵᠡᠵᠦ ᠬᠥᠮᠦᠰ ᠢ᠋《ᠳᠤᠮᠳᠠ ᠶ᠋ᠢᠨ ᠦᠰᠦᠭ ᠪᠢᠴᠢᠵᠦ᠂ ᠲᠣᠮᠣ ᠦᠰᠦᠭ ᠪᠢᠴᠢᠵᠦ ᠰᠤᠷᠤᠭᠰᠠᠨ ᠰᠠᠭᠤᠷᠢᠨ ᠳᠡᠭᠡᠷᠡ ᠰᠠᠶᠢ ᠵᠢᠵᠢᠭ ᠦᠰᠦᠭ ᠪᠢᠴᠢᠵᠦ ᠰᠤᠷᠪᠠᠯ ᠰᠠᠢᠨ ᠶᠤᠮ》ᠭᠡᠵᠦ ᠴᠢᠬᠤᠯᠠᠴᠢᠯᠠᠨ ᠦᠵᠡᠭᠰᠡᠨ ᠨᠢ ᠮᠠᠰᠢ ᠦᠨᠡ ᠴᠠᠨᠠ ᠲᠠᠢ ᠵᠥᠪ ᠰᠠᠨᠠᠭᠤᠯᠭᠠ ᠪᠣᠯᠬᠤ ᠮᠥᠷᠲᠡᠭᠡᠨ ᠲᠥᠪ ᠪᠢᠴᠢᠯᠭᠡ ᠶ᠋ᠢᠨ ᠪᠣᠯᠪᠠᠰᠤᠷᠠᠯ ᠤ᠋ᠨ ᠠᠯᠬᠤᠮ ᠳᠠᠷᠠᠭᠠᠯᠠᠯ ᠢ᠋ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠴᠢ ᠪᠠᠷ ᠳᠤᠷᠠᠳᠴᠤ ᠭᠠᠷᠭᠠᠭᠰᠠᠨ ᠦᠨᠡᠨ ᠶᠣᠰᠣᠨ ᠪᠣᠯᠤᠨᠠ᠃
ᠪᠠᠢ ᠶᠦᠨ ᠱᠠᠨ ᠤ᠋ ᠪᠣᠯᠣᠳ ᠪᠢᠷ ᠦ᠋ᠨ ᠪᠢᠴᠢᠯᠭᠡ
ᠪᠠᠢ ᠶᠦᠨ ᠱᠠᠨ ᠤ᠋ ᠦᠰᠦᠨ ᠪᠢᠷ ᠦ᠋ᠨ ᠤᠷᠠᠨ ᠪᠢᠴᠢᠯᠭᠡ
