ᠢᠷᠠᠭᠤ ᠨᠠᠢᠷᠠᠭ ᠭᠡᠵᠦ᠁-ᠬᠠᠰᠠᠭᠤᠯᠠ Яруу найраг гэж…-Хасуул
349ᠢᠷᠠᠭᠤ ᠨᠠᠢᠷᠠᠭ ᠭᠡᠵᠦ
ᠬᠠᠰᠠᠭᠤᠯᠠ
ᠥᠷᠯᠥᠭᠡ ᠶ᠋ᠢᠨ ᠨᠠᠷᠠ ᠶ᠋ᠢ ᠢᠨᠢᠶᠡᠮᠰᠦᠭᠯᠡᠯ ᠢ᠋ᠶ᠋ᠡᠷ ᠤᠭᠲᠤᠬᠤ
ᠥᠷᠥᠴᠡ ᠵᠢᠷᠦᠬᠡᠨ ᠦ᠌ ᠲᠤᠩᠭᠠᠯᠠᠭ ᠭᠡᠭᠡ
ᠦᠳᠡᠰᠢ ᠶ᠋ᠢᠨ ᠰᠠᠷᠠ ᠶ᠋ᠢ ᠮᠦᠰᠢᠶᠡᠳᠦ ᠪᠡᠷ ᠲᠤᠰᠬᠤ
ᠥᠭᠭᠢᠶᠡᠮᠦᠷ ᠰᠡᠳᠬᠢᠯ ᠦ᠋ᠨ ᠠᠯᠲᠠᠨ ᠲᠤᠶᠠᠭᠠ
ᠤᠤᠭᠠᠯ ᠰᠣᠶᠣᠯ ᠠ᠋ᠴᠠ ᠪᠣᠱᠣᠭᠠ ᠬᠡᠢᠮᠣᠷᠢᠯᠡᠬᠦ
ᠠᠰᠠᠨ ᠪᠠᠳᠠᠷᠠᠭᠰᠠᠨ ᠭᠠᠯ ᠤ᠋ᠨ ᠳᠥᠯᠥ
ᠣᠢ ᠤᠬᠠᠭᠠᠨ ᠠ᠋ᠴᠠ ᠢᠪᠢᠯᠦᠨ ᠤᠨᠳᠤᠷᠬᠤ
ᠠᠮᠢᠯᠠᠯ ᠤ᠋ᠨ ᠪᠡᠯᠭᠡᠲᠦ ᠤᠶᠠᠩᠭᠠ
ᠴᠠᠭ ᠤ᠋ᠨ ᠤᠷᠤᠰᠬᠠᠯ ᠢ᠋ ᠲᠤᠩᠭᠠᠨ ᠳᠣᠪᠲᠣᠯᠤᠭᠠ
ᠰᠡᠷᠭᠦᠯᠡᠩ ᠠᠮᠢᠰᠬᠤᠭᠠ ᠲᠠᠢ ᠰᠣᠳᠣᠨ ᠬᠦᠯᠦᠭ
ᠬᠠᠷᠠᠩᠭᠤᠢ ᠭᠡᠭᠡᠨ ᠢ᠋ ᠠᠵᠢᠨ ᠲᠠᠨᠢᠬᠤ
ᠬᠤᠪᠢᠯᠭᠠᠨ ᠰᠢᠳᠢᠲᠦ ᠲᠤᠩᠭᠠᠯᠠᠭ ᠮᠡᠯᠮᠡᠢ
ᠣᠷᠴᠢᠯᠠᠩ ᠢ᠋ ᠲᠣᠯᠢᠳᠠᠵᠤ ᠣᠮᠣᠭᠯᠠᠩ ᠪᠠᠭᠤᠬᠤ
ᠣᠩᠭᠣᠨ ᠲᠩᠷᠢ ᠶ᠋ᠢᠨ ᠬᠦᠴᠦᠲᠦ ᠠᠶᠤᠩᠭᠠ
ᠠᠽᠢᠶᠠ ᠶ᠋ᠢᠨ ᠡᠯᠢᠭᠡᠨ ᠳ᠋ᠦ᠍ ᠠᠯᠳᠠᠷ ᠢ᠋ᠶ᠋ᠠᠨ ᠡᠷᠭᠦᠭᠰᠡᠨ
ᠡᠷᠳᠡᠨᠢᠲᠦ ᠰᠣᠶᠣᠯ ᠤ᠋ᠨ ᠠᠮᠢᠨ ᠰᠢᠪᠰᠢᠯᠭᠡ
ᠤᠬᠠᠭᠠᠨ ᠤ᠋ ᠰᠠᠨᠰᠠᠷ ᠲᠤ᠌ ᠤᠷᠭᠤᠨ ᠴᠠᠬᠢᠯᠬᠤ
ᠣᠶᠤᠨ ᠤ᠋ ᠭᠡᠷᠡᠯ ᠪᠢᠯᠢᠭ ᠦ᠋ᠨ ᠣᠴᠢ
ᠤᠶᠠᠬᠠᠨ ᠽᠠᠮᠪᠤᠯᠢᠩ ᠢ᠋ ᠤᠶᠠᠩᠭᠠ ᠪᠠᠷ ᠬᠡᠯᠬᠢᠬᠦ
ᠤᠷᠠᠯᠢᠭ ᠤ᠋ᠨ ᠰᠢᠵᠢᠮ ᠭᠡᠭᠡᠨ ᠰᠤᠷᠭᠠᠯ
ᠲᠡᠦᠬᠡ ᠶ᠋ᠢᠨ ᠬᠠᠭᠤᠳᠠᠰᠤᠨ ᠳ᠋ᠤ᠌ ᠥᠨᠢ ᠦᠯᠡᠳᠡᠬᠦ
ᠲᠦᠮᠡᠨ ᠣᠨ ᠤ᠋ ᠮᠥᠩᠬᠡ ᠳᠠᠭᠤᠯᠠᠯ
ᠳᠡᠯᠭᠡᠷ ᠰᠣᠶᠣᠯ ᠢ᠋ᠶ᠋ᠠᠨ ᠡᠭᠦᠷᠢᠳᠡ ᠮᠠᠨᠳᠤᠭᠤᠯᠬᠤ
ᠲᠩᠷᠢᠯᠢᠭ ᠵᠠᠶᠠᠭᠠᠨ ᠤ᠋ ᠲᠡᠷᠭᠡᠯ ᠲᠠᠪᠢᠯᠠᠩ
ᠲᠠᠯᠠ ᠪᠠᠨ ᠬᠠᠷᠠᠵᠤ ᠠᠭᠤᠯᠠ ᠪᠠᠨ ᠳᠠᠭᠤᠯᠠᠬᠤ
ᠲᠠᠩᠰᠤᠭ ᠪᠠᠶᠠᠨ ᠨᠤᠲᠤᠭ ᠤ᠋ᠨ ᠵᠢᠷᠤᠭ
ᠢᠷᠡᠭᠡᠳᠦᠢ ᠪᠡᠨ ᠵᠣᠷᠢᠵᠤ ᠦᠢᠯᠡᠰ ᠢ᠋ᠶ᠋ᠡᠨ ᠵᠥᠩᠨᠡᠬᠦ
ᠢᠲᠡᠭᠡᠯ ᠰᠡᠳᠬᠢᠯ ᠦ᠋ᠨ ᠰᠦᠨ ᠰᠠᠴᠤᠯᠢ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠭᠡᠭᠡᠷᠡᠯ
ᠬᠢᠨᠠᠭᠴᠢ᠄ ᠰᠡᠬᠡᠭᠡᠷᠡᠯ᠂ ᠣᠳᠬᠠᠨᠰᠣᠠ