ᠰᠢᠨᠡ ᠣᠨ ᠤ᠋ ᠢᠷᠥᠭᠡᠯ-ᠬᠡᠷᠢᠶᠡᠳ ᠭᠧᠯᠢᠭᠰᠠᠩᠪᠤᠤШинэ оны ерөөл-Хэрээд Гелигсамбуу
315ᠰᠢᠨᠡ ᠣᠨ ᠤ᠋ ᠢᠷᠦᠭᠡᠯ
( ᠬᠥᠬᠡ ᠯᠤᠤ ᠵᠢᠯ)
ᠬᠡᠷᠢᠶᠡᠳ ᠭᠧᠯᠢᠭᠰᠠᠩᠪᠤᠤ
ᠰᠢᠵᠢᠷ ᠨᠠᠷᠠᠨ ᠤ᠋ ᠤᠯᠠᠪᠤᠷ ᠲᠤᠶᠠᠭᠠ
ᠶᠢᠷᠲᠢᠨᠴᠦ ᠳᠡᠯᠡᠬᠡᠢ ᠶ᠋ᠢ ᠭᠡᠢᠭᠦᠯᠦᠨᠡᠮ
ᠰᠢᠨᠡ ᠣᠨ ᠤ᠋ ᠠᠯᠲᠠᠨ ᠪᠣᠱᠣᠭᠠ
ᠢᠪᠡᠭᠡᠯ ᠬᠠᠢᠷᠠ ᠪᠠᠷ ᠪᠢᠯᠬᠠᠨᠠᠮ
ᠣᠭᠲᠠᠷᠭᠤᠢ ᠶ᠋ᠢᠨ ᠴᠡᠩᠬᠡᠷ ᠠᠭᠤᠳᠠᠮ ᠵᠠᠢ ᠳ᠋ᠤ᠌
ᠭᠠᠯᠠᠭᠤᠳ ᠤᠮᠠᠷᠠ ᠶ᠋ᠢ ᠵᠣᠷᠢᠨᠠ
ᠤᠰᠤ ᠭᠣᠣᠯ ᠤᠶᠠᠷᠠᠨ ᠰᠤᠨᠤᠯᠵᠠᠵᠤ
ᠬᠠᠨᠠᠭᠠᠷ ᠬᠠᠳᠠᠭ ᠮᠢᠷᠠᠯᠵᠠᠨᠠᠮ
ᠤᠨᠢᠶᠠᠷ ᠢ᠋ᠶ᠋ᠠᠷ ᠬᠣᠯᠪᠣᠭᠳᠠᠭᠰᠠᠨ ᠣᠪᠣᠭᠠ ᠬᠠᠢᠷᠬᠠᠨ
ᠦᠯᠡᠮᠵᠢ ᠪᠤᠶᠠᠨ ᠤᠨᠳᠤᠷᠤᠨᠠᠮ
ᠤᠲᠤᠭᠠ ᠰᠤᠭᠤᠨᠠᠭᠯᠠᠭᠰᠠᠨ ᠮᠣᠩᠭᠣᠯ ᠠᠢᠯ ᠤ᠋ᠨ
ᠤᠶᠠᠭᠠᠨ ᠳ᠋ᠤ᠌ ᠮᠣᠷᠢᠳ ᠦᠦᠷᠰᠡᠨᠡ
ᠤᠷᠢᠬᠠᠨ ᠰᠠᠯᠬᠢ ᠤᠯᠠᠷᠢᠯ ᠤ᠋ᠨ ᠥᠩᠭᠡ ᠪᠡᠷ
ᠨᠤᠲᠤᠭ ᠤ᠋ᠨ ᠡᠯᠢᠭᠡᠨ ᠳ᠋ᠦ᠍ ᠬᠣᠷᠭᠣᠳᠠᠨᠠ
ᠤᠳᠠᠨ ᠤ᠋ ᠰᠠᠯᠠᠭᠠᠨ ᠳ᠋ᠤ᠌ ᠱᠠᠭᠠᠵᠠᠭᠠᠢ ᠱᠠᠭᠰᠢᠵᠤ
ᠭᠡᠢᠴᠢᠨ ᠵᠣᠴᠢᠳ ᠠᠢᠯᠴᠢᠯᠠᠨᠠ
ᠣᠷᠭᠢᠯ ᠤ᠋ᠨ ᠴᠠᠭᠠᠨᠠ ᠠ᠋ᠴᠠ ᠡᠭᠦᠯᠡᠰ ᠬᠥᠪᠦᠯᠵᠡᠵᠦ
ᠬᠤᠷᠠ ᠶ᠋ᠢᠨ ᠠᠨᠢᠷ ᠨᠠᠭᠠᠰᠢᠯᠠᠨᠠ
ᠣᠳᠣᠳ ᠤ᠋ᠨ ᠨᠠᠭᠠᠭᠤᠷ ᠯᠤᠤ ᠮᠠᠭᠰᠢᠵᠤ
ᠬᠣᠷᠸᠠ ᠳᠡᠯᠡᠬᠡᠢ ᠲᠠᠢᠪᠤᠰᠢᠷᠠᠨᠠ
ᠤᠯᠠᠮᠵᠢᠯᠠᠯᠲᠤ ᠰᠠᠢᠬᠠᠨ ᠴᠠᠭᠠᠨ ᠰᠠᠷᠠ ᠪᠠᠷ
ᠤᠯᠤᠰ ᠳᠠᠶᠠᠭᠠᠷ ᠢ᠋ᠶ᠋ᠠᠨ ᠪᠠᠶᠠᠰᠤᠯᠴᠠᠨᠠᠮ
ᠤᠬᠠᠭᠠᠨᠲᠤ ᠪᠤᠭᠤᠷᠤᠯᠴᠤᠳ ᠤ᠋ᠨ ᠢᠷᠦᠭᠡᠯ ᠵᠥᠩᠨᠡᠯ
ᠤᠴᠠᠷᠠᠯ ᠪᠦᠬᠦᠨ ᠳ᠋ᠦ᠍ ᠲᠣᠭᠲᠠᠬᠤ ᠪᠣᠯᠲᠤᠭᠠᠢ!
ᠵᠠ!
ᠡᠨᠡ ᠬᠦ᠌ ᠬᠡᠢᠮᠣᠷᠢ ᠬᠤᠷᠤᠢᠯᠠᠭᠰᠠᠨ ᠪᠤᠶᠠᠨᠲᠤ ᠴᠠᠭᠠᠨ ᠰᠠᠷᠠ ᠳ᠋ᠠᠭᠠᠨ
ᠡᠷᠡᠭᠦᠯ ᠰᠠᠷᠠᠭᠤᠯ ᠪᠡᠶᠡ ᠮᠠᠬᠠᠪᠣᠳ ᠲᠠᠢ
ᠡᠯᠪᠡᠭ ᠪᠠᠶᠠᠨ ᠮᠠᠯ ᠬᠥᠷᠥᠩᠭᠡ ᠲᠡᠢ
ᠥᠭᠡᠳᠡ ᠡᠰᠡᠷᠡᠭ ᠮᠠᠨᠳᠤᠵᠤ ᠶᠠᠪᠤ
ᠡᠷᠦᠬᠡ ᠭᠡᠷ ᠦ᠋ᠨ ᠬᠣᠢᠮᠣᠷ ᠴᠢᠨᠢ
ᠪᠤᠷᠬᠠᠨ ᠤ᠋ ᠭᠡᠭᠡ ᠲᠣᠰᠴᠤ
ᠡᠭᠦᠷᠢᠳᠡ ᠥᠯᠵᠡᠢ ᠬᠤᠲᠤᠭ ᠣᠷᠣᠰᠢᠵᠤ
ᠪᠣᠳᠣᠭᠰᠠᠨ ᠰᠠᠨᠠᠭᠰᠠᠨ ᠴᠢᠨᠢ ᠪᠡᠶᠡᠯᠡᠭᠳᠡᠵᠦ ᠶᠠᠪᠤ
ᠣᠷᠣᠨ ᠭᠠᠵᠠᠷ ᠢ᠋ᠶ᠋ᠠᠨ ᠬᠠᠢᠷᠠᠯᠠᠵᠤ ᠶᠠᠪᠤ
ᠣᠪᠣᠭᠠ ᠬᠠᠢᠷᠬᠠᠨ ᠳ᠋ᠤ᠌ ᠪᠠᠨ ᠳᠠᠭᠠᠳᠬᠠᠵᠤ ᠶᠠᠪᠤ
ᠤᠬᠠᠭᠠᠨ ᠲᠠᠮᠢᠷ ᠢ᠋ ᠡᠷᠴᠢᠯᠡᠭᠰᠡᠨ
ᠣᠯᠠᠨ ᠲᠦᠮᠡᠨ ᠳ᠋ᠦ᠍ ᠪᠡᠨ ᠬᠦᠷᠢᠶᠡᠯᠡᠯ ᠲᠡᠢ ᠶᠠᠪᠤ
ᠵᠠ ᠠᠲᠠᠷ ᠤ᠋ᠨ ᠬᠥᠷᠥᠰᠥ ᠤᠷᠭᠤᠮᠠᠯ ᠳᠦᠭᠦᠷᠡᠩ
ᠠᠳᠤᠭᠤ ᠮᠠᠯ ᠲᠠᠷᠭᠤ ᠳᠦᠭᠦᠷᠡᠩ
ᠠᠮᠤ ᠲᠠᠷᠢᠶᠠ ᠬᠥᠮᠥᠷᠭᠡ ᠳᠦᠭᠦᠷᠡᠩ
ᠠᠯᠲᠠᠨ ᠨᠠᠮᠤᠷ ᠬᠤᠷᠢᠶᠠᠯᠲᠠ ᠳᠦᠭᠦᠷᠡᠩ
ᠠᠪᠤᠷᠭᠤ ᠱᠠᠩᠰᠢ ᠨᠠᠪᠴᠢᠰ ᠳᠦᠭᠦᠷᠡᠩ
ᠠᠷᠢᠭᠤᠨ ᠰᠦᠰᠦᠭᠲᠡᠨ ᠳ᠋ᠦ᠍ ᠬᠡᠰᠢᠭ ᠳᠦᠭᠦᠷᠡᠩ
ᠠᠢᠷᠠᠭ ᠰᠦ ᠰᠠᠪᠠ ᠳᠦᠭᠦᠷᠡᠩ
ᠠᠯᠠᠭ ᠲᠤᠭᠤᠯ ᠬᠣᠷᠣᠭᠠ ᠳᠦᠭᠦᠷᠡᠩ
ᠬᠥᠬᠡ ᠲᠩᠷᠢ ᠣᠳᠣᠳ ᠢ᠋ᠶ᠋ᠠᠷ ᠳᠦᠭᠦᠷᠡᠩ
ᠬᠥᠳᠡᠭᠡ ᠠᠮᠢᠳᠤᠷᠠᠯ ᠪᠦᠲᠦᠭᠡᠯ ᠳᠦᠭᠦᠷᠡᠩ
ᠬᠥᠮᠦᠨ ᠠᠷᠠᠳ ᠨᠢ ᠪᠠᠶᠠᠷ ᠳᠦᠭᠦᠷᠡᠩ
ᠬᠥᠭᠵᠢᠬᠦ ᠢᠷᠡᠭᠡᠳᠦᠢ ᠳ᠋ᠦ᠍ ᠪᠡᠨ ᠢᠲᠡᠭᠡᠯ ᠳᠦᠭᠦᠷᠡᠩ ᠪᠣᠯᠲᠤᠭᠠᠢ!
2023.12.20
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠱᠠᠭᠰᠠᠯ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ ᠰᠡᠬᠡᠭᠡᠷᠡᠯ