ᠮᠣᠩᠭᠣᠯ ᠪᠦᠰᠡᠭᠦᠢᠴᠦᠳ ᠲᠤ ᠪᠡᠨ ᠪᠢᠴᠢᠭᠰᠡᠨ ᠰᠢᠯᠦᠭ-ᠵᠠᠯᠠᠢᠷᠳᠠᠢ ᠮᠦᠩᠬᠡᠳᠣᠭᠳᠠᠬᠤМонгол бүсгүйчүүддээ бичсэн шүлэг-Залайртай Мөнхтугдахуу
404ᠮᠣᠩᠭᠣᠯ ᠪᠦᠰᠡᠭᠦᠢᠴᠦᠳ ᠲᠤ ᠪᠡᠨ ᠪᠢᠴᠢᠭᠰᠡᠨ ᠰᠢᠯᠦᠭ
ᠰᠢᠯᠦᠭ᠄ ᠵᠠᠯᠠᠢᠷᠳᠠᠢ ᠮᠦᠩᠬᠡᠳᠣᠭᠳᠠᠬᠤ
ᠤᠶᠠᠩᠭᠠᠯᠠᠭᠰᠠᠨ ᠨᠢ᠄ ᠪᠣᠯᠣᠷᠴᠡᠴᠡᠭ
ᠥᠭᠡᠯᠦᠨ ᠡᠬᠡ ᠶ᠋ᠢᠨ ᠤᠳᠤᠮ ᠵᠠᠯᠭᠠᠭᠰᠠᠨ
ᠥᠨᠢᠷ ᠮᠣᠩᠭᠣᠯ ᠤ᠋ᠨ ᠰᠣᠳᠣᠨ ᠥᠬᠢᠳ
ᠡᠷᠦᠬᠡ ᠰᠡᠬᠦᠵᠦ᠂ ᠭᠣᠯᠣᠮᠲᠠ ᠪᠠᠳᠠᠷᠠᠭᠠᠭᠰᠠᠨ
ᠥᠯᠵᠡᠢᠲᠦ ᠠᠢᠯ ᠤ᠋ᠨ ᠰᠠᠢᠬᠠᠨ ᠪᠦᠰᠡᠭᠦᠢᠴᠦᠳ
ᠲᠠ ᠨᠠᠷ ᠮᠢᠨᠢ ᠰᠠᠢᠨ ᠪᠠᠢᠨᠠ ᠤᠤ
ᠲᠠᠨᠠ ᠰᠤᠪᠤᠳ ᠰᠢᠭ᠋ ᠭᠢᠯᠠᠯᠵᠠᠩᠬᠠᠨ ᠪᠠᠢᠨᠠ ᠤᠤ
ᠲᠠᠯᠠ ᠳ᠋ᠤ᠌ ᠪᠠᠨ ᠳᠡᠯᠭᠡᠷᠡᠭᠰᠡᠨ ᠥᠩᠭᠡ ᠶ᠋ᠢᠨ ᠴᠡᠴᠡᠭ ᠰᠢᠭ
ᠲᠡᠷᠯᠢᠭ ᠭᠤᠲᠤᠯ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠭᠣᠶᠣᠯᠠᠩᠬᠠᠨ ᠪᠠᠢᠨᠠ ᠤᠤ
ᠳᠣᠷᠣᠨᠠ ᠵᠦᠭ ᠦ᠋ᠨ ᠦᠷ ᠲᠡᠢ ᠤᠷᠤᠯᠳᠤᠵᠤ
ᠲᠣᠭᠣᠭᠠ ᠲᠠᠢ ᠴᠠᠢ ᠪᠠᠨ ᠰᠠᠮᠤᠷᠤᠨ ᠪᠠᠢᠨᠠ ᠤᠤ
ᠲᠣᠭᠣᠨᠣᠲᠤ ᠭᠡᠷ ᠲᠤ ᠪᠡᠨ ᠨᠠᠷᠠ ᠨᠢ ᠪᠣᠯᠵᠤ
ᠲᠣᠷᠮᠣᠭᠣᠷ ᠦᠷᠡ ᠪᠡᠨ ᠦᠨᠦᠰᠦᠨ ᠪᠠᠢᠨᠠ ᠤᠤ
ᠪᠠᠯ ᠲᠠᠢ ᠳᠤᠷᠠᠯᠠᠯ ᠳ᠋ᠤ᠌ ᠪᠠᠨ ᠬᠠᠢᠷᠠ ᠪᠠᠷ ᠵᠢᠷᠭᠠᠨ
ᠪᠠᠶᠠᠷ ᠤ᠋ᠨ ᠡᠳᠦᠷ ᠢ᠋ᠶ᠋ᠡᠨ ᠤᠭᠲᠤᠵᠤ ᠪᠠᠢᠨᠠ ᠤᠤ
ᠪᠠᠢᠨᠠᠦ᠂ ᠸᠢᠴᠠᠲ᠂ ᠰᠦᠯᠵᠢᠶᠡ ᠳᠦᠭᠦᠷᠡᠩ
ᠪᠠᠭᠴᠠ ᠴᠡᠴᠡᠭ ᠳᠡᠯᠭᠡᠷᠡᠩᠬᠡᠨ ᠪᠠᠢᠨᠠ ᠤᠤ
ᠭᠠᠯ ᠳ᠋ᠤ᠌ ᠣᠷᠣᠭᠠᠳ ᠴᠢᠯᠠᠭᠤ ᠰᠢᠭ᠋ ᠦᠯᠡᠳᠡᠳᠡᠭ ᠴᠤ᠌
ᠭᠠᠭᠴᠠᠬᠠᠨ ᠬᠠᠷᠠᠴᠠᠨ ᠳ᠋ᠤ᠌ ᠴᠠᠰᠤ ᠰᠢᠭ᠋ ᠤᠶᠠᠷᠠᠳᠠᠭ
ᠡᠷᠡᠴᠦᠦᠯ ᠭᠡᠳᠡᠭ ᠰᠣᠨᠢᠨ ᠠᠮᠢᠲᠠᠨ ᠢ᠋
ᠡᠷᠬᠡᠯᠡᠭᠦᠯᠦᠨ ᠵᠢᠷᠭᠠᠭᠤᠯᠳᠠᠭ ᠳᠠᠭᠢᠨᠢ ᠲᠠ ᠮᠢᠨᠢ
ᠲᠡᠢᠨ ᠳ᠋ᠦ᠍ ᠣᠷᠣᠭᠠᠳ ᠤᠬᠤᠷᠢᠵᠤ ᠦᠵᠡᠭᠡ ᠦᠭᠡᠢ ᠴᠤ᠌
ᠲᠠᠯᠮᠢᠶᠠᠷᠠᠭᠰᠠᠨ ᠬᠠᠷᠠᠴᠠᠨ ᠳ᠋ᠤ᠌ ᠰᠡᠳᠬᠢᠯ ᠢ᠋ᠶ᠋ᠡᠷ ᠤᠨᠠᠳᠠᠭ
ᠬᠠᠷᠠᠴᠤᠤᠯ ᠭᠡᠳᠡᠭ ᠬᠠᠴᠢᠨ ᠠᠮᠢᠲᠠᠨ ᠢ᠋
ᠬᠠᠢᠷᠠᠯᠠᠭᠤᠯᠤᠨ ᠪᠠᠶᠠᠷᠯᠠᠭᠤᠯᠳᠠᠭ ᠪᠦᠰᠡᠭᠦᠢᠴᠦᠳ ᠲᠠ ᠮᠢᠨᠢ
ᠥᠬᠢᠳ ᠦ᠋ᠨ ᠳᠤᠮᠳᠠ ᠵᠢᠰᠦ ᠪᠡᠷ ᠢ᠋ᠶ᠋ᠡᠨ ᠢᠯᠭᠠᠷᠠᠭᠰᠠᠨ
ᠣᠷᠴᠢᠯᠠᠩ ᠳ᠋ᠤ᠌ ᠬᠣᠣᠰ ᠦᠭᠡᠢ ᠨᠡᠷᠡ ᠪᠡᠷ ᠢ᠋ᠶ᠋ᠡᠨ ᠢᠯᠭᠠᠷᠠᠭᠰᠠᠨ
ᠤᠬᠠᠭᠠᠨᠲᠤ ᠴᠡᠴᠡᠨ ᠮᠣᠩᠭᠣᠯ ᠪᠦᠰᠡᠭᠦᠢᠴᠦᠳ
ᠤᠳᠤᠮ ᠴᠢᠰᠤ ᠪᠠᠨ ᠵᠠᠯᠭᠠᠵᠤ ᠲᠥᠷᠥᠳᠡᠭ
ᠮᠢᠩᠭᠠᠨ ᠤ᠋ ᠡᠬᠢ ᠭᠡᠵᠦ ᠥᠨᠥᠴᠢᠨ ᠲᠥᠯ ᠢ᠋
ᠮᠢᠩᠭᠠ ᠮᠢᠩᠭᠠ ᠪᠠᠷ ᠦᠷᠡᠵᠢᠭᠦᠯᠦᠨ ᠥᠰᠬᠡᠵᠦ
ᠮᠠᠢᠭ ᠪᠣᠯᠤᠭᠰᠠᠨ ᠴᠤ᠌ ᠥᠷᠥᠪᠴᠢᠬᠡᠨ ᠰᠡᠳᠬᠢᠯ ᠡᠴᠡ ᠨᠢ
ᠮᠡᠯᠮᠡᠷᠡᠭᠡᠳ ᠤᠷᠤᠰᠳᠠᠭ ᠰᠦ ᠲᠡᠢ ᠪᠤᠷᠬᠠᠳ
ᠴᠣᠭᠣᠷᠬᠠᠢ ᠲᠠᠯᠠ ᠪᠠᠨ ᠪᠣᠳᠣᠯ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠨᠥᠬᠥᠵᠦ
ᠴᠡᠴᠡᠭ ᠦ᠋ᠨ ᠬᠢᠨᠢ ᠣᠷᠣᠨ ᠳ᠋ᠤ᠌ ᠴᠡᠴᠡᠭ ᠪᠣᠯᠵᠤ ᠳᠡᠯᠭᠡᠷᠡᠭᠰᠡᠨ
ᠨᠠᠮᠤᠷ ᠤ᠋ᠨ ᠰᠠᠯᠬᠢᠨ ᠳ᠋ᠤ᠌ ᠰᠢᠪᠠᠭᠤ ᠰᠢᠭ᠋ ᠭᠠᠩᠭᠠᠨᠠᠵᠤ
ᠨᠠᠪᠴᠢᠨ ᠤ᠋ ᠬᠢᠨᠢ ᠣᠷᠣᠨ ᠳ᠋ᠤ᠌ ᠨᠠᠪᠴᠢ ᠪᠣᠯᠵᠤ ᠵᠤᠯᠭᠠᠷᠠᠭᠰᠠᠨ
ᠬᠥᠳᠡᠭᠡ ᠨᠤᠲᠤᠭ ᠤ᠋ᠨ ᠮᠣᠩᠭᠣᠯ ᠪᠦᠰᠡᠭᠦᠢᠴᠦᠳ
ᠬᠥᠬᠡ ᠮᠣᠩᠭᠣᠯ ᠤ᠋ᠨ ᠮᠠᠯᠴᠢᠨ ᠰᠠᠢᠴᠤᠤᠯ ᠤ᠋ᠳ
ᠦᠷᠡ ᠶ᠋ᠢᠨ ᠢ᠋ᠶ᠋ᠡᠨ ᠳᠡᠷᠭᠡᠳᠡ ᠪᠦᠪᠡᠢ ᠠᠶᠠᠯᠤᠭᠰᠠᠨ
ᠦᠵᠡᠰᠬᠦᠯᠡᠩᠲᠦ ᠭᠤᠸᠠ ᠵᠠᠯᠠᠭᠤᠬᠠᠨ ᠡᠬᠡᠴᠣᠣᠯ
ᠬᠠᠷᠠᠩᠭᠤᠢ ᠰᠥᠨᠢ ᠶ᠋ᠢᠨ ᠭᠡᠷᠡᠯ ᠪᠣᠯᠤᠭᠰᠠᠨ
ᠨᠠᠷᠠᠨ ᠰᠠᠷᠠᠨ ᠣᠳᠣᠨ ᠲᠠ ᠮᠢᠨᠢ
ᠬᠠᠨᠠᠲᠤ ᠭᠡᠷ ᠦ᠋ᠨ ᠴᠢᠮᠡᠭ ᠪᠣᠯᠤᠭᠰᠠᠨ
ᠨᠠᠪᠴᠢ ᠴᠡᠴᠡᠭ ᠵᠢᠮᠢᠰ ᠲᠠ ᠮᠢᠨᠢ
ᠵᠢᠰᠦᠨ ᠦ᠌ ᠰᠠᠢᠬᠠᠨ ᠢ᠋ ᠠᠪᠴᠤ ᠲᠥᠷᠥᠭᠰᠡᠨ
ᠵᠦᠢᠯ ᠵᠦᠢᠯ ᠦ᠋ᠨ ᠭᠤᠸᠠ ᠨᠠᠷ
ᠤᠬᠠᠭᠠᠨ ᠤ᠋ ᠤᠷᠠᠨ ᠢ᠋ ᠥᠪᠯᠡᠵᠦ ᠵᠠᠶᠠᠭᠠᠭᠰᠠᠨ
ᠣᠯᠠᠨ ᠰᠠᠢᠬᠠᠨ ᠳᠤᠯᠮᠠ ᠨᠠᠷ
ᠲᠣᠯᠲᠣ ᠵᠢᠷᠦᠬᠡᠨ ᠳ᠋ᠦ᠍ ᠳᠤᠸᠠᠯᠠᠨ ᠠᠰᠠᠭᠰᠠᠨ
ᠲᠣᠭᠠᠯᠠᠰᠢ ᠦᠭᠡᠢ ᠵᠤᠯᠠ ᠨᠠᠷ
ᠳᠠᠭᠤᠤ ᠰᠢᠯᠦᠭ ᠦ᠋ᠨ ᠣᠨᠳᠣᠷᠣᠯ ᠪᠣᠯᠤᠭᠰᠠᠨ
ᠳᠤᠷᠠᠯᠠᠯ ᠬᠠᠢᠷᠠ ᠶ᠋ᠢᠨ ᠳᠠᠭᠢᠨᠢ ᠨᠠᠷ ᠁
ᠪᠠᠶᠠᠷ ᠤ᠋ᠨ ᠡᠳᠦᠷ ᠦ᠋ᠨ ᠪᠡᠯᠡᠭ ᠪᠣᠯᠭᠠᠵᠤ
ᠪᠠᠳᠠᠭ ᠰᠢᠯᠦᠭ ᠢ᠋ᠶ᠋ᠡᠨ ᠡᠷᠭᠦᠨ ᠪᠠᠷᠢᠶᠠ
ᠪᠠᠶᠠᠰᠬᠤᠯᠠᠩᠲᠤ ᠪᠠᠳᠠᠷᠠᠩᠭᠤᠢ ᠮᠣᠩᠭᠣᠯ ᠪᠦᠰᠡᠭᠦᠢᠴᠦᠳ
ᠪᠦᠭᠦᠳᠡᠭᠡᠷ ᠰᠠᠢᠬᠠᠨ ᠵᠢᠷᠭᠠᠬᠤ ᠪᠣᠯᠲᠤᠭᠠᠢ᠂ ᠪᠠᠶᠠᠷᠯᠠᠬᠤ ᠪᠣᠯᠲᠤᠭᠠᠢ
ᠢᠷᠡᠯᠲᠡ᠄ ᠤᠯᠠᠭᠠᠨᠬᠠᠳᠠ ᠶ᠋ᠢᠨ ᠮᠣᠩᠭᠣᠯ ᠶᠡᠷᠦᠩᠬᠡᠢᠯᠡᠭᠰᠡᠨ ᠷᠠᠳᠢᠣ᠋
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ᠄ ᠴᠢ᠊ · ᠤᠷᠠᠨᠴᠡᠴᠡᠭ
ᠬᠢᠨᠠᠯᠲᠠ᠄ ᠮᠥᠴᠢᠷ