ᠶᠠᠪᠠᠭᠠᠨ ᠨᠠᠷᠠᠰᠤЯвган нарс
298ᠶᠠᠪᠠᠭᠠᠨ ᠨᠠᠷᠠᠰᠤ( ᠪᠣᠭᠣᠨᠢ ᠨᠠᠷᠠᠰᠤ)
ᠨᠠᠷᠠᠰᠤ ᠶ᠋ᠢᠨ ᠢᠵᠠᠭᠤᠷ
ᠮᠥᠩᠬᠡ ᠨᠣᠭᠣᠭᠠᠨ ᠪᠤᠲᠠᠯᠢᠭ ᠲᠤᠷᠤᠭ ᠮᠣᠳᠣ᠂ 1—6m ᠥᠨᠳᠥᠷ᠂ ᠣᠯᠠᠨ ᠰᠠᠯᠠᠭᠠᠯᠠᠵᠤ ᠬᠥᠭᠡᠨᠡᠯᠳᠦᠨ ᠤᠷᠭᠤᠳᠠᠭ ᠪᠠ ᠲᠡᠭᠦᠨ ᠦ᠌ ᠲᠣᠮᠣ ᠰᠠᠯᠠᠭᠠ ᠮᠥᠴᠢᠷ ᠨᠢ ᠭᠠᠵᠠᠷ ᠳᠡᠭᠡᠷᠡ ᠬᠡᠪᠲᠡᠭᠡ ᠪᠡᠷ ᠤᠷᠭᠤᠵᠤ ᠵᠥᠪᠬᠡᠨ ᠣᠷᠣᠢ ᠨᠢ ᠲᠠᠰᠢᠭᠤ ᠪᠠᠷ ᠳᠡᠭᠡᠭᠰᠢ ᠤᠷᠭᠤᠳᠠᠭ᠃ ᠬᠣᠯᠲᠣᠰᠣ ᠨᠢ ᠴᠠᠢᠪᠤᠷ ᠬᠦᠷᠡᠩ ᠪᠤᠶᠤ ᠭᠦᠨ ᠬᠦᠷᠡᠩ᠂ ᠨᠢᠮᠭᠡᠨ ᠢᠯᠲᠠᠰᠤ ᠪᠠᠷ ᠱᠠᠭᠠᠷᠠᠵᠤ ᠤᠨᠠᠨᠠ᠃ ᠲᠤᠰ ᠵᠢᠯ ᠦ᠋ᠨ ᠮᠥᠴᠢᠷ ᠨᠢ ᠨᠣᠭᠣᠪᠲᠤᠷ ᠬᠦᠷᠡᠩ ᠪᠥᠭᠡᠳ ᠣᠬᠣᠷ ᠦᠰᠦ ᠲᠡᠢ᠃ 2—4 ᠨᠠᠰᠤᠨ ᠤ᠋ ᠮᠥᠴᠢᠷ ᠨᠢ ᠪᠣᠷᠣ ᠤᠯᠠᠭᠠᠨ ᠪᠤᠶᠤ ᠭᠦᠨ ᠬᠦᠷᠡᠩ᠃ ᠰᠢᠯᠮᠦᠦᠰᠦ ᠨᠢ ᠬᠠᠲᠠᠭᠤ᠂ ᠳᠡᠭᠡᠳᠦ ᠲᠠᠯᠠ ᠳ᠋ᠤᠨᠢ ᠢᠯᠡᠬᠡᠨ ᠬᠡᠢ ᠶ᠋ᠢᠨ ᠠᠮᠠᠰᠠᠷ ᠤ᠋ᠨ ᠴᠤᠪᠤᠭᠠ ᠲᠠᠢ᠂ 3.5—8.3cm ᠤᠷᠲᠤ ᠪᠠ ᠶᠡᠷᠦ ᠳ᠋ᠡᠭᠡᠨ ᠲᠠᠪᠤ ᠲᠠᠪᠤ ᠪᠠᠷ ᠪᠠᠭᠰᠢᠷᠠᠨ ᠤᠷᠭᠤᠨᠠ᠂ 3—8 ᠰᠢᠯᠮᠦᠦᠰᠦ ᠪᠠᠭᠰᠢᠷᠠᠵᠤ ᠤᠷᠭᠤᠬᠤ ᠨᠢ ᠬᠠᠶᠠ ᠪᠣᠢ᠃ ᠨᠠᠪᠴᠢᠨ ᠤ᠋ ᠲᠣᠭᠳᠣᠢ ᠨᠢ ᠡᠷᠲᠡ ᠤᠨᠠᠨᠠ᠃ ᠡᠷᠡ ᠪᠠᠭ ᠴᠡᠴᠡᠭ ᠨᠢ ᠵᠤᠤᠪᠠᠩ ᠪᠥᠭᠡᠳ ᠰᠢᠷᠠ᠃ ᠡᠮᠡ ᠪᠠᠭ ᠴᠡᠴᠡᠭ ᠨᠢ ᠥᠨᠳᠡᠭᠡᠯᠵᠢᠨ ᠪᠥᠭᠡᠳ ᠪᠣᠷᠣ᠃ ᠪᠣᠷᠭᠣᠴᠣᠭ ᠨᠢ ᠨᠡᠯᠢᠶᠡᠳ ᠪᠠᠭᠠ᠂ 2—4.5cm ᠤᠷᠲᠤ᠂ ᠥᠨᠳᠡᠭᠡᠯᠵᠢᠨ ᠪᠥᠭᠡᠳ ᠪᠣᠷᠣᠪᠲᠤᠷ ᠬᠦᠷᠡᠩ᠃ ᠦᠷᠡ ᠶ᠋ᠢᠨ ᠬᠠᠢᠷᠰᠤ ᠨᠢ ᠨᠢᠮᠭᠡᠨ᠂ ᠵᠢᠭᠠᠬᠠᠨ ᠭᠦᠳᠦᠭᠦᠷ ᠲᠡᠭᠰᠢᠬᠡᠨ ᠠᠷᠤ ᠲᠠᠢ ᠪᠥᠭᠡᠳ ᠳᠣᠲᠣᠭᠰᠢ ᠮᠤᠷᠤᠢᠭᠰᠠᠨ ᠦᠵᠦᠭᠦᠷ ᠲᠡᠢ᠂ ᠬᠠᠢᠷᠰᠤᠨ ᠤ᠋ ᠬᠦᠢᠰᠦ ᠨᠢ ᠣᠷᠣᠢ ᠳ᠋ᠠᠭᠠᠨ ᠪᠠᠢᠬᠤ ᠪᠥᠭᠡᠳ ᠳᠣᠪᠣᠢᠭᠰᠠᠨ ᠦᠵᠦᠭᠦᠷ ᠲᠡᠢ᠃ ᠦᠷᠡ ᠨᠢ ᠳᠠᠯᠠᠪᠴᠢ ᠦᠭᠡᠢ᠂ ᠭᠤᠷᠪᠠᠯᠵᠢᠨ ᠥᠨᠳᠡᠭᠡᠨ ᠬᠡᠯᠪᠡᠷᠢ ᠲᠡᠢ᠂ ᠣᠯᠠᠪᠲᠤᠷ ᠬᠦᠷᠡᠩ᠃
ᠰᠡᠭᠦᠳᠡᠷᠯᠢᠭ ᠴᠢᠭᠢᠭᠲᠡᠢ ᠠᠭᠤᠯᠠ ᠶ᠋ᠢᠨ ᠬᠠᠵᠠᠭᠤ ᠬᠢᠭᠡᠳ ᠠᠭᠤᠯᠠ ᠶ᠋ᠢᠨ ᠣᠷᠣᠢ ᠶ᠋ᠢᠨ ᠬᠠᠳᠠᠨ ᠤ᠋ ᠵᠠᠪᠰᠠᠷ ᠲᠤ ᠤᠷᠭᠤᠨᠠ᠃
ᠮᠠᠨ ᠤ᠋ ᠤᠯᠤᠰ ᠤ᠋ᠨ ᠥᠪᠥᠷ ᠮᠣᠩᠭᠣᠯ᠂ ᠬᠠᠷᠠᠮᠦ᠋ᠷᠡᠨ᠂ ᠬᠢᠷᠢᠨ᠂ ᠯᠢᠶᠣᠤᠨᠢᠩ ᠵᠡᠷᠭᠡ ᠮᠣᠵᠢ ᠣᠷᠣᠨ ᠳ᠋ᠤ᠌ ᠤᠷᠭᠤᠨᠠ᠃
ᠦᠷᠡ ᠶ᠋ᠢᠨ ᠲᠣᠰᠣ ᠶ᠋ᠢ ᠰᠠᠪᠤᠩ᠂ ᠰᠢᠷ ᠬᠢᠬᠦ ᠳ᠋ᠦ᠍ ᠬᠡᠷᠡᠭᠯᠡᠬᠦ ᠪᠤᠶᠤ ᠲᠣᠰᠣᠯᠠᠭᠤᠷ ᠲᠣᠰᠣ ᠪᠣᠯᠭᠠᠨ ᠬᠡᠷᠡᠭᠯᠡᠨᠡ᠂ ᠪᠠᠰᠠ ᠢᠳᠡᠵᠦ ᠪᠣᠯᠤᠨᠠ᠃ ᠰᠢᠯᠮᠦᠦᠰᠦ ᠡᠴᠡ ᠨᠢ ᠠᠩᠬᠢᠯᠤᠮᠠ ᠲᠣᠰᠣ ᠠᠪᠤᠨᠠ᠃ ᠦᠵᠡᠮᠵᠢ ᠶ᠋ᠢᠨ ᠮᠣᠳᠣ ᠪᠣᠯᠭᠠᠭᠰᠠᠨ ᠴᠤ᠌ ᠪᠣᠯᠤᠨᠠ᠃ ᠥᠨᠳᠥᠷᠯᠢᠭ ᠬᠦᠢᠲᠡᠨ ᠠᠭᠤᠯᠠ ᠶ᠋ᠢ ᠣᠢᠵᠢᠭᠤᠯᠬᠤ ᠳ᠋ᠤ᠌ ᠬᠠᠮᠤᠭ ᠤ᠋ᠨ ᠰᠠᠢᠨ᠃
ᠬᠢᠲᠠᠳ ᠨᠡᠷᠡ᠄偃松
ᠠᠩᠭ᠌ᠯᠢ ᠨᠡᠷᠡ᠄ Pinus pumila (PaII.) Regel
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠳ᠂ ᠡᠷᠬᠢᠮᠪᠠᠭᠠᠲᠤᠷ
ᠬᠢᠨᠠᠭᠴᠢ᠄ ᠴᠠᠭᠠᠨ