ᠬᠡᠯᠡ ᠵᠦᠭᠰᠢᠷᠡᠭᠦᠯᠬᠦ ᠦᠭᠡХэл зүгшрүүлэх үг
2033ᠬᠡᠯᠡ ᠵᠦᠭᠰᠢᠷᠡᠭᠦᠯᠬᠦ ᠦᠭᠡ
ᠠᠶᠠᠭᠠᠨ ᠳ᠋ᠤ᠌ ᠬᠢᠭᠰᠡᠨ ᠠᠢᠷᠠᠭ
ᠠᠢᠷᠠᠭ ᠬᠢᠭᠰᠡᠨ ᠠᠶᠠᠭᠠ
ᠠᠶᠠᠭᠠᠨ ᠳ᠋ᠤ᠌ ᠬᠢᠭᠰᠡᠨ ᠠᠢᠷᠠᠭ
ᠠᠢᠷᠠᠭ ᠬᠢᠭᠰᠡᠨ ᠠᠶᠠᠭᠠ
᠃ … … … … …
ᠠᠪᠤ ᠶ᠋ᠢᠨ ᠠᠯᠠᠭ ᠮᠣᠷᠢ
ᠠᠷᠭᠠᠮᠵᠢᠶᠠ ᠪᠠᠨ ᠴᠢᠷᠦᠭᠡᠳ
ᠠᠷᠤ ᠪᠠᠷ ᠭᠠᠷᠪᠠ ᠤᠤ?
ᠥᠪᠥᠷ ᠢ᠋ᠶ᠋ᠡᠷ ᠭᠠᠷᠪᠠ ᠤᠤ?
… … … … …
ᠠᠪᠤ ᠶ᠋ᠢᠨ ᠪᠥᠮᠪᠥᠭᠡ
ᠠᠪᠠ ᠶ᠋ᠢᠨ ᠪᠥᠮᠪᠥᠭᠡ
ᠠᠪᠤ ᠶ᠋ᠢᠨ ᠪᠥᠮᠪᠥᠭᠡ
ᠠᠪᠠ ᠶ᠋ᠢᠨ ᠪᠥᠮᠪᠥᠭᠡ
᠃ … … … … …
ᠠᠷᠤ ᠶ᠋ᠢᠨ ᠵᠣ ᠶ᠋ᠢᠨ
ᠠᠯᠠᠭ ᠠᠯᠠᠭᠳᠠᠭᠠ
ᠠᠯᠠᠭ ᠵᠣ ᠳᠡᠭᠡᠷᠡ ᠠᠯᠬᠤᠬᠤ ᠦᠭᠡᠢ
ᠠᠷᠤ ᠶ᠋ᠢᠨ ᠵᠣ ᠳᠡᠭᠡᠷᠡ ᠭᠦᠶᠦᠨᠡ᠃
… … … … … … …
ᠠᠷᠤ ᠶ᠋ᠢᠨ ᠲᠡᠷᠡ ᠨᠠᠭᠤᠷ
ᠠᠷᠭᠠ ᠦᠭᠡᠢ ᠲᠣᠮᠣ ᠨᠠᠭᠤᠷ
ᠠᠪᠳᠠᠷᠠ ᠶ᠋ᠢᠨ ᠲᠡᠷᠡ ᠨᠢᠭᠤᠷ
ᠠᠯᠠᠭ ᠦᠭᠡᠢ ᠬᠦᠷᠡᠩ ᠨᠢᠭᠤᠷ᠃
… … … … … …
ᠠᠯᠠᠭ ᠳᠠᠭᠠ ᠳᠣᠩᠭᠤᠷᠴᠢᠬᠯᠠᠷᠬᠠᠨ
ᠠᠷᠭᠠᠮᠵᠢ ᠳᠡᠭᠡᠰᠦ ᠣᠷᠢᠶᠠᠯᠳᠤᠴᠢᠬᠯᠠᠷᠬᠠᠨ
… … … … … …
ᠠᠪᠠ ᠶ᠋ᠢᠨ ᠠᠷᠪᠠᠨ ᠨᠣᠬᠠᠢ
ᠠᠪᠤ ᠶ᠋ᠢᠨ ᠠᠯᠠᠭ ᠨᠣᠬᠠᠢ
ᠠᠷᠤ ᠶ᠋ᠢᠨ ᠠᠷᠤ ᠲᠠᠯᠠ ᠳ᠋ᠤ᠌
ᠠᠯᠠᠭ ᠲᠠᠤᠯᠠᠢ ᠬᠥᠭᠡᠭᠡᠨᠡ᠃
… … … … … … …
ᠠᠪᠤ ᠶ᠋ᠢᠨ ᠠᠷᠭᠠᠯ
ᠲᠡᠭᠡᠭᠡᠭᠡᠳ ᠢᠷᠡᠭᠰᠡᠨ
ᠠᠯᠠᠭ ᠲᠡᠷᠯᠡᠨ ᠪᠤᠬᠠ
ᠠᠷᠤ ᠪᠠᠷ ᠭᠠᠷᠪᠠ ᠤᠤ?
ᠡᠮᠦᠨᠡ ᠪᠡᠷ ᠭᠠᠷᠪᠠ ᠤᠤ?
… … … … … … …
ᠠᠯᠲᠠ ᠠᠯᠮᠠᠰ ᠬᠣᠶᠠᠷ ᠤ᠋ᠨ
ᠠᠯᠢ ᠨᠢ ᠬᠠᠲᠠᠭᠤ ᠡᠳ᠋ ᠪᠣᠢ?
ᠠᠯᠲᠠ ᠬᠠᠲᠠᠭᠤ ᠭᠡᠬᠦ ᠳ᠋ᠦ᠍
ᠠᠯᠮᠠᠰ ᠪᠠᠰᠠ ᠬᠠᠲᠠᠭᠤ᠃
… … … … … …
ᠠᠯᠲᠠ ᠠᠷᠭᠠᠯ ᠪᠢᠰᠢ
ᠠᠷᠭᠠᠯ ᠠᠯᠲᠠ ᠮᠥᠨ᠃
… … … … … …
ᠠᠯᠲᠠ ᠶ᠋ᠢ ᠠᠯᠲᠠ
ᠠᠷᠭᠠᠯ ᠢ᠋ ᠠᠷᠭᠠᠯ
ᠠᠷᠭᠠᠯ ᠢ᠋ᠶ᠋ᠠᠷ ᠠᠯᠲᠠ ᠶ᠋ᠢ ᠰᠣᠯᠢᠵᠤ ᠪᠣᠯᠤᠨᠠ
ᠠᠯᠲᠠ ᠪᠠᠷ ᠠᠷᠭᠠᠯ ᠬᠢᠵᠦ ᠪᠣᠯᠬᠤ ᠦᠭᠡᠢ᠃
… … … … … …
ᠠᠯᠲᠠᠨ ᠪᠥᠮᠪᠥᠭᠡ
ᠮᠥᠩᠭᠥᠨ ᠪᠥᠮᠪᠥᠭᠡ
ᠠᠯᠲᠠᠨ ᠪᠥᠮᠪᠥᠭᠡ
ᠮᠥᠩᠭᠥᠨ ᠪᠥᠮᠪᠥᠭᠡ
… … … … … …
ᠮᠥᠩᠭᠥᠨ ᠪᠥᠮᠪᠥᠭᠡ
ᠠᠯᠲᠠᠨ ᠪᠥᠮᠪᠥᠭᠡ
ᠮᠥᠩᠭᠥᠨ ᠪᠥᠮᠪᠥᠭᠡ
ᠠᠯᠲᠠᠨ ᠪᠥᠮᠪᠥᠭᠡ
… … … … … …
ᠡᠯᠢᠶᠡ ᠡᠨᠡᠭᠦᠷ ᠡᠷᠭᠢᠨᠡ
ᠬᠡᠷᠢᠶᠡ ᠬᠡᠭᠡᠷᠡ ᠪᠡᠷ ᠡᠷᠭᠢᠨᠡ᠃
ᠡᠯᠢᠶᠡ ᠬᠡᠷᠢᠶᠡ ᠬᠣᠶᠠᠷ
ᠡᠷᠭᠢᠨ ᠡᠷᠭᠢᠨ ᠨᠢᠰᠦᠨᠡ᠃
… … … … … …
ᠡᠨᠡ ᠠᠯᠲᠠᠨ ᠪᠥᠮᠪᠥᠭᠡ
ᠡᠷᠳᠡᠨᠢ ᠶ᠋ᠢᠨ ᠪᠥᠮᠪᠥᠭᠡ
ᠡᠨᠡ ᠮᠥᠩᠭᠥᠨ ᠪᠥᠮᠪᠥᠭᠡ
ᠡᠷᠳᠡᠨᠢ ᠶ᠋ᠢᠨ ᠪᠥᠮᠪᠥᠭᠡ
ᠮᠥᠩᠭᠥᠨ ᠪᠥᠮᠪᠥᠭᠡ ᠶ᠋ᠢ
ᠡᠷᠳᠡᠨᠢ ᠶ᠋ᠢᠨ ᠪᠥᠮᠪᠥᠭᠡ ᠭᠡᠬᠦ ᠶᠦᠮ ᠤᠤ?
ᠠᠯᠲᠠᠨ ᠪᠥᠮᠪᠥᠭᠡ ᠶ᠋ᠢ
ᠡᠷᠳᠡᠨᠢ ᠶ᠋ᠢᠨ ᠪᠥᠮᠪᠥᠭᠡ ᠭᠡᠬᠦ ᠶᠦᠮ ᠤᠤ?
… … … … … …
ᠨᠢᠭᠤᠷ ᠠᠷᠴᠢᠬᠤ ᠠᠯᠴᠢᠭᠤᠷ
ᠲᠠᠷᠢᠶᠠ ᠠᠷᠴᠢᠬᠤ ᠠᠷᠴᠢᠭᠤᠷ
ᠨᠢᠭᠤᠷ ᠠᠷᠴᠢᠬᠤ ᠠᠯᠴᠢᠭᠤᠷ
ᠲᠠᠷᠢᠶᠠ ᠠᠷᠴᠢᠬᠤ ᠠᠷᠴᠢᠭᠤᠷ᠃
… … … … … …
ᠠᠯᠲᠠᠢ ᠬᠠᠩᠭᠠᠢ ᠶ᠋ᠢᠨ ᠠᠷᠤ ᠳ᠋ᠤ᠌
ᠠᠷᠪᠠᠨ ᠲᠦᠮᠡᠨ ᠠᠳᠤᠭᠤ ᠪᠡᠯᠴᠢᠨᠡ
ᠲᠣᠭᠠ ᠶ᠋ᠢ ᠨᠢ ᠠᠪᠤᠭᠰᠠᠨ ᠳᠣᠯᠣᠭᠠ
ᠲᠣᠪᠴᠢᠯᠠᠭᠰᠠᠨ ᠨᠢ ᠬᠣᠶᠠᠷ᠃
… … … … … …
ᠠᠯᠲᠠ ᠶ᠋ᠢ ᠠᠯᠲᠠ ᠭᠡᠬᠦ ᠦᠭᠡᠢ
ᠠᠷᠭᠠᠯ ᠢ᠋ ᠠᠯᠲᠠ ᠭᠡᠬᠦ ᠤᠤ?
ᠠᠷᠭᠠᠯ ᠢ᠋ ᠠᠷᠭᠠᠯ ᠭᠡᠬᠦ ᠦᠭᠡᠢ
ᠠᠯᠲᠠ ᠶ᠋ᠢ ᠠᠷᠭᠠᠯ ᠭᠡᠬᠦ ᠤᠤ?
… … … … … …
ᠲᠡᠷᠡ ᠠᠭᠤᠯᠠ ᠶ᠋ᠢᠨ ᠠᠷᠤ ᠤᠯᠠᠭᠠᠨ ᠤᠤ?
ᠮᠢᠨᠦ ᠭᠠᠷ ᠤ᠋ᠨ ᠠᠷᠤ ᠤᠯᠠᠭᠠᠨ ᠤᠤ?
… … … … … …
ᠵᠡᠭᠦᠨ ᠠᠭᠤᠯᠠ ᠶ᠋ᠢᠨ ᠠᠷᠤ ᠶ᠋ᠢᠨ ᠠᠢᠯ ᠣᠢᠷᠠ ᠤᠤ?
ᠪᠠᠷᠠᠭᠤᠨ ᠠᠭᠤᠯᠠ ᠶ᠋ᠢᠨ ᠠᠷᠤ ᠶ᠋ᠢᠨ ᠠᠢᠯ ᠣᠢᠷᠠ ᠤᠤ?
… … … … … …
ᠠᠷᠴᠢᠭᠤᠷ ᠠᠯᠴᠢᠭᠤᠷ
ᠠᠯᠴᠢᠭᠤᠷ ᠠᠷᠴᠢᠭᠤᠷ
ᠠᠷᠴᠢᠭᠤᠷ ᠠᠯᠴᠢᠭᠤᠷ
ᠠᠯᠴᠢᠭᠤᠷ ᠠᠷᠴᠢᠭᠤᠷ᠃
… … … … … …
ᠠᠷᠰᠯᠠᠨ ᠪᠠᠷᠰ ᠬᠦᠦ
ᠠᠯᠢᠶᠠ ᠪᠥᠭᠡᠳ ᠵᠥᠷᠢᠭᠦᠦ
ᠠᠷᠲᠠᠢ ᠪᠠᠷᠲᠠᠢ ᠬᠦᠦ
ᠠᠵᠢᠯᠴᠢ ᠪᠥᠭᠡᠳ ᠶᠣᠰᠣᠷᠬᠠᠭ
ᠠᠷᠰᠯᠠᠨ ᠪᠠᠷᠰ ᠬᠦᠦ
ᠠᠢᠯᠤᠤ᠂ ᠠᠢᠯᠤᠤ᠂ ᠠᠢᠯᠤᠤ
ᠠᠷᠲᠠᠢ ᠪᠠᠷᠲᠠᠢ ᠬᠦᠦ
ᠡᠩᠬᠦᠷᠡᠢ᠂ ᠡᠩᠬᠦᠷᠡᠢ᠃
ᠠᠪᠳᠠᠷᠠ ᠠᠪᠳᠠᠷᠠ ᠬᠤᠪᠴᠠᠰᠤ
ᠠᠷᠲᠠᠢ ᠳᠡᠷᠳᠡᠢ ᠬᠤᠪᠴᠠᠰᠤ
ᠡᠷᠪᠡᠭᠡᠷ ᠡᠷᠪᠡᠭᠡᠷ ᠤᠭᠠᠯᠵᠠ ᠲᠠᠢ
ᠡᠪᠲᠡᠢ ᠲᠠᠪᠲᠠᠢ ᠬᠤᠪᠴᠠᠰᠤ᠃
… … … … … …
ᠡᠪᠦᠳᠦᠭ ᠢ᠋ ᠡᠪᠦᠳᠦᠭ ᠢ᠋ᠶ᠋ᠡᠷ ᠡᠪᠦᠳᠦᠭᠯᠡᠬᠦ ᠳ᠋ᠦ᠍
ᠡᠪᠦᠳᠦᠭᠯᠡᠭᠰᠡᠨ ᠡᠪᠦᠳᠦᠭ
ᠡᠪᠡᠳᠬᠦ ᠤᠤ?
ᠡᠪᠦᠳᠦᠭᠯᠡᠭᠦᠯᠦᠭᠰᠡᠨ ᠡᠪᠦᠳᠦᠭ
ᠡᠪᠡᠳᠬᠦ ᠤᠤ?
… … … … … …
ᠡᠷᠮᠡ ᠳᠡᠭᠡᠭᠦᠷ ᠡᠷᠪᠡᠬᠡᠢ
ᠡᠷᠭᠢᠨ ᠳᠡᠭᠡᠭᠦᠷ ᠡᠯᠢᠶᠡ
ᠡᠯᠢᠶᠡ ᠡᠷᠪᠡᠬᠡᠢ ᠬᠣᠶᠠᠷ
ᠡᠷᠭᠢᠨ ᠲᠣᠭᠣᠷᠢᠨ ᠨᠢᠰᠦᠨᠡ
ᠡᠶᠡ ᠣᠯᠠᠨ ᠬᠡᠷᠢᠶᠡ
ᠬᠡᠯᠡ ᠤᠷᠠᠨ ᠬᠡᠷᠢᠶᠡ᠃
… … … … … …
ᠡᠷᠪᠡᠬᠡᠢ ᠡᠪᠡᠷ ᠲᠡᠢ
ᠡᠷᠡ ᠦᠬᠡᠷ
ᠡᠷᠢᠶᠡᠨ ᠭᠣᠣᠯ ᠤ᠋ᠨ
ᠡᠷᠭᠢᠨ ᠳᠡᠭᠡᠷᠡ
ᠡᠷᠪᠡᠭᠡᠷ ᠡᠪᠡᠷ ᠢ᠋ᠶ᠋ᠡᠨ
ᠡᠷᠭᠢᠨ ᠡᠷᠭᠢᠨ ᠪᠢᠯᠡᠭᠦᠳᠡᠨᠡ᠃
… … … … … …
ᠡᠷᠭᠢ ᠶ᠋ᠢᠨ ᠡᠷᠢᠶᠡᠨ ᠴᠢᠯᠠᠭᠤ ᠶ᠋ᠢ
ᠡᠷᠳᠡᠨᠢ ᠪᠣᠯᠭᠠᠵᠤ ᠦᠵᠡᠬᠦ ᠪᠡᠷ
ᠡᠩᠲᠡᠢ ᠡᠷᠢᠶᠡᠨ ᠴᠠᠭᠠᠰᠤ ᠶ᠋ᠢ
ᠡᠷᠳᠡᠨᠢ ᠪᠣᠯᠭᠠᠵᠤ ᠡᠷᠬᠢᠮᠯᠡ᠃
… … … … … …
ᠣᠴᠢ ᠬᠣᠴᠢ ᠭᠤᠴᠢ ᠶ᠋ᠢ
ᠬᠣᠴᠢ ᠭᠤᠴᠢ ᠣᠴᠢ ᠭᠡᠬᠦ ᠤᠤ?
ᠭᠤᠴᠢ ᠣᠴᠢ ᠬᠣᠴᠢ ᠭᠡᠬᠦ ᠤᠤ?
… … … … … …
ᠤᠷᠲᠤ ᠤᠷᠭᠠ ᠪᠠᠷ
ᠣᠷᠣᠭᠠ ᠮᠣᠷᠢ ᠶ᠋ᠢ ᠪᠠᠷᠢᠨᠠ
ᠣᠷᠣᠭᠠ ᠮᠣᠷᠢ ᠨᠢ
ᠤᠷᠲᠤ ᠤᠷᠭᠠ ᠳ᠋ᠤ᠌ ᠪᠠᠷᠢᠭᠳᠠᠨᠠ᠃
… … … … … …
ᠰᠠᠢᠬᠠᠨ ᠰᠠᠢᠬᠠᠨ
ᠰᠠᠷᠠᠯ ᠤᠷᠤᠭ ᠵᠠᠭᠠᠯ ᠢᠰᠢᠭᠡ
ᠮᠠᠭᠤᠬᠠᠢ ᠮᠠᠭᠤᠬᠠᠢ
ᠮᠤᠬᠤᠷ ᠤᠷᠤᠭ ᠵᠠᠭᠠᠯ ᠢᠰᠢᠭᠡ᠃
… … … … … …
ᠳᠥᠷᠪᠡᠯᠵᠢᠨ ᠰᠦᠯᠵᠢᠭᠰᠡᠨ
ᠳᠥᠷᠦᠭᠡᠨ ᠦ᠌ ᠤᠭᠰᠠᠷᠠᠭᠠ
ᠳᠥᠷᠪᠡ ᠪᠡᠷ ᠰᠦᠯᠵᠢᠭᠰᠡᠨ
ᠵᠢᠷᠢᠮ ᠦ᠋ᠨ ᠤᠭᠰᠠᠷᠠᠭᠠ᠃
ᠤᠷᠤᠭᠤᠯ ᠤ᠋ᠨ ᠤᠷᠠᠨ
ᠤᠬᠠᠭᠠᠨ ᠤ᠋ ᠤᠷᠠᠨ
ᠤᠷᠤᠭᠤᠯ ᠤ᠋ᠨ ᠤᠷᠠᠨ ᠠ᠋ᠴᠠ
ᠤᠬᠠᠭᠠᠨ ᠤ᠋ ᠤᠷᠠᠨ ᠳᠡᠭᠡᠷᠡ᠃
… … … … … …
ᠥᠷᠥᠯᠪᠢ ᠰᠢᠪᠠᠭᠤ
ᠥᠷᠪᠡᠯᠭᠡ ᠥᠳᠥ ᠪᠡᠨ
ᠥᠷᠯᠥᠭᠡ ᠪᠦᠷᠢ
ᠥᠷᠪᠥᠯᠵᠡᠭᠦᠯᠦᠨ ᠵᠠᠰᠠᠨᠠ᠃
… … … … … …
ᠨᠢᠳᠦ ᠰᠢᠲᠦ ᠬᠣᠶᠠᠷ ᠤ᠋ᠨ
ᠨᠢᠳᠦ ᠨᠢ ᠰᠢᠳᠦ ᠪᠡᠨ ᠦᠵᠡᠬᠦ ᠦᠭᠡᠢ
ᠰᠢᠲᠦ ᠨᠢ ᠨᠢᠳᠦ ᠪᠡᠨ ᠬᠠᠵᠠᠬᠤ ᠦᠭᠡᠢ᠃
… … … … … …
ᠪᠠᠭᠠᠯ ᠪᠠᠭᠠᠪᠠᠭᠠᠢ ᠪᠠᠷᠰ ᠭᠤᠷᠪᠠ ᠶ᠋ᠢᠨ
ᠪᠠᠭᠠᠯ ᠨᠢ ᠪᠠᠭᠠᠰᠢᠯᠠᠨ ᠭᠠᠰᠠᠯᠤᠨᠠ
ᠪᠠᠭᠠᠪᠠᠭᠠᠢ ᠨᠢ ᠪᠠᠯᠪᠠᠭᠠᠨᠠᠨ ᠣᠷᠢᠯᠠᠨᠠ
ᠪᠠᠷᠰ ᠨᠢ ᠪᠠᠷᠬᠢᠷᠠᠨ ᠬᠦᠷᠬᠢᠷᠡᠨᠡ᠃
… … … … … …
ᠪᠣᠷᠣᠭᠴᠢ ᠭᠡᠭᠦᠦ ᠶ᠋ᠢᠨ ᠪᠣᠷᠣ ᠤᠨᠠᠭᠠ
ᠪᠤᠲᠠ ᠲᠡᠮᠡᠭᠡᠨ ᠦ᠌ ᠪᠣᠷᠣ ᠪᠣᠲᠣᠭᠣ
ᠪᠣᠷᠣ ᠤᠨᠠᠭᠠ ᠪᠣᠷᠣ ᠪᠣᠲᠣᠭᠣ
ᠪᠤᠲᠠ ᠶ᠋ᠢ ᠲᠣᠭᠣᠷᠢᠨ ᠲᠣᠭᠯᠠᠨᠠ᠃
… … … … … …
ᠪᠦᠲᠦᠨᠡ ᠪᠦᠯᠦᠭ ᠪᠦᠯᠦᠭ ᠢ᠋ᠶ᠋ᠡᠷ ᠪᠥᠭᠡᠮᠨᠡᠷᠡᠨ ᠪᠥᠭᠡᠮᠨᠡᠷᠡᠨᠡ
ᠪᠦᠯᠦᠭ ᠪᠦᠯᠦᠭ ᠢ᠋ᠶ᠋ᠡᠷ ᠪᠦᠲᠦᠨᠡ ᠪᠥᠭᠡᠮᠨᠡᠷᠡᠨ ᠪᠥᠭᠡᠮᠨᠡᠷᠡᠨᠡ᠃
… … … … … …
ᠪᠥᠮᠪᠥᠭᠡ ᠪᠥᠮᠪᠥᠭᠡ ᠪᠥᠮᠪᠥᠷᠢᠨᠡ
ᠪᠥᠮᠪᠥᠷ ᠪᠥᠮᠪᠥᠷ ᠪᠥᠮᠪᠥᠷᠳᠡᠨᠡ
ᠪᠥᠮᠪᠥᠷ ᠪᠥᠮᠪᠥᠷᠳᠡᠨᠡ
ᠪᠥᠮᠪᠥᠭᠡ ᠪᠥᠮᠪᠥᠷᠢᠨᠡ᠃
… … … … … …
ᠬᠡᠭᠡᠷ ᠠᠵᠢᠷᠭᠠ ᠶ᠋ᠢᠨ
ᠭᠡᠭᠡᠭᠴᠢ ᠭᠡᠭᠦᠦ
ᠬᠡᠭᠡᠷᠡ ᠲᠠᠯᠠ ᠳ᠋ᠤ᠌
ᠬᠡᠭᠡᠷ ᠤᠨᠠᠭᠠ ᠤᠨᠠᠭᠠᠯᠠᠵᠠᠢ᠃
… … … … … …
ᠬᠡᠯᠡᠭᠡᠢ ᠨᠢ ᠬᠡᠯᠡᠭᠡᠢ ᠪᠣᠯᠪᠠᠴᠤ
ᠬᠡᠯᠡᠭᠰᠡᠭᠡᠷ ᠬᠡᠯᠡᠭᠰᠡᠭᠡᠷ ᠪᠠᠢᠭᠠᠳ
ᠬᠡᠯᠡ ᠨᠢ ᠵᠦᠭᠰᠢᠷᠡᠵᠦ
ᠬᠡᠯᠡᠭᠡᠢ ᠨᠢ ᠭᠠᠷᠤᠨᠠ᠃
… … … … … …
ᠬᠦᠷᠡᠯ ᠢᠯᠢᠭᠦᠷ᠂
ᠪᠣᠯᠣᠷ ᠰᠣᠷᠣᠭᠤᠯ
ᠢᠯᠢᠭᠦᠷ ᠪᠣᠯᠣᠷ᠂
ᠰᠣᠷᠣᠭᠤᠯ ᠬᠦᠷᠡᠯ
ᠪᠣᠯᠣᠷ ᠰᠣᠷᠣᠭᠤᠯ᠂
ᠬᠦᠷᠡᠯ ᠢᠯᠢᠭᠦᠷ
ᠰᠣᠷᠣᠭᠤᠯ ᠬᠦᠷᠡᠯ᠂
ᠢᠯᠢᠭᠦᠷ ᠪᠣᠯᠣᠷ᠃
… … … … … …
ᠬᠤᠷ ᠳᠡᠯ ᠲᠡᠢ ᠬᠣᠯᠠ ᠮᠣᠷᠢ
ᠬᠤᠷᠳᠤ ᠰᠠᠢᠲᠠᠢ ᠪᠣᠷᠣ ᠮᠣᠷᠢ᠃
… … … … … …
ᠮᠥᠩᠭᠥ ᠮᠥᠩᠬᠡ
ᠮᠥᠩᠬᠡ ᠮᠥᠩᠭᠥ ᠪᠢᠰᠢ
ᠮᠥᠩᠭᠥ ᠮᠥᠩᠬᠡ
ᠮᠥᠩᠭᠥ ᠮᠥᠩᠬᠡ ᠪᠢᠰᠢ᠃
… … … … … …
ᠰᠠᠪᠠᠷ ᠢ᠋ ᠬᠤᠰᠤ ᠪᠠᠷ ᠵᠣᠷᠭᠣᠨᠠ
ᠰᠢᠪᠠᠷ ᠢ᠋ ᠤᠰᠤ ᠪᠠᠷ ᠵᠢᠭᠤᠷᠠᠨᠠ᠃
… … … … … …
ᠰᠢᠷᠡᠮᠦᠨ ᠲᠣᠭᠣᠭᠠ
ᠰᠢᠷᠢᠮᠡᠯ ᠰᠢᠷᠢᠳᠡᠭ
ᠰᠢᠷᠢᠨ ᠪᠣᠭᠴᠣ
ᠰᠢᠯ ᠦ᠋ᠨ ᠪᠥᠭᠡᠵᠢ᠃
… … … … … …
ᠰᠣᠯᠢᠵᠤ ᠪᠠᠷᠢᠭᠰᠠᠨ ᠭᠡᠷ
ᠰᠣᠩᠭᠣᠵᠤ ᠲᠠᠷᠢᠭᠰᠠᠨ ᠦᠷᠡ
ᠰᠢᠯᠢᠵᠦ ᠣᠯᠤᠭᠰᠠᠨ ᠱ᠌ᠢᠷᠦ
ᠰᠢᠷᠢᠵᠦ ᠣᠶᠣᠭᠰᠠᠨ ᠰᠢᠷᠢᠳᠡᠭ᠃
… … … … … …
ᠪᠣᠯᠣᠷ ᠲᠤᠩᠭᠠᠯᠠᠭ
ᠪᠤᠯᠠᠭ ᠲᠤᠩᠭᠠᠯᠠᠭ
ᠪᠣᠯᠣᠷ ᠪᠤᠯᠠᠭ
ᠪᠦᠷ ᠲᠤᠩᠭᠠᠯᠠᠭ᠃
… … … … … …
ᠴᠠᠭᠠᠨ ᠤᠯᠠᠭᠠᠨ ᠬᠣᠶᠠᠷ ᠲᠤᠩ ᠤ᠋ᠨ
ᠴᠠᠭᠠᠨ ᠨᠢ ᠶᠠᠭᠠᠨ ᠳᠣᠲᠣᠷ ᠲᠠᠢ
ᠤᠯᠠᠭᠠᠨ ᠨᠢ ᠴᠠᠭᠠᠨ ᠳᠣᠲᠣᠷ ᠲᠠᠢ᠃
… … … … … …
ᠲᠠᠨ ᠤ᠋ ᠮᠤᠬᠤᠷ ᠤᠯᠠᠭᠠᠨ ᠬᠤᠴᠠ ᠶ᠋ᠢᠨ
ᠡᠪᠡᠷ ᠮᠤᠰᠬᠢᠯᠳᠤᠭᠤᠷ ᠤᠤ? ᠳᠣᠰᠬᠢᠯᠳᠤᠭᠤᠷ ᠤᠤ?
ᠮᠠᠨ ᠤ᠋ ᠮᠤᠬᠤᠷ ᠤᠯᠠᠭᠠᠨ ᠬᠤᠴᠠ ᠶ᠋ᠢᠨ
ᠡᠪᠡᠷ ᠮᠤᠰᠬᠢᠯᠳᠤᠭᠤᠷ ᠤᠤ? ᠳᠤᠰᠬᠢᠯᠳᠤᠭᠤᠷ ᠤᠤ?
… … … … … …
ᠭᠦᠶᠦᠳᠡᠯ ᠲᠡᠢ ᠭᠦᠶᠦᠳᠡᠯ ᠦᠭᠡᠢ ᠮᠣᠷᠢ ᠶ᠋ᠢ
ᠭᠦᠶᠦᠯᠭᠡᠵᠦ ᠪᠠᠢᠭᠠᠳ ᠭᠦᠶᠦᠳᠡᠯ ᠢ᠋ ᠮᠡᠳᠡᠨᠡ
ᠭᠦᠶᠦᠯᠭᠡᠵᠦ ᠦᠵᠡᠬᠦ ᠦᠭᠡᠢ ᠪᠣᠯ
ᠭᠦᠶᠦᠳᠡᠯ ᠲᠡᠢ ᠭᠦᠶᠦᠳᠡᠯ ᠦᠭᠡᠢ ᠶ᠋ᠢ ᠨᠢ ᠮᠡᠳᠡᠬᠦ ᠦᠭᠡᠢ᠃
… … … … … …
ᠬᠡᠨ ᠬᠡᠨ ᠢ᠋ᠶ᠋ᠡᠨ ᠬᠡᠯᠡᠵᠦ
ᠬᠡᠯᠡ ᠤᠷᠤᠭᠤᠯ ᠢ᠋ᠶ᠋ᠠᠨ ᠤᠷᠤᠯᠳᠤᠵᠤ ᠪᠠᠢ
ᠬᠡᠯᠡ ᠤᠷᠤᠭᠤᠯ ᠢ᠋ᠶ᠋ᠠᠨ ᠬᠠᠮᠬᠢᠵᠤ
ᠬᠡᠨ ᠬᠡᠨ ᠢ᠋ᠶ᠋ᠡᠨ ᠬᠡᠯᠡᠬᠦ ᠦᠭᠡᠢ ᠪᠣᠯ
ᠬᠡᠨ ᠬᠡᠨ ᠳ᠋ᠡᠭᠡᠨ ᠲᠤᠰᠠ ᠲᠠᠢ᠃
ᠷᠢ᠊· ᠴᠦᠯᠲᠦᠮᠰᠥ᠋ᠷᠦᠩ ᠦ᠋ᠨ ᠡᠮᠬᠢᠳᠬᠡᠵᠦ ᠬᠡᠯᠡ ᠰᠢᠨᠵᠢᠯᠡᠯ ᠦ᠋ᠨ ᠤᠬᠠᠭᠠᠨ ᠤ᠋ ᠳ᠋ᠣᠺᠲ᠋ᠣᠷ ᠬᠣ·ᠰᠠᠮᠫᠢᠯᠳᠡᠩᠳᠡᠪ᠂ ᠳᠡᠳ᠋ ᠳ᠋ᠣᠺᠲ᠋ᠣᠷ ᠭᠤ· ᠭᠠᠩᠳᠣᠭᠳᠤᠬᠤ ᠨᠠᠷ ᠬᠢᠨᠠᠵᠤ ᠮᠣᠩᠭᠣᠯ ᠤᠯᠤᠰ ᠤ᠋ᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠪᠣᠯᠪᠠᠰᠤᠷᠠᠯ ᠤ᠋ᠨ ᠶᠠᠮᠤᠨ ᠠ᠋ᠴᠠ1996 ᠣᠨ ᠳ᠋ᠤ᠌ ᠬᠡᠪᠯᠡᠭᠦᠯᠦᠭᠰᠡᠨ《 ᠮᠣᠩᠭᠣᠯ ᠠᠷᠠᠳ ᠤ᠋ᠨ ᠠᠮᠠᠨ ᠵᠣᠬᠢᠶᠠᠯ ᠤ᠋ᠨ ᠤᠩᠰᠢᠬᠤ ᠪᠢᠴᠢᠭ10 ᠠ᠋ᠴᠠ ᠪᠠᠭᠤᠯᠭᠠᠪᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠫᠤ· ᠴᠠᠭᠠᠨ
ᠦᠰᠦᠭ ᠬᠢᠨᠠᠭᠴᠢ᠄ ᠨᠠᠷᠠᠨᠲᠤᠶᠠᠭᠠ