ᠤᠮᠠᠷᠠᠲᠤ ᠶ᠋ᠢᠨ ᠬᠠᠷᠭᠠᠢумардын харгай
472
ᠤᠮᠠᠷᠠᠲᠤ ᠶ᠋ᠢᠨ ᠬᠠᠷᠭᠠᠢ
ᠨᠠᠷᠠᠰᠤ ᠶ᠋ᠢᠨ ᠢᠵᠠᠭᠤᠷ
ᠨᠠᠪᠴᠢ ᠵᠤᠯᠭᠠᠷᠠᠬᠤ ᠲᠤᠷᠤᠭ ᠮᠣᠳᠣ᠂30m ᠬᠢᠷᠢ ᠥᠨᠳᠥᠷ᠃ ᠲᠤᠰ ᠵᠢᠯ ᠦ᠋ᠨ ᠮᠥᠴᠢᠷ ᠨᠢ ᠪᠠᠷᠠᠭᠠᠨ ᠤᠯᠠᠭᠠᠨ ᠪᠤᠶᠤ ᠬᠦᠷᠡᠩ ᠰᠢᠷᠠ᠂ ᠬᠣᠶᠠᠷ ᠨᠠᠰᠤᠲᠤ ᠮᠥᠴᠢᠷ ᠨᠢ ᠰᠢᠷᠠᠪᠲᠤᠷ ᠬᠦᠷᠡᠩ ᠥᠩᠭᠡᠲᠡᠢ ᠪᠣᠯᠪᠠᠴᠤ ᠬᠣᠵᠢᠮ ᠨᠢ ᠪᠦᠳᠡᠭᠢ ᠬᠦᠷᠡᠩ ᠪᠣᠯᠤᠨᠠ᠃ ᠣᠬᠣᠷ ᠮᠥᠴᠢᠷ ᠦ᠋ᠨ ᠣᠷᠣᠢ
ᠳ᠋ᠠᠬᠢ ᠨᠠᠪᠴᠢᠨ ᠤ᠋ ᠰᠠᠭᠤᠳᠠᠯ ᠤ᠋ᠨ ᠬᠣᠭᠣᠷᠣᠨᠳᠣ ᠨᠢ ᠰᠢᠷᠠ ᠬᠦᠷᠡᠩ ᠦᠰᠦ ᠪᠣᠢ᠃ ᠰᠢᠯᠮᠦᠦᠰᠦ ᠨᠢ ᠪᠦᠰᠡ ᠬᠡᠯᠪᠡᠷᠢ ᠲᠡᠢ᠂2—3cm ᠤᠷᠲᠤ᠂ ᠠᠷᠤ ᠶ᠋ᠢᠨ ᠭᠦᠷᠡᠢᠭᠰᠡᠨ ᠭᠣᠣᠯ ᠰᠤᠳᠠᠯ ᠤ᠋ᠨ ᠬᠣᠶᠠᠷ ᠲᠠᠯᠠ ᠳ᠋ᠤᠨᠢ2—4 ᠴᠤᠪᠤᠭᠠ ᠬᠡᠢ ᠶ᠋ᠢᠨ ᠠᠮᠠᠰᠠᠷ ᠤ᠋ᠨ ᠵᠤᠷᠪᠤᠰ ᠪᠣᠢ᠃ ᠴᠡᠴᠡᠭ ᠨᠢ ᠭᠠᠭᠴᠠ ᠪᠡᠯᠭᠡ ᠲᠡᠢ ᠪᠥᠭᠡᠳ ᠨᠢᠭᠡ ᠭᠡᠷ ᠲᠡᠢ᠃ ᠡᠷᠡ ᠡᠮᠡ ᠪᠠᠭ ᠴᠡᠴᠡᠭ ᠨᠢ ᠪᠦᠷ ᠭᠠᠭᠴᠠᠭᠠᠷ ᠣᠬᠣᠷ ᠮᠥᠴᠢᠷ ᠦ᠋ᠨ ᠣᠷᠣᠢ ᠳ᠋ᠤ᠌ ᠤᠷᠭᠤᠨᠠ᠂ ᠴᠥᠮ ᠪᠥᠮᠪᠦᠭᠡᠨ ᠬᠡᠯᠪᠡᠷᠢ ᠲᠡᠢ᠃ ᠪᠤᠭᠤᠷᠴᠠᠭ ᠨᠢ ᠪᠠᠷᠢᠭᠤᠯ ᠲᠠᠢ᠂2—3.5cm ᠤᠷᠲᠤ᠂ ᠥᠨᠳᠡᠭᠡᠯᠵᠢᠨ ᠪᠥᠭᠡᠷᠡᠩᠬᠡᠢ ᠬᠡᠯᠪᠡᠷᠢ ᠲᠡᠢ᠂ ᠡᠬᠢᠨ ᠳ᠋ᠡᠭᠡᠨ ᠨᠣᠭᠣᠪᠲᠤᠷ ᠰᠡᠭᠦᠯᠡᠷ ᠭᠦᠢᠬᠡᠨ ᠬᠦᠷᠡᠩ ᠪᠣᠯᠳᠠᠭ᠂ ᠦᠷᠡ ᠶ᠋ᠢᠨ ᠬᠠᠢᠷᠰᠤᠨ ᠢᠯᠲᠠᠰᠤ ᠨᠢ ᠪᠠᠷᠤᠭ45 ᠪᠣᠢ᠃ ᠪᠠᠭᠯᠠᠭᠴᠢ ᠨᠢ ᠪᠠᠷᠠᠭᠠᠨ ᠪᠣᠷᠣ ᠥᠩᠭᠡᠲᠡᠢ ᠪᠥᠭᠡᠳ ᠦᠷᠡ ᠶ᠋ᠢᠨ ᠬᠠᠢᠷᠰᠤᠨ ᠤ᠋ ᠪᠠᠨ ᠬᠠᠭᠠᠰ ᠤ᠋ᠨ ᠴᠢᠨᠡᠭᠡᠨ ᠤᠷᠲᠤ᠂ ᠦᠵᠦᠭᠦᠷ ᠨᠢ ᠱᠣᠪᠬᠣ ᠶᠤᠮ᠃ ᠦᠷᠡ ᠨᠢ ᠴᠠᠢᠪᠤᠷ ᠪᠣᠯᠪᠠᠴᠤ ᠬᠦᠷᠡᠩ ᠲᠣᠯᠪᠣ ᠲᠠᠢ᠃ ᠠᠭᠤᠯᠠ ᠶ᠋ᠢᠨ ᠡᠭᠡᠪᠦᠷ ᠬᠠᠵᠠᠭᠤ ᠪᠠᠷ ᠴᠣᠯ ᠣᠢ ᠪᠣᠯᠵᠤ ᠤᠷᠭᠤᠨᠠ᠃
ᠮᠠᠨ ᠤ᠋ ᠤᠯᠤᠰ ᠤ᠋ᠨ ᠥᠪᠥᠷ ᠮᠣᠩᠭᠣᠯ᠂ ᠯᠢᠶᠣᠤᠨᠢᠩ᠂ ᠾᠧᠪᠧᠢ᠂ ᠱᠠᠨ ᠰᠢ ᠵᠡᠷᠭᠡ ᠮᠣᠵᠢ ᠣᠷᠣᠨ ᠳ᠋ᠤ᠌ ᠤᠷᠭᠤᠳᠠᠭ᠃ ᠶᠡᠬᠡ ᠬᠢᠩᠭᠠᠨ ᠳᠠᠪᠠᠭᠠᠨ ᠤ᠋ ᠴᠢᠬᠤᠯᠠ ᠮᠣᠳᠣ ᠮᠥᠨ᠂ ᠬᠡᠷᠡᠭᠴᠡᠭᠡ ᠨᠢ ᠥᠷᠭᠡᠨ᠃ ᠡᠰᠢᠨ ᠡᠴᠡ ᠨᠢ ᠳᠠᠪᠠᠷᠬᠠᠢ ᠠᠪᠳᠠᠭ᠃ ᠬᠣᠯᠲᠣᠰᠣ ᠨᠢ ᠡᠯᠳᠡᠭᠦᠷᠢ ᠶ᠋ᠢᠨ ᠲᠦᠭᠦᠬᠡᠢ ᠡᠳ᠋ ᠮᠥᠨ᠃
ᠬᠢᠲᠠᠳ ᠨᠡᠷᠡ᠄华北落叶松
ᠠᠩᠭ᠌ᠯᠢ ᠨᠡᠷᠡ᠄ Larix principis-rupprechtii Mayr
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠫᠤ· ᠴᠠᠭᠠᠨ
ᠬᠢᠨᠠᠭᠴᠢ᠄ ᠡᠷᠬᠢᠮᠪᠠᠭᠠᠲᠤᠷ