ᠪᠦᠰᠡᠭᠦᠢ ᠵᠠᠶᠠᠭᠠ-ᠪᠤᠤ ᠰᠦᠬᠡБүсгүй заяа-Буу Сүхээ
849ᠪᠦᠰᠡᠭᠦᠢ ᠵᠠᠶᠠᠭᠠ
ᠪᠤᠤ ᠰᠦᠬᠡ
ᠠᠢᠯ ᠡᠷᠦᠬᠡ ᠪᠡᠨ ᠭᠡᠷᠡᠯᠲᠦᠭᠦᠯᠵᠦ ᠢᠷᠡᠭᠰᠡᠨ
ᠠᠴᠢ ᠬᠣᠢᠴᠢᠰ ᠢ᠋ᠶ᠋ᠠᠨ ᠬᠥᠮᠦᠵᠢᠭᠦᠯᠵᠦ ᠰᠤᠷᠭᠠᠭᠰᠠᠨ
ᠠᠵᠢᠯᠴᠢ ᠬᠥᠳᠡᠯᠮᠦᠷᠢᠴᠢ ᠠᠷᠢᠭᠤᠨ ᠰᠤᠷᠲᠠᠯ ᠲᠠᠢ
ᠠᠵᠠ ᠪᠤᠶᠠᠨ ᠢ᠋ ᠬᠤᠷᠤᠢᠯᠠᠭᠰᠠᠨ ᠪᠦᠰᠡᠭᠦᠢ ᠵᠠᠶᠠᠭᠠ
ᠴᠠᠢᠯᠭᠠᠨ ᠰᠡᠳᠬᠢᠯ ᠲᠡᠢ ᠮᠠᠯᠴᠢᠨ ᠤ᠋ ᠬᠡᠦᠬᠡᠨ
ᠴᠢᠳᠠᠪᠤᠷᠢ ᠡᠷᠳᠡᠮ ᠬᠣᠣᠰᠯᠠᠭᠰᠠᠨ ᠵᠢᠰᠦᠯᠢᠭ ᠪᠡᠷᠢ
ᠴᠠᠭᠠᠲᠠᠢ ᠠᠢᠯ ᠤ᠋ᠨ ᠤᠬᠠᠭᠠᠨᠲᠤ ᠥᠬᠢᠨ ᠠᠯᠳᠠᠷᠲᠠᠢ
ᠴᠢᠷᠮᠠᠢᠨ ᠲᠡᠮᠡᠴᠡᠳᠡᠭ ᠶᠢᠷᠲᠢᠨᠴᠦ ᠶ᠋ᠢᠨ ᠪᠦᠰᠡᠭᠦᠢ ᠵᠠᠶᠠᠭᠠ
ᠦᠳᠡᠯᠦᠭᠡ ᠨᠠᠰᠤᠲᠠᠨ ᠢ᠋ᠶ᠋ᠠᠨ ᠠᠰᠠᠷᠠᠨ ᠰᠤᠪᠢᠯᠠᠵᠤ
ᠦᠷᠡ ᠬᠡᠦᠬᠡᠳ ᠢ᠋ᠶ᠋ᠡᠨ ᠥᠰᠬᠡᠵᠦ ᠬᠥᠮᠦᠵᠢᠭᠦᠯᠦᠭᠰᠡᠨ
ᠦᠢᠯᠡᠰ ᠦ᠋ᠨ ᠰᠠᠢᠬᠠᠨ ᠳ᠋ᠠᠭᠠᠨ ᠭᠢᠯᠠᠷᠠᠭᠤᠯᠤᠭᠰᠠᠨ
ᠥᠨᠳᠥᠷ ᠲᠩᠷᠢ ᠶ᠋ᠢᠨ ᠶᠠᠩᠵᠢᠩᠯᡁᠮᠤ ᠪᠤᠷᠬᠠᠨ ᠤ᠋ ᠪᠦᠷᠢᠯᠸᠠ
ᠨᠣᠮᠢᠨ ᠪᠠᠢᠭᠠᠯᠢ ᠨᠣᠭᠣᠭᠠᠨ ᠲᠣᠷᠭᠠᠨ ᠵᠦᠯᠭᠡ
ᠨᠤᠲᠤᠭ ᠤᠰᠤ ᠪᠠᠨ ᠪᠦᠲᠦᠭᠡᠨ ᠪᠠᠢᠭᠤᠯᠵᠤ
ᠨᠠᠮ ᠵᠠᠰᠠᠭ ᠲᠠᠭᠠᠨ ᠦᠨᠡᠨᠴᠢ ᠰᠢᠳᠤᠷᠭᠤ ᠦᠢᠯᠡᠴᠢᠯᠡᠵᠦ
ᠨᠡᠷᠡ ᠠᠯᠳᠠᠷ ᠢ᠋ᠶ᠋ᠠᠨ ᠮᠠᠨᠳᠤᠭᠤᠯᠤᠭᠰᠠᠨ ᠪᠦᠰᠡᠭᠦᠢ ᠵᠠᠶᠠᠭᠠ
ᠬᠣᠲᠠᠯᠠ ᠣᠯᠠᠨ ᠲᠠᠢ ᠪᠠᠨ ᠬᠣᠨᠢ ᠮᠠᠯ ᠢ᠋ᠶ᠋ᠠᠨ ᠬᠠᠷᠢᠭᠤᠯᠤᠭᠰᠠᠨ
ᠬᠣᠯᠠ ᠣᠢᠷᠠ ᠳ᠋ᠠᠭᠠᠨ ᠳᠠᠭᠤᠷᠢᠶᠠᠯ ᠲᠠᠢ ᠡᠩ ᠦ᠋ᠨ ᠮᠠᠯᠴᠢᠨ
ᠬᠣᠣᠰᠯᠠᠨ ᠵᠢᠷᠭᠠᠭᠰᠠᠨ ᠠ᠋ᠴᠠ ᠬᠠᠳᠠᠮ ᠢ᠋ᠶ᠋ᠠᠨ ᠭᠡᠷᠡᠯᠲᠦᠭᠦᠯᠦᠭᠰᠡᠨ
ᠬᠣᠷᠸᠠ ᠳ᠋ᠤ᠌ ᠭᠠᠭᠴᠠᠬᠠᠨ ᠬᠥᠭᠡᠷᠦᠬᠦᠢ ᠪᠦᠰᠡᠭᠦᠢ ᠵᠠᠶᠠᠭᠠ
ᠦᠷ ᠦ᠋ᠨ ᠭᠡᠭᠡ ᠶ᠋ᠢ ᠦᠨᠢᠶᠡᠨ ᠵᠡᠯᠡ ᠳᠡᠭᠡᠷᠡ ᠤᠭᠲᠤᠭᠰᠠᠨ
ᠦᠯᠡᠮᠵᠢ ᠶᠡᠬᠡ ᠬᠠᠢᠷᠠ ᠪᠠᠷ ᠦᠷᠡ ᠶ᠋ᠢᠨ ᠵᠠᠶᠠᠭᠠ ᠶ᠋ᠢ ᠬᠦᠷᠲᠡᠭᠰᠡᠨ
ᠥᠷᠥᠰᠢᠶᠡᠯ ᠬᠠᠢᠷᠠᠲᠠᠢ ᠡᠵᠢ ᠬᠥᠮᠦᠨ ᠦ᠌ ᠡᠷᠬᠢᠮ ᠢ᠋ ᠡᠵᠡᠯᠡᠭᠰᠡᠨ
ᠦᠵᠡᠰᠬᠦᠯᠡᠩᠲᠦ ᠲᠠᠯᠠ ᠨᠤᠲᠤᠭ ᠤ᠋ᠨ ᠪᠦᠰᠡᠭᠦᠢ ᠵᠠᠶᠠᠭᠠ
ᠤᠯᠤᠰ ᠦᠨᠳᠦᠰᠦᠲᠡᠨ ᠦ᠌ ᠪᠡᠨ ᠬᠠᠭᠠᠰ ᠲᠤᠯᠭᠠᠭᠤᠷᠢ
ᠤᠶᠠᠩᠭᠠ ᠡᠬᠡᠰᠢᠭ ᠢᠷᠠᠭᠤ ᠨᠠᠢᠷᠠᠭ ᠲᠠᠢ ᠤᠷᠠᠨ ᠲᠣᠳᠢ
ᠤᠷᠢ ᠵᠠᠯᠠᠭᠤ ᠠ᠋ᠴᠠ ᠠᠪᠤᠭᠠᠳ ᠬᠥᠳᠡᠯᠮᠦᠷᠢ ᠲᠡᠮᠡᠴᠡᠯ ᠳ᠋ᠦ᠍ ᠡᠷᠬᠡ ᠲᠡᠭᠰᠢ
ᠤᠳᠤᠮ ᠤᠭᠰᠠᠭᠠ ᠶ᠋ᠢ ᠵᠠᠯᠭᠠᠮᠵᠢᠯᠠᠭᠤᠯᠤᠭᠰᠠᠨ ᠪᠦᠰᠡᠭᠦᠢ ᠵᠠᠶᠠᠭᠠ
ᠮᠢᠩᠭᠠᠨ ᠮᠢᠩᠭᠠᠨ ᠳ᠋ᠤ᠌ ᠰᠡᠬᠦᠢᠨ ᠰᠦᠮᠪᠦᠷᠯᠡᠭᠰᠡᠨ
ᠮᠠᠨᠳᠤᠯ ᠬᠥᠭᠵᠢᠯ ᠦ᠋ᠨ ᠳᠠᠷᠬᠠᠨ ᠤᠶᠠᠩᠭᠠ
ᠮᠠᠯᠵᠢᠬᠤ ᠨᠤᠲᠤᠭ ᠤ᠋ᠨ ᠪᠠᠶᠠᠯᠢᠭ ᠢ᠋ ᠭᠠᠢᠬᠠᠭᠤᠯᠤᠭᠰᠠᠨ
ᠮᠠᠷᠭᠠᠰᠢ ᠪᠠᠨ ᠤᠭᠲᠤᠭᠰᠠᠨ ᠪᠦᠰᠡᠭᠦᠢ ᠵᠠᠶᠠᠭᠠ
ᠬᠠᠨᠢ ᠠᠮᠠᠷᠠᠭ ᠤ᠋ᠨ ᠬᠠᠳᠠᠨ ᠪᠠᠲᠤ ᠲᠦᠰᠢᠭ
ᠬᠠᠨᠠᠲᠤ ᠭᠡᠷ ᠡᠷᠦᠬᠡ ᠳ᠋ᠡᠭᠡᠨ ᠬᠠᠢᠷᠠ ᠶ᠋ᠢᠨ ᠨᠠᠷᠠ
ᠬᠠᠯᠠᠭᠤᠨ ᠳᠤᠯᠠᠭᠠᠨ ᠠᠮᠢᠳᠤᠷᠠᠯ ᠲᠡᠮᠡᠴᠡᠯ ᠳ᠋ᠡᠭᠡᠨ
ᠬᠠᠲᠤᠨ ᠤᠬᠠᠭᠠᠨᠲᠤ ᠰᠡᠷᠭᠦᠯᠡᠩ ᠪᠦᠰᠡᠭᠦᠢ ᠵᠠᠶᠠᠭᠠ
ᠵᠠᠭᠤᠨ ᠵᠠᠭᠤᠨ ᠳ᠋ᠤ᠌ ᠵᠦᠮᠪᠦᠷᠯᠡᠭᠰᠡᠨ ᠭᠡᠷᠡᠯ ᠭᠢᠯᠪᠠᠭᠠ
ᠵᠢᠷᠦᠬᠡ ᠰᠡᠳᠬᠢᠯ ᠢ᠋ ᠬᠣᠯᠪᠣᠭᠰᠠᠨ ᠨᠠᠰᠤᠨ ᠤ᠋ ᠤᠶᠠᠭᠠ
ᠵᠡᠭᠦᠳᠦᠨ ᠲᠡᠷᠭᠡᠯᠰᠢᠭᠰᠡᠨ ᠥᠯᠥᠭᠡᠢ ᠨᠤᠲᠤᠭ
ᠵᠢᠷᠤᠭ ᠰᠢᠭ᠋ ᠭᠣᠶᠣᠬᠠᠨ ᠪᠦᠰᠡᠭᠦᠢ ᠵᠠᠶᠠᠭᠠ
ᠰᠣᠷᠭᠣᠭ ᠴᠡᠴᠡᠭ ᠢ᠋ ᠢᠴᠢᠭᠡᠮᠡᠷ ᠰᠠᠷᠠᠨ ᠳᠠᠭᠢᠨᠢ
ᠰᠤᠤ ᠪᠢᠯᠢᠭ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠠᠯᠢᠪᠠ ᠦᠢᠯᠡᠰ ᠢ᠋ᠶ᠋ᠡᠨ ᠪᠦᠲᠦᠭᠡᠭᠰᠡᠨ
ᠰᠤᠷᠲᠠᠯ ᠤᠬᠠᠭᠠᠨ ᠶᠣᠰᠣ ᠮᠣᠷᠠᠯ ᠢ᠋ ᠡᠷᠬᠢᠮᠯᠡᠭᠰᠡᠨ
ᠰᠣᠳᠣᠨ ᠰᠠᠢᠬᠠᠨ ᠶᠠᠷᠢᠶᠠ ᠬᠡᠯᠡᠯᠭᠡ ᠲᠡᠢ ᠪᠦᠰᠡᠭᠦᠢ ᠵᠠᠶᠠᠭᠠ!
2024.03.07 ᠳ᠋ᠤ᠌ ᠬᠥᠬᠡᠬᠣᠲᠠᠨᠠ ᠪᠢᠴᠢᠪᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠪᠠᠶᠠᠨᠰᠡᠷᠡᠩ
ᠬᠢᠨᠠᠭᠴᠢ ᠪᠠᠭᠰᠢ᠄ ᠰᠡᠬᠡᠭᠡᠷᠡᠯ᠂ ᠣᠳᠬᠠᠨᠰᠣᠠ