ᠶᠠᠲᠤᠭᠠ ᠶ᠋ᠢᠨ ᠲᠦᠮᠡᠨ ᠡᠭᠡᠰᠢᠭ-ᠬᠠᠯᠬᠠ ᠰᠡᠴᠡᠩᠭᠤᠸ᠋ᠠЯтгын түмэн эгшиг-Халх Сацангува
353ᠶᠠᠲᠤᠭᠠ ᠶ᠋ᠢᠨ ᠲᠦᠮᠡᠨ ᠡᠭᠡᠰᠢᠭ
ᠬᠠᠯᠬᠠ ᠰᠡᠴᠡᠩᠭᠤᠸ᠋ᠠ
ᠡᠭᠡᠰᠢᠭ ᠪᠠᠳᠠᠭ ᠶ᠋ᠢᠠᠷ ᠶ᠋ᠢᠠᠨ ᠬᠣᠯᠪᠣᠵᠤ ᠬᠡᠯᠬᠢᠬᠦ ᠳᠤ
ᠡᠬᠡ ᠬᠡᠯᠡ ᠮᠢᠨᠢ ᠢᠷᠠᠭᠤᠬᠠᠨ ᠡ
ᠡᠨᠡᠷᠢᠯ ᠬᠠᠶ᠋ᠢᠷᠠ ᠶ᠋ᠢᠨ ᠳᠠᠯᠠᠢ ᠠ᠋ᠴᠠ ᠡᠷᠳᠡᠨᠢ ᠰᠤᠪᠤᠳ ᠱᠦᠭᠦᠬᠦ ᠳᠤ
ᠡᠵᠢ ᠶ᠋ᠢᠨ ᠠᠯᠳᠠᠷ ᠭᠢᠯᠠᠯᠵᠠᠩᠬᠠᠨ ᠡ
ᠮᠥᠴᠢᠷᠲᠦ ᠽᠠᠨᠳᠠᠨ ᠮᠣᠳᠣᠳ ᠳᠡᠭᠡᠷᠡᠬᠢ ᠮᠥᠷᠥᠭᠡᠳᠦᠯ ᠦ᠋ᠨ ᠲᠦᠮᠡᠨ ᠰᠣᠯᠣᠩᠭᠠ
ᠮᠥᠩᠬᠡ ᠶ᠋ᠢᠨ ᠪᠤᠰᠤ ᠣᠷᠴᠢᠯᠠᠩ ᠳᠤ ᠪᠠᠨ
ᠮᠥᠮᠥ ᠶ᠋ᠢᠨ ᠰᠦ᠋ ᠠᠷᠢᠭᠤᠬᠠᠨ ᠡ
ᠭᠠᠯᠪᠠ ᠳᠡᠯᠡᠬᠡᠢ ᠡᠷᠬᠡᠰ ᠦ᠋ᠨ ᠭᠠᠩᠨᠠᠭᠤᠷᠴᠢᠨ ᠪᠢᠯᠡ ᠡᠵᠢ ᠨᠠᠷᠠᠨ
ᠭᠠᠵᠠᠷ ᠡᠬᠡ ᠡᠴᠢᠭᠡ ᠲᠩᠷᠢ ᠶ᠋ᠢᠨ ᠭᠠᠯ ᠨᠢ ᠪᠢᠯᠡ ᠡᠵᠢ ᠨᠠᠷᠠᠨ
ᠭᠠᠭᠴᠠᠬᠠᠨ ᠣᠯᠳᠠᠳᠠᠭ ᠨᠠᠰᠤᠨ ᠤ ᠮᠢᠨᠢ ᠰᠢᠲᠦᠭᠡᠨ ᠪᠢᠯᠡ ᠡᠵᠢ ᠨᠠᠷᠠᠨ
ᠭᠠᠳᠠᠭᠰᠢ ᠢᠪᠢᠯᠦᠨ ᠳᠣᠲᠣᠭᠰᠢ ᠤᠷᠤᠰᠳᠠᠭ ᠠᠮᠢᠰᠬᠤᠭᠠ ᠪᠢᠯᠡ ᠡᠵᠢ ᠨᠠᠷᠠᠨ
ᠵᠠᠭᠤᠨ ᠵᠠᠭᠤᠨ ᠤ ᠴᠡᠴᠡᠭᠡᠰ ᠦ᠋ᠨ ᠥᠩᠭᠡ ᠶ᠋ᠢ ᠲᠠᠩᠰᠤᠭᠯᠠᠭᠰᠠᠨ ᠡᠵᠢ ᠨᠠᠷᠠᠨ
ᠵᠣᠪᠠᠯ ᠭᠤᠨᠢᠭ ᠊ᠢ ᠲᠡᠪᠴᠢᠵᠦ ᠵᠢᠷᠭᠠᠯ ᠬᠤᠷᠤᠶ᠋ᠢᠯᠠᠭᠰᠠᠨ ᠡᠵᠢ ᠨᠠᠷᠠᠨ
ᠳᠣᠯᠣᠭᠠᠳ ᠦ᠋ᠨ ᠣᠷᠣᠢ ᠪᠠᠷ ᠨᠢ ᠡᠭᠦᠯᠡᠰ ᠨᠡᠭᠦᠳᠡᠯᠯᠡᠭᠡᠳ ᠯᠡ ᠥᠩᠭᠡᠷᠡᠨᠡ
ᠳᠣᠮᠣᠭ ᠲᠤᠤᠯᠢ ᠶ᠋ᠢᠨ ᠦᠯᠢᠭᠡᠷ ᠬᠡᠯᠬᠢᠵᠦ
ᠳᠡᠩᠳᠡᠭᠦᠦ ᠴᠠᠭᠠᠬᠠᠨ ᠡᠬᠡ ᠶ᠋ᠢᠨ ᠡᠨᠡᠷᠢᠯ ᠮᠥᠩᠬᠡᠵᠢᠨᠡ ᠡ
ᠬᠠᠮᠤᠭ ᠊ᠢ ᠢᠪᠡᠭᠡᠭᠴᠢ ᠬᠠᠲᠤᠨ ᠬᠠᠶ᠋ᠢᠷᠠ ᠶ᠋ᠢᠨ ᠡᠭᠡᠰᠢᠭ
ᠶᠠᠩᠵᠢᠨᡀᠮᠡᠤ ᠪᠤᠷᠬᠠᠨ ᠤ ᠶᠠᠲᠤᠭᠠ ᠶ᠋ᠢᠨ ᠪᠤᠮᠠᠨ ᠶᠣᠩᠬᠣᠷ ᠳᠡᠭᠡᠷᠡ
ᠶᠠᠲᠤᠭᠠᠳᠠᠭᠠᠳ ᠳᠠᠭᠤᠯᠠᠭᠠᠳ ᠳᠤᠮᠳᠠᠷᠠᠳᠠᠭ ᠦᠭᠡᠢ ᠠᠶ᠋ᠢᠵᠠᠮ
ᠬᠠᠷᠠᠩᠭᠤᠢ ᠶ᠋ᠢ ᠭᠡᠷᠡᠯᠲᠦᠭᠦᠯᠦᠭᠴᠢ ᠵᠤᠯᠠ ᠶ᠋ᠢᠨ ᠭᠠᠭᠴᠠᠬᠠᠨ ᠭᠣᠣᠯ
ᠬᠠᠮᠤᠭ ᠪᠦᠬᠦᠨ ᠊ᠢ ᠢᠯᠠᠭᠴᠢ ᠰᠤᠤ ᠤᠬᠠᠭᠠᠨ ᠤ ᠥᠪ
ᠡᠷᠢᠶᠡᠨ ᠬᠣᠷᠸ᠋ᠠ ᠶ᠋ᠢ ᠵᠥᠭᠡᠯᠡᠯᠡᠨ ᠡᠪᠬᠡᠵᠦ ᠳᠡᠯᠭᠡᠭᠴᠢ ᠬᠥᠯᠭᠡᠨ ᠰᠤᠳᠤᠷ
ᠡᠷᠳᠡᠨᠢᠲᠦ ᠪᠡᠶᠡ ᠪᠡᠨ ᠬᠤᠪᠢᠶᠠᠵᠤ ᠦᠷᠭᠦᠯᠵᠢᠯᠡᠯ ᠡᠰᠬᠡᠭᠰᠡᠨ ᠰᠣᠨᠳᠣᠷ
ᠬᠥᠯ ᠦᠭᠡᠢ ᠭᠦᠨ ᠰᠦᠨ ᠳᠠᠯᠠᠢ ᠳ᠋ᠠᠬᠢ ᠬᠦᠢ ᠤᠭᠰᠠᠭᠠᠨ ᠤ ᠵᠠᠯᠭᠠᠮᠵᠢ
ᠬᠥᠬᠡ ᠮᠣᠩᠭᠣᠯ ᠦ᠋ᠨ ᠡᠵᠢ ᠪᠦᠬᠦᠨ ᠦ ᠡᠨᠡᠷᠢᠯ ᠦ᠋ᠨ ᠥᠯᠮᠡᠢ ᠳᠤ ᠰᠥᠬᠥᠷᠡᠨᠡᠮ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠱᠠᠭᠰᠠᠯ
ᠬᠢᠨᠠᠭᠴᠢ᠄ ᠰᠡᠬᠡᠭᠡᠷᠡᠯ᠂ ᠣᠳᠬᠠᠨᠰᠣᠠ