ᠰᠢᠪᠧᠷᠢᠶᠡ ᠵᠣᠳᠣᠣШибериа жодоо
319
ᠰᠢᠪᠧᠷᠢᠶᠡ ᠵᠣᠳᠣᠣ
ᠨᠠᠷᠠᠰᠤ ᠶ᠋ᠢᠨ ᠢᠵᠠᠭᠤᠷ
ᠮᠥᠩᠬᠡ ᠨᠣᠭᠣᠭᠠᠨ ᠲᠤᠷᠤᠭ ᠮᠣᠳᠣ᠃ ᠬᠣᠯᠲᠣᠰᠣ ᠨᠢ ᠴᠠᠢᠪᠤᠷ ᠬᠦᠷᠡᠩ ᠪᠥᠭᠡᠳ ᠭᠢᠯᠦᠭᠡᠷ᠃ ᠲᠤᠰ ᠵᠢᠯ ᠦ᠋ᠨ ᠮᠥᠴᠢᠷ ᠨᠢ ᠰᠢᠷᠠᠪᠲᠤᠷ ᠦᠨᠡᠰᠦᠨ ᠥᠩᠭᠡᠲᠡᠢ᠂ ᠨᠢᠭ ᠤᠷᠭᠤᠭᠰᠠᠨ ᠨᠠᠷᠢᠨ ᠦᠰᠦ ᠲᠡᠢ ᠪᠥᠭᠡᠳ ᠭᠢᠯᠠᠭᠠᠷ᠃ ᠰᠢᠯᠮᠦᠦᠰᠦ ᠨᠢ ᠢᠬᠴᠤᠷᠠᠨ ᠤᠷᠭᠤᠨᠠ᠂ ᠪᠦᠰᠡ ᠬᠡᠯᠪᠡᠷᠢ ᠲᠡᠢ ᠪᠥᠭᠡᠳ ᠭᠣᠣᠯ ᠰᠤᠳᠠᠯ ᠨᠢ ᠲᠠᠯᠠ ᠳ᠋ᠠᠭᠠᠨ ᠬᠣᠲᠣᠢᠭᠰᠠᠨ ᠪᠠᠢᠳᠠᠭ᠂ ᠨᠠᠪᠴᠢᠨ ᠤ᠋ ᠠᠷᠤ ᠳ᠋ᠤᠨᠢ ᠬᠣᠶᠠᠷ ᠵᠤᠷᠪᠤᠰ ᠬᠡᠢ ᠶ᠋ᠢᠨ ᠠᠮᠠᠰᠠᠷ ᠤ᠋ᠨ ᠴᠠᠭᠠᠪᠲᠤᠷ ᠴᠤᠪᠤᠭᠠ ᠪᠣᠢ᠃ ᠲᠡᠵᠢᠭᠡᠯ ᠦ᠋ᠨ ᠮᠥᠴᠢᠷ ᠳᠠᠬᠢ ᠨᠠᠪᠴᠢ ᠨᠢ ᠦᠵᠦᠭᠦᠷ ᠲᠡᠭᠡᠨ ᠵᠢᠭᠠᠬᠠᠨ ᠬᠣᠲᠣᠭᠣᠷ᠂ ᠳᠡᠭᠡᠳᠦ ᠲᠠᠯᠠ ᠳ᠋ᠠᠭᠠᠨ ᠬᠡᠢ ᠶ᠋ᠢᠨ ᠠᠮᠠᠰᠠᠷ ᠤ᠋ᠨ ᠴᠤᠪᠤᠭᠠ ᠦᠭᠡᠢ᠃ ᠵᠢᠮᠢᠰ ᠦ᠋ᠨ ᠮᠥᠴᠢᠷ ᠪᠤᠶᠤ ᠭᠣᠣᠯ ᠮᠥᠴᠢᠷ ᠳᠠᠬᠢ ᠨᠠᠪᠴᠢ ᠨᠢ ᠱᠣᠪᠣᠭᠣᠷ ᠪᠤᠶᠤ ᠮᠣᠬᠣᠭᠣ ᠦᠵᠦᠭᠦᠷ ᠲᠡᠢ ᠪᠥᠭᠡᠳ ᠳᠡᠭᠡᠳᠦ ᠲᠠᠯᠠ ᠳ᠋ᠠᠭᠠᠨ2—6 ᠬᠡᠢ ᠶ᠋ᠢᠨ ᠠᠮᠠᠰᠠᠷ ᠤ᠋ᠨ ᠴᠤᠪᠤᠭᠠ ᠲᠠᠢ᠃ ᠡᠷᠡ ᠪᠠᠭ ᠴᠡᠴᠡᠭ ᠨᠢ ᠨᠠᠪᠴᠢᠨ ᠤ᠋ ᠥᠪᠥᠷ ᠲᠠᠯᠠ ᠭᠠᠭᠴᠠᠭᠠᠷ ᠤᠨᠵᠢᠢᠵᠤ ᠤᠷᠭᠤᠨᠠ᠃ ᠪᠣᠷᠭᠣᠴᠣᠭ ᠨᠢ ᠰᠢᠯᠤᠭᠤᠨ ᠰᠠᠭᠤᠨᠠ᠂ ᠪᠥᠭᠡᠷᠡᠩᠬᠡᠢ ᠪᠠᠭᠠᠨᠠ ᠬᠡᠯᠪᠡᠷᠢ ᠲᠡᠢ᠂ 5—9.5cm ᠤᠷᠲᠤ᠂ ᠪᠣᠯᠪᠠᠰᠤᠷᠠᠪᠠᠯ ᠨᠣᠭᠣᠪᠲᠤᠷ ᠰᠢᠷᠠ ᠪᠣᠯᠤᠨᠠ᠃ ᠦᠷᠡ ᠶ᠋ᠢᠨ ᠬᠠᠢᠷᠰᠤ ᠨᠢ ᠲᠣᠩᠭᠣᠷᠤᠤ ᠥᠨᠳᠡᠭᠡ ᠰᠢᠭ ᠰᠢᠭᠠᠭᠳᠠᠭ ᠬᠡᠯᠪᠡᠷᠢ ᠲᠡᠢ᠂ ᠶᠡᠷᠦ ᠳ᠋ᠡᠭᠡᠨ ᠳᠤᠮᠳᠠ ᠪᠠᠨ ᠨᠠᠷᠢᠰᠤᠭᠰᠠᠨ ᠪᠥᠭᠡᠳ ᠬᠣᠶᠠᠷ ᠬᠠᠵᠠᠭᠤ ᠳ᠋ᠠᠭᠠᠨ ᠴᠢᠬᠢ ᠮᠡᠲᠦ ᠳᠡᠯᠳᠡᠭᠡᠷ᠃ ᠪᠠᠭᠯᠠᠭᠴᠢ ᠬᠠᠢᠷᠰᠤᠯᠢᠭ ᠢᠯᠡᠳᠡᠰᠦ ᠨᠢ ᠲᠣᠩᠭᠣᠷᠠᠭᠤ ᠭᠤᠷᠪᠠᠯᠵᠢᠨ᠂ ᠳᠣᠪᠣᠢᠭᠰᠠᠨ ᠦᠵᠦᠭᠦᠷ ᠲᠡᠢ ᠦᠷᠡ ᠶ᠋ᠢᠨ ᠬᠠᠢᠷᠰᠤ ᠶ᠋ᠢᠨ ᠢ᠋ᠶ᠋ᠡᠨ 1/3—1/2 ᠬᠢᠷᠢ ᠤᠷᠲᠤ᠃ ᠦᠷᠡ ᠶ᠋ᠢᠨ ᠬᠢᠨᠢ ᠳᠡᠭᠡᠳᠦ ᠦᠵᠦᠭᠦᠷ ᠲᠦ᠍ ᠦᠷᠡ ᠶ᠋ᠢᠨ ᠤᠷᠲᠤ ᠠ᠋ᠴᠠ 1.5—2 ᠳᠠᠬᠢᠨ ᠤᠷᠲᠤ ᠨᠢᠮᠭᠡᠨ ᠬᠠᠯᠢᠰᠤᠯᠢᠭ ᠳᠠᠯᠠᠪᠴᠢ ᠪᠣᠢ᠃
ᠳᠠᠯᠠᠢ ᠶ᠋ᠢᠨ ᠲᠦᠪᠰᠢᠨ ᠡᠴᠡ 1900—2400m ᠥᠨᠳᠥᠷ ᠠᠭᠤᠯᠠ ᠪᠠᠷ ᠤᠷᠭᠤᠨᠠ᠃
ᠮᠠᠨ ᠤ᠋ ᠤᠯᠤᠰ ᠤ᠋ᠨ ᠰᠢᠨᠵᠢᠶᠠᠩ ᠤ᠋ᠨ ᠵᠡᠭᠦᠨ ᠬᠣᠢᠲᠤ ᠬᠡᠰᠡᠭ ᠢ᠋ᠶ᠋ᠡᠷ ᠤᠷᠭᠤᠳᠠᠭ᠃
ᠮᠣᠳᠣ ᠶ᠋ᠢ ᠨᠢ ᠪᠠᠷᠢᠯᠭᠠ ᠳ᠋ᠤ᠌ ᠠᠰᠢᠭᠯᠠᠨᠠ᠃ ᠦᠷᠡ ᠳ᠋ᠦ᠍ᠨᠢ20% ᠤ᠋ ᠲᠣᠰᠣ ᠪᠣᠢ᠂ ᠲᠣᠰᠣ ᠶ᠋ᠢ ᠨᠢ ᠰᠢᠬᠠᠵᠤ ᠠᠪᠤᠨ ᠠᠵᠤ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠠᠰᠢᠭᠯᠠᠨᠠ᠃
ᠬᠢᠲᠠᠳ ᠨᠡᠷᠡ᠄西伯利亚冷杉
ᠠᠩᠭ᠌ᠯᠢ ᠨᠡᠷᠡ᠄Abies sibirica Ledeb
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠳ ᠡᠷᠬᠢᠮᠪᠠᠭᠠᠲᠤᠷ
ᠬᠢᠨᠠᠭᠴᠢ᠄ ᠴᠠᠭᠠᠨ