ᠡᠬᠡ ᠬᠡᠯᠡ-ᠪᠠ᠊᠂ ᠡᠷᠬᠢᠮᠵᠢᠷᠭᠠᠯЭх хэл-Ба ,Эрхэмжаргал
2666ᠡᠬᠡ ᠬᠡᠯᠡ
ᠪᠠ᠊ ᠂ ᠡᠷᠬᠢᠮᠵᠢᠷᠭᠠᠯ
ᠡᠪᠦᠭᠡ ᠳᠡᠭᠡᠳᠦᠰ ᠡᠴᠡ ᠶᠠᠷᠢᠵᠤ ᠢᠷᠡᠭᠰᠡᠨ ᠡᠬᠡ ᠬᠡᠯᠡ
ᠡᠵᠡᠨ ᠲᠩᠷᠢ ᠡᠴᠡ ᠵᠠᠶᠠᠭᠠᠵᠤ ᠢᠷᠡᠭᠰᠡᠨ ᠡᠬᠡ ᠬᠡᠯᠡ
ᠰᠣᠳᠣ ᠮᠣᠩᠭᠣᠯ ᠳ᠋ᠤ᠌ ᠪᠠᠨ ᠠᠮᠢᠯᠠᠵᠤ ᠢᠷᠡᠭᠰᠡᠨ ᠡᠬᠡ ᠬᠡᠯᠡ
ᠰᠦ ᠴᠠᠭᠠ ᠪᠠᠷ ᠢᠪᠢᠯᠵᠦ ᠢᠷᠡᠭᠰᠡᠨ ᠡᠬᠡ ᠬᠡᠯᠡ
ᠡᠬᠡ ᠬᠡᠯᠡ ᠪᠡᠨ ᠵᠢᠭᠠᠵᠤ ᠪᠠᠭᠰᠢ ᠬᠥᠮᠦᠨ ᠵᠢᠷᠭᠠᠳᠠᠭ ᠭᠡᠨᠡ
ᠡᠬᠡ ᠬᠡᠯᠡ ᠪᠡᠨ ᠰᠤᠳᠤᠯᠵᠤ ᠪᠤᠭᠤᠷᠤᠯ ᠡᠷᠳᠡᠮᠲᠡᠨ ᠵᠠᠯᠠᠭᠤᠵᠢᠳᠠᠭ ᠭᠡᠨᠡ
ᠡᠬᠡ ᠬᠡᠯᠡ ᠪᠡᠨ ᠰᠤᠷᠴᠤ ᠠᠢᠯ ᠤ᠋ᠨ ᠬᠡᠦᠬᠡᠳ ᠲᠣᠮᠣᠭᠠᠵᠢᠳᠠᠭ ᠭᠡᠨᠡ
ᠡᠬᠡ ᠬᠡᠯᠡ ᠪᠡᠨ ᠬᠠᠢᠷᠠᠯᠠᠵᠤ ᠢᠷᠠᠭᠤ ᠨᠠᠢᠷᠠᠭᠴᠢᠳ ᠠᠮᠢᠳᠤᠷᠠᠳᠠᠭ ᠭᠡᠨᠡ
ᠡᠬᠡ ᠬᠡᠯᠡ ᠶ᠋ᠢ ᠮᠢᠨᠢ ᠰᠤᠷᠤᠨᠠ ᠭᠡᠵᠦ
ᠠᠯᠲᠠᠨ ᠬᠠᠷᠢᠶᠠᠴᠠᠢ ᠠᠢᠯ ᠤ᠋ᠳ ᠢ᠋ᠶ᠋ᠠᠷ ᠢᠷᠡᠳᠡᠭ
ᠡᠬᠡ ᠬᠡᠯᠡ ᠶ᠋ᠢ ᠮᠢᠨᠢ ᠰᠤᠷᠤᠨᠠ ᠭᠡᠵᠦ
ᠠᠯᠠᠭ ᠴᠡᠴᠡᠭᠡᠰ ᠬᠡᠦᠬᠡᠳ ᠰᠢᠭ ᠮᠦᠰᠢᠶᠡᠳᠡᠭ
ᠡᠬᠡ ᠬᠡᠯᠡ ᠶ᠋ᠢ ᠮᠢᠨᠢ ᠰᠤᠳᠤᠯᠤᠨᠠ ᠭᠡᠵᠦ
ᠬᠣᠯᠠ ᠶ᠋ᠢᠨ ᠣᠳᠣᠳ ᠭᠠᠳᠠᠭᠠᠳᠤ ᠶ᠋ᠢᠨ
ᠬᠥᠮᠦᠨ ᠰᠢᠭ ᠰᠢᠨᠵᠢᠯᠡᠳᠡᠭ
ᠡᠬᠡ ᠬᠡᠯᠡ ᠶ᠋ᠢ ᠮᠢᠨᠢ ᠰᠢᠯᠦᠭᠯᠡᠨᠡ ᠭᠡᠵᠦ
ᠬᠥᠳᠡᠭᠡ ᠶ᠋ᠢᠨ ᠭᠣᠷᠣᠬᠠ ᠨᠠᠢᠷᠠᠭᠴᠢ
ᠬᠥᠮᠦᠨ ᠰᠢᠭ ᠤᠶᠠᠩᠭᠠᠯᠠᠳᠠᠭ
ᠮᠣᠷᠢᠨ ᠬᠤᠭᠤᠷ ᠤ᠋ᠨ ᠬᠣᠶᠠᠷ ᠤᠲᠠᠰᠤᠨ ᠠ᠋ᠴᠠ ᠠᠶᠠ ᠭᠠᠷᠴᠤ
ᠮᠣᠩᠭᠣᠯ ᠬᠥᠮᠦᠨ ᠦ᠌ ᠵᠢᠷᠦᠬᠡ ᠰᠡᠳᠬᠢᠯ ᠢ᠋ ᠤᠶᠠᠷᠠᠭᠤᠯᠳᠠᠭ ᠪᠢᠯᠡ
ᠮᠣᠩᠭᠣᠯ ᠬᠡᠯᠡᠨ ᠦ᠌ ᠪᠣᠰᠤᠭᠠ ᠦᠰᠦᠭ ᠡᠴᠡ ᠤᠬᠠᠭᠠ ᠣᠷᠣᠵᠤ
ᠮᠣᠩᠭᠣᠯ ᠬᠥᠮᠦᠨ ᠦ᠌ ᠠᠮᠢᠳᠤᠷᠠᠯ ᠦᠢᠯᠡᠰ ᠢ᠋ ᠡᠷᠭᠦᠳᠡᠭ ᠪᠢᠯᠡ
ᠡᠬᠡ ᠬᠡᠯᠡ ᠮᠢᠨᠢ ᠡᠷᠳᠡᠨᠢ ᠴᠠᠬᠢᠭᠤᠷ
ᠡᠬᠡ ᠬᠡᠯᠡ ᠮᠢᠨᠢ ᠠᠮᠢᠨ ᠭᠣᠣᠯ
ᠡᠬᠡ ᠬᠡᠯᠡ ᠮᠢᠨᠢ ᠣᠳᠣᠨ ᠲᠩᠷᠢ
ᠡᠬᠡ ᠬᠡᠯᠡ ᠮᠢᠨᠢ ᠡᠬᠡ ᠳᠡᠯᠡᠬᠡᠢ
ᠪᠢᠳᠡ ᠡᠬᠡ ᠬᠡᠯᠡ ᠪᠡᠷ ᠢ᠋ᠶ᠋ᠡᠨ ᠶᠠᠷᠢᠵᠤ
ᠡᠬᠡ ᠬᠡᠯᠡ ᠪᠡᠷ ᠢ᠋ᠶ᠋ᠡᠨ ᠠᠮᠢᠳᠤᠷᠠᠵᠤ
ᠮᠣᠩᠭᠣᠯ ᠤ᠋ᠨ ᠰᠠᠢᠬᠠᠨ ᠢ᠋ᠶ᠋ᠠᠨ ᠡᠳ᠋ᠯᠡᠳᠡᠭ ᠶᠦᠮ
ᠪᠢᠳᠡ ᠡᠬᠡ ᠬᠡᠯᠡ ᠪᠡᠷ ᠢ᠋ᠶ᠋ᠡᠨ ᠰᠣᠶᠣᠯᠵᠢᠵᠤ
ᠡᠬᠡ ᠬᠡᠯᠡ ᠪᠡᠷ ᠢ᠋ᠶ᠋ᠡᠨ ᠪᠦᠲᠦᠭᠡᠵᠦ
ᠳᠠᠷᠬᠠᠨ ᠦᠢᠯᠡᠰ ᠢ᠋ᠶ᠋ᠡᠨ ᠪᠤᠰᠬᠠᠳᠠᠭ ᠶᠤᠮ
ᠪᠢᠳᠡ ᠡᠬᠡ ᠬᠡᠯᠡ ᠪᠡᠷ ᠢ᠋ᠶ᠋ᠡᠨ ᠳᠠᠭᠤᠯᠠᠵᠤ
ᠡᠬᠡ ᠬᠡᠯᠡ ᠪᠡᠷ ᠢ᠋ᠶ᠋ᠡᠨ ᠤᠶᠠᠩᠭᠠᠯᠠᠵᠤ
ᠲᠩᠷᠢ ᠶ᠋ᠢᠨ ᠳᠣᠣᠷᠠ ᠵᠢᠷᠭᠠᠳᠠᠭ ᠶᠤᠮ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠨᠡᠷᠡᠨᠡ
ᠬᠢᠨᠠᠭᠴᠢ᠄ ᠾᠤᠩ ᠸᠧᠢ ᠪᠠᠲᠤᠵᠢᠷᠭᠠᠯ ᠦᠨᠢᠮᠥᠩᠬᠡ