ᠰᠠᠷᠠᠨ ᠳᠡᠭᠡᠷᠡᠬᠢ ᠲᠠᠤᠯᠠᠢСаран дээрх туулай
1141ᠰᠠᠷᠠᠨ ᠳᠡᠭᠡᠷᠡᠬᠢ ᠲᠠᠤᠯᠠᠢ
ᠡᠷᠲᠡ ᠤᠷᠢᠳᠤ ᠶ᠋ᠢᠨ ᠨᠢᠭᠡᠨ ᠳᠣᠮᠣᠭ ᠲᠤ᠌ ᠰᠠᠷᠠᠨ ᠠᠪᠠᠬᠠᠢ ᠶ᠋ᠢᠨ ᠣᠷᠳᠣᠨ ᠳ᠋ᠤ᠌ ᠪᠤᠷᠬᠠᠨ ᠪᠠᠭᠰᠢ ᠪᠤᠷᠬᠠᠳ ᠤ᠋ᠨ ᠢ᠋ᠶ᠋ᠠᠨ ᠬᠠᠮᠲᠤ ᠪᠠᠷ ᠠᠮᠢᠳᠤᠷᠠᠳᠠᠭ ᠪᠠᠢᠵᠠᠢ᠃ ᠪᠤᠷᠬᠠᠳ ᠥᠪᠡᠷᠰᠡᠳ ᠦ᠋ᠨ ᠪᠦᠲᠦᠭᠡᠭᠰᠡᠨ ᠬᠥᠮᠦᠨ ᠪᠣᠯᠤᠨ ᠠᠮᠢᠲᠠᠳ ᠢ᠋ᠶ᠋ᠠᠨ ᠰᠢᠯᠭᠠᠬᠤ ᠶ᠋ᠢᠨ ᠲᠤᠯᠠ ᠳᠡᠯᠡᠬᠡᠢ ᠤᠷᠤᠭᠤ ᠪᠠᠭᠤᠳᠠᠭ ᠪᠠᠢᠪᠠ᠃
ᠲᠡᠭᠡᠭᠡᠳ ᠨᠢᠭᠡᠨ ᠡᠳᠦᠷ ᠪᠤᠷᠬᠠᠨ ᠪᠠᠭᠰᠢ ᠪᠤᠰᠤᠳ ᠪᠤᠷᠬᠠᠳ ᠢ᠋ᠶ᠋ᠠᠨ ᠴᠤᠭᠯᠠᠭᠤᠯᠤᠨ ᠬᠤᠷᠠᠯᠳᠤᠵᠤ ᠪᠢᠴᠢᠬᠠᠨ ᠪᠤᠳ᠋ᠳ᠋ᠾᠠ ᠶ᠋ᠢ ᠣᠳᠣ ᠴᠢᠨᠦ ᠭᠠᠵᠠᠷ ᠲᠤ᠌ ᠪᠠᠭᠤᠬᠤ ᠡᠭᠡᠯᠵᠢ ᠪᠣᠯᠤᠯᠠ᠂ ᠳᠡᠯᠡᠬᠡᠢ ᠶᠢᠷᠲᠢᠨᠴᠦ ᠳᠡᠭᠡᠷᠡ ᠶᠠᠭᠤ ᠪᠣᠯᠵᠤ ᠪᠠᠢᠭᠠ ᠶ᠋ᠢ ᠰᠢᠯᠭᠠᠭᠠᠳ ᠢᠷᠡ ᠭᠡᠪᠡ᠃ ᠪᠢᠴᠢᠬᠠᠨ ᠪᠤᠳ᠋ᠳ᠋ᠾᠠ ᠪᠠᠭᠰᠢ ᠶ᠋ᠢᠨ ᠢ᠋ᠶ᠋ᠡᠨ ᠳᠠᠭᠠᠭᠠᠯᠭᠠᠭᠰᠠᠨ ᠢ᠋ᠶ᠋ᠠᠷ ᠭᠠᠵᠠᠷ ᠲᠤ᠌ ᠪᠠᠭᠤᠵᠤ ᠢᠷᠡᠯᠡ᠃ ᠢᠩᠭᠢᠭᠡᠳ ᠶᠠᠳᠠᠭᠤ ᠬᠦᠦ ᠶ᠋ᠢᠨ ᠳᠦᠷᠢ ᠳ᠋ᠦ᠍ ᠬᠤᠪᠢᠷᠠᠵᠤ ᠣᠷᠴᠢᠨ ᠲᠣᠭᠣᠷᠢᠨ ᠢ᠋ᠶ᠋ᠠᠨ ᠠᠭᠠᠵᠢᠮ ᠢ᠋ᠶ᠋ᠠᠷ ᠰᠠᠢᠲᠤᠷ ᠠᠵᠢᠭᠯᠠᠨ ᠬᠠᠷᠠᠵᠤ ᠶᠠᠪᠤᠯᠠ᠃ ᠬᠠᠷᠢᠨ ᠡᠨᠡ ᠭᠠᠵᠠᠷ ᠲᠤ᠌ ᠶᠠᠮᠠᠷ ᠴᠤ᠌ ᠠᠮᠢᠲᠠᠨ ᠬᠥᠮᠦᠨ ᠬᠠᠷᠠᠭᠳᠠᠬᠤ ᠦᠭᠡᠢ ᠮᠣᠳᠣᠳ ᠨᠢ ᠬᠠᠲᠠᠵᠤ ᠤᠰᠤ ᠨᠢ ᠰᠢᠷᠭᠢᠵᠦ ᠭᠠᠩᠳᠠᠭᠤ ᠤᠷᠭᠤᠮᠠᠯ ᠨᠣᠭᠣᠭᠠ ᠨᠢ ᠬᠠᠲᠠᠭᠰᠠᠨ ᠮᠠᠰᠢ ᠬᠠᠯᠠᠭᠤᠨ ᠪᠠᠢᠯᠠ᠃ ᠡᠨᠡ ᠪᠦᠬᠦᠨ ᠢ᠋ ᠬᠠᠷᠠᠵᠤ ᠶᠠᠪᠤᠭᠰᠠᠭᠠᠷ ᠶᠡᠬᠡᠳᠡ ᠶᠠᠳᠠᠷᠠᠵᠠᠢ᠃ ᠭᠡᠨᠡᠳᠲᠡ ᠨᠢᠭᠡᠨ ᠦᠨᠡᠭᠡ ᠴᠢᠯᠠᠭᠤᠨ ᠤ᠋ ᠠᠷᠤ ᠠ᠋ᠴᠠ ᠭᠠᠷᠴᠤ ᠢᠷᠡᠪᠡ᠃
|ᠦᠨᠡᠭᠡ ᠮᠢᠨᠢ ᠨᠠᠳᠠ ᠳ᠋ᠤ᠌ ᠢᠳᠡᠬᠦ ᠬᠣᠭᠣᠯᠠ ᠤᠤᠭᠤᠬᠤ ᠤᠰᠤ ᠴᠤ᠌ ᠣᠯᠳᠠᠬᠤ ᠦᠭᠡᠢ ᠤᠷᠲᠤ ᠵᠠᠮ ᠳᠤᠭᠤᠯᠤᠭᠠᠳ ᠶᠠᠳᠠᠷᠠᠵᠤ ᠶᠠᠪᠤᠨᠠ᠃ ᠵᠢᠭᠠᠬᠠᠨ ᠴᠤ᠌ ᠭᠡᠰᠡᠨ ᠤᠤᠭᠤᠬᠤ ᠤᠰᠤ ᠪᠠᠢᠪᠠᠯ ᠥᠭᠭᠦᠭᠡᠴᠢ!
| ᠬᠡᠩ᠂ ᠶᠠᠭᠤᠨ ᠤᠰᠤ ᠢᠳᠡᠬᠦ ᠬᠣᠭᠣᠯᠠ ᠴᠤ᠌ ᠠᠯᠠᠭᠠ ᠪᠠᠢᠨᠠ᠃ ᠬᠠᠷᠢᠨ ᠴᠢᠮᠠ ᠶ᠋ᠢ ᠪᠠᠷᠢᠭᠠᠳ ᠢᠳᠡᠴᠢᠬᠡᠳᠡᠭ ᠶᠦᠮ ᠪᠢᠯᠡ ᠤᠤ! ᠠᠤ ᠠᠤ|
| ᠠ| ᠲᠤᠰᠠᠯᠠᠭᠠᠷᠠᠢ! ᠶᠣᠬᠣ᠂ ᠠᠷᠠᠢ ᠨᠢᠭᠡᠨ ᠠᠮᠢ ᠪᠠᠨ ᠠᠪᠴᠤ ᠭᠠᠷᠤᠯᠠ ᠰᠢᠦ᠃
ᠶᠡᠬᠡᠳᠡ ᠶᠠᠳᠠᠷᠠᠵᠠᠢ᠃ ᠢᠩᠭᠢᠭᠡᠳ ᠪᠤᠳ᠋ᠳ᠋ᠾᠠ ᠮᠠᠨᠢ ᠦᠨᠡᠭᠡᠨ ᠡᠴᠡ ᠠᠮᠢ ᠪᠠᠨ ᠠᠷᠠᠢ ᠭᠡᠵᠦ ᠠᠪᠴᠤ ᠭᠠᠷᠤᠭᠠᠳ ᠶᠡᠬᠡᠳᠡ ᠶᠠᠳᠠᠷᠠᠵᠤ ᠲᠤᠢᠯᠳᠠᠭᠠᠳ ᠶᠠᠳᠠᠷᠠᠭᠰᠠᠨ ᠳ᠋ᠤ᠌ ᠪᠠᠨ ᠤᠬᠠᠭᠠ ᠠᠯᠳᠠᠭᠠᠳ ᠤᠨᠠᠴᠢᠬᠠᠵᠠᠢ᠃ ᠶᠠᠭ ᠡᠨᠡ ᠦᠶᠡ ᠳ᠋ᠦ᠍ ᠨᠢᠭᠡᠨ ᠪᠠᠭᠪᠠᠭᠠᠢ ᠪᠢᠴᠢᠬᠠᠨ ᠪᠤᠳ᠋ᠳ᠋ᠾᠠ ᠶ᠋ᠢ ᠣᠯᠵᠤ ᠬᠠᠷᠠᠭᠠᠳ ᠣᠴᠢᠵᠤ ᠦᠵᠡᠬᠦ ᠪᠡᠷ ᠰᠢᠢᠳᠪᠡ᠃ ᠲᠡᠭᠡᠭᠡᠳ ᠣᠴᠢᠭᠠᠳ ᠦᠨᠦᠷᠯᠡᠵᠦ ᠦᠵᠡᠭᠰᠡᠨ ᠴᠢᠨᠢ ᠦᠬᠦᠭᠰᠡᠨ ᠶᠦᠮ ᠰᠢᠭ ᠪᠣᠯᠬᠤ ᠪᠠᠷ ᠨᠢ ᠴᠠᠭᠠᠰᠢ ᠪᠠᠨ ᠶᠠᠪᠤᠭᠠᠳ ᠥᠭᠪᠡ᠃ ᠬᠠᠷᠢᠨ ᠪᠤᠳ᠋ᠳ᠋ᠾᠠ ᠤᠬᠠᠭᠠ ᠣᠷᠣᠭᠠ ᠦᠭᠡᠢ ᠯᠡ ᠪᠠᠢᠪᠠ᠃ ᠡᠨᠡ ᠦᠶᠡ ᠳ᠋ᠦ᠍ ᠣᠢ ᠶ᠋ᠢᠨ ᠴᠤᠭᠤᠷᠬᠠᠢ ᠳ᠋ᠤ᠌ ᠳᠡᠯᠳᠡᠩ ᠲᠠᠤᠯᠠᠢ ᠤᠰᠤ ᠬᠠᠢᠨ ᠶᠠᠪᠤᠵᠤ ᠪᠠᠢᠯᠠ᠃ ᠤᠳᠠᠯ ᠦᠭᠡᠢ ᠲᠠᠤᠯᠠᠢ ᠵᠢᠭᠠᠬᠠᠨ ᠤᠰᠤ ᠣᠯᠵᠤ ᠬᠠᠷᠠᠯᠠ᠃ ᠰᠠᠪᠠᠨ ᠳ᠋ᠤ᠌ ᠪᠠᠨ ᠤᠰᠤ ᠪᠠᠨ ᠬᠢᠭᠡᠳ ᠭᠡᠷ ᠦ᠋ᠨ ᠵᠦᠭ ᠪᠤᠴᠠᠵᠤ ᠶᠠᠪᠤᠲᠠᠯᠠ ᠵᠠᠮ ᠳ᠋ᠤ᠌ ᠨᠢ ᠨᠢᠭᠡ ᠶᠠᠭᠤᠮᠠ ᠬᠠᠷᠠᠭᠳᠠᠵᠤ ᠣᠢᠷᠠᠲᠤᠨ ᠣᠴᠢᠲᠠᠯᠠ ᠤᠬᠠᠭᠠᠨ ᠦᠭᠡᠢ ᠬᠡᠪᠲᠡᠵᠦ ᠪᠣᠢ ᠬᠥᠮᠦᠨ ᠪᠠᠢᠯᠠ᠃ ᠲᠡᠭᠦᠨ ᠢ᠋ ᠰᠡᠷᠡᠭᠡᠬᠦ ᠶ᠋ᠢᠨ ᠲᠤᠯᠠᠳᠠ ᠰᠠᠪᠠ ᠲᠠᠢ ᠤᠰᠤᠨ ᠠ᠋ᠴᠠ ᠪᠠᠨ ᠤᠤᠭᠤᠯᠭᠠᠪᠠ᠃
|ᠲᠠᠤᠯᠠᠢ ᠠ᠋᠂ ᠴᠢᠮᠠ ᠳ᠋ᠤ᠌ ᠮᠠᠰᠢ ᠶᠡᠬᠡ ᠪᠠᠶᠠᠷᠯᠠᠯᠠ᠃ ᠪᠢ ᠤᠷᠲᠤ ᠵᠠᠮ ᠲᠤᠭᠤᠯᠵᠤ ᠤᠤᠭᠤᠬᠤ ᠤᠰᠤ ᠢᠳᠡᠬᠦ ᠬᠣᠭᠣᠯᠠ ᠣᠯᠳᠠᠬᠤ ᠦᠭᠡᠢ ᠶᠠᠳᠠᠷᠠᠵᠤ ᠶᠠᠪᠤᠨᠠ᠃
|ᠬᠣᠶᠠᠭᠤᠯᠠ ᠪᠠᠨ ᠮᠠᠨ ᠤ᠋ ᠭᠡᠷ ᠤᠷᠤᠭᠤ ᠶᠠᠪᠤᠶᠠ᠃
ᠢᠩᠭᠢᠭᠡᠳ ᠲᠠᠤᠯᠠᠢ ᠭᠡᠷ ᠤᠷᠤᠭᠤ ᠪᠠᠨ ᠳᠠᠭᠠᠭᠤᠯᠤᠨ ᠶᠠᠪᠤᠯᠠ᠃
|ᠲᠠ ᠡᠨᠳᠡ ᠲᠦᠷ ᠬᠦᠯᠢᠶᠡᠵᠦ ᠪᠠᠢᠭᠠᠷᠠᠢ! ᠪᠢ ᠬᠣᠭᠣᠯᠠ ᠪᠡᠯᠡᠳᠦᠭᠡᠳ ᠲᠡᠭᠡᠶᠡ!
ᠲᠠᠤᠯᠠᠢ ᠭᠡᠷ ᠲᠦ᠍ ᠪᠡᠨ ᠣᠷᠣᠨ ᠬᠣᠭᠣᠯᠠ ᠬᠠᠢᠭᠰᠠᠭᠠᠷ᠁ ᠬᠠᠷᠢᠨ ᠪᠤᠳ᠋ᠳ᠋ᠾᠠ ᠡᠷᠭᠢᠨ ᠲᠣᠭᠣᠷᠢᠨ ᠢ᠋ᠶ᠋ᠠᠨ ᠠᠵᠢᠨ ᠲᠠᠤᠯᠠᠢ ᠶ᠋ᠢ ᠬᠦᠯᠢᠶᠡᠭᠰᠡᠭᠡᠷ ᠯᠡ ᠪᠠᠢᠯᠠ᠃ ᠭᠡᠪᠡᠴᠦ ᠲᠠᠤᠯᠠᠢ ᠶ᠋ᠢᠨ ᠭᠡᠷ ᠲᠦ᠍ ᠶᠠᠭᠤ ᠴᠤ᠌ ᠪᠠᠢᠭᠰᠠᠨ ᠦᠭᠡᠢ᠃
|ᠡᠩ|
ᠬᠠᠷᠢᠨ ᠪᠤᠳ᠋ᠳ᠋ᠾᠠ ᠡᠷᠭᠢᠨ ᠲᠣᠭᠣᠷᠢᠨ ᠢ᠋ᠶ᠋ᠠᠨ ᠠᠵᠢᠨ ᠲᠠᠤᠯᠠᠢ ᠶ᠋ᠢ ᠬᠦᠯᠢᠶᠡᠭᠰᠡᠭᠡᠷ ᠯᠡ ᠪᠠᠢᠯᠠ᠃ ᠭᠡᠨᠡᠳᠲᠡ ᠭᠡᠷ ᠡᠴᠡ ᠠᠮᠲᠠᠲᠠᠢ ᠬᠣᠭᠣᠯᠠᠨ ᠤ᠋ ᠦᠨᠦᠷ ᠦᠨᠦᠷᠲᠦᠵᠦ ᠡᠬᠢᠯᠡᠪᠡ᠃ ᠭᠡᠷ ᠤᠷᠤᠭᠤ ᠣᠷᠣᠬᠤ ᠪᠠᠷ ᠰᠢᠢᠳᠦᠨ ᠬᠠᠭᠠᠯᠭᠠ ᠪᠠᠷ ᠱᠠᠭᠠᠢᠨ ᠬᠠᠷᠠᠪᠠᠯ ᠰᠢᠷᠡᠭᠡᠨ ᠳᠡᠭᠡᠷᠡ ᠲᠠᠪᠠᠭ ᠲᠠᠢ ᠬᠣᠭᠣᠯᠠ ᠪᠠᠢᠬᠤ ᠶ᠋ᠢ ᠬᠠᠷᠠᠭᠠᠳ ᠶᠡᠬᠡᠳᠡ ᠥᠯᠥᠰᠦᠭᠰᠡᠨ ᠢ᠋ᠶ᠋ᠡᠨ ᠮᠡᠳᠡᠨ ᠳᠠᠭᠤᠰᠲᠠᠯᠠ ᠨᠢ ᠬᠣᠪᠳᠣᠭᠯᠠᠨ ᠢᠳᠡᠵᠦ ᠣᠷᠬᠢᠪᠠ᠃ ᠴᠠᠳᠤᠭᠰᠠᠨ ᠬᠣᠢᠨᠠ ᠪᠠᠨ ᠪᠤᠳ᠋ᠳ᠋ᠾᠠ ᠭᠡᠨᠡᠳᠲᠡ ᠲᠠᠤᠯᠠᠢ ᠬᠠᠮᠢᠭᠠ ᠣᠴᠢᠭᠰᠠᠨ ᠶᠤᠮ ᠪᠣᠯ ᠭᠡᠵᠦ ᠭᠠᠢᠬᠠᠨ ᠪᠣᠳᠣᠭᠠᠳ ᠡᠷᠭᠢᠨ ᠲᠣᠭᠣᠷᠢᠨ ᠢ᠋ᠶ᠋ᠠᠨ ᠠᠵᠢᠵᠤ ᠡᠬᠢᠯᠡᠪᠡ᠃ ᠭᠡᠨᠡᠳᠲᠡ ᠲᠠᠤᠯᠠᠢ ᠶ᠋ᠢᠨ ᠰᠡᠭᠦᠯ ᠬᠡᠪᠲᠡᠵᠦ ᠪᠠᠢᠬᠤ ᠶ᠋ᠢ ᠬᠠᠷᠠᠭᠠᠳ ᠪᠣᠯᠤᠭᠰᠠᠨ ᠤᠴᠢᠷ ᠢ᠋ ᠮᠡᠳᠡᠨ ᠨᠢᠯᠪᠤᠰᠤ ᠤᠨᠠᠭᠠᠪᠠ᠃
ᠡᠭᠡᠭ᠁
ᠨᠢᠯᠪᠤᠰᠤ ᠪᠠᠨ ᠠᠷᠴᠢᠨ ᠬᠠᠷᠠᠲᠠᠯᠠ ᠭᠡᠷᠡᠯ ᠰᠠᠴᠤᠷᠠᠨ ᠲᠠᠤᠯᠠᠢ ᠶ᠋ᠢᠨ ᠰᠦᠨᠡᠰᠦ ᠭᠠᠷᠴᠤ ᠢᠷᠡᠵᠡᠢ ᠭᠡᠨᠡ᠃ ᠲᠡᠭᠦᠨ ᠢ᠋ ᠬᠠᠷᠠᠭᠰᠠᠨ ᠪᠢᠴᠢᠬᠠᠨ ᠪᠤᠳ᠋ᠳ᠋ᠾᠠ ᠪᠤᠴᠠᠨ ᠬᠤᠪᠢᠯᠭᠠᠨ ᠳᠦᠷᠢ ᠳ᠋ᠦ᠍ ᠪᠡᠨ ᠬᠤᠪᠢᠯᠤᠨ᠂ ᠲᠠᠤᠯᠠᠢ ᠶ᠋ᠢᠨ ᠰᠦᠨᠡᠰᠦ ᠶ᠋ᠢ ᠪᠤᠷᠬᠠᠨ ᠤ᠋ ᠣᠷᠳᠣᠨ ᠤᠷᠤᠭᠤ ᠠᠪᠤᠨ ᠨᠢᠰᠴᠡᠢ᠃ ᠲᠡᠭᠡᠭᠡᠳ ᠪᠤᠷᠬᠠᠨ ᠪᠠᠭᠰᠢ ᠲᠠᠢ ᠪᠠᠨ ᠠᠭᠤᠯᠵᠠᠨ ᠪᠢᠴᠢᠬᠠᠨ ᠪᠤᠳ᠋ᠳ᠋ᠾᠠ ᠦᠵᠡᠵᠦ ᠬᠠᠷᠠᠭᠰᠠᠨ ᠪᠦᠬᠦᠨ ᠢ᠋ᠶ᠋ᠡᠨ ᠪᠦᠭᠦᠳᠡ ᠶ᠋ᠢ ᠨᠢ ᠶᠠᠷᠢᠵᠤ ᠥᠭᠴᠡᠢ᠃ ᠪᠤᠷᠬᠠᠨ ᠪᠠᠭᠰᠢ ᠪᠦᠭᠦᠳᠡ ᠶ᠋ᠢ ᠰᠣᠨᠣᠰᠤᠭᠠᠳ ᠲᠠᠤᠯᠠᠢ ᠶ᠋ᠢᠨ ᠰᠠᠢᠬᠠᠨ ᠰᠡᠳᠬᠢᠯ ᠢ᠋ ᠦᠨᠡᠯᠡᠵᠦ ᠰᠠᠷᠠᠨ ᠳᠡᠭᠡᠷᠡ ᠳᠦᠷᠰᠦ ᠶ᠋ᠢ ᠨᠢ ᠦᠯᠡᠳᠡᠭᠡᠬᠦ ᠪᠡᠷ ᠰᠢᠢᠳᠴᠡᠢ᠃ ᠡᠢᠨ ᠬᠦ᠌ ᠲᠠᠤᠯᠠᠢ ᠶ᠋ᠢᠨ ᠳᠦᠷᠰᠦ ᠰᠠᠷᠠᠨ ᠳᠡᠭᠡᠷᠡ ᠮᠥᠩᠬᠡᠳᠡ ᠬᠠᠷᠠᠭᠳᠠᠬᠤ ᠪᠣᠯᠤᠭᠰᠠᠨ ᠶᠤᠮ ᠭᠡᠨᠡ ᠪᠢᠯᠡ᠃
ᠦᠰᠦᠭ ᠬᠠᠲᠠᠭᠰᠠᠨ ᠨᠢ᠄ ᠮᠥᠩᠭᠦᠨᠴᠡᠴᠡᠭ
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ᠄ ᠮᠥᠩᠭᠦᠨᠴᠡᠴᠡᠭ
ᠬᠢᠨᠠᠭᠴᠢ ᠪᠠᠭᠰᠢ᠄ ᠮᠥᠴᠢᠷ