ᠡᠬᠡ ᠮᠣᠩᠭᠣᠯ ᠬᠡᠯᠡ ᠮᠢᠨᠢ- ᠬᠠᠯᠬᠠ ᠰᠡᠴᠡᠩᠭᠣᠤᠠЭх монгол хэл минь-Халх Сацангоо
525ᠡᠬᠡ ᠮᠣᠩᠭᠣᠯ ᠬᠡᠯᠡ ᠮᠢᠨᠢ
ᠬᠠᠯᠬᠠ ᠰᠡᠴᠡᠩᠭᠣᠤᠠ
ᠠ
ᠠᠯᠲᠠᠨ ᠬᠠᠪᠢᠰᠤᠲᠤ ᠬᠠᠭᠤᠳᠠᠰᠤᠨ ᠠ᠋ᠴᠠ ᠠᠰᠬᠠᠷᠠᠵᠤ ᠳᠤᠰᠤᠯᠠᠭᠰᠠᠨ ᠷᠠᠰᠢᠶᠠᠨ
ᠠᠽᠢᠶᠠ ᠧᠦ᠋ᠷᠣᠫᠠ ᠶ᠋ᠢᠨ ᠥᠷᠥᠴᠡ ᠡᠴᠡ ᠠᠰᠠᠵᠤ ᠮᠠᠨᠳᠤᠭᠰᠠᠨ ᠨᠠᠷᠠ
ᠠᠤᠭᠠ ᠪᠤᠭᠤᠷᠤᠯ ᠳᠡᠭᠡᠳᠦᠰ ᠦ᠋ᠨ ᠮᠢᠨᠢ ᠥᠪ ᠤᠯᠠᠮᠵᠢᠯᠠᠯᠲᠤ ᠠᠳᠢᠰ
ᠠᠩᠭᠠᠷᠠᠭ ᠭᠠᠷᠠᠭ ᠡᠷᠬᠡᠰ ᠢ᠋ᠶ᠋ᠡᠷ ᠠᠶᠠᠯᠠᠭᠠᠳ ᠮᠣᠩᠭᠣᠯ ᠬᠡᠯᠡ ᠮᠢᠨᠢ
ᠠ᠋
ᠡᠵᠢ ᠶ᠋ᠢᠨ ᠠᠩᠭᠢᠷ ᠰᠦ ᠰᠢᠭ ᠡᠷᠳᠡᠨᠢ ᠳᠣᠯᠣᠭᠠᠨ ᠴᠠᠭᠠᠨ ᠲᠣᠯᠣᠭᠠᠢ ᠮᠢᠨᠢ
ᠡᠨᠡᠷᠢᠯ ᠬᠠᠢᠷᠠ ᠪᠠᠷ ᠤᠶᠠᠩᠭᠠᠷᠠᠳᠠᠭ ᠡᠩ ᠦᠭᠡᠢ ᠳᠣᠯᠣᠭᠠᠨ ᠡᠭᠡᠰᠢᠭ ᠮᠢᠨᠢ
ᠡᠯᠢᠭᠡ ᠨᠢᠭᠡᠲᠡᠢ ᠮᠠᠨᠤᠰ ᠤ᠋ᠨ ᠡᠰᠢ ᠲᠤᠯᠭᠠᠭᠤᠷᠢ ᠪᠢᠴᠢᠭ ᠮᠢᠨᠢ
ᠡᠷᠡᠮᠡᠬᠡᠢ ᠮᠣᠷᠢᠲᠠᠨ ᠤᠭᠰᠠᠭᠠᠲᠠᠨ ᠤ᠋ ᠮᠢᠨᠢ ᠪᠣᠯᠣᠳ ᠲᠠᠬᠢᠷ ᠰᠡᠯᠡᠮᠡ
ᠢ
ᠢᠰᠡᠭᠡᠢ ᠪᠠᠭᠠᠲᠤᠷ ᠲᠤᠭᠤᠷᠭᠠᠲᠠᠳ ᠤ᠋ᠨ ᠮᠢᠨᠢ ᠡᠷᠳᠡᠨᠢ ᠲᠣᠪᠴᠢᠨ
ᠢᠳᠡᠷ ᠪᠣᠷᠣ ᠵᠢᠷᠦᠬᠡᠨ ᠦ᠌ ᠮᠢᠨᠢ ᠵᠦᠯᠲᠦᠨ ᠰᠢᠩᠭᠡᠭᠰᠡᠨ ᠪᠠᠬᠠᠷᠬᠠᠯ
ᠢᠷᠠᠭᠤ ᠨᠠᠢᠷᠠᠭ ᠤ᠋ᠨ ᠲᠩᠷᠢ ᠳ᠋ᠦ᠍ ᠤᠳᠬᠠ ᠳᠠᠪᠲᠠᠳᠠᠭ ᠦᠭᠡᠢ ᠪᠠᠶᠠᠯᠢᠭ
ᠢᠯᠠᠮᠳᠠᠬᠠᠨ ᠰᠡᠳᠬᠢᠯ ᠦ᠋ᠨ ᠮᠢᠨᠢ ᠮᠥᠷᠥᠭᠡᠳᠦᠯ ᠳ᠋ᠦ᠍ ᠪᠣᠰᠤᠭᠠ ᠴᠠᠬᠢᠭᠰᠠᠨ ᠬᠡᠢᠮᠣᠷᠢ
ᠣ
ᠣᠩᠭᠣᠳ ᠲᠩᠷᠢ ᠶ᠋ᠢᠨ ᠰᠢᠲᠦᠭᠡᠨ ᠣᠷᠴᠢᠯᠠᠩ ᠳ᠋ᠤ᠌ ᠭᠠᠭᠴᠠᠬᠠᠨ ᠡᠬᠡ ᠬᠡᠯᠡ ᠮᠢᠨᠢ
ᠣᠷᠬᠣᠨ ᠬᠡᠷᠦᠯᠦᠨ ᠦ᠌ ᠮᠢᠨᠢ ᠤᠷᠤᠰᠬᠠᠯ ᠰᠢᠭ᠋ ᠲᠤᠩᠭᠠᠯᠠᠭ ᠪᠣᠯᠣᠷ ᠣᠢᠯᠤᠭᠠᠨ
ᠤᠢᠭᠤᠷᠵᠢᠨ ᠮᠣᠩᠭᠣᠯ ᠲᠢᠭ ᠢ᠋ᠶ᠋ᠡᠷ ᠤᠯᠠᠮᠵᠢᠯᠠᠵᠤ ᠳᠡᠯᠭᠡᠷᠡᠭᠰᠡᠨ ᠠᠪᠢᠶᠠ
ᠣᠯᠳᠠᠭᠰᠠᠨ ᠭᠠᠭᠴᠠ ᠨᠠᠰᠤᠨ ᠤ᠋ ᠮᠢᠨᠢ ᠣᠷᠬᠢᠵᠤ ᠪᠣᠯᠳᠠᠭ ᠦᠭᠡᠢ ᠠᠮᠢᠨ ᠰᠤᠳᠠᠰᠤ
ᠣ
ᠤᠤᠭᠠᠯ ᠰᠣᠶᠣᠯ ᠰᠤᠷᠲᠠᠬᠤᠨ ᠤ᠋ ᠮᠢᠨᠢ ᠡᠬᠢ ᠪᠤᠯᠠᠭ ᠤᠨᠳᠤᠷᠭᠠᠨ
ᠤᠯᠤᠰ ᠦᠨᠳᠦᠰᠦᠲᠡᠨ ᠶᠠᠰᠤᠲᠠᠨ ᠤ᠋ ᠮᠢᠨᠢ ᠥᠪ ᠵᠠᠯᠭᠠᠮᠵᠢ ᠮᠦᠷᠳᠡᠯ
ᠤᠶᠠᠩᠭᠠ ᠮᠥᠷᠲᠦ ᠪᠠᠳᠠᠭ ᠤ᠋ᠨ ᠮᠢᠨᠢ ᠤᠯᠠᠭᠠᠨ ᠴᠢᠰᠤᠲᠤ ᠬᠡᠯᠬᠢᠶᠡ
ᠤᠷᠪᠠᠭᠠᠨ ᠬᠥᠷᠪᠡᠭᠡᠨ ᠲᠡᠢ ᠥᠨᠥᠳᠥᠷ ᠦ᠋ᠨ ᠤᠬᠠᠭᠠᠷᠠᠯ ᠰᠡᠬᠡᠭᠡᠷᠡᠯ ᠦ᠋ᠨ ᠴᠠᠮᠬᠠᠭ
ᠦ
ᠥᠭᠡᠳᠡᠯᠡᠯ ᠮᠠᠨᠳᠤᠯ ᠳᠡᠭᠵᠢᠷᠡᠯ ᠦ᠋ᠨ ᠭᠡᠭᠡᠨ ᠬᠠᠷᠭᠤᠢ ᠰᠤᠭᠤᠨᠠᠭ
ᠥᠭᠡᠷᠡᠴᠢᠯᠡᠯᠲᠡ ᠨᠡᠭᠡᠭᠡᠯᠲᠡ ᠦᠢᠯᠡᠰ ᠦ᠋ᠨ ᠡᠩᠬᠡ ᠶ᠋ᠢᠨ ᠴᠠᠭᠠᠨ ᠲᠠᠭᠲᠠᠭᠠ
ᠥᠪᠡᠷ ᠥᠪᠡᠷᠲᠡᠭᠡᠨ ᠬᠠᠷᠢᠭᠤᠴᠠᠬᠤ ᠶᠣᠰᠣᠲᠠᠢ ᠰᠤᠤ ᠪᠢᠯᠢᠭ ᠦ᠋ᠨ ᠲᠡᠮᠡᠦᠯᠦᠯ
ᠦ
ᠦᠯᠢᠭᠡᠷ ᠳᠣᠮᠣᠭ ᠲᠡᠦᠬᠡ ᠶ᠋ᠢᠨ ᠦᠦᠬᠡ ᠪᠦᠲᠦᠨ ᠲᠤᠤᠯᠢ
ᠦᠨᠡᠭᠡᠨ ᠬᠠᠷᠠᠩᠭᠤᠢ ᠶ᠋ᠢ ᠰᠠᠷᠨᠢᠭᠤᠯᠤᠭᠴᠢ ᠦᠷ ᠦ᠋ᠨ ᠴᠠᠭᠠᠨ ᠭᠡᠭᠡ
ᠥᠩᠭᠡᠷᠡᠭᠰᠡᠨ ᠪᠤᠭᠤᠷᠤᠯ ᠳᠡᠭᠡᠳᠦᠰ ᠦ᠋ᠨ ᠮᠢᠨᠢ ᠴᠢᠰᠤ ᠨᠢᠯᠪᠤᠰᠤᠨ ᠤ᠋ ᠦᠷᠭᠦᠯᠵᠢᠯᠡᠯ
ᠥᠮᠵᠦᠭ ᠴᠠᠢᠯᠭᠠᠨ ᠮᠣᠩᠭᠣᠯᠴᠤᠳ ᠤ᠋ᠨ ᠮᠢᠨᠢ ᠡᠪᠦᠭᠡᠳ ᠦ᠋ᠨ ᠬᠥᠬᠡ ᠵᠠᠬᠢᠶᠠᠰᠤ ᠠ᠋
ᠡᠬᠡ ᠮᠣᠩᠭᠣᠯ ᠬᠡᠯᠡ ᠮᠢᠨᠢ ᠤᠩᠰᠢᠵᠤ ᠪᠠᠬᠠᠷᠬᠠᠨᠠᠮ ᠰᠢᠲᠦᠭᠡᠨ ᠮᠢᠨᠢ
ᠡᠬᠡ ᠬᠡᠯᠡ ᠶ᠋ᠢᠨ ᠪᠠᠶᠠᠷ ᠤ᠋ᠨ ᠡᠳᠦᠷ ᠲᠤ ᠬᠦᠨᠳᠦᠳᠬᠡᠯ ᠳᠡᠪᠰᠢᠭᠦᠯᠦᠶᠡ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠬᠣᠩ ᠮᠧᠢ
ᠦᠰᠦᠭ ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠡ