ᠪᠦᠰᠡᠭᠦᠢ ᠵᠠᠶᠠᠭᠠ ᠶ᠋ᠢ ᠬᠠᠢᠷᠠᠯᠠᠭᠠᠴᠢ- ᠬᠠᠯᠬᠠ ᠰᠡᠴᠡᠩᠭᠤᠸᠠБүсгүй заяаг хайрлаач-Халх сацангоо
318ᠪᠦᠰᠡᠭᠦᠢ ᠵᠠᠶᠠᠭᠠ ᠶ᠋ᠢ ᠬᠠᠢᠷᠠᠯᠠᠭᠠᠴᠢ
ᠬᠠᠯᠬᠠ ᠰᠡᠴᠡᠩᠭᠤᠸᠠ
ᠪᠥᠮᠪᠥᠷᠴᠡᠭ ᠳᠡᠯᠡᠬᠡᠢ ᠪᠡᠨ ᠬᠠᠢᠷᠠᠯᠠᠳᠠᠭ ᠰᠢᠭ᠋ ᠢ᠋ᠶ᠋ᠡᠨ
ᠪᠦᠰᠡᠭᠦᠢ ᠬᠥᠮᠦᠨ ᠢ᠋ ᠬᠠᠢᠷᠠᠯᠠᠭᠠᠴᠢ
ᠪᠦᠷᠬᠦᠭ ᠲᠩᠷᠢ ᠶ᠋ᠢ ᠴᠡᠯᠮᠡᠲᠡᠯᠡ
ᠪᠥᠮᠪᠥᠯᠢᠭ ᠵᠠᠳᠠᠯᠵᠤ ᠢᠨᠢᠶᠡᠳᠡᠭ
ᠢᠨᠠᠭ ᠢᠯᠠᠮᠳᠠᠬᠠᠨ ᠮᠦᠰᠢᠶᠡᠳᠦ ᠶ᠋ᠢ ᠨᠢ ᠬᠠᠢᠷᠠᠯᠠᠭᠠᠴᠢ
ᠬᠠᠨ ᠬᠣᠷᠸᠠ ᠶ᠋ᠢᠨ ᠰᠤᠤ ᠤᠬᠠᠭᠠᠨ ᠰᠠᠨ
ᠬᠠᠯᠠᠭᠤᠨ ᠪᠦᠯᠢ ᠶ᠋ᠢᠨ ᠴᠢᠨᠢ ᠬᠠᠭᠠᠰ ᠲᠤᠯᠭᠠᠭᠤᠷᠢ
ᠬᠠᠷᠠᠬᠠᠨ ᠨᠢᠳᠦ ᠶ᠋ᠢ ᠨᠢ ᠲᠣᠭᠠᠯᠠᠵᠤ ᠬᠠᠢᠷᠠᠯᠠᠭᠠᠴᠢ
ᠬᠠᠲᠠᠭᠤ ᠦᠭᠡ ᠳᠤᠲᠠᠭᠤ ᠰᠢᠳᠡᠭᠡᠴᠢ
ᠬᠠᠯᠠᠭᠤᠨ ᠴᠢᠰᠤ ᠨᠢ ᠬᠦᠷᠴᠢᠬᠡᠵᠦ ᠮᠡᠳᠡᠨᠡ
ᠬᠠᠳᠠᠨ ᠤ᠋ ᠴᠡᠴᠡᠭ ᠰᠣᠷᠭᠣᠭ ᠴᠤ᠌
ᠬᠠᠲᠠᠭᠤ ᠵᠢᠪᠠᠷ ᠲᠤ ᠪᠠᠨ ᠭᠤᠨᠳᠠᠨᠠ
ᠬᠠᠭᠠᠴᠠᠯ ᠤ᠋ᠨ ᠭᠤᠨᠢᠭ ᠲᠠᠢ ᠬᠣᠷᠸᠠ ᠶᠤᠮ ᠬᠣᠢᠨᠠ
ᠬᠠᠨᠢ ᠢᠵᠢᠯᠢ ᠪᠡᠨ ᠠᠷᠭᠠᠳᠠᠵᠤ ᠡᠩᠬᠦᠷᠡᠢᠯᠡᠭᠴᠢ
ᠴᠡᠴᠡᠭ ᠳᠡᠷᠪᠡᠲᠡᠯᠡ ᠴᠠᠯᠭᠢᠵᠤ ᠶᠠᠪᠤᠳᠠᠭ
ᠴᠡᠪᠡᠷ ᠵᠠᠯᠠᠭᠤ ᠨᠠᠰᠤ ᠶ᠋ᠢ ᠨᠢ ᠬᠠᠢᠷᠠᠯᠠᠭᠠᠴᠢ
ᠴᠢᠮᠠ ᠳ᠋ᠤ᠌ ᠥᠭᠭᠦᠭᠰᠡᠨ ᠡᠴᠡ ᠪᠡᠨ ᠬᠠᠷᠢᠭᠤ ᠬᠦᠰᠡᠳᠡᠭ ᠦᠭᠡᠢ
ᠴᠠᠭᠠᠨ ᠪᠤᠭᠤᠷᠤᠯ ᠰᠠᠨᠴᠢᠭ ᠢ᠋ ᠨᠢ ᠢᠯᠪᠢᠵᠦ ᠬᠠᠢᠷᠠᠯᠠᠭᠠᠴᠢ
ᠬᠠᠯᠠᠮᠵᠢ ᠲᠠᠯᠠᠷᠬᠠᠯ ᠢ᠋ᠶ᠋ᠠᠨ ᠪᠤᠰᠤᠳ ᠲᠤ
ᠬᠠᠷᠠᠮ ᠦᠭᠡᠢ ᠥᠭᠴᠦ ᠶᠠᠪᠤᠬᠤ ᠳ᠋ᠤ᠌
ᠬᠠᠢᠷᠠ ᠪᠠᠷ ᠣᠷᠣᠰᠢᠬᠤᠢ ᠬᠣᠷᠸᠠ ᠠᠮᠤᠭᠤᠯᠠᠩ
ᠥᠭᠡᠯᠦᠨ ᠡᠬᠡ ᠶ᠋ᠢᠨ ᠴᠮᠴᠠᠨ ᠤ᠋
ᠰᠦ ᠲᠡᠢ ᠡᠩᠭᠡᠷ ᠦ᠋ᠨ ᠲᠠᠰᠤᠷᠬᠠᠢ ᠰᠠᠨ
ᠣᠢᠯᠠᠭᠠᠵᠤ ᠠᠭᠤᠴᠢᠯᠠᠵᠤ ᠬᠠᠢᠷᠠᠯᠠᠭᠠᠴᠢ
ᠪᠦᠰᠡᠭᠦᠢ ᠡᠮᠵᠡᠭᠬᠡᠨ ᠵᠠᠶᠠᠭᠠ ᠶ᠋ᠢ᠁?
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠣᠳᠬᠠᠨᠰᠣᠠ