ᠲᠦᠷᠦᠭᠦᠲᠦ ᠲᠣᠰᠣᠨ ᠬᠠᠷᠭᠠᠢТүрүүт тосон харгай
456
ᠲᠦᠷᠦᠭᠦᠲᠦ ᠲᠣᠰᠣᠨ ᠬᠠᠷᠭᠠᠢ
ᠲᠣᠰᠣᠨ ᠬᠠᠷᠭᠠᠢ ᠶ᠋ᠢᠨ ᠢᠵᠠᠭᠤᠷ
ᠮᠥᠩᠬᠡ ᠨᠣᠭᠣᠭᠠᠨ ᠪᠠᠭᠠᠪᠲᠤᠷ ᠲᠤᠷᠤᠭ ᠮᠣᠳᠣ ᠪᠤᠶᠤ ᠪᠤᠲᠠ ᠮᠣᠳᠣ᠂2—3m ᠥᠨᠳᠥᠷ᠃ ᠵᠢᠵᠢᠭ ᠮᠥᠴᠢᠷ ᠨᠢ ᠪᠠᠬᠠᠨ ᠢᠷᠮᠡᠭ ᠲᠡᠢ᠂ ᠴᠢᠭᠲᠠᠯᠠᠨ ᠤᠷᠭᠤᠨᠠ᠃ ᠨᠠᠪᠴᠢ ᠨᠢ ᠬᠣᠶᠠᠷ ᠮᠥᠷᠯᠡᠭᠰᠡᠨ ᠮᠠᠶᠢᠭ ᠲᠠᠢ ᠴᠢᠭᠲᠠᠯᠠᠨ ᠪᠠᠢᠷᠢᠯᠠᠳᠠᠭ᠂ ᠪᠦᠰᠡ ᠰᠢᠭ ᠪᠤᠶᠤ ᠪᠦᠰᠡᠯᠢᠭ ᠬᠠᠪᠲᠠᠭᠠᠢ ᠲᠡᠪᠡᠨᠡ ᠬᠡᠯᠪᠡᠷᠢ ᠲᠡᠢ᠂ ᠮᠣᠬᠣᠭᠣ ᠪᠤᠶᠤ ᠵᠢᠭᠠᠬᠠᠨ ᠱᠤᠮᠠᠭᠠᠢ ᠦᠵᠦᠭᠦᠷ ᠲᠡᠢ᠂ ᠤᠭ ᠨᠢ ᠨᠠᠷᠢᠰᠤᠨ ᠠᠪᠴᠢᠭᠠᠳ ᠨᠢᠭᠡᠨ ᠣᠬᠣᠷ ᠪᠠᠷᠢᠭᠤᠯ ᠪᠣᠯᠵᠠᠢ᠂ ᠠᠷᠤ ᠲᠠᠯᠠ ᠳ᠋ᠤᠨᠢ ᠬᠣᠶᠠᠷ ᠵᠤᠷᠪᠤᠰ ᠴᠠᠭᠠᠨ ᠬᠡᠢ ᠶ᠋ᠢᠨ ᠠᠮᠠᠰᠠᠷ ᠤ᠋ᠨ ᠴᠤᠪᠤᠭᠠ ᠪᠣᠢ᠃ ᠴᠡᠴᠡᠭ ᠨᠢ ᠭᠠᠭᠴᠠ ᠪᠡᠯᠭᠡ ᠲᠡᠢ ᠪᠥᠭᠡᠳ ᠣᠨᠳᠣᠣ ᠭᠡᠷ ᠲᠡᠢ᠂ ᠲᠤᠰ ᠵᠢᠯ ᠦ᠋ᠨ ᠮᠥᠴᠢᠷ ᠳᠡᠭᠡᠷᠡ ᠴᠡᠴᠡᠭᠯᠡᠳᠡᠭ; ᠡᠷᠡ ᠪᠠᠭ ᠴᠡᠴᠡᠭ ᠨᠢ3—4 ᠪᠡᠷ ᠮᠥᠴᠢᠷ ᠦ᠋ᠨ ᠣᠷᠣᠢ ᠳ᠋ᠤ᠌ ᠴᠣᠮᠬᠠᠷᠠᠨ ᠤᠷᠭᠤᠨᠠ᠂ ᠲᠣᠭᠣᠰᠣᠪᠴᠢ ᠨᠢ2—8 ᠲᠠᠰᠤᠭ ᠲᠠᠢ; ᠡᠮᠡ ᠴᠡᠴᠡᠭ ᠨᠢ ᠭᠠᠭᠴᠠᠬᠠᠨ ᠢ᠋ᠶ᠋ᠠᠷ ᠨᠠᠪᠴᠢᠨ ᠤ᠋ ᠥᠪᠥᠷ ᠲᠤ ᠤᠷᠭᠤᠨᠠ᠂1.5cm ᠬᠢᠷᠢ ᠤᠷᠲᠤ ᠪᠠᠷᠢᠭᠤᠯ ᠲᠠᠢ ᠪᠠ ᠭᠠᠭᠴᠠ ᠦᠷᠡ ᠨᠠᠬᠢᠶᠠ ᠲᠠᠢ᠃ ᠦᠷᠡ ᠨᠢ ᠶᠠᠰᠤᠲᠤ ᠵᠢᠮᠢᠰ ᠰᠢᠭ ᠪᠥᠭᠡᠳ ᠵᠤᠤᠪᠠᠩ ᠬᠡᠯᠪᠡᠷᠢ ᠲᠡᠢ᠂ ᠲᠡᠭᠦᠨ ᠦ᠌ ᠭᠠᠳᠠᠭᠤᠷ ᠣᠷᠣᠢ ᠨᠢ ᠴᠣᠭᠣᠷᠬᠠᠢ ᠤᠯᠠᠪᠲᠤᠷ ᠰᠢᠷᠠ ᠥᠩᠭᠡᠲᠦ ᠬᠠᠭᠤᠷᠮᠠᠭ ᠦᠷᠡ ᠶ᠋ᠢᠨ ᠬᠠᠯᠢᠰᠤ ᠪᠦᠷᠬᠦᠵᠦ ᠪᠣᠢ᠂ ᠤᠭ ᠤ᠋ᠨ ᠬᠡᠰᠡᠭ ᠲᠤ ᠨᠢ ᠥᠨᠢᠳᠡ ᠣᠷᠣᠰᠢᠬᠤ ᠪᠠᠭᠯᠠᠭᠴᠢ ᠲᠠᠢ ᠪᠠ1.5—2.5cm ᠤᠷᠲᠤ ᠪᠠᠷᠢᠭᠤᠯ ᠲᠠᠢ᠃ ᠴᠢᠭᠢᠭᠲᠡᠢ ᠮᠥᠷᠲᠡᠭᠡᠨ ᠥᠩ ᠰᠢᠮᠡ ᠰᠠᠢᠨ ᠬᠦᠴᠢᠯᠯᠢᠭ ᠬᠥᠷᠥᠰᠥᠨ ᠳ᠋ᠦ᠍ ᠰᠠᠢᠨ ᠤᠷᠭᠤᠨᠠ᠃ ᠮᠠᠨ ᠤ᠋ ᠤᠯᠤᠰ ᠤ᠋ᠨ ᠵᠧᠵᠢᠶᠠᠩ᠂ ᠬᠤᠪᠧᠢ᠂ ᠬᠤᠨᠠᠨ᠂ ᠭᠤᠸᠠᠩᠳᠥ᠋ᠩ᠂ ᠭᠤᠸᠠᠩᠰᠢ᠂ ᠹᠦᠵᠢᠶᠠᠨ᠂ ᠲᠠᠢᠸᠠᠨ᠂ ᠶᠦᠨᠨᠠᠨ᠂ ᠰᠧᠴᠤᠸᠠᠨ ᠵᠡᠷᠭᠡ ᠮᠣᠵᠢ ᠣᠷᠣᠨ ᠳ᠋ᠤ᠌ ᠤᠷᠭᠤᠳᠠᠭ᠃ ᠦᠷᠡ ᠶ᠋ᠢᠨ ᠲᠣᠰᠣ ᠪᠠᠷ ᠰᠠᠪᠤᠩ ᠬᠢᠨᠡ᠂ ᠪᠠᠰᠠ ᠡᠮ ᠳ᠋ᠦ᠍ ᠣᠷᠣᠨᠠ᠃ ᠮᠣᠳᠣᠨ ᠰᠢᠷᠬᠡᠭ ᠨᠢ ᠨᠢᠭᠲᠠ ᠪᠣᠯᠬᠣᠷ ᠰᠡᠢᠯᠦᠮᠡᠯ ᠳ᠋ᠦ᠍ ᠬᠡᠷᠡᠭᠯᠡᠨᠡ᠃ ᠮᠥᠨ ᠮᠠᠰᠢ ᠭᠣᠶᠣ ᠦᠵᠡᠮᠵᠢ ᠶ᠋ᠢᠨ ᠮᠣᠳᠣ ᠶᠤᠮ᠃
ᠬᠢᠲᠠᠳ ᠨᠠᠷᠡ᠄穗花杉
ᠠᠩᠭ᠌ᠯᠢ ᠨᠡᠷᠡ ᠄ Amentotaxus argotaenia pilg
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠣ· ᠰᠡᠴᠡᠨᠲᠤ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ