ᠮᠣᠩᠭᠣᠯ ᠬᠡᠯᠡ-ᠴᠢ᠊ ᠤᠷᠠᠨᠴᠡᠴᠡᠭ Монгол хэл-Чи Урнцэцэг
437ᠮᠣᠩᠭᠣᠯ ᠬᠡᠯᠡ
ᠪᠥᠷᠲᠡ ᠴᠢᠨᠣᠠ ᠭᠤᠸᠠ ᠮᠠᠷᠠᠯ ᠤ᠋ᠨ ᠬᠠᠨ ᠬᠡᠨᠲᠡᠢ ᠳ᠋ᠦ᠍ ᠬᠠᠢᠷᠠ ᠪᠠᠨ ᠰᠦᠯᠵᠢᠭᠰᠡᠨ ᠮᠣᠩᠭᠣᠯ ᠬᠡᠯᠡ
ᠪᠣᠭᠳᠠ ᠴᠢᠩᠭᠢᠰ ᠪᠤᠷᠬᠠᠨ ᠬᠠᠯᠳᠤᠨ ᠤ᠋ ᠣᠷᠣᠢ ᠠ᠋ᠴᠠ ᠳᠠᠶᠠᠩ ᠳ᠋ᠤ᠌ ᠵᠠᠷᠯᠠᠭᠰᠠᠨ ᠮᠣᠩᠭᠣᠯ ᠬᠡᠯᠡ
ᠣᠩᠭᠣᠨ ᠬᠥᠬᠡ ᠲᠩᠷᠢ ᠶ᠋ᠢᠨ ᠠᠯᠲᠠᠨ ᠵᠠᠭᠠᠳᠠᠰᠤ ᠠ᠋ᠴᠠ ᠭᠠᠯ ᠵᠠᠬᠢᠭᠰᠠᠨ ᠮᠣᠩᠭᠣᠯ ᠬᠡᠯᠡ
ᠤᠨᠤᠨ ᠲᠤᠤᠯᠠ ᠤ᠋ᠨ ᠤᠰᠤᠨ ᠤ᠋ ᠴᠡᠩᠬᠡᠷ ᠲᠣᠯᠭᠢᠶᠠᠰ ᠠ᠋ᠴᠠ ᠠᠪᠢᠶᠠ ᠵᠠᠳᠠᠯᠤᠭᠰᠠᠨ ᠮᠣᠩᠭᠣᠯ ᠬᠡᠯᠡ
ᠥᠭᠡᠯᠦᠨ ᠬᠠᠲᠤᠨ ᠡᠵᠢ ᠶ᠋ᠢᠨ ᠪᠦᠪᠡᠢ ᠶ᠋ᠢᠨ ᠳᠠᠭᠤᠨ ᠠ᠋ᠴᠠ ᠡᠬᠡᠰᠢᠭ ᠱᠠᠭᠯᠠᠭᠰᠠᠨ ᠮᠣᠩᠭᠣᠯ ᠬᠡᠯᠡ
ᠥᠷᠭᠡᠨ ᠳᠠᠭᠰᠢᠨ ᠪᠠᠢᠭᠠᠯᠢ ᠶ᠋ᠢᠨ ᠰᠢᠳᠢᠲᠦ ᠷᠠᠰᠢᠶᠠᠨ ᠠ᠋ᠴᠠ ᠬᠡᠢᠮᠣᠷᠢ ᠴᠣᠮᠨᠠᠭᠰᠠᠨ ᠮᠣᠩᠭᠣᠯ ᠬᠡᠯᠡ
ᠪᠢᠲᠡᠭᠦᠦ ᠣᠨᠢᠰᠣᠭᠠ ᠰᠢᠭ᠋ ᠨᠢᠭᠤᠴᠠ ᠲᠣᠪᠴᠢᠶᠠᠨ ᠢ᠋ᠶ᠋ᠠᠨ ᠰᠦ ᠪᠡᠷ ᠪᠢᠴᠢᠭᠰᠡᠨ ᠮᠣᠩᠭᠣᠯ ᠬᠡᠯᠡ
ᠪᠢᠯᠢᠭᠦᠨ ᠤᠬᠠᠭᠠᠨᠲᠤ ᠳᠡᠭᠡᠳᠦᠰ ᠦ᠋ᠨ ᠴᠠᠳᠠᠭ ᠢ᠋ ᠪᠦᠲᠦᠨ ᠢ᠋ᠶ᠋ᠡᠷ ᠥᠪᠯᠡᠭᠰᠡᠨ ᠮᠣᠩᠭᠣᠯ ᠬᠡᠯᠡ
ᠮᠣᠷᠢᠨ ᠬᠤᠭᠤᠷ ᠤ᠋ᠨ ᠬᠣᠶᠠᠷᠬᠠᠨ ᠴᠠᠪᠬᠠᠳᠠᠰᠤᠨ ᠳ᠋ᠤ᠌ ᠪᠠᠭᠲᠠᠵᠤ ᠴᠠᠯᠭᠢᠳᠠᠭ ᠮᠣᠩᠭᠣᠯ ᠬᠡᠯᠡ
ᠮᠣᠩᠭᠣᠯ ᠭᠡᠷ ᠦ᠋ᠨ ᠰᠠᠷᠠᠨ ᠲᠣᠭᠣᠨᠣ ᠪᠠᠷ ᠲᠩᠷᠢ ᠳ᠋ᠦ᠍ ᠤᠷᠭᠤᠭᠰᠠᠨ ᠮᠣᠩᠭᠣᠯ ᠬᠡᠯᠡ
ᠮᠣᠷᠢᠨ ᠳᠡᠯ ᠳᠡᠭᠡᠷᠡ ᠠᠰᠠᠭᠰᠠᠨ ᠳᠡᠪᠡᠯ ᠲᠡᠢ ᠭᠠᠯ ᠠ᠋ᠴᠠ ᠬᠠᠳᠠᠭ ᠰᠢᠭ᠋ ᠠᠰᠬᠠᠷᠠᠭᠰᠠᠨ ᠮᠣᠩᠭᠣᠯ ᠬᠡᠯᠡ
ᠮᠣᠳᠣᠳ ᠤ᠋ᠨ ᠰᠠᠯᠠᠭᠠᠨ ᠳᠡᠭᠡᠷᠡ ᠡᠭᠦᠷ ᠢ᠋ᠶ᠋ᠡᠨ ᠵᠠᠰᠠᠭᠰᠠᠨ ᠰᠢᠪᠠᠭᠤᠳ ᠠ᠋ᠴᠠ ᠮᠥᠨᠳᠥᠷ ᠰᠢᠭ ᠱᠠᠭᠢᠭᠰᠠᠨ ᠮᠣᠩᠭᠣᠯ ᠬᠡᠯᠡ
ᠥᠷᠯᠥᠭ ᠪᠠᠭᠠᠲᠤᠷ ᠤ᠋ᠳ ᠤ᠋ᠨ ᠮᠢᠨᠢ ᠥᠮᠥᠭᠯᠡᠵᠦ ᠬᠠᠮᠠᠭᠠᠯᠠᠭᠰᠠᠨ ᠭᠠᠵᠠᠷ ᠰᠢᠷᠣᠨ ᠳ᠋ᠤ᠌ ᠮᠣᠩᠭᠣᠯ ᠬᠡᠯᠡ ᠮᠢᠨᠢ ᠪᠣᠢ
ᠥᠷᠯᠥᠭᠡ ᠥᠷᠯᠥᠭᠡ ᠡᠵᠢ ᠶ᠋ᠢᠨ ᠮᠢᠨᠢ ᠪᠠᠳᠠᠷᠠᠭᠠᠭᠰᠠᠨ ᠭᠠᠯ ᠭᠣᠯᠣᠮᠳᠠᠨ ᠳ᠋ᠤ᠌ ᠮᠣᠩᠭᠣᠯ ᠬᠡᠯᠡ ᠮᠢᠨᠢ ᠪᠣᠢ
ᠠᠶᠠᠯᠭᠤ ᠰᠠᠢᠬᠠᠨ ᠮᠣᠩᠭᠣᠯ ᠬᠡᠯᠡ ᠪᠡᠨ ᠠᠷᠢᠭᠤᠨ ᠲᠠᠴᠢᠷ ᠢ᠋ᠶ᠋ᠠᠷ ᠨᠢ ᠤᠯᠠᠮᠵᠢᠯᠠᠶᠠ
ᠳᠤᠮᠳᠠᠳᠤ ᠤᠯᠤᠰ ᠤ᠋ᠨ ᠮᠣᠩᠭᠣᠯ ᠬᠡᠯᠡᠨ ᠦ᠌ ᠪᠠᠷᠢᠮᠵᠢᠶᠠ ᠠᠪᠢᠶᠠ ᠶ᠋ᠢ ᠲᠣᠭᠲᠠᠭᠠᠭᠰᠠᠨ 40 ᠵᠢᠯ ᠦ᠋ᠨ ᠣᠢ ᠶ᠋ᠢ ᠪᠠᠶᠠᠷᠯᠠᠨ ᠪᠡᠯᠡᠭᠯᠡᠶᠡ!
ᠢᠷᠡᠯᠲᠡ᠄ ᠳᠤᠷᠠᠨ ᠬᠠᠷᠠᠭᠠ ᠲᠠᠪᠴᠠᠩ
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ᠄ ᠴᠢ · ᠤᠷᠠᠨᠴᠡᠴᠡᠭ