ᠬᠠᠨ ᠴᠡᠩᠬᠡᠯ (ᠲᠤᠤᠯᠢ ) -2 Хан цэнгэл (туули ) -2
362ᠬᠠᠨ ᠴᠡᠩᠬᠡᠯ (ᠲᠤᠤᠯᠢ ) - 1
ᠲᠡᠭᠡᠬᠦ ᠳ᠋ᠦ᠍ ᠨᠢᠭᠡᠨ ᠡᠳᠦᠷ ᠪᠣᠯᠪᠠ ᠭᠡᠨᠡ
ᠮᠠᠳ ᠤᠯᠠᠭᠠᠨ ᠬᠥᠪᠡᠭᠦᠨ ᠬᠠᠨ ᠴᠡᠩᠭᠡᠯ ᠬᠥᠪᠡᠭᠦᠨ ᠢ᠋
ᠠᠪᠤᠭᠠᠳ ᠬᠠᠶᠠᠭᠠᠳ ᠠᠪᠤᠭᠠᠳ ᠬᠠᠶᠠᠭᠠᠳ ᠢᠷᠡᠵᠦ ᠪᠠᠢᠪᠠ ᠭᠡᠨᠡ᠃
ᠮᠠᠳ ᠤᠯᠠᠭᠠᠨ ᠬᠥᠪᠡᠭᠦᠨ
ᠠᠮᠠᠨ ᠬᠦᠵᠦᠭᠦᠨ ᠳᠡᠭᠡᠷᠡ ᠨᠢ ᠠᠯᠠᠪᠳᠠᠨ( ᠠᠯᠠᠪᠬᠢᠨ ) ᠰᠠᠭᠤᠵᠤ
ᠤᠯᠠᠭᠠᠨ ᠡᠰᠢᠲᠦ ᠢᠯᠳᠦ ᠪᠡᠨ ᠰᠤᠭᠤᠯᠤᠨ
ᠰᠢᠯᠢ ᠶ᠋ᠢ ᠨᠢ ᠨᠢᠭᠡ ᠬᠡᠷᠴᠢᠪᠡ ᠭᠡᠨᠡ᠃
ᠬᠠᠨ ᠴᠡᠩᠭᠡᠯ ᠬᠥᠪᠡᠭᠦᠨ ᠦ᠌
ᠬᠠᠨ ᠶᠠᠰᠤ ᠨᠢ ᠰᠤᠯᠠᠷᠠᠭᠠᠳ ᠢᠷᠡᠪᠡ ᠭᠡᠨᠡ
ᠬᠠᠷᠠ ᠴᠢᠰᠤ ᠨᠢ ᠠᠰᠬᠠᠷᠠᠭᠠᠳ ᠢᠷᠡᠪᠡ ᠭᠡᠨᠡ᠃
ᠲᠡᠭᠡᠬᠦ ᠳ᠋ᠦ᠍ ᠬᠠᠨ ᠴᠡᠩᠭᠡᠯ ᠬᠥᠪᠡᠭᠦᠨ
ᠨᠢᠭᠡ ᠪᠣᠳᠣᠯ ᠪᠣᠳᠣᠪᠠ ᠭᠡᠨᠡ
《 ᠪᠢ ᠪᠣᠯᠬᠤᠯᠠ ᠨᠢ ᠳᠡᠭᠡᠳᠦ ᠳᠡᠭᠡᠳᠦ ᠶ᠋ᠢᠨ ᠣᠷᠣᠨ ᠤ᠋
ᠯᡁᠸᠩᠮᠠ ᠵᠠᠪᠰᠢ ᠬᠠᠭᠠᠨ ᠤ᠋ ᠪᠤᠮ ᠪᠦᠲᠦᠭᠡᠯ ᠲᠡᠢ ᠷᠠᠰᠢᠶᠠᠨ ᠢ᠋
ᠣᠷᠣᠢ ᠳᠡᠭᠡᠷᠡ ᠪᠡᠨ ᠲᠠᠯᠪᠢᠵᠤ ᠠᠳᠢᠰ ᠲᠤ᠌ ᠬᠦᠷᠲᠡᠯᠡ *
ᠠᠯᠠᠭᠠᠨ ᠳᠡᠭᠡᠷᠡ ᠪᠡᠨ ᠳᠤᠰᠤᠭᠠᠵᠤ ᠪᠢ ᠠᠮᠰᠠᠯᠠ
ᠡᠨᠡ ᠡᠦᠲᠦ ᠨᠠᠮᠠ ᠨᠢᠭᠡ ᠬᠠᠯᠢᠶᠠᠳᠠᠭ (ᠬᠠᠷᠠᠳᠠᠭ ) ᠦᠭᠡᠢ ᠶᠠᠭᠠᠬᠢᠯᠠ ?
ᠰᠠᠢᠨ ᠡᠵᠢ ᠠᠪᠤ ᠶ᠋ᠢᠨ ᠮᠢᠨᠢ ᠵᠠᠶᠠᠭᠠ ᠰᠠᠬᠢᠭᠤᠯᠰᠤᠨ
ᠡᠦᠲᠦ ᠨᠠᠮᠠ ᠶ᠋ᠢ ᠨᠢᠭᠡ ᠬᠠᠯᠢᠶᠠᠳᠠᠭ ( ᠬᠠᠷᠠᠳᠠᠭ ) ᠦᠭᠡᠢ ᠶᠠᠭᠠᠬᠢᠯᠠ ?
ᠰᠠᠢᠨ ᠥᠪᠡᠷ ᠦ᠋ᠨ ᠪᠡᠶᠡ ᠶ᠋ᠢᠨ ᠮᠢᠨᠢ ᠺᠠᠯᠢ ᠯᠤᠩᠳᠠ *
ᠡᠦᠲᠦ ᠨᠠᠮᠠ ᠶ᠋ᠢ ᠨᠢᠭᠡ ᠬᠠᠯᠢᠶᠠᠳᠠᠭ ( ᠬᠠᠷᠠᠳᠠᠭ ) ᠦᠭᠡᠢ ᠶᠠᠭᠠᠬᠢᠯᠠ ? ᠭᠡᠵᠦ
ᠨᠢᠭᠡ ᠪᠣᠳᠣᠯ ᠪᠣᠳᠣᠵᠢᠨ( ᠪᠣᠳᠣᠵᠤ ) ᠢᠷᠡᠭᠡᠳ
ᠠᠳᠠᠭ ᠠᠷᠠᠭᠠ ᠪᠠᠨ ᠵᠠᠭᠤᠵᠢᠨ ( ᠵᠠᠭᠤᠵᠤ ) ᠢᠷᠡᠭᠡᠳ
ᠨᠢᠭᠡ ᠰᠡᠭᠰᠦᠷᠦᠭᠡᠳ ᠣᠷᠬᠢᠪᠠ ᠭᠡᠨᠡ ᠃
ᠲᠡᠭᠡᠬᠦ ᠳ᠋ᠦ᠍ ᠮᠠᠳ ᠤᠯᠠᠭᠠᠨ ᠬᠥᠪᠡᠭᠦᠨ ᠢ᠋
ᠠᠪᠴᠢᠨ ( ᠠᠪᠴᠤ ) ᠢᠷᠡᠭᠡᠳ
ᠭᠠᠵᠠᠷ ᠴᠣᠬᠢᠭᠠᠳ ( ᠰᠢᠳᠡᠭᠡᠳ ) ᠣᠷᠬᠢᠪᠠ ᠭᠡᠨᠡ
ᠠᠮᠠᠨ ᠬᠦᠵᠦᠭᠦᠨ * ᠳᠡᠭᠡᠭᠦᠷ ᠨᠢ
ᠠᠯᠠᠪᠳᠠᠨ ( ᠠᠯᠠᠪᠬᠢᠨ ) ᠰᠠᠭᠤᠭᠠᠳ ᠣᠷᠬᠢᠪᠠ ᠭᠡᠨᠡ
ᠤᠯᠠᠭᠠᠨ ᠡᠰᠢᠲᠦ ᠢᠯᠳᠦ ᠪᠡᠨ ᠭᠠᠷᠭᠠᠭᠠᠳ ᠢᠷᠡᠪᠡ ᠭᠡᠨᠡ
《 ᠵᠠ ᠂ ᠠᠬᠠ ᠮᠢᠨᠢ ᠂ ᠠᠬᠠ ᠮᠢᠨᠢ !
ᠠᠮᠤᠷ ᠰᠠᠢᠬᠠᠨ ᠨᠤᠲᠤᠭ ᠪᠠᠭᠤᠷᠢ ᠲᠠᠨᠢ ᠬᠠᠮᠢᠭᠠ ᠪᠣᠢ ?
ᠡᠵᠡᠨ ᠨᠣᠶᠠᠨ ᠲᠠᠨᠢ ᠬᠡᠨ ᠪᠣᠢ? 》 ᠭᠡᠵᠦ ᠰᠤᠷᠠᠪᠠ ᠭᠡᠨᠡ᠃
《 ᠴᠢᠮᠠ ᠳ᠋ᠤ᠌ ᠪᠢ
ᠡᠨᠡ ᠠᠲᠠᠭᠠ ᠮᠠᠷᠭᠤᠭᠠ ᠪᠠᠨ ᠠᠯᠳᠠᠭᠰᠠᠨ ᠪᠣᠯᠪᠠᠴᠤ
ᠴᠢᠮᠠ ᠠ᠋ᠴᠠ ᠪᠢ ᠬᠣᠢᠲᠤᠨ ᠠᠲᠠᠭᠠ ᠮᠠᠷᠭᠤᠭᠠ ᠪᠠᠨ ᠠᠪᠤᠨᠠ
ᠴᠢᠮᠠ ᠳ᠋ᠤ᠌ ᠦᠬᠦᠭᠦᠯᠭᠦᠬᠦ ( ᠠᠯᠠᠭᠤᠯᠬᠤ ) ᠳᠡᠭᠡᠷᠡ ᠪᠡᠨ
ᠡᠵᠡᠨ ᠨᠣᠶᠠᠨ ᠢ᠋ᠶ᠋ᠠᠨ ᠬᠡᠯᠡᠭᠡᠳ ᠠᠯᠪᠠᠲᠤ ᠬᠣᠰᠢᠭᠤ ᠪᠠᠨ ᠬᠡᠯᠡᠭᠡᠳ
ᠶᠠᠮᠠᠷ ᠠᠮᠢᠲᠠᠨ ( ᠬᠥᠮᠦᠨ ) ᠦᠬᠦᠭᠦᠯᠭᠡᠳᠡᠭ ᠪᠣᠯᠭᠠᠨᠠ ᠴᠢ
ᠴᠢ ᠮᠢᠨᠦ ᠠᠮᠠᠨ ᠬᠦᠵᠦᠭᠦᠦ * ᠰᠠᠯᠭᠠᠬᠤ ᠶ᠋ᠢᠨ ᠪᠣᠯᠵᠤ ᠭᠡᠯᠡ ᠨᠢ ᠴᠢ
ᠰᠢᠮᠳᠠᠭᠤᠨ( ᠬᠤᠷᠳᠤᠨ ) ᠰᠠᠯᠭᠠ ᠴᠢ ! 》 ᠭᠡᠵᠦ
ᠬᠡᠯᠡᠭᠡᠳ ᠬᠡᠪᠲᠡᠪᠡ ᠭᠡᠨᠡ᠃
ᠲᠡᠭᠡᠬᠦ ᠳ᠋ᠦ᠍ ᠬᠠᠰᠢᠭ ᠲᠤᠤᠬᠠᠨ ᠰᠢᠷᠭᠠᠯ ᠭᠡᠳᠡᠭ ᠮᠣᠷᠢ ᠨᠢ
ᠲᠠᠯᠪᠢᠭᠠᠳ ( ᠳᠠᠪᠬᠢᠭᠠᠳ ) ᠬᠦᠷᠦᠭᠡᠳ ᠢᠷᠡᠪᠡ ᠭᠡᠨᠡ
《 ᠦ ! ᠲᠠ ᠡᠨᠦᠭᠡᠷ ( ᠡᠭᠦᠨ ᠢ᠋ ) ᠦᠭᠦᠯᠦᠭᠡᠳ
ᠲᠠᠨ ᠳ᠋ᠤ᠌ ᠶᠠᠮᠠᠷ ᠤᠷᠤᠰᠢ ( ᠠᠰᠢᠭ ) ᠢᠷᠡᠬᠦ ᠪᠣᠢ
ᠲᠠ ᠮᠠᠨᠠ ᠬᠣᠶᠠᠷ ᠲᠤ᠌ ᠠᠷᠤ ᠳ᠋ᠤ᠌ ᠪᠠᠨ ᠪᠠᠷᠢᠬᠤ ᠨᠢ
ᠠᠬᠠ ᠦᠭᠡᠢ ᠡᠨᠦᠭᠡᠷ ( ᠡᠭᠦᠨ ᠢ᠋ᠶ᠋ᠡᠷ )
ᠠᠬᠠ ᠪᠠᠨ ᠬᠢᠵᠢᠨ ( ᠪᠣᠯᠭᠠᠵᠤ ) ᠠᠪᠳᠠᠭ ᠦᠭᠡᠢ ᠤᠤ ?
ᠮᠠᠨᠠ ᠬᠣᠶᠠᠷ ᠮᠣᠷᠢᠨ
ᠠᠬᠠ ᠳᠠᠷᠤᠢ ( ᠳᠡᠭᠦᠦ ) ᠪᠠᠷᠢᠯᠳᠤᠵᠤ
ᠨᠢᠭᠡ ᠲᠠᠪᠠ (ᠳᠠᠪᠠᠭᠠ ) ᠶ᠋ᠢᠨ ᠡᠪᠡᠰᠦᠨ ᠡᠴᠡ
ᠬᠤᠪᠢᠶᠠᠯᠴᠠᠵᠤ ᠢᠳᠡᠭᠡᠳ
ᠨᠢᠭᠡ ᠨᠠᠮᠤᠭᠠ ( ᠪᠤᠯᠠᠭ ) ᠤ᠋ᠨ ᠤᠰᠤᠨ ᠠ᠋ᠴᠠ
ᠵᠡᠷᠭᠡᠴᠡᠵᠦ ᠤᠤᠭᠤᠭᠠᠳ
ᠡᠢᠮᠦ ᠰᠠᠢᠬᠠᠨ ᠶᠤᠮ ᠪᠠᠢᠬᠤ ᠨᠢ
ᠲᠠᠨᠠ ᠬᠣᠶᠠᠷ ᠶᠠᠮᠠᠷ ᠮᠠᠭᠤᠬᠠᠢ ᠶ᠋ᠢᠨ ᠪᠣᠯᠵᠤ
ᠰᠠᠭᠤᠳᠠᠭ ᠶᠤᠮ ᠪᠣᠢ? 》 ᠭᠡᠵᠦ ᠬᠡᠯᠡᠪᠡ ᠭᠡᠨᠡ᠃
ᠦ᠂ ᠲᠡᠭᠡᠵᠢᠨ ( ᠲᠡᠭᠡᠵᠦ ) ᠪᠠᠢᠲᠠᠯᠠ
ᠣᠴᠢᠨ ᠴᠣᠬᠣᠷ ᠮᠣᠷᠢ ᠨᠢ
ᠲᠠᠯᠪᠢᠭᠠᠳ ᠬᠦᠷᠦᠭᠡᠳ ᠢᠷᠡᠪᠡ ᠭᠡᠨᠡ
《 ᠦ ᠂ ᠲᠠ ᠡᠨᠦᠭᠡᠷ ( ᠡᠭᠦᠨ ᠢ᠋ ) ᠦᠭᠦᠯᠦᠭᠡᠳ
ᠲᠠᠨ ᠳ᠋ᠤ᠌ ᠶᠠᠮᠠᠷ ᠣᠷᠣᠰᠢ ( ᠠᠰᠢᠭ ) ᠢᠷᠡᠬᠦ ᠪᠣᠢ ?
ᠲᠠ ᠮᠠᠨᠠ ᠬᠣᠶᠠᠷ ᠲᠤ᠌
ᠡᠮᠦᠨᠡ ᠪᠡᠨ ᠪᠠᠷᠢᠬᠤ ᠨᠢ ᠳᠡᠭᠦᠦ ᠦᠭᠡᠢ
ᠡᠨᠦᠭᠡᠷ ( ᠡᠭᠦᠨ ᠢ᠋ᠶ᠋ᠡᠷ ) ᠳᠡᠭᠦᠦ ᠪᠡᠨ
ᠬᠢᠵᠢᠨ ( ᠪᠣᠯᠭᠠᠵᠤ ) ᠠᠪᠳᠠᠭ ᠦᠭᠡᠢ ᠤᠤ ?
ᠮᠠᠨᠠ ᠬᠣᠶᠠᠷ ᠠᠬᠠ ᠳᠠᠷᠤᠢ ( ᠳᠡᠭᠦᠦ ) ᠪᠠᠷᠢᠯᠳᠤᠵᠤ
ᠨᠢᠭᠡ ᠲᠠᠪᠠ ( ᠳᠠᠪᠠᠭᠠ ) ᠶ᠋ᠢᠨ ᠡᠪᠡᠰᠦᠨ ᠡᠴᠡ ᠬᠤᠪᠢᠶᠠᠯᠴᠠᠵᠤ ᠢᠳᠡᠭᠡᠳ
ᠨᠢᠭᠡ ᠨᠠᠮᠤᠭᠠ ( ᠪᠤᠯᠠᠭ ) ᠤ᠋ᠨ ᠤᠰᠤᠨ ᠠ᠋ᠴᠠ ᠵᠡᠷᠭᠡᠴᠡᠵᠦ ᠤᠤᠭᠤᠭᠠᠳ
ᠡᠢᠮᠦ ᠰᠠᠢᠬᠠᠨ ᠶᠤᠮ ᠪᠠᠢᠬᠤ ᠨᠢ
ᠲᠠᠨᠠ ᠬᠣᠶᠠᠷ ᠶᠠᠮᠠᠷ ᠮᠠᠭᠤᠬᠠᠢ ᠶ᠋ᠢᠨ ᠪᠣᠯᠵᠤ
ᠰᠠᠭᠤᠳᠠᠭ ᠶᠤᠮ ᠪᠣᠢ ?》 ᠭᠡᠵᠦ ᠬᠡᠯᠡᠪᠡ ᠭᠡᠨᠡ ᠃
《 ᠦ ᠂ ᠡᠨᠡ ᠡᠪᠡᠰᠦᠨ ᠬᠦᠢᠲᠡᠨ
ᠮᠠᠯ ᠢᠭᠢᠵᠦ ( ᠢᠩᠭᠢᠵᠦ ) ᠪᠠᠢᠬᠤ ᠳ᠋ᠤ᠌
ᠨᠡᠷᠡ ᠲᠡᠢ ᠲᠥᠷᠥᠭᠰᠡᠨ ᠮᠠᠨᠠ ᠬᠣᠶᠠᠷ
ᠲᠡᠭᠡ ( ᠲᠡᠭᠡᠭᠡᠳ ) ᠶᠠᠭᠠᠬᠢᠯᠠ 》 ᠭᠡᠬᠦ ᠳ᠋ᠦ᠍
ᠬᠣᠶᠠᠭᠤᠯᠠ ᠪᠠᠨ ᠪᠣᠰᠤᠨ ᠭᠦᠶᠦᠭᠡᠳ ᠣᠷᠬᠢᠪᠠ ᠭᠡᠨᠡ
ᠴᠡᠴᠡᠭᠡᠢ ᠴᠡᠴᠡᠭᠡᠢ ( ᠨᠢᠳᠦ ) ᠶ᠋ᠢᠨ ᠢ᠋ᠶ᠋ᠡᠨ ᠰᠢᠷᠣᠢ ᠶ᠋ᠢ
ᠬᠡᠯᠡ ᠬᠡᠯᠡ ᠪᠡᠷ ᠢ᠋ᠶ᠋ᠡᠨ ᠳᠣᠯᠢᠶᠠᠯᠴᠠᠭᠠᠳ ᠢᠷᠡᠪᠡ ᠭᠡᠨᠡ
ᠬᠠᠴᠠᠷ ᠬᠠᠴᠠᠷ ᠤ᠋ᠨ ᠢ᠋ᠶ᠋ᠠᠨ ᠰᠢᠷᠣᠢ ᠶ᠋ᠢ
ᠠᠯᠢᠬᠠ ᠠᠯᠢᠬᠠ ( ᠠᠯᠠᠭᠠ ) ᠪᠠᠷ ᠢ᠋ᠶ᠋ᠠᠨ
ᠠᠷᠴᠢᠯᠴᠠᠭᠠᠳ ᠢᠷᠡᠪᠡ ᠭᠡᠨᠡ᠃
《 ᠮᠠᠨᠠ ᠬᠣᠶᠠᠷ ᠪᠣᠯᠬᠤᠯᠠ ᠨᠢ
ᠴᠣᠬᠢᠷᠠᠯᠳᠤᠵᠤ ᠭᠦᠪᠳᠦᠷᠡᠯᠳᠦᠵᠦ ( ᠵᠣᠳᠣᠯᠳᠤᠵᠤ ) ᠰᠠᠭᠤᠭᠰᠠᠨ
ᠡᠨᠡ ᠪᠣᠯᠬᠤᠯᠠ ᠨᠢ
ᠠᠩᠭᠢᠳᠠ ᠪᠠᠨ ᠪᠠᠢᠨᠠ
ᠠᠬᠠ ᠳᠡᠭᠦᠦ ᠮᠠᠨᠠ ᠬᠣᠶᠠᠷ
ᠠᠩᠭᠢᠳᠠ ᠪᠠᠢᠨᠠ 》 ᠭᠡᠵᠦ
ᠬᠡᠲᠡ ᠶ᠋ᠢᠨ ᠢ᠋ᠶ᠋ᠡᠨ ᠳᠡᠭᠡᠭ ( ᠲᠡᠭᠡᠭᠯᠡᠭᠦᠷ ) ᠳᠡᠭᠡᠷᠡ
ᠲᠡᠭᠡ ᠬᠤᠴᠠ ᠬᠣᠶᠠᠷ ᠲᠡᠭᠡ ᠬᠤᠴᠠ ᠬᠣᠶᠠᠷ
ᠮᠥᠷᠭᠥᠯᠳᠦᠭᠦᠯᠦᠨ ᠮᠥᠷᠭᠥᠯᠳᠦᠭᠦᠯᠦᠨ ᠰᠡᠢᠯᠦᠭᠡᠳ ᠣᠷᠬᠢᠪᠠ ᠭᠡᠨᠡ ᠃
《 ᠲᠡᠷᠡ ᠬᠣᠶᠠᠷ ᠲᠡᠨᠳᠡ ᠪᠡᠨ ᠪᠠᠢᠨᠠ
ᠠᠬᠠ ᠳᠡᠭᠦᠦ ᠮᠠᠨᠠ ᠬᠣᠶᠠᠷ ᠠᠳᠠ ᠪᠠᠨ ᠪᠠᠢᠨᠠ !》 ᠭᠡᠵᠦ
ᠠᠬᠠ ᠳᠡᠭᠦᠦ ᠪᠠᠷᠢᠯᠳᠤᠭᠠᠳ ᠣᠷᠬᠢᠪᠠ ᠭᠡᠨᠡ ᠃
ᠵᠠ ᠲᠡᠭᠡᠵᠢᠨ( ᠲᠡᠭᠡᠵᠦ ) ᠠᠪᠤᠭᠠᠳ
《 ᠠᠬᠠ ᠮᠢᠨᠢ ᠂ ᠠᠬᠠ ᠮᠢᠨᠢ !
ᠠᠮᠤᠷ ᠰᠠᠢᠬᠠᠨ ᠨᠤᠲᠤᠭ ᠪᠠᠭᠤᠷᠢ ᠲᠠᠨᠢ ᠬᠠᠮᠢᠭᠠ ᠪᠣᠢ ?
ᠡᠵᠡᠨ ᠨᠣᠶᠠᠨ ᠲᠠᠨᠢ ᠬᠡᠨ ᠪᠣᠢ ? 》 ᠭᠡᠵᠦ ᠰᠤᠷᠠᠪᠠ ᠭᠡᠨᠡ ᠃
《 ᠠ ᠂ ᠳᠡᠭᠦᠦ ᠮᠢᠨᠢ ᠠᠬᠠ ᠳ᠋ᠤ᠌ ᠴᠢᠨᠢ
ᠡᠵᠡᠨ ᠨᠣᠶᠠᠨ ᠭᠡᠬᠦ ᠴᠢᠭ( ᠴᠦ᠍ ) ᠶ᠋ᠢᠨ
ᠪᠠᠢᠳᠠᠭ ᠦᠭᠡᠢ ᠪᠢᠯᠡ
ᠠᠯᠪᠠᠲᠤ ᠬᠤᠰᠢᠭᠤᠨ ᠴᠢᠭ( ᠴᠦ᠍ ) ᠭᠡᠬᠦ ᠶ᠋ᠢᠨ
ᠪᠠᠢᠳᠠᠭ ᠦᠭᠡᠢ ᠪᠢᠯᠡ ᠃
ᠬᠠᠷᠠ ᠴᠢᠯᠠᠭᠤᠨ ᠠ᠋ᠴᠠ ᠬᠠᠭᠠᠷᠠᠵᠤ ᠭᠠᠷᠤᠭᠰᠠᠨ
ᠤᠯᠠᠭᠠᠨ ᠴᠢᠯᠠᠭᠤᠨ ᠠ᠋ᠴᠠ ᠦᠢᠷᠡᠵᠦ ᠭᠠᠷᠤᠭᠰᠠᠨ
ᠲᠡᠭᠷᠢ ᠭᠠᠵᠠᠷ ᠬᠣᠶᠠᠷ ᠤ᠋ᠨ ᠵᠠᠪᠰᠠᠷ ᠲᠤ᠌
ᠮᠠᠳ ᠤᠯᠠᠭᠠᠨ ᠬᠥᠪᠡᠭᠦᠨ ᠭᠡᠵᠦ
ᠨᠡᠷᠡᠲᠡᠢ ᠪᠠᠢᠭᠰᠠᠨ ᠬᠥᠪᠡᠭᠦᠨ ᠪᠢ ᠪᠠᠢᠨᠠ 》 ᠭᠡᠵᠦ ᠬᠡᠯᠡᠪᠡ ᠭᠡᠨᠡ᠃
《 ᠵᠠ ᠂ ᠳᠡᠭᠦᠦ ᠮᠢᠨᠢ! ᠠᠮᠤᠷ ᠰᠠᠢᠬᠠᠨ
ᠨᠤᠲᠤᠭ ᠪᠠᠭᠤᠷᠢ ᠴᠢᠨᠢ ᠬᠠᠮᠢᠭᠠ ᠪᠢᠯᠡ ?
ᠡᠵᠡᠨ ᠨᠣᠶᠠᠨ ᠴᠢᠨᠢ ᠬᠡᠨ ᠪᠢᠯᠡ ?》 ᠰᠤᠷᠠᠪᠠ ᠭᠡᠨᠡ ᠃
《 ᠠ᠂ ᠪᠢ ᠪᠣᠯᠬᠤᠯᠠ ᠨᠢ ᠪᠠᠷᠠᠭᠤᠨ ᠬᠣᠢᠲᠤ ᠵᠦᠭ ᠢ᠋
ᠪᠠᠷᠢᠨ ᠡᠵᠡᠯᠡᠨ ᠰᠠᠭᠤᠭᠰᠠᠨ
ᠪᠠᠶᠠᠨ ᠬᠦᠳᠡᠷ ᠠᠯᠲᠠᠢ ᠬᠠᠭᠠᠨ ᠤ᠋
ᠭᠠᠭᠴᠠ ᠲᠠᠢᠵᠢ ᠪᠠᠢᠨᠠ᠃
ᠮᠠᠨᠠ ᠠᠪᠤ ᠪᠠᠯᠮᠠᠭᠡᠷᠡᠯ
ᠬᠣᠶᠠᠷ ᠪᠠᠲᠤᠲᠠᠢᠬᠠᠨ ᠭᠤᠷᠪᠠᠨ ᠦᠭᠡ
ᠬᠦᠦᠨᠢᠯᠳᠦᠬᠦ ( ᠶᠠᠷᠢᠯᠴᠠᠬᠤ ) ᠨᠢ ᠬᠦᠦᠨᠢᠯᠳᠦᠭᠰᠡᠨ ᠭᠡᠨᠡ
ᠨᠠᠷᠠᠨᠽᠠᠠᠳᠠᠨ ᠠᠪᠠᠬᠠᠢ ᠶ᠋ᠢ ᠵᠠᠯᠠᠬᠤ ᠪᠠᠷ ᠰᠢᠢᠳᠬᠦ ᠨᠢ ᠰᠢᠢᠳᠦᠭᠰᠡᠨ ᠭᠡᠨᠡ᠃
ᠬᠤᠤᠷᠠᠨ ᠱᠣᠣ ᠶ᠋ᠢᠨ ᠶᠡᠬᠡ ᠳᠠᠯᠠᠢ ᠲᠠᠢ ᠭᠡᠨᠡ
ᠬᠣᠣᠷᠲᠠᠨ ᠮᠣᠭᠠᠢ ᠶ᠋ᠢᠨ ᠶᠡᠬᠡ ᠳᠠᠢᠰᠤᠨ ᠲᠠᠢ ᠭᠡᠨᠡ
ᠲᠤᠷᠤᠭ ᠰᠢᠪᠠᠭᠤᠨ ᠲᠤᠷᠠᠵᠤ ᠬᠦᠷᠦᠮᠡᠷ
ᠬᠣᠯᠠ ᠭᠠᠵᠠᠷ ᠭᠡᠨᠡ
ᠡᠯᠢᠶᠡ ᠰᠢᠪᠠᠭᠤᠨ ᠭᠤᠷᠪᠠ ᠥᠨᠳᠡᠭᠡᠯᠡᠵᠦ ᠬᠦᠷᠦᠮᠡᠷ
ᠬᠣᠯᠠ ᠭᠠᠵᠠᠷ ᠭᠡᠨᠡ !》 ᠭᠡᠵᠦ ᠬᠡᠯᠡᠪᠡ ᠭᠡᠨᠡ
《 ᠠ ᠂ ᠲᠡᠭᠡᠭᠰᠡᠨ ᠬᠣᠢᠨᠠ ᠪᠠᠨ
ᠳᠡᠭᠦᠦ ᠮᠢᠨᠢ ᠡᠦᠲᠦ ᠴᠢ ᠰᠠᠨᠠᠭᠠ ᠵᠣᠪᠠᠬᠤ ᠬᠡᠷᠡᠭ ᠦᠭᠡᠢ
ᠠᠮᠢᠲᠠᠨ ( ᠬᠥᠮᠦᠨ ) ᠪᠢ ᠲᠠᠨᠢᠨᠠ ᠭᠠᠵᠠᠷ ᠪᠢ ᠮᠡᠳᠡᠨᠡ 》 ᠭᠡᠵᠦ
ᠮᠠᠳ ᠤᠯᠠᠭᠠᠨ ᠬᠥᠪᠡᠭᠦᠨ ᠬᠡᠯᠡᠪᠡ ᠭᠡᠨᠡ ᠃
ᠲᠡᠭᠡᠵᠢᠨ ( ᠲᠡᠭᠡᠵᠦ ) ᠠᠪᠤᠭᠠᠳ ᠲᠡᠨᠳᠡ ᠡᠴᠡ ᠨᠢ
ᠴᠠᠭᠠᠷᠠ ( ᠴᠠᠰᠢ ᠪᠠᠨ ) ᠶᠠᠪᠤᠪᠠ ᠭᠡᠨᠡ᠃
ᠠᠰᠬᠠᠨ ( ᠦᠳᠡᠰᠢ ) ᠬᠦᠷᠴᠦ ᠪᠠᠭᠤᠪᠠ ᠭᠡᠨᠡ᠃
《 ᠵᠠ ᠂ ᠳᠡᠭᠦᠦ ᠮᠢᠨᠢ !
ᠴᠢ ᠡᠨᠡ ᠲᠣᠯᠣᠭᠠᠢ (ᠥᠨᠳᠥᠷ ) ᠦ᠋ᠨ ᠳᠡᠭᠡᠷᠡ ᠭᠠᠷᠤᠭᠠᠴᠢ
ᠴᠢᠮᠠ ᠳ᠋ᠤ᠌ ᠶᠠᠭᠤᠨ ᠦᠵᠡᠭᠳᠡᠨᠡ ?》 ᠭᠡᠵᠦ ᠬᠡᠯᠡᠪᠡ ᠭᠡᠨᠡ ᠃
ᠭᠠᠷᠴᠢᠨ ( ᠭᠠᠷᠴᠤ ) ᠬᠠᠯᠢᠶᠠᠪᠠ ( ᠬᠠᠷᠠᠪᠠ ) ᠭᠡᠨᠡ
《 ᠦ ᠂ ᠨᠢᠭᠡ ᠶᠡᠬᠡ ᠳᠠᠪᠠᠬᠤ ᠨᠢ ᠳᠠᠪᠠᠴᠠᠭᠠᠨ * ᠦᠭᠡᠢ
ᠲᠣᠭᠣᠷᠢᠬᠤ ᠨᠢ ᠲᠣᠭᠣᠷᠢᠴᠠᠭᠠᠨ * ᠦᠭᠡᠢ
ᠨᠢᠭᠡ ᠶᠡᠬᠡ ᠴᠠᠩᠬᠢᠷ ᠴᠠᠭᠠᠨ ᠬᠠᠳᠠ ᠪᠠᠢᠨᠠ
ᠡᠨᠡᠭᠦᠨ ( ᠡᠭᠦᠨ ) ᠳ᠋ᠦ᠍ ᠶᠠᠭᠠᠬᠢᠵᠤ ᠭᠠᠷᠬᠤ ᠪᠣᠢ? 》 ᠭᠡᠵᠦ ᠬᠡᠯᠡᠪᠡ ᠭᠡᠨᠡ ᠃
《 ᠠ! ᠳᠡᠭᠦᠦ ᠮᠢᠨᠢ ᠲᠡᠷᠡ ᠴᠢᠨᠢ ᠶᠠᠮᠠᠷ ᠤ᠋ᠨ
ᠴᠠᠩᠬᠢᠷ ᠴᠠᠭᠠᠨ ᠬᠠᠳᠠ ᠪᠠᠢᠬᠤ ᠪᠣᠢ
ᠲᠡᠭᠷᠢ ᠶ᠋ᠢᠨ ᠬᠣᠣᠷᠲᠠᠨ ᠳᠣᠯᠣᠭᠠᠨ ᠲᠠᠷᠪᠠᠭᠠ ᠭᠡᠭᠴᠢ
ᠲᠡᠷᠡ ᠪᠠᠢᠨᠠ !
ᠳᠣᠯᠣᠭᠠᠨ ᠡᠳᠦᠷ ᠦ᠋ᠨ ᠬᠠᠯᠠᠭᠤ ᠲᠠᠪᠢᠬᠤ ( ᠲᠠᠯᠪᠢᠬᠤ ) ᠳ᠋ᠤ᠌
ᠨᠦᠬᠡᠨ ᠳ᠋ᠡᠭᠡᠨ ᠲᠣᠯᠣᠭᠠᠢ ᠪᠠᠨ ᠲᠦᠷ ᠰᠢᠷᠭᠤᠭᠤᠯᠤᠨ ᠬᠡᠪᠲᠡᠳᠡᠭ ᠪᠢᠯᠡ
ᠲᠡᠭᠡᠬᠦ ᠳ᠋ᠦ᠍ ᠬᠤᠷᠳᠤᠨ ᠭᠠᠷᠤᠭᠠᠳ ᠣᠳᠳᠠᠭ ᠠ᠋ 》 ᠭᠡᠵᠦ ᠬᠡᠯᠡᠪᠡ ᠭᠡᠨᠡ
ᠳᠣᠯᠣᠭᠠᠨ ᠬᠣᠨᠣᠭ ᠤ᠋ᠨ ᠬᠠᠯᠠᠭᠤ ᠲᠠᠪᠢᠵᠢᠨ ( ᠲᠠᠯᠪᠢᠵᠤ )ᠣᠷᠬᠢᠭᠠᠳ
ᠲᠡᠭᠷᠢ ᠶ᠋ᠢᠨ ᠬᠣᠣᠷᠲᠠᠨ ᠳᠣᠯᠣᠭᠠᠨ ᠲᠠᠷᠪᠠᠭᠠ
ᠨᠦᠬᠡᠨ ᠳ᠋ᠡᠭᠡᠨ ᠲᠣᠯᠣᠭᠠᠢ ᠪᠠᠨ ᠲᠦᠷ ᠰᠢᠷᠭᠤᠯᠠᠨ ᠬᠡᠪᠲᠡᠬᠦ ᠳ᠋ᠦ᠍
ᠭᠠᠷᠤᠭᠠᠳ ᠣᠳᠪᠠ ᠭᠡᠨᠡ ᠃
ᠲᠡᠨᠳᠡ ᠡᠴᠡ ᠨᠢ ᠴᠠᠭᠠᠷᠠ ᠶᠠᠪᠤᠵᠢᠨ( ᠴᠠᠰᠢ ᠶᠠᠪᠤᠵᠤ )
ᠠᠰᠬᠠᠨ ( ᠦᠳᠡᠰᠢ ) ᠪᠠᠭᠤᠪᠠ ᠭᠡᠨᠡ
《 ᠵᠠ! ᠳᠡᠭᠦᠦ ᠮᠢᠨᠢ ᠴᠢ
ᠡᠨᠡ ᠲᠣᠯᠣᠭᠠᠢ ( ᠥᠨᠳᠥᠷ ) ᠦ᠋ᠨ ᠳᠡᠭᠡᠷᠡ ᠭᠠᠷᠤᠭᠠᠴᠢ !
ᠡᠦᠲᠦ ᠴᠢᠮᠠ ᠳ᠋ᠤ᠌ ᠶᠠᠭᠤᠨ ᠦᠵᠡᠭᠳᠡᠨᠡ ?》
ᠭᠡᠵᠦ ᠬᠡᠯᠡᠪᠡ ᠭᠡᠨᠡ᠃
ᠭᠠᠷᠴᠢᠨ ᠬᠠᠯᠢᠶᠠᠪᠠ ( ᠭᠠᠷᠴᠤ ᠬᠠᠷᠠᠪᠠ ) ᠭᠡᠨᠡ
《 ᠦ ᠂ ᠠᠬᠠ ᠮᠢᠨᠢ ᠂ ᠠᠬᠠ ᠮᠢᠨᠢ
ᠭᠠᠲᠤᠯᠬᠤ ᠨᠢ ᠭᠠᠲᠤᠯᠭᠠᠨ * ᠦᠭᠡᠢ
ᠲᠣᠭᠣᠷᠢᠬᠤ ᠨᠢ ᠲᠣᠭᠣᠷᠢᠴᠠᠭᠠᠨ * ᠦᠭᠡᠢ
ᠨᠢᠭᠡ ᠶᠡᠬᠡ ᠬᠥᠯ ᠦᠭᠡᠢ ᠬᠥᠬᠡ ᠳᠠᠯᠠᠢ ᠪᠠᠢᠨᠠ
ᠡᠨᠡᠭᠦᠨ ( ᠡᠭᠦᠨ ) ᠳ᠋ᠦ᠍ ᠶᠠᠭᠠᠬᠢᠵᠤ ᠭᠠᠷᠬᠤ ᠪᠣᠢ?》
ᠭᠡᠵᠦ ᠬᠡᠯᠡᠪᠡ ᠭᠡᠨᠡ
《 ᠠ! ᠳᠡᠭᠦᠦ ᠮᠢᠨᠢ ᠲᠡᠷᠡ ᠪᠣᠯᠬᠤᠯᠠ ᠨᠢ
ᠲᠡᠭᠷᠢ ᠶ᠋ᠢᠨ ᠬᠤᠤᠷᠠᠨ ᠱᠣᠣ ᠳᠠᠯᠠᠢ ᠭᠡᠳᠡᠭ ᠲᠡᠷᠡ ᠪᠠᠢᠨᠠ
ᠬᠥᠪᠡᠭᠡ ᠳᠡᠭᠡᠷᠡ ᠨᠢ ᠬᠦᠷᠦᠭᠡᠳ
ᠮᠣᠷᠢᠨ ᠤ᠋ ᠪᠠᠨ ᠲᠣᠰᠣᠨ ᠴᠢᠮᠦᠭᠡᠨ ᠳ᠋ᠦ᠍ᠨᠢ ᠬᠦᠷᠲᠡᠯᠡ
ᠭᠤᠷᠪᠠ ᠭᠤᠷᠪᠠᠨ ᠲᠠᠰᠢᠭᠤᠷ ᠥᠭᠭᠦᠭᠡᠳ ( ᠲᠠᠰᠢᠭᠤᠷᠳᠠᠭᠠᠳ )ᠣᠷᠬᠢᠪᠠᠯ
ᠦᠰᠦᠷᠦᠭᠡᠳ ᠦᠰᠦᠷᠦᠭᠡᠳ ᠭᠠᠷᠤᠭᠠᠳ ᠣᠳᠳᠠᠭ ᠠ᠋ !》
ᠭᠡᠵᠦ ᠬᠡᠯᠡᠪᠡ ᠭᠡᠨᠡ ᠃
ᠭᠤᠷᠪᠠ ᠭᠤᠷᠪᠠᠨ ᠲᠠᠰᠢᠭᠤᠷ ᠥᠭᠬᠦ ᠳ᠋ᠦ᠍
ᠦᠰᠦᠷᠦᠭᠡᠳ ᠦᠰᠦᠷᠦᠭᠡᠳ ᠭᠠᠷᠪᠠ ᠭᠡᠨᠡ
ᠠᠷᠤ ᠳ᠋ᠤ᠌ ( ᠬᠣᠢᠲᠤ ) ᠬᠣᠶᠠᠷ ᠲᠤᠭᠤᠷᠠᠢ ᠨᠢ
ᠬᠣᠳᠬᠣᠭᠳᠠᠭᠠᠳ ᠬᠣᠳᠬᠣᠭᠳᠠᠭᠠᠳ ᠣᠷᠬᠢᠪᠠ ᠭᠡᠨᠡ
ᠮᠥᠯᠲᠥᠷᠡᠭᠡᠳ ᠮᠥᠯᠲᠥᠷᠡᠭᠡᠳ ᠤᠨᠠᠪᠠ ᠭᠡᠨᠡ ᠃
ᠬᠣᠨᠣᠭᠤᠯᠳᠠᠭ ᠦᠭᠡᠢ
ᠬᠣᠨᠢᠨ ᠴᠠᠭᠠᠨ ᠡᠮ ᠢ᠋ᠶ᠋ᠡᠨ ᠰᠠᠴᠤᠪᠠ ᠭᠡᠨᠡ
ᠦᠳᠡᠯᠡᠳᠡᠭ ( ᠦᠳᠡ ᠪᠣᠯᠭᠠᠳᠠᠭ ) ᠦᠭᠡᠢ
ᠦᠨᠡᠨ ᠴᠠᠭᠠᠨ ᠡᠮ ᠢ᠋ᠶ᠋ᠡᠨ ᠰᠠᠴᠤᠵᠢᠨ( ᠰᠠᠴᠤᠵᠤ )
ᠠᠶᠠᠲᠠᠭᠠᠵᠢᠨ ( ᠡᠳᠡᠭᠡᠷᠡᠭᠦᠯᠦᠨ ) ᠠᠪᠤᠪᠠ ᠭᠡᠨᠡ ᠃
ᠲᠡᠳᠡ ᠡᠴᠡ ᠨᠢ ᠴᠠᠭᠠᠷᠠ ( ᠴᠠᠰᠢ ᠪᠠᠨ ) ᠶᠠᠪᠤᠪᠠ ᠭᠡᠨᠡ ᠃
ᠠᠰᠬᠠᠨ ( ᠦᠳᠡᠰᠢ ) ᠬᠦᠷᠴᠦ ᠪᠠᠭᠤᠪᠠ ᠭᠡᠨᠡ ᠃
《 ᠵᠠ! ᠳᠡᠭᠦᠦ ᠮᠢᠨᠢ ᠴᠢ
ᠡᠨᠡ ᠲᠣᠯᠣᠭᠠᠢ ( ᠥᠨᠳᠥᠷ ) ᠦ᠋ᠨ ᠳᠡᠭᠡᠷᠡ ᠭᠠᠷᠤᠭᠠᠴᠢ
ᠡᠦᠲᠦ ᠴᠢᠮᠠ ᠳ᠋ᠤ᠌ ᠶᠠᠭᠤᠨ ᠦᠵᠡᠭᠳᠡᠨᠡ? 》 ᠭᠡᠵᠦ ᠬᠡᠯᠡᠪᠡ ᠭᠡᠨᠡ
ᠭᠠᠷᠴᠢᠨ ᠬᠠᠯᠢᠶᠠᠪᠠ ( ᠭᠠᠷᠴᠤ ᠬᠠᠷᠠᠪᠠ ) ᠭᠡᠨᠡ ᠃
《 ᠦ ᠂ ᠨᠢᠭᠡ ᠳᠠᠪᠠᠬᠤ ᠨᠢ ᠳᠠᠪᠠᠴᠠᠭᠠᠨ * ᠦᠭᠡᠢ
ᠲᠣᠭᠣᠷᠢᠬᠤ ᠨᠢ ᠲᠣᠭᠣᠷᠢᠴᠠᠭᠠᠨ * ᠦᠭᠡᠢ
ᠨᠢᠭᠡᠨ ᠶᠡᠬᠡ ᠬᠠᠷᠠ ᠠᠭᠤᠯᠠ ᠪᠠᠢᠨᠠ
ᠡᠨᠡᠭᠦᠨ( ᠡᠭᠦᠨ ) ᠳ᠋ᠦ᠍ ᠶᠠᠭᠠᠬᠢᠵᠤ ᠭᠠᠷᠬᠤ ᠪᠣᠢ? 》
ᠭᠡᠵᠦ ᠬᠡᠯᠡᠪᠡ ᠭᠡᠨᠡ᠃
《 ᠠ! ᠳᠡᠭᠦᠦ ᠮᠢᠨᠢ
ᠲᠡᠷᠡ ᠴᠢᠨᠢ ᠶᠠᠮᠠᠷ ᠶᠤᠮ ᠠᠭᠤᠯᠠ ᠪᠠᠢᠬᠤ ᠪᠣᠢ
ᠲᠡᠭᠷᠢ ᠶ᠋ᠢᠨ ᠬᠣᠣᠷᠲᠠᠨ ᠮᠣᠭᠠᠢ ᠭᠡᠭᠴᠢ ᠲᠡᠷᠡ ᠪᠠᠢᠨᠠ !
ᠳᠣᠯᠣᠭᠠᠨ ᠬᠣᠨᠣᠭ ᠤ᠋ᠨ ᠲᠡᠮᠦᠷ ᠮᠥᠨᠳᠥᠷ ᠪᠠᠭᠤᠯᠭᠠᠵᠤ ᠢᠷᠡᠬᠦ ᠳ᠋ᠦ᠍
ᠨᠦᠬᠡᠨ ᠦ᠌ ᠮᠤᠬᠤᠷ ᠲᠠᠭᠠᠨ ᠲᠦᠷ ᠣᠷᠣᠵᠤ ᠬᠡᠪᠲᠡᠳᠡᠭ ᠪᠢᠯᠡ
ᠲᠡᠭᠡᠬᠦ ᠳ᠋ᠦ᠍ ᠬᠤᠷᠳᠤᠨ ᠭᠠᠷᠤᠭᠠᠳ ᠣᠳᠳᠠᠭ ᠠ᠋ 》
ᠭᠡᠵᠦ ᠬᠡᠯᠡᠪᠡ ᠭᠡᠨᠡ᠃
ᠲᠡᠭᠡᠭᠡᠳ ᠳᠣᠯᠣᠭᠠᠨ ᠬᠣᠨᠣᠭ ᠤ᠋ᠨ ᠲᠡᠮᠦᠷ ᠮᠥᠨᠳᠥᠷ ᠢ᠋
ᠪᠠᠭᠤᠯᠭᠠᠵᠢᠨ ( ᠪᠠᠭᠤᠯᠭᠠᠵᠤ ) ᠣᠷᠬᠢᠭᠠᠳ
ᠲᠡᠭᠷᠢ ᠶ᠋ᠢᠨ ᠬᠣᠣᠷᠲᠠᠨ ᠮᠣᠭᠠᠢ
ᠨᠦᠬᠡᠨ ᠦ᠌ ᠮᠤᠬᠤᠷ ᠲᠠᠭᠠᠨ ᠲᠦᠷ ᠣᠷᠣᠵᠤ ᠬᠡᠪᠲᠡᠬᠦ ᠳ᠋ᠦ᠍ᠨᠢ
ᠶᠠᠪᠤᠵᠢᠨ ( ᠶᠠᠪᠤᠵᠤ ) ᠪᠠᠢᠪᠠ ᠭᠡᠨᠡ ᠃
ᠲᠡᠭᠡᠬᠦ ᠳ᠋ᠦ᠍ ᠬᠠᠨ ᠴᠡᠩᠭᠡᠯ ᠬᠥᠪᠡᠭᠦᠨ ᠬᠡᠯᠡᠪᠡ ᠭᠡᠨᠡ
《 ᠠᠬᠠ ᠮᠢᠨᠢ ᠂ ᠠᠬᠠ ᠮᠢᠨᠢ!
ᠡᠨᠡ ᠱᠠᠯᠠ * ᠶᠠᠮᠠᠷ ᠭᠡᠭᠴᠢ ᠰᠠᠢᠬᠠᠨ ᠡᠷᠢᠶᠡ ᠲᠡᠢ
ᠱᠠᠯᠠ * ᠪᠣᠢ? 》 ᠭᠡᠵᠦ ᠬᠡᠯᠡᠪᠡ ᠭᠡᠨᠡ
《 ᠦ᠂ ᠳᠡᠭᠦᠦ ᠮᠢᠨᠢ
ᠪᠠᠭᠠᠬᠠᠨ( ᠳᠣᠣᠷᠠ ) ᠳᠤᠤᠭᠠᠷ ᠴᠢ
ᠶᠠᠮᠠᠷ ᠤ᠋ᠨ ᠡᠷᠢᠶᠡ ᠲᠡᠢ ᠱᠠᠯᠠ * ᠪᠠᠢᠳᠠᠭ ᠪᠣᠢ
ᠬᠣᠣᠷᠲᠠᠨ ᠮᠣᠭᠠᠢ ᠶ᠋ᠢᠨ ᠨᠢᠷᠤᠭᠤᠨ ᠪᠠᠢᠨᠠ !》
ᠭᠡᠵᠦ ᠬᠡᠯᠡᠪᠡ ᠭᠡᠨᠡ᠃
ᠲᠡᠨᠳᠡ ᠡᠴᠡ ᠨᠢ ᠴᠠᠭᠠᠷᠠ ( ᠴᠠᠰᠢ ) ᠭᠠᠷᠪᠠ ᠭᠡᠨᠡ
ᠴᠠᠰᠤᠨ ᠪᠣᠯᠬᠤᠯᠠ ᠨᠢ ᠡᠪᠦᠯ ᠪᠣᠯᠵᠤ ᠪᠣᠢ ᠪᠠᠢᠨᠠ
ᠬᠤᠷᠠ ᠪᠣᠯᠬᠤᠯᠠ ᠨᠢ ᠵᠤᠨ ᠪᠣᠯᠵᠤ ᠪᠣᠢ ᠪᠠᠢᠨᠠ ᠭᠡᠵᠦ
ᠪᠣᠳᠣᠭᠠᠳ ᠲᠠᠪᠠᠯᠭᠠᠭᠠᠳ * ᠪᠠᠢᠪᠠ᠃
ᠨᠢᠭᠡᠨ ᠡᠳᠦᠷ ᠪᠣᠯᠪᠠ ᠭᠡᠨᠡ
ᠵᠠᠭ ᠮᠣᠳᠣ ᠨᠠᠢᠭᠤᠭᠰᠠᠨ
ᠵᠠᠬᠠ ᠬᠣᠨᠢᠴᠢᠨ ᠳ᠋ᠤ᠌ ᠬᠦᠷᠦᠭᠡᠳ ᠢᠷᠡᠪᠡ ᠭᠡᠨᠡ
ᠨᠢᠭᠡᠨ ᠬᠥᠭᠰᠢᠨ ᠬᠥᠮᠦᠨ
ᠬᠣᠨᠢ ᠬᠠᠷᠢᠭᠤᠯᠵᠢᠨ ( ᠬᠠᠷᠢᠭᠤᠯᠵᠤ ) ᠪᠠᠢᠪᠠ ᠭᠡᠨᠡ᠃
《 ᠲᠠᠨᠠ ᠬᠣᠶᠠᠷ ᠨᠢᠭᠤᠷ ᠲᠤ᠌ ᠪᠠᠨ ᠭᠠᠯ ᠲᠠᠢ
ᠨᠢᠳᠦᠨ ᠳ᠋ᠦ᠍ ᠪᠡᠨ ᠴᠣᠭ ᠲᠠᠢ
ᠪᠣᠰᠢ ᠦᠭᠡᠢ ( ᠣᠨᠴᠠ ) ᠬᠡᠴᠡᠭᠦᠦ ( ᠴᠢᠳᠠᠪᠤᠷᠢᠲᠠᠢ ) ᠬᠥᠪᠡᠭᠦᠨ
ᠬᠠᠮᠢᠭᠠ ᠶᠠᠪᠤᠵᠢᠨ ( ᠶᠠᠪᠤᠵᠤ ) ᠪᠠᠢᠨᠠ ᠪᠣᠢ?
ᠨᠤᠲᠤᠭ ᠤᠰᠤᠨ ᠴᠢᠨᠢ ᠬᠠᠮᠢᠭᠠ ᠪᠣᠢ ?
ᠡᠵᠡᠨ ᠨᠣᠶᠠᠨ ᠴᠢᠨᠢ ᠬᠡᠨ ᠪᠣᠢ?》 ᠭᠡᠵᠦ ᠰᠤᠷᠠᠪᠠ ᠭᠡᠨᠡ᠃
ᠲᠡᠭᠡᠬᠦ ᠳ᠋ᠦ᠍ ᠮᠠᠳ ᠤᠯᠠᠭᠠᠨ ᠬᠥᠪᠡᠭᠦᠨ ᠬᠡᠯᠡᠪᠡ ᠭᠡᠨᠡ
《 ᠮᠠᠨᠠ ᠬᠣᠶᠠᠷ ᠪᠣᠯᠬᠤᠯᠠ ᠨᠢ
ᠪᠠᠷᠠᠭᠤᠨ ᠬᠣᠢᠲᠤ ᠵᠦᠭ ᠢ᠋
ᠪᠠᠷᠢᠨ ᠡᠵᠡᠯᠡᠨ ᠰᠠᠭᠤᠭᠰᠠᠨ
ᠪᠠᠶᠠᠨ ᠬᠦᠳᠡᠷ ᠠᠯᠲᠠᠢ ᠬᠠᠭᠠᠨ ᠤ᠋
ᠬᠣᠶᠠᠷ ᠲᠠᠢᠵᠢ ᠪᠠᠢᠨᠠ ᠃
ᠮᠠᠨᠠ ᠠᠪᠤ ᠪᠠᠯᠮᠠᠭᠡᠷᠡᠯ ᠬᠠᠭᠠᠨ
ᠬᠣᠶᠠᠷ ᠪᠠᠲᠤᠲᠠᠢᠬᠠᠨ ᠭᠤᠷᠪᠠᠨ ᠦᠭᠡ
ᠬᠦᠦᠨᠢᠯᠳᠦᠬᠦ ( ᠶᠠᠷᠢᠯᠴᠠᠬᠤ ) ᠨᠢ ᠬᠦᠦᠨᠢᠯᠳᠦᠭᠰᠡᠨ ᠭᠡᠨᠡ
ᠨᠠᠷᠠᠨᠽᠠᠠᠳᠠᠨ ᠠᠪᠠᠬᠠᠢ ᠶ᠋ᠢ ᠵᠠᠯᠠᠬᠤ ᠪᠠᠷ
ᠰᠢᠢᠳᠬᠦ ᠨᠢ ᠰᠢᠢᠳᠦᠭᠰᠡᠨ ᠭᠡᠨᠡ
ᠲᠡᠭᠡᠭᠡᠳ ᠪᠢ ᠡᠨᠡ ᠳᠡᠭᠦᠦ ᠬᠥᠪᠡᠭᠦᠨ ᠢ᠋
ᠳᠠᠭᠠᠭᠤᠯᠤᠭᠠᠳ ᠢᠷᠡᠵᠢᠨ( ᠢᠷᠡᠵᠦ ) ᠪᠠᠢᠨᠠ 》
ᠭᠡᠵᠦ ᠬᠡᠯᠡᠪᠡ ᠭᠡᠨᠡ ᠃
《 ᠦ ᠂ ᠲᠡᠭᠡᠭᠰᠡᠨ ᠬᠣᠢᠨᠠ ᠪᠠᠨ ᠬᠡᠦᠬᠡᠦᠰ ( ᠬᠡᠦᠬᠡᠳ ) ᠮᠢᠨᠢ
ᠰᠢᠮᠳᠠᠭᠤᠨ ( ᠬᠤᠷᠳᠤᠨ ) ᠶᠠᠪᠤ᠂ ᠰᠢᠮᠳᠠᠭᠤᠨ ( ᠬᠤᠷᠳᠤᠨ ) ᠶᠠᠪᠤ !
ᠨᠠᠷᠠᠨᠽᠠᠠᠳᠠᠨ ᠠᠪᠠᠬᠠᠢ ᠶ᠋ᠢ ᠵᠠᠯᠠᠵᠢᠨ ( ᠵᠠᠯᠠᠵᠤ ) ᠠᠪᠤᠨᠠ ᠭᠡᠵᠦ
ᠲᠡᠭᠷᠢ ᠶ᠋ᠢᠨ ᠬᠦᠯᠦᠭ ᠬᠥᠬᠡ ᠪᠠᠭᠠᠲᠤᠷ
ᠪᠠᠯᠮᠠᠭᠡᠷᠡᠯ ᠬᠠᠭᠠᠨ ᠤ᠋ ᠳ᠋ᠤ᠌ ᠢᠷᠡᠵᠦ
ᠭᠤᠷᠪᠠ ᠬᠣᠨᠣᠵᠤ ᠪᠣᠢ ᠵᠠᠩᠭᠢ ᠲᠠᠢ ᠪᠢᠯᠡ 》
ᠭᠡᠵᠦ ᠬᠡᠯᠡᠪᠡ ᠭᠡᠨᠡ᠃
ᠲᠡᠷᠡ ᠴᠢᠭ ᠲᠦ᠍ ( ᠳᠣᠣᠷᠠ ) ᠪᠠᠨ ᠬᠣᠶᠠᠭᠤᠯᠠ
ᠦᠰᠦᠷᠦᠭᠡᠳ ( ᠳᠠᠪᠬᠢᠯᠤᠭᠠᠳ )
ᠪᠠᠯᠮᠠᠭᠡᠷᠡᠯ ᠬᠠᠭᠠᠨ ᠤ᠋ ᠳ᠋ᠤ᠌ ᠬᠦᠷᠦᠭᠡᠳ ᠣᠳᠪᠠ ᠭᠡᠨᠡ᠃
ᠭᠡᠷ ᠲᠦ᠍ ᠨᠢ ᠲᠡᠭᠷᠢ ᠶ᠋ᠢᠨ ᠬᠦᠯᠦᠭ ᠬᠥᠬᠡ ᠪᠠᠭᠠᠲᠤᠷ
ᠰᠠᠭᠤᠵᠢᠨ ( ᠰᠠᠭᠤᠵᠤ ) ᠪᠠᠢᠪᠠ ᠭᠡᠨᠡ ᠃
ᠲᠡᠭᠡᠬᠦ ᠳ᠋ᠦ᠍ ᠪᠠᠯᠮᠠᠭᠡᠷᠡᠯ ᠬᠠᠭᠠᠨ ᠬᠡᠯᠡᠪᠡ ᠭᠡᠨᠡ
《 ᠠ ᠮᠤᠬᠤᠯᠠᠢ ᠴᠢ ᠨᠢᠭᠡ ᠭᠠᠷᠤᠭᠠᠳ
ᠬᠠᠯᠢᠶᠠᠵᠢᠨ ᠣᠷᠭᠢ ( ᠦᠵᠡᠭᠡᠳ ᠢᠷᠡ ) ᠴᠢ ᠂
ᠡᠨᠡ ᠭᠠᠵᠠᠭᠠ ( ᠭᠠᠳᠠᠨᠠ ) ᠨᠢᠭᠡ ᠶ᠋ᠢᠨ ( ᠨᠢᠭᠡ ᠶᠠᠭᠤᠮᠠ )
ᠰᠡᠷ ᠰᠤᠷ ᠭᠡᠮᠡᠷ ᠪᠣᠯᠳᠠᠭ ᠶᠠᠭᠤ ᠪᠠᠢᠨᠠ?》
ᠭᠡᠵᠦ ᠬᠡᠯᠡᠪᠡ ᠭᠡᠨᠡ᠃
ᠭᠠᠷᠤᠭᠠᠳ ᠬᠠᠯᠢᠶᠠᠪᠠ ( ᠬᠠᠷᠠᠪᠠ ) ᠭᠡᠨᠡ
《 ᠨᠢᠭᠤᠷ ᠲᠤ᠌ ᠪᠠᠨ ᠭᠠᠯ ᠲᠠᠢ
ᠨᠢᠳᠦᠨ ᠳ᠋ᠦ᠍ ᠪᠡᠨ ᠴᠣᠭ ᠲᠠᠢ ᠬᠣᠶᠠᠷ ᠬᠥᠪᠡᠭᠦᠨ
ᠵᠠᠯᠠᠭᠤ ᠽᠠᠨᠳᠠᠨ ᠠ᠋ᠴᠠ
ᠮᠣᠷᠢ ᠪᠠᠨ ᠤᠶᠠᠵᠢᠨ( ᠤᠶᠠᠵᠤ ) ᠪᠠᠢᠨᠠ
ᠬᠥᠭᠰᠢᠨ ᠽᠠᠨᠳᠠᠨ ᠳ᠋ᠤ᠌ ᠮᠣᠷᠢ ᠪᠠᠨ
ᠰᠡᠭᠦᠳᠡᠷᠯᠡᠭᠦᠯᠵᠢᠨ ᠪᠠᠢᠨᠠ ! 》 ᠭᠡᠵᠦ ᠬᠡᠯᠡᠪᠡ ᠭᠡᠨᠡ᠃
《 ᠦ ᠂ ᠲᠡᠭᠡᠭᠰᠡᠨ ᠬᠣᠢᠨᠠ
ᠳᠡᠭᠡᠳᠦ ᠲᠣᠲᠣᠭᠣ ᠳ᠋ᠤ᠌
ᠠᠯᠲᠠᠨ ᠪᠠᠭᠠᠨᠠ ᠬᠥᠰᠢᠭᠡᠳ ᠣᠷᠭᠢ ᠴᠢ !
ᠳᠣᠣᠷᠠᠲᠤ ᠡᠷᠭᠢᠨ ( ᠪᠣᠱᠣᠭᠠ ) ᠳ᠋ᠤ᠌
ᠮᠥᠩᠭᠥᠨ ᠪᠠᠭᠠᠨᠠ ᠬᠥᠰᠢᠭᠡᠳ ᠣᠷᠭᠢ ᠴᠢ !》 ᠭᠡᠵᠦ ᠬᠡᠯᠡᠭᠡᠳ
ᠪᠠᠯᠮᠠᠭᠡᠷᠡᠯ ᠬᠠᠭᠠᠨ ᠪᠠᠷᠠᠭᠤᠨ ᠡᠪᠦᠳᠦᠭ ᠢ᠋ᠶ᠋ᠡᠨ ᠲᠠᠰᠢᠵᠤ
ᠪᠠᠰ ᠪᠠᠰ ᠢᠨᠢᠶᠡᠵᠦ
ᠡᠮᠦᠷᠡ ᠡᠮᠦᠷᠡ ( ᠤᠷᠤᠭᠰᠢ ) ᠮᠣᠷᠢᠯᠠᠵᠢᠨ ( ᠰᠠᠭᠤᠵᠤ ) ᠪᠠᠢᠪᠠ ᠭᠡᠨᠡ᠃
ᠲᠡᠭᠡᠬᠦ ᠳ᠋ᠦ᠍ ᠬᠦᠷᠦᠭᠡᠳ ᠢᠷᠡᠪᠡ ᠭᠡᠨᠡ
ᠳᠡᠭᠡᠳᠦ ᠲᠣᠲᠣᠭᠣ ᠳ᠋ᠤ᠌ ᠬᠥᠰᠢᠭᠰᠡᠨ ᠠᠯᠲᠠᠨ ᠪᠠᠭᠠᠨᠠ ᠶ᠋ᠢ
ᠮᠠᠳ ᠤᠯᠠᠭᠠᠨ ᠬᠥᠪᠡᠭᠦᠨ
ᠳᠤᠭᠤᠯᠠᠭᠠ ᠶ᠋ᠢᠨ ᠢ᠋ᠶ᠋ᠡᠨ ᠣᠷᠣᠢ ᠪᠠᠷ
ᠲᠠᠰᠤ ᠲᠠᠲᠠᠵᠢᠨ ( ᠲᠠᠲᠠᠵᠤ ) ᠣᠷᠬᠢᠭᠠᠳ ᠢᠷᠡᠪᠡ ᠭᠡᠨᠡ
ᠳᠣᠣᠷᠠᠲᠤ ᠡᠷᠭᠢᠨ ᠳ᠋ᠦ᠍ ᠬᠥᠰᠢᠭᠰᠡᠨ ᠮᠥᠩᠭᠥᠨ ᠪᠠᠭᠠᠨᠠ ᠶ᠋ᠢ
ᠬᠠᠨ ᠴᠡᠩᠭᠡᠯ ᠬᠥᠪᠡᠭᠦᠨ ᠬᠤᠭᠤ ᠭᠢᠰᠭᠢᠵᠢᠨ ( ᠭᠢᠰᠬᠢᠵᠦ ) ᠣᠷᠬᠢᠭᠠᠳ
ᠬᠦᠷᠦᠭᠡᠳ ᠢᠷᠡᠪᠡ ᠭᠡᠨᠡ
ᠪᠠᠷᠠᠭᠤᠨ ᠬᠣᠢᠮᠣᠷ ᠨᠢ ᠢᠷᠡᠨ
ᠲᠠᠰᠤ ᠵᠠᠮᠢᠯᠠᠨ ( ᠵᠠᠪᠢᠯᠠᠨ ) ᠲᠠᠰᠤ ᠵᠠᠮᠢᠯᠠᠨ
ᠰᠠᠭᠤᠭᠠᠳ ᠣᠷᠬᠢᠪᠠ ᠭᠡᠨᠡ ᠃
《 ᠵᠠ ᠂ ᠲᠠᠨᠠ ᠬᠣᠶᠠᠷ
ᠡᠢᠮᠦ ᠴᠣᠭ ᠲᠠᠢ ᠬᠣᠶᠠᠷ ᠬᠥᠪᠡᠭᠦᠨ
ᠨᠤᠲᠤᠭ ᠤᠰᠤᠨ ᠴᠢᠨᠢ ᠬᠠᠮᠢᠭᠠ ᠪᠣᠢ ?
ᠡᠵᠢ ᠠᠪᠤ ᠴᠢᠨᠢ ᠬᠡᠨ ᠪᠣᠢ ?
ᠶᠠᠮᠠᠷ ᠬᠡᠷᠡᠭ ᠲᠡᠢ ᠬᠠᠮᠢᠭᠠ ᠶᠠᠪᠤᠵᠢᠨ ( ᠶᠠᠪᠤᠵᠤ ) ᠪᠠᠢᠨᠠ? 》
ᠭᠡᠵᠦ ᠬᠡᠯᠡᠪᠡ ᠭᠡᠨᠡ ᠃
ᠲᠡᠭᠡᠬᠦ ᠳ᠋ᠦ᠍ ᠮᠠᠳ ᠤᠯᠠᠭᠠᠨ ᠬᠥᠪᠡᠭᠦᠨ ᠬᠡᠯᠡᠪᠡ ᠭᠡᠨᠡ
《 ᠠ ᠂ ᠮᠠᠨᠠ ᠬᠣᠶᠠᠷ
ᠮᠥᠨ ᠠᠳᠠ ᠶᠠᠪᠤᠵᠢᠨ ( ᠶᠠᠪᠤᠵᠤ ) ᠪᠠᠢᠨᠠ
ᠮᠠᠨᠠ ᠬᠣᠶᠠᠷ ᠪᠣᠯᠬᠤᠯᠠ ᠨᠢ
ᠪᠠᠷᠠᠭᠤᠨ ᠬᠣᠢᠲᠤ ᠵᠦᠭ ᠢ᠋
ᠪᠠᠷᠢᠨ ᠡᠵᠡᠯᠡᠨ ᠰᠠᠭᠤᠭᠰᠠᠨ
ᠪᠠᠶᠠᠨ ᠬᠦᠳᠡᠷ ᠠᠯᠲᠠᠢ ᠬᠠᠭᠠᠨ ᠤ᠋
ᠬᠣᠶᠠᠷ ᠲᠠᠢᠵᠢ ᠪᠠᠢᠨᠠ
ᠮᠠᠨᠠ ᠠᠪᠤ ᠲᠠ
ᠬᠣᠶᠠᠷ ᠪᠠᠲᠤᠲᠠᠢᠬᠠᠨ ᠭᠤᠷᠪᠠᠨ ᠦᠭᠡ
ᠬᠦᠦᠨᠢᠯᠳᠦᠬᠦ ( ᠶᠠᠷᠢᠯᠴᠠᠬᠤ ) ᠨᠢ ᠬᠦᠦᠨᠢᠯᠳᠦᠭᠰᠡᠨ ᠭᠡᠨᠡ
ᠨᠠᠷᠠᠨᠽᠠᠠᠳᠠᠨ ᠠᠪᠠᠬᠠᠢ ᠶ᠋ᠢ ᠵᠠᠯᠠᠬᠤ ᠪᠠᠷ
ᠰᠢᠢᠳᠬᠦ ᠨᠢ ᠰᠢᠢᠳᠦᠭᠰᠡᠨ ᠭᠡᠨᠡ
ᠲᠡᠭᠡᠭᠡᠳ ᠪᠢ ᠡᠨᠡ ᠳᠡᠭᠦᠦ ᠬᠥᠪᠡᠭᠦᠨ ᠢ᠋
ᠳᠠᠭᠠᠭᠤᠯᠤᠭᠠᠳ ᠢᠷᠡᠵᠦ ᠪᠠᠢᠨᠠ 》 ᠭᠡᠵᠦ
ᠮᠠᠳ ᠤᠯᠠᠭᠠᠨ ᠬᠥᠪᠡᠭᠦᠨ ᠬᠡᠯᠡᠪᠡ ᠭᠡᠨᠡ ᠃
《 ᠠ ᠂ ᠲᠡᠷᠡ ᠪᠠᠭᠠ ᠵᠠᠯᠠᠭᠤ ᠴᠠᠭ ᠲᠤ᠌
ᠪᠠᠷᠠᠭᠤᠨ ᠬᠣᠢᠲᠤ ᠵᠦᠭ ᠦ᠋ᠨ
ᠪᠠᠶᠠᠨ ᠬᠦᠳᠡᠷ ᠠᠯᠲᠠᠢ ᠬᠠᠭᠠᠨ ᠮᠠᠨᠠ ᠬᠣᠶᠠᠷ
ᠬᠦᠦᠨᠢᠯᠳᠦᠵᠦ ( ᠶᠠᠷᠢᠯᠴᠠᠵᠤ ) ᠪᠠᠢᠭᠰᠠᠨ ᠴᠤ᠌ ᠦᠨᠡᠨ ᠪᠢᠯᠡ !
ᠥᠭᠬᠦ ᠠᠪᠬᠤ ᠭᠡᠵᠦ ᠪᠠᠢᠭᠰᠠᠨ ᠴᠤ᠌ ᠦᠨᠡᠨ ᠪᠢᠯᠡ
ᠡᠦᠲᠦ ᠪᠣᠯᠬᠤᠯᠠ ᠨᠢ ᠲᠡᠭᠷᠢ ᠶ᠋ᠢᠨ ᠬᠦᠯᠦᠭ ᠬᠥᠬᠡ ᠪᠠᠭᠠᠲᠤᠷ
ᠮᠢᠨᠦ ᠪᠠᠭᠠ ( ᠥᠬᠢᠨ ) ᠢ᠋
ᠵᠠᠯᠠᠵᠢᠨ( ᠵᠠᠯᠠᠵᠤ ) ᠠᠪᠤᠨᠠ ᠭᠡᠵᠦ ᠢᠷᠡᠵᠦ
ᠭᠤᠷᠪᠠ ᠬᠣᠨᠣᠵᠢᠨ ( ᠬᠣᠨᠣᠵᠤ ) ᠪᠠᠢᠨᠠ
ᠡᠨᠡ ᠪᠣᠯᠬᠤᠯᠠ ᠨᠢ
ᠨᠠᠳᠠ ᠭᠠᠭᠴᠠ ᠪᠠᠭᠠ (ᠥᠬᠢᠨ ) ᠪᠠᠢᠳᠠᠭ ᠪᠢᠯᠡ
ᠭᠤᠷᠪᠠᠨ ᠶᠡᠬᠡ ᠮᠥᠷᠥᠢ ( ᠮᠡᠯᠵᠢᠶᠡ ) ᠪᠣᠢ
ᠲᠡᠭᠦᠨ ᠢ᠋ ᠠᠪᠤᠭᠰᠠᠨ ᠳ᠋ᠤ᠌ ᠨᠢ
ᠵᠠᠯᠠᠵᠢᠨ ( ᠵᠠᠯᠠᠵᠤ ) ᠥᠭᠭᠦᠨᠡ 》 ᠭᠡᠵᠦ
ᠪᠠᠯᠮᠠᠭᠡᠷᠡᠯ ᠬᠠᠭᠠᠨ ᠠᠢᠯᠠᠳᠪᠠ ᠭᠡᠨᠡ ᠃
《 ᠶᠠᠮᠠᠷ ᠮᠥᠷᠥᠢᠨ ᠪᠠᠢᠬᠤ ᠪᠣᠯᠪᠠᠤ ?》 ᠭᠡᠵᠦ ᠬᠡᠯᠡᠪᠡ ᠭᠡᠨᠡ
《 ᠭᠤᠷᠪᠠᠨ ᠰᠠᠷᠠ ᠶ᠋ᠢᠨ ᠭᠠᠵᠠᠷ ᠲᠤ᠌ ᠤᠷᠤᠯᠳᠤᠭᠠᠨ ᠳ᠋ᠤ᠌ ᠶᠠᠪᠤᠨᠠ 》
ᠭᠡᠵᠦ ᠬᠡᠯᠡᠪᠡ ᠭᠡᠨᠡ᠃
ᠲᠡᠭᠡᠬᠦ ᠳ᠋ᠦ᠍ ᠭᠤᠷᠪᠠᠨ ᠰᠠᠷᠠ ᠶ᠋ᠢᠨ ᠭᠠᠵᠠᠷ ᠲᠤ᠌
ᠤᠷᠤᠯᠳᠤᠭᠠᠨ ᠳ᠋ᠤ᠌ ᠶᠠᠪᠤᠪᠠ ᠭᠡᠨᠡ
ᠬᠠᠨ ᠴᠡᠩᠭᠡᠯ ᠬᠥᠪᠡᠭᠦᠨ
ᠮᠠᠳ ᠤᠯᠠᠭᠠᠨ ᠬᠥᠪᠡᠭᠦᠨ ᠬᠣᠶᠠᠷ
ᠲᠦᠷᠦᠭᠦᠨ ( ᠲᠡᠷᠢᠭᠦᠨ ᠳ᠋ᠦ᠍ᠨᠢ ) ᠢᠷᠡᠵᠦ
ᠲᠡᠭᠷᠢ ᠶ᠋ᠢᠨ ᠬᠦᠯᠦᠭ ᠬᠥᠬᠡ ᠪᠠᠭᠠᠲᠤᠷ ᠢ᠋
ᠨᠢᠭᠡ ᠰᠠᠷᠠ ᠬᠦᠯᠢᠶᠡᠪᠡ ᠭᠡᠨᠡ ᠃
ᠲᠡᠭᠡᠬᠦ ᠳ᠋ᠦ᠍ ᠲᠡᠭᠷᠢ ᠶ᠋ᠢᠨ ᠬᠦᠯᠦᠭ ᠬᠥᠬᠡ ᠪᠠᠭᠠᠲᠤᠷ ᠢ
ᠨᠢᠭᠡ ᠰᠠᠷᠠ ᠬᠦᠯᠢᠶᠡᠬᠦ ᠳ᠋ᠦ᠍
ᠨᠢᠭᠡᠨ ᠡᠳᠦᠷ
ᠬᠠᠷᠠ ᠮᠣᠷᠢᠨ ᠤ᠋ ᠪᠠᠨ
ᠴᠢᠰᠤ ᠰᠡᠪᠡᠰᠦᠨ ( ᠰᠡᠪᠡᠰᠦ ) ᠶ᠋ᠢ ᠨᠢ ᠭᠣᠭᠣᠵᠢᠭᠤᠯᠤᠭᠰᠠᠨ
ᠴᠣᠬᠢᠭᠰᠠᠨ ᠰᠠᠪᠠᠭᠰᠠᠨ( ᠵᠠᠨᠴᠢᠭᠰᠠᠨ ) ᠬᠦᠷᠦᠭᠡᠳ ᠢᠷᠡᠪᠡ ᠭᠡᠨᠡ
ᠨᠢᠭᠡ ᠮᠥᠷᠥᠢ ( ᠮᠥᠯᠵᠢᠶᠡ ) ᠪᠡᠨ ᠠᠪᠤᠪᠠ ᠭᠡᠨᠡ ᠃
《 ᠡᠦᠲᠦ ᠶᠠᠮᠠᠷ ᠮᠥᠷᠥᠢᠨ ᠪᠠᠢᠬᠤ ᠪᠣᠯᠪᠠᠤ ?》
ᠭᠡᠵᠦ ᠬᠡᠯᠡᠪᠡ ᠭᠡᠨᠡ ᠃
《 ᠡᠦᠲᠦ ᠪᠣᠯᠬᠤᠯᠠ ᠨᠢ
ᠭᠤᠷᠪᠠᠨ ᠲᠦᠮᠡᠨ ᠠᠯᠲᠠ ᠭᠠᠵᠠᠷ ᠲᠤ᠌
ᠭᠤᠨᠠᠨ ᠨᠠᠰᠤᠲᠠᠢ ᠬᠡᠦᠬᠡᠦᠰ ( ᠬᠡᠦᠬᠡᠳ ) ᠦ᠋ᠨ ᠵᠤᠯᠠᠢ ᠳᠡᠭᠡᠷᠡ
ᠳᠡᠷᠡᠰᠦᠨ ᠲᠣᠯᠣᠭᠠᠢ ᠳ᠋ᠤ᠌
ᠢᠮᠠᠭᠠᠨ ᠤ᠋ ᠬᠣᠷᠭᠣᠰᠤ ( ᠬᠣᠷᠭᠣᠯ ) ᠬᠠᠳᠬᠤᠵᠢᠨ( ᠬᠠᠳᠬᠤᠵᠤ ) ᠣᠷᠬᠢᠬᠤ
ᠲᠡᠭᠦᠨ ᠢ᠋ ᠭᠠᠭᠴᠠ ᠭᠠᠭᠴᠠ ᠬᠠᠷᠪᠤᠨᠠ !》 ᠭᠡᠵᠦ ᠬᠡᠯᠡᠪᠡ ᠭᠡᠨᠡ᠃
ᠲᠡᠭᠡᠬᠦ ᠳ᠋ᠦ᠍ ᠮᠠᠳ ᠤᠯᠠᠭᠠᠨ ᠬᠥᠪᠡᠭᠦᠨ
ᠲᠡᠭᠷᠢ ᠶ᠋ᠢᠨ ᠬᠦᠯᠦᠭ ᠬᠥᠬᠡ ᠪᠠᠭᠠᠲᠤᠷ ᠠ᠋ᠴᠠ ᠰᠤᠷᠠᠪᠠ ᠭᠡᠨᠡ ᠃
《 ᠲᠦᠷᠦᠭᠦᠨ ᠢᠷᠡᠭᠰᠡᠨ ᠴᠢ ᠲᠥᠷᠥᠭᠦᠯᠬᠦ ᠤᠤ ?
ᠰᠡᠭᠦᠯ ᠳ᠋ᠦ᠍ ᠨᠢ ᠢᠷᠡᠭᠰᠡᠨ ᠮᠠᠨᠠ ᠬᠣᠶᠠᠷ ᠲᠥᠷᠥᠭᠦᠯᠬᠦ ᠤᠤ? 》
ᠭᠡᠵᠦ ᠬᠡᠯᠡᠪᠡ ᠭᠡᠨᠡ ᠃
《 ᠲᠦᠷᠦᠭᠦᠨ ᠢᠷᠡᠭᠰᠡᠨ ᠪᠢ ᠲᠦᠷᠦᠭᠦᠯᠡᠨᠡ !》
ᠭᠡᠵᠦ ᠬᠡᠯᠡᠪᠡ ᠭᠡᠨᠡ
ᠲᠡᠭᠷᠢ ᠶ᠋ᠢᠨ ᠬᠦᠯᠦᠭ ᠬᠥᠬᠡ ᠪᠠᠭᠠᠲᠤᠷ
ᠨᠢᠭᠡ ᠬᠠᠷᠪᠤᠭᠠᠳ ᠣᠷᠬᠢᠪᠠ ᠭᠡᠨᠡ
ᠬᠠᠮᠢᠭᠠ ᠶᠠᠪᠤᠭᠰᠠᠨ? ᠦᠭᠡᠢ ᠪᠣᠯᠪᠠ ᠭᠡᠨᠡ᠃
ᠲᠡᠭᠡᠬᠦ ᠳ᠋ᠦ᠍ ᠬᠠᠨ ᠴᠡᠩᠭᠡᠯ ᠬᠥᠪᠡᠭᠦᠨ
《ᠠᠬᠠ ᠮᠢᠨᠢ ᠂ ᠠᠬᠠ ᠮᠢᠨᠢ
ᠪᠢ ᠬᠠᠷᠪᠤᠭᠠᠳ ᠣᠷᠭᠢᠶᠤ ? 》 ᠭᠡᠵᠦ ᠬᠡᠯᠡᠪᠡ ᠭᠡᠨᠡ ᠃
《 ᠬᠡᠷᠡᠭ ᠦᠭᠡᠢ ᠵᠦ ( ᠰᠢᠦ ) ᠳᠡᠭᠦᠦ ᠮᠢᠨᠢ
ᠡᠨᠡ ᠴᠢᠨᠢ ᠪᠣᠯᠬᠤᠯᠠ ᠨᠢ
ᠠᠲᠠᠭᠠ ᠮᠠᠷᠭᠤᠭᠠᠨ ᠭᠡᠭᠴᠢ ᠪᠠᠢᠨᠠ
ᠠᠬᠠ ᠴᠢᠨᠢ ᠲᠦᠷᠦᠭᠦᠯᠡᠨ ᠬᠠᠷᠪᠤᠶᠠ ! 》 ᠭᠡᠵᠦ ᠬᠡᠯᠡᠪᠡ ᠭᠡᠨᠡ᠃
ᠮᠠᠳ ᠤᠯᠠᠭᠠᠨ ᠬᠥᠪᠡᠭᠦᠨ ᠬᠠᠷᠪᠤᠭᠠᠳ ᠣᠷᠬᠢᠪᠠ ᠭᠡᠨᠡ
ᠬᠣᠷᠭᠣᠰᠤ ( ᠬᠣᠷᠭᠣᠯ ) ᠢ᠋ ᠨᠢ
ᠬᠡᠢᠰᠬᠡᠭᠡᠳ ᠣᠷᠬᠢᠪᠠ ᠭᠡᠨᠡ
ᠠᠷᠤ ᠳ᠋ᠤ᠌ ᠨᠢ ᠬᠠᠨ ᠴᠡᠩᠭᠡᠯ ᠬᠥᠪᠡᠭᠦᠨ
ᠬᠠᠷᠪᠤᠭᠠᠳ ᠣᠷᠬᠢᠪᠠ ᠭᠡᠨᠡ
ᠬᠣᠷᠭᠣᠰᠤ ( ᠬᠣᠷᠭᠣᠯ ) ᠢ᠋ ᠨᠢ
ᠬᠡᠢᠰᠬᠡᠭᠡᠳ ᠣᠷᠬᠢᠪᠠ ᠭᠡᠨᠡ
ᠬᠣᠶᠠᠷ ᠮᠥᠷᠥᠢ ( ᠮᠠᠯᠵᠢᠶᠠ ) ᠪᠠᠨ ᠠᠪᠤᠪᠠ ᠭᠡᠨᠡ ᠃
《 ᠡᠦᠲᠦ ᠶᠠᠮᠠᠷ ᠮᠥᠷᠥᠢᠨ ᠪᠠᠢᠬᠤ ᠪᠣᠯᠪᠠᠤ? 》 ᠭᠡᠵᠦ
ᠪᠠᠯᠮᠠᠭᠡᠷᠡᠯ ᠬᠠᠭᠠᠨ ᠳ᠋ᠤ᠌ ᠮᠡᠳᠡᠭᠦᠯᠪᠡ ᠭᠡᠨᠡ
《 ᠣᠳᠣ ᠪᠣᠯᠬᠤᠯᠠ ᠨᠢ
ᠳᠠᠩ ᠤ᠋ᠨ ᠴᠠᠭᠠᠨ ᠬᠥᠳᠡᠭᠡ ᠳ᠋ᠦ᠍ ᠬᠦᠷᠴᠦ ᠪᠥᠬᠡ ᠪᠠᠷᠢᠯᠳᠤᠨᠠ 》
ᠭᠡᠵᠦ ᠬᠡᠯᠡᠪᠡ ᠭᠡᠨᠡ ᠃
ᠲᠡᠭᠡᠬᠦ ᠳ᠋ᠦ᠍ ᠬᠠᠨ ᠴᠡᠩᠭᠡᠯ ᠬᠥᠪᠡᠭᠦᠨ ᠬᠡᠯᠡᠪᠡ ᠭᠡᠨᠡ
《 ᠠᠬᠠ ᠮᠢᠨᠢ ᠂ ᠠᠬᠠ ᠮᠢᠨᠢ
ᠪᠢ ᠲᠦᠷᠦᠭᠦᠯᠡᠨ ᠪᠠᠷᠢᠯᠳᠤᠭᠠᠳ ᠣᠷᠭᠢᠶᠤ ?
ᠠᠪᠤᠯᠳᠤᠬᠤ ( ᠪᠥᠬᠡ ᠪᠠᠷᠢᠯᠳᠤᠬᠤ ) ᠳ᠋ᠤ᠌
ᠪᠢ ᠰᠠᠢᠨ ᠪᠠᠢᠳᠠᠭ ᠪᠢᠯᠡ! 》 ᠭᠡᠵᠦ ᠬᠡᠯᠡᠪᠡ ᠭᠡᠨᠡ᠃
ᠲᠡᠭᠡᠬᠦ ᠳ᠋ᠦ᠍ ᠮᠠᠳ ᠤᠯᠠᠭᠠᠨ ᠬᠥᠪᠡᠭᠦᠨ ᠬᠡᠯᠡᠪᠡ ᠭᠡᠨᠡ
《 ᠬᠡᠷᠡᠭ ᠦᠭᠡᠢ ᠵᠦ ( ᠰᠢᠦ )
ᠠᠬᠠ ᠴᠢᠨᠢ ᠲᠦᠷᠦᠭᠦᠯᠡᠨ ᠪᠠᠷᠢᠯᠳᠤᠶᠠ
ᠡᠨᠡ ᠴᠢᠨᠢ ᠪᠣᠯᠬᠤᠯᠠ ᠨᠢ
ᠠᠲᠠᠭᠠ ᠮᠠᠷᠭᠤᠭᠠᠨ ᠭᠡᠭᠴᠢ ᠪᠠᠢᠨᠠ !》
ᠭᠡᠵᠦ ᠬᠡᠯᠡᠪᠡ ᠭᠡᠨᠡ ᠃
ᠮᠠᠳ ᠤᠯᠠᠭᠠᠨ ᠬᠥᠪᠡᠭᠦᠨ
ᠪᠠᠷᠢᠯᠳᠤᠭᠠᠳ ᠣᠷᠬᠢᠪᠠ ᠭᠡᠨᠡ
ᠡᠷᠭᠢᠭᠦᠯᠵᠢᠨ ᠡᠷᠭᠢᠭᠦᠯᠵᠢᠨ ( ᠡᠷᠭᠢᠭᠦᠯᠵᠦ ) ᠢᠷᠡᠭᠡᠳ
ᠲᠡᠭᠷᠢ ᠶ᠋ᠢᠨ ᠬᠦᠯᠦᠭ ᠬᠥᠬᠡ ᠪᠠᠭᠠᠲᠤᠷ ᠢ
ᠱᠠᠭᠠ ᠴᠢᠮᠥᠭᠡ ᠶ᠋ᠢ ᠨᠢ ᠪᠣᠯᠭᠣ ᠬᠠᠶᠠᠭᠠᠳ
ᠣᠷᠬᠢᠪᠠ ᠭᠡᠨᠡ
ᠠᠷᠤ ᠳ᠋ᠤ᠌ ᠨᠢ ᠬᠠᠨ ᠴᠡᠩᠭᠡᠯ ᠬᠥᠪᠡᠭᠦᠨ
ᠪᠠᠷᠢᠯᠳᠤᠭᠠᠳ ᠣᠷᠬᠢᠪᠠ ᠭᠡᠨᠡ
ᠡᠷᠭᠢᠭᠦᠯᠵᠢᠨ ᠡᠷᠭᠢᠭᠦᠯᠵᠢᠨ( ᠡᠷᠭᠢᠭᠦᠯᠵᠦ ) ᠢᠷᠡᠭᠡᠳ
ᠳᠤᠮᠳᠠ ᠴᠢᠮᠥᠭᠡ ᠶ᠋ᠢ ᠨᠢ ᠬᠤᠭᠤ ᠬᠠᠶᠠᠭᠠᠳ
ᠣᠷᠬᠢᠪᠠ ᠭᠡᠨᠡ᠃
ᠭᠤᠷᠪᠠᠨ ᠮᠥᠷᠥᠢ ᠪᠡᠨ ᠠᠪᠤᠪᠠ ᠭᠡᠨᠡ ᠃
ᠠᠷᠪᠠᠨ ᠬᠣᠨᠣᠭ ᠠᠷᠠᠵᠠ ᠪᠠᠷ ᠨᠠᠢᠷᠯᠠᠵᠤ
ᠬᠣᠷᠢᠨ ᠬᠣᠨᠣᠭ ᠬᠣᠣᠷᠠᠵᠠ ᠪᠠᠷ ᠨᠠᠢᠷᠯᠠᠵᠤ
ᠨᠠᠷᠠᠨᠽᠠᠨᠳᠠᠨ ᠠᠪᠠᠬᠠᠢ ᠶ᠋ᠢ ᠵᠠᠯᠠᠵᠢᠨ( ᠵᠠᠯᠠᠵᠤ ) ᠠᠪᠤᠪᠠ ᠭᠡᠨᠡ ᠃
ᠲᠡᠭᠡᠬᠦ ᠳ᠋ᠦ᠍ ᠪᠠᠯᠮᠠᠭᠡᠷᠡᠯ ᠬᠠᠭᠠᠨ ᠬᠡᠯᠡᠪᠡ ᠭᠡᠨᠡ
《 ᠠ ᠮᠤᠬᠤᠯᠠᠢ ᠴᠢ ᠨᠢᠭᠡ ᠭᠠᠷᠤᠭᠠᠳ
ᠬᠠᠯᠢᠶᠠᠵᠢᠨ ᠣᠷᠭᠢ ( ᠦᠵᠡᠭᠡᠳ ᠢᠷᠡ ) ᠴᠢ ᠂
ᠡᠨᠡ ᠭᠠᠵᠠᠭᠠ ( ᠭᠠᠳᠠᠨᠠ ) ᠨᠢᠭᠡ ᠶ᠋ᠢᠨ ( ᠨᠢᠭᠡ ᠶᠠᠭᠤᠮᠠ )
ᠰᠡᠷ ᠰᠤᠷ ᠭᠡᠮᠡᠷ ᠪᠣᠯᠳᠠᠭ ᠶᠠᠭᠤ ᠪᠠᠢᠨᠠ?》
ᠭᠡᠵᠦ ᠬᠡᠯᠡᠪᠡ ᠭᠡᠨᠡ᠃
ᠭᠠᠷᠤᠭᠠᠳ ᠬᠠᠯᠢᠶᠠᠪᠠ ( ᠬᠠᠷᠠᠪᠠ ) ᠭᠡᠨᠡ
《 ᠨᠢᠭᠤᠷ ᠲᠤ᠌ ᠪᠠᠨ ᠭᠠᠯ ᠲᠠᠢ
ᠨᠢᠳᠦᠨ ᠳ᠋ᠦ᠍ ᠪᠡᠨ ᠴᠣᠭ ᠲᠠᠢ ᠬᠣᠶᠠᠷ ᠬᠥᠪᠡᠭᠦᠨ
ᠵᠠᠯᠠᠭᠤ ᠽᠠᠨᠳᠠᠨ ᠠ᠋ᠴᠠ
ᠮᠣᠷᠢ ᠪᠠᠨ ᠤᠶᠠᠵᠢᠨ( ᠤᠶᠠᠵᠤ ) ᠪᠠᠢᠨᠠ
ᠬᠥᠭᠰᠢᠨ ᠽᠠᠨᠳᠠᠨ ᠳ᠋ᠤ᠌ ᠮᠣᠷᠢ ᠪᠠᠨ
ᠰᠡᠭᠦᠳᠡᠷᠯᠡᠭᠦᠯᠵᠢᠨ ᠪᠠᠢᠨᠠ ! 》 ᠭᠡᠵᠦ ᠬᠡᠯᠡᠪᠡ ᠭᠡᠨᠡ᠃
《 ᠦ ᠂ ᠲᠡᠭᠡᠭᠰᠡᠨ ᠬᠣᠢᠨᠠ
ᠳᠡᠭᠡᠳᠦ ᠲᠣᠲᠣᠭᠣ ᠳ᠋ᠤ᠌
ᠠᠯᠲᠠᠨ ᠪᠠᠭᠠᠨᠠ ᠬᠥᠰᠢᠭᠡᠳ ᠣᠷᠭᠢ ᠴᠢ !
ᠳᠣᠣᠷᠠᠲᠤ ᠡᠷᠭᠢᠨ ( ᠪᠣᠱᠣᠭᠠ ) ᠳ᠋ᠤ᠌
ᠮᠥᠩᠭᠥᠨ ᠪᠠᠭᠠᠨᠠ ᠬᠥᠰᠢᠭᠡᠳ ᠣᠷᠭᠢ ᠴᠢ !》 ᠭᠡᠵᠦ ᠬᠡᠯᠡᠭᠡᠳ
ᠪᠠᠯᠮᠠᠭᠡᠷᠡᠯ ᠬᠠᠭᠠᠨ ᠪᠠᠷᠠᠭᠤᠨ ᠡᠪᠦᠳᠦᠭ ᠢ᠋ᠶ᠋ᠡᠨ ᠲᠠᠰᠢᠵᠤ
ᠪᠠᠰ ᠪᠠᠰ ᠢᠨᠢᠶᠡᠵᠦ
ᠡᠮᠦᠷᠡ ᠡᠮᠦᠷᠡ ( ᠤᠷᠤᠭᠰᠢ ) ᠮᠣᠷᠢᠯᠠᠵᠢᠨ ( ᠰᠠᠭᠤᠵᠤ ) ᠪᠠᠢᠪᠠ ᠭᠡᠨᠡ᠃
ᠲᠡᠭᠡᠬᠦ ᠳ᠋ᠦ᠍ ᠬᠦᠷᠦᠭᠡᠳ ᠢᠷᠡᠪᠡ ᠭᠡᠨᠡ
ᠳᠡᠭᠡᠳᠦ ᠲᠣᠲᠣᠭᠣ ᠳ᠋ᠤ᠌ ᠬᠥᠰᠢᠭᠰᠡᠨ ᠠᠯᠲᠠᠨ ᠪᠠᠭᠠᠨᠠ ᠶ᠋ᠢ
ᠮᠠᠳ ᠤᠯᠠᠭᠠᠨ ᠬᠥᠪᠡᠭᠦᠨ
ᠳᠤᠭᠤᠯᠠᠭᠠ ᠶ᠋ᠢᠨ ᠢ᠋ᠶ᠋ᠡᠨ ᠣᠷᠣᠢ ᠪᠠᠷ
ᠲᠠᠰᠤ ᠲᠠᠲᠠᠵᠢᠨ ( ᠲᠠᠲᠠᠵᠤ ) ᠣᠷᠬᠢᠭᠠᠳ ᠢᠷᠡᠪᠡ ᠭᠡᠨᠡ
ᠳᠣᠣᠷᠠᠲᠤ ᠡᠷᠭᠢᠨ ᠳ᠋ᠦ᠍ ᠬᠥᠰᠢᠭᠰᠡᠨ ᠮᠥᠩᠭᠥᠨ ᠪᠠᠭᠠᠨᠠ ᠶ᠋ᠢ
ᠬᠠᠨ ᠴᠡᠩᠭᠡᠯ ᠬᠥᠪᠡᠭᠦᠨ ᠬᠤᠭᠤ ᠭᠢᠰᠭᠢᠵᠢᠨ ( ᠭᠢᠰᠬᠢᠵᠦ ) ᠣᠷᠬᠢᠭᠠᠳ
ᠬᠦᠷᠦᠭᠡᠳ ᠢᠷᠡᠪᠡ ᠭᠡᠨᠡ
ᠪᠠᠷᠠᠭᠤᠨ ᠬᠣᠢᠮᠣᠷ ᠨᠢ ᠢᠷᠡᠨ
ᠲᠠᠰᠤ ᠵᠠᠮᠢᠯᠠᠨ ( ᠵᠠᠪᠢᠯᠠᠨ ) ᠲᠠᠰᠤ ᠵᠠᠮᠢᠯᠠᠨ
ᠰᠠᠭᠤᠭᠠᠳ ᠣᠷᠬᠢᠪᠠ ᠭᠡᠨᠡ ᠃
《 ᠵᠠ ᠂ ᠲᠠᠨᠠ ᠬᠣᠶᠠᠷ
ᠡᠢᠮᠦ ᠴᠣᠭ ᠲᠠᠢ ᠬᠣᠶᠠᠷ ᠬᠥᠪᠡᠭᠦᠨ
ᠨᠤᠲᠤᠭ ᠤᠰᠤᠨ ᠴᠢᠨᠢ ᠬᠠᠮᠢᠭᠠ ᠪᠣᠢ ?
ᠡᠵᠢ ᠠᠪᠤ ᠴᠢᠨᠢ ᠬᠡᠨ ᠪᠣᠢ ?
ᠶᠠᠮᠠᠷ ᠬᠡᠷᠡᠭ ᠲᠡᠢ ᠬᠠᠮᠢᠭᠠ ᠶᠠᠪᠤᠵᠢᠨ ( ᠶᠠᠪᠤᠵᠤ ) ᠪᠠᠢᠨᠠ? 》
ᠭᠡᠵᠦ ᠬᠡᠯᠡᠪᠡ ᠭᠡᠨᠡ ᠃
ᠲᠡᠭᠡᠬᠦ ᠳ᠋ᠦ᠍ ᠮᠠᠳ ᠤᠯᠠᠭᠠᠨ ᠬᠥᠪᠡᠭᠦᠨ ᠬᠡᠯᠡᠪᠡ ᠭᠡᠨᠡ
《 ᠠ ᠂ ᠮᠠᠨᠠ ᠬᠣᠶᠠᠷ
ᠮᠥᠨ ᠠᠳᠠ ᠶᠠᠪᠤᠵᠢᠨ ( ᠶᠠᠪᠤᠵᠤ ) ᠪᠠᠢᠨᠠ
ᠮᠠᠨᠠ ᠬᠣᠶᠠᠷ ᠪᠣᠯᠬᠤᠯᠠ ᠨᠢ
ᠪᠠᠷᠠᠭᠤᠨ ᠬᠣᠢᠲᠤ ᠵᠦᠭ ᠢ᠋
ᠪᠠᠷᠢᠨ ᠡᠵᠡᠯᠡᠨ ᠰᠠᠭᠤᠭᠰᠠᠨ
ᠪᠠᠶᠠᠨ ᠬᠦᠳᠡᠷ ᠠᠯᠲᠠᠢ ᠬᠠᠭᠠᠨ ᠤ᠋
ᠬᠣᠶᠠᠷ ᠲᠠᠢᠵᠢ ᠪᠠᠢᠨᠠ
ᠮᠠᠨᠠ ᠠᠪᠤ ᠲᠠ
ᠬᠣᠶᠠᠷ ᠪᠠᠲᠤᠲᠠᠢᠬᠠᠨ ᠭᠤᠷᠪᠠᠨ ᠦᠭᠡ
ᠬᠦᠦᠨᠢᠯᠳᠦᠬᠦ ( ᠶᠠᠷᠢᠯᠴᠠᠬᠤ ) ᠨᠢ ᠬᠦᠦᠨᠢᠯᠳᠦᠭᠰᠡᠨ ᠭᠡᠨᠡ
ᠨᠠᠷᠠᠨᠽᠠᠠᠳᠠᠨ ᠠᠪᠠᠬᠠᠢ ᠶ᠋ᠢ ᠵᠠᠯᠠᠬᠤ ᠪᠠᠷ
ᠰᠢᠢᠳᠬᠦ ᠨᠢ ᠰᠢᠢᠳᠦᠭᠰᠡᠨ ᠭᠡᠨᠡ
ᠲᠡᠭᠡᠭᠡᠳ ᠪᠢ ᠡᠨᠡ ᠳᠡᠭᠦᠦ ᠬᠥᠪᠡᠭᠦᠨ ᠢ᠋
ᠳᠠᠭᠠᠭᠤᠯᠤᠭᠠᠳ ᠢᠷᠡᠵᠦ ᠪᠠᠢᠨᠠ 》 ᠭᠡᠵᠦ
ᠮᠠᠳ ᠤᠯᠠᠭᠠᠨ ᠬᠥᠪᠡᠭᠦᠨ ᠬᠡᠯᠡᠪᠡ ᠭᠡᠨᠡ ᠃
《 ᠠ ᠂ ᠲᠡᠷᠡ ᠪᠠᠭᠠ ᠵᠠᠯᠠᠭᠤ ᠴᠠᠭ ᠲᠤ᠌
ᠪᠠᠷᠠᠭᠤᠨ ᠬᠣᠢᠲᠤ ᠵᠦᠭ ᠦ᠋ᠨ
ᠪᠠᠶᠠᠨ ᠬᠦᠳᠡᠷ ᠠᠯᠲᠠᠢ ᠬᠠᠭᠠᠨ ᠮᠠᠨᠠ ᠬᠣᠶᠠᠷ
ᠬᠦᠦᠨᠢᠯᠳᠦᠵᠦ ( ᠶᠠᠷᠢᠯᠴᠠᠵᠤ ) ᠪᠠᠢᠭᠰᠠᠨ ᠴᠤ᠌ ᠦᠨᠡᠨ ᠪᠢᠯᠡ !
ᠥᠭᠬᠦ ᠠᠪᠬᠤ ᠭᠡᠵᠦ ᠪᠠᠢᠭᠰᠠᠨ ᠴᠤ᠌ ᠦᠨᠡᠨ ᠪᠢᠯᠡ
ᠡᠦᠲᠦ ᠪᠣᠯᠬᠤᠯᠠ ᠨᠢ ᠲᠡᠭᠷᠢ ᠶ᠋ᠢᠨ ᠬᠦᠯᠦᠭ ᠬᠥᠬᠡ ᠪᠠᠭᠠᠲᠤᠷ
ᠮᠢᠨᠦ ᠪᠠᠭᠠ ( ᠥᠬᠢᠨ ) ᠢ᠋
ᠵᠠᠯᠠᠵᠢᠨ( ᠵᠠᠯᠠᠵᠤ ) ᠠᠪᠤᠨᠠ ᠭᠡᠵᠦ ᠢᠷᠡᠵᠦ
ᠭᠤᠷᠪᠠ ᠬᠣᠨᠣᠵᠢᠨ ( ᠬᠣᠨᠣᠵᠤ ) ᠪᠠᠢᠨᠠ
ᠡᠨᠡ ᠪᠣᠯᠬᠤᠯᠠ ᠨᠢ
ᠨᠠᠳᠠ ᠭᠠᠭᠴᠠ ᠪᠠᠭᠠ (ᠥᠬᠢᠨ ) ᠪᠠᠢᠳᠠᠭ ᠪᠢᠯᠡ
ᠭᠤᠷᠪᠠᠨ ᠶᠡᠬᠡ ᠮᠥᠷᠥᠢ ( ᠮᠡᠯᠵᠢᠶᠡ ) ᠪᠣᠢ
ᠲᠡᠭᠦᠨ ᠢ᠋ ᠠᠪᠤᠭᠰᠠᠨ ᠳ᠋ᠤ᠌ ᠨᠢ
ᠵᠠᠯᠠᠵᠢᠨ ( ᠵᠠᠯᠠᠵᠤ ) ᠥᠭᠭᠦᠨᠡ 》 ᠭᠡᠵᠦ
ᠪᠠᠯᠮᠠᠭᠡᠷᠡᠯ ᠬᠠᠭᠠᠨ ᠠᠢᠯᠠᠳᠪᠠ ᠭᠡᠨᠡ ᠃
《 ᠶᠠᠮᠠᠷ ᠮᠥᠷᠥᠢᠨ ᠪᠠᠢᠬᠤ ᠪᠣᠯᠪᠠᠤ ?》 ᠭᠡᠵᠦ ᠬᠡᠯᠡᠪᠡ ᠭᠡᠨᠡ
《 ᠭᠤᠷᠪᠠᠨ ᠰᠠᠷᠠ ᠶ᠋ᠢᠨ ᠭᠠᠵᠠᠷ ᠲᠤ᠌ ᠤᠷᠤᠯᠳᠤᠭᠠᠨ ᠳ᠋ᠤ᠌ ᠶᠠᠪᠤᠨᠠ 》
ᠭᠡᠵᠦ ᠬᠡᠯᠡᠪᠡ ᠭᠡᠨᠡ᠃
ᠲᠡᠭᠡᠬᠦ ᠳ᠋ᠦ᠍ ᠭᠤᠷᠪᠠᠨ ᠰᠠᠷᠠ ᠶ᠋ᠢᠨ ᠭᠠᠵᠠᠷ ᠲᠤ᠌
ᠤᠷᠤᠯᠳᠤᠭᠠᠨ ᠳ᠋ᠤ᠌ ᠶᠠᠪᠤᠪᠠ ᠭᠡᠨᠡ
ᠬᠠᠨ ᠴᠡᠩᠭᠡᠯ ᠬᠥᠪᠡᠭᠦᠨ
ᠮᠠᠳ ᠤᠯᠠᠭᠠᠨ ᠬᠥᠪᠡᠭᠦᠨ ᠬᠣᠶᠠᠷ
ᠲᠦᠷᠦᠭᠦᠨ ( ᠲᠡᠷᠢᠭᠦᠨ ᠳ᠋ᠦ᠍ᠨᠢ ) ᠢᠷᠡᠵᠦ
ᠲᠡᠭᠷᠢ ᠶ᠋ᠢᠨ ᠬᠦᠯᠦᠭ ᠬᠥᠬᠡ ᠪᠠᠭᠠᠲᠤᠷ ᠢ᠋
ᠨᠢᠭᠡ ᠰᠠᠷᠠ ᠬᠦᠯᠢᠶᠡᠪᠡ ᠭᠡᠨᠡ ᠃
ᠲᠡᠭᠡᠬᠦ ᠳ᠋ᠦ᠍ ᠲᠡᠭᠷᠢ ᠶ᠋ᠢᠨ ᠬᠦᠯᠦᠭ ᠬᠥᠬᠡ ᠪᠠᠭᠠᠲᠤᠷ ᠢ
ᠨᠢᠭᠡ ᠰᠠᠷᠠ ᠬᠦᠯᠢᠶᠡᠬᠦ ᠳ᠋ᠦ᠍
ᠨᠢᠭᠡᠨ ᠡᠳᠦᠷ
ᠬᠠᠷᠠ ᠮᠣᠷᠢᠨ ᠤ᠋ ᠪᠠᠨ
ᠴᠢᠰᠤ ᠰᠡᠪᠡᠰᠦᠨ ( ᠰᠡᠪᠡᠰᠦ ) ᠶ᠋ᠢ ᠨᠢ ᠭᠣᠭᠣᠵᠢᠭᠤᠯᠤᠭᠰᠠᠨ
ᠴᠣᠬᠢᠭᠰᠠᠨ ᠰᠠᠪᠠᠭᠰᠠᠨ( ᠵᠠᠨᠴᠢᠭᠰᠠᠨ ) ᠬᠦᠷᠦᠭᠡᠳ ᠢᠷᠡᠪᠡ ᠭᠡᠨᠡ
ᠨᠢᠭᠡ ᠮᠥᠷᠥᠢ ( ᠮᠥᠯᠵᠢᠶᠡ ) ᠪᠡᠨ ᠠᠪᠤᠪᠠ ᠭᠡᠨᠡ ᠃
《 ᠡᠦᠲᠦ ᠶᠠᠮᠠᠷ ᠮᠥᠷᠥᠢᠨ ᠪᠠᠢᠬᠤ ᠪᠣᠯᠪᠠᠤ ?》
ᠭᠡᠵᠦ ᠬᠡᠯᠡᠪᠡ ᠭᠡᠨᠡ ᠃
《 ᠡᠦᠲᠦ ᠪᠣᠯᠬᠤᠯᠠ ᠨᠢ
ᠭᠤᠷᠪᠠᠨ ᠲᠦᠮᠡᠨ ᠠᠯᠲᠠ ᠭᠠᠵᠠᠷ ᠲᠤ᠌
ᠭᠤᠨᠠᠨ ᠨᠠᠰᠤᠲᠠᠢ ᠬᠡᠦᠬᠡᠦᠰ ( ᠬᠡᠦᠬᠡᠳ ) ᠦ᠋ᠨ ᠵᠤᠯᠠᠢ ᠳᠡᠭᠡᠷᠡ
ᠳᠡᠷᠡᠰᠦᠨ ᠲᠣᠯᠣᠭᠠᠢ ᠳ᠋ᠤ᠌
ᠢᠮᠠᠭᠠᠨ ᠤ᠋ ᠬᠣᠷᠭᠣᠰᠤ ( ᠬᠣᠷᠭᠣᠯ ) ᠬᠠᠳᠬᠤᠵᠢᠨ( ᠬᠠᠳᠬᠤᠵᠤ ) ᠣᠷᠬᠢᠬᠤ
ᠲᠡᠭᠦᠨ ᠢ᠋ ᠭᠠᠭᠴᠠ ᠭᠠᠭᠴᠠ ᠬᠠᠷᠪᠤᠨᠠ !》 ᠭᠡᠵᠦ ᠬᠡᠯᠡᠪᠡ ᠭᠡᠨᠡ᠃
ᠲᠡᠭᠡᠬᠦ ᠳ᠋ᠦ᠍ ᠮᠠᠳ ᠤᠯᠠᠭᠠᠨ ᠬᠥᠪᠡᠭᠦᠨ
ᠲᠡᠭᠷᠢ ᠶ᠋ᠢᠨ ᠬᠦᠯᠦᠭ ᠬᠥᠬᠡ ᠪᠠᠭᠠᠲᠤᠷ ᠠ᠋ᠴᠠ ᠰᠤᠷᠠᠪᠠ ᠭᠡᠨᠡ ᠃
《 ᠲᠦᠷᠦᠭᠦᠨ ᠢᠷᠡᠭᠰᠡᠨ ᠴᠢ ᠲᠥᠷᠥᠭᠦᠯᠬᠦ ᠤᠤ ?
ᠰᠡᠭᠦᠯ ᠳ᠋ᠦ᠍ ᠨᠢ ᠢᠷᠡᠭᠰᠡᠨ ᠮᠠᠨᠠ ᠬᠣᠶᠠᠷ ᠲᠥᠷᠥᠭᠦᠯᠬᠦ ᠤᠤ? 》
ᠭᠡᠵᠦ ᠬᠡᠯᠡᠪᠡ ᠭᠡᠨᠡ ᠃
《 ᠲᠦᠷᠦᠭᠦᠨ ᠢᠷᠡᠭᠰᠡᠨ ᠪᠢ ᠲᠦᠷᠦᠭᠦᠯᠡᠨᠡ !》
ᠭᠡᠵᠦ ᠬᠡᠯᠡᠪᠡ ᠭᠡᠨᠡ
ᠲᠡᠭᠷᠢ ᠶ᠋ᠢᠨ ᠬᠦᠯᠦᠭ ᠬᠥᠬᠡ ᠪᠠᠭᠠᠲᠤᠷ
ᠨᠢᠭᠡ ᠬᠠᠷᠪᠤᠭᠠᠳ ᠣᠷᠬᠢᠪᠠ ᠭᠡᠨᠡ
ᠬᠠᠮᠢᠭᠠ ᠶᠠᠪᠤᠭᠰᠠᠨ? ᠦᠭᠡᠢ ᠪᠣᠯᠪᠠ ᠭᠡᠨᠡ᠃
ᠲᠡᠭᠡᠬᠦ ᠳ᠋ᠦ᠍ ᠬᠠᠨ ᠴᠡᠩᠭᠡᠯ ᠬᠥᠪᠡᠭᠦᠨ
《ᠠᠬᠠ ᠮᠢᠨᠢ ᠂ ᠠᠬᠠ ᠮᠢᠨᠢ
ᠪᠢ ᠬᠠᠷᠪᠤᠭᠠᠳ ᠣᠷᠭᠢᠶᠤ ? 》 ᠭᠡᠵᠦ ᠬᠡᠯᠡᠪᠡ ᠭᠡᠨᠡ ᠃
《 ᠬᠡᠷᠡᠭ ᠦᠭᠡᠢ ᠵᠦ ( ᠰᠢᠦ ) ᠳᠡᠭᠦᠦ ᠮᠢᠨᠢ
ᠡᠨᠡ ᠴᠢᠨᠢ ᠪᠣᠯᠬᠤᠯᠠ ᠨᠢ
ᠠᠲᠠᠭᠠ ᠮᠠᠷᠭᠤᠭᠠᠨ ᠭᠡᠭᠴᠢ ᠪᠠᠢᠨᠠ
ᠠᠬᠠ ᠴᠢᠨᠢ ᠲᠦᠷᠦᠭᠦᠯᠡᠨ ᠬᠠᠷᠪᠤᠶᠠ ! 》 ᠭᠡᠵᠦ ᠬᠡᠯᠡᠪᠡ ᠭᠡᠨᠡ᠃
ᠮᠠᠳ ᠤᠯᠠᠭᠠᠨ ᠬᠥᠪᠡᠭᠦᠨ ᠬᠠᠷᠪᠤᠭᠠᠳ ᠣᠷᠬᠢᠪᠠ ᠭᠡᠨᠡ
ᠬᠣᠷᠭᠣᠰᠤ ( ᠬᠣᠷᠭᠣᠯ ) ᠢ᠋ ᠨᠢ
ᠬᠡᠢᠰᠬᠡᠭᠡᠳ ᠣᠷᠬᠢᠪᠠ ᠭᠡᠨᠡ
ᠠᠷᠤ ᠳ᠋ᠤ᠌ ᠨᠢ ᠬᠠᠨ ᠴᠡᠩᠭᠡᠯ ᠬᠥᠪᠡᠭᠦᠨ
ᠬᠠᠷᠪᠤᠭᠠᠳ ᠣᠷᠬᠢᠪᠠ ᠭᠡᠨᠡ
ᠬᠣᠷᠭᠣᠰᠤ ( ᠬᠣᠷᠭᠣᠯ ) ᠢ᠋ ᠨᠢ
ᠬᠡᠢᠰᠬᠡᠭᠡᠳ ᠣᠷᠬᠢᠪᠠ ᠭᠡᠨᠡ
ᠬᠣᠶᠠᠷ ᠮᠥᠷᠥᠢ ( ᠮᠠᠯᠵᠢᠶᠠ ) ᠪᠠᠨ ᠠᠪᠤᠪᠠ ᠭᠡᠨᠡ ᠃
《 ᠡᠦᠲᠦ ᠶᠠᠮᠠᠷ ᠮᠥᠷᠥᠢᠨ ᠪᠠᠢᠬᠤ ᠪᠣᠯᠪᠠᠤ? 》 ᠭᠡᠵᠦ
ᠪᠠᠯᠮᠠᠭᠡᠷᠡᠯ ᠬᠠᠭᠠᠨ ᠳ᠋ᠤ᠌ ᠮᠡᠳᠡᠭᠦᠯᠪᠡ ᠭᠡᠨᠡ
《 ᠣᠳᠣ ᠪᠣᠯᠬᠤᠯᠠ ᠨᠢ
ᠳᠠᠩ ᠤ᠋ᠨ ᠴᠠᠭᠠᠨ ᠬᠥᠳᠡᠭᠡ ᠳ᠋ᠦ᠍ ᠬᠦᠷᠴᠦ ᠪᠥᠬᠡ ᠪᠠᠷᠢᠯᠳᠤᠨᠠ 》
ᠭᠡᠵᠦ ᠬᠡᠯᠡᠪᠡ ᠭᠡᠨᠡ ᠃
ᠲᠡᠭᠡᠬᠦ ᠳ᠋ᠦ᠍ ᠬᠠᠨ ᠴᠡᠩᠭᠡᠯ ᠬᠥᠪᠡᠭᠦᠨ ᠬᠡᠯᠡᠪᠡ ᠭᠡᠨᠡ
《 ᠠᠬᠠ ᠮᠢᠨᠢ ᠂ ᠠᠬᠠ ᠮᠢᠨᠢ
ᠪᠢ ᠲᠦᠷᠦᠭᠦᠯᠡᠨ ᠪᠠᠷᠢᠯᠳᠤᠭᠠᠳ ᠣᠷᠭᠢᠶᠤ ?
ᠠᠪᠤᠯᠳᠤᠬᠤ ( ᠪᠥᠬᠡ ᠪᠠᠷᠢᠯᠳᠤᠬᠤ ) ᠳ᠋ᠤ᠌
ᠪᠢ ᠰᠠᠢᠨ ᠪᠠᠢᠳᠠᠭ ᠪᠢᠯᠡ! 》 ᠭᠡᠵᠦ ᠬᠡᠯᠡᠪᠡ ᠭᠡᠨᠡ᠃
ᠲᠡᠭᠡᠬᠦ ᠳ᠋ᠦ᠍ ᠮᠠᠳ ᠤᠯᠠᠭᠠᠨ ᠬᠥᠪᠡᠭᠦᠨ ᠬᠡᠯᠡᠪᠡ ᠭᠡᠨᠡ
《 ᠬᠡᠷᠡᠭ ᠦᠭᠡᠢ ᠵᠦ ( ᠰᠢᠦ )
ᠠᠬᠠ ᠴᠢᠨᠢ ᠲᠦᠷᠦᠭᠦᠯᠡᠨ ᠪᠠᠷᠢᠯᠳᠤᠶᠠ
ᠡᠨᠡ ᠴᠢᠨᠢ ᠪᠣᠯᠬᠤᠯᠠ ᠨᠢ
ᠠᠲᠠᠭᠠ ᠮᠠᠷᠭᠤᠭᠠᠨ ᠭᠡᠭᠴᠢ ᠪᠠᠢᠨᠠ !》
ᠭᠡᠵᠦ ᠬᠡᠯᠡᠪᠡ ᠭᠡᠨᠡ ᠃
ᠮᠠᠳ ᠤᠯᠠᠭᠠᠨ ᠬᠥᠪᠡᠭᠦᠨ
ᠪᠠᠷᠢᠯᠳᠤᠭᠠᠳ ᠣᠷᠬᠢᠪᠠ ᠭᠡᠨᠡ
ᠡᠷᠭᠢᠭᠦᠯᠵᠢᠨ ᠡᠷᠭᠢᠭᠦᠯᠵᠢᠨ ( ᠡᠷᠭᠢᠭᠦᠯᠵᠦ ) ᠢᠷᠡᠭᠡᠳ
ᠲᠡᠭᠷᠢ ᠶ᠋ᠢᠨ ᠬᠦᠯᠦᠭ ᠬᠥᠬᠡ ᠪᠠᠭᠠᠲᠤᠷ ᠢ
ᠱᠠᠭᠠ ᠴᠢᠮᠥᠭᠡ ᠶ᠋ᠢ ᠨᠢ ᠪᠣᠯᠭᠣ ᠬᠠᠶᠠᠭᠠᠳ
ᠣᠷᠬᠢᠪᠠ ᠭᠡᠨᠡ
ᠠᠷᠤ ᠳ᠋ᠤ᠌ ᠨᠢ ᠬᠠᠨ ᠴᠡᠩᠭᠡᠯ ᠬᠥᠪᠡᠭᠦᠨ
ᠪᠠᠷᠢᠯᠳᠤᠭᠠᠳ ᠣᠷᠬᠢᠪᠠ ᠭᠡᠨᠡ
ᠡᠷᠭᠢᠭᠦᠯᠵᠢᠨ ᠡᠷᠭᠢᠭᠦᠯᠵᠢᠨ( ᠡᠷᠭᠢᠭᠦᠯᠵᠦ ) ᠢᠷᠡᠭᠡᠳ
ᠳᠤᠮᠳᠠ ᠴᠢᠮᠥᠭᠡ ᠶ᠋ᠢ ᠨᠢ ᠬᠤᠭᠤ ᠬᠠᠶᠠᠭᠠᠳ
ᠣᠷᠬᠢᠪᠠ ᠭᠡᠨᠡ᠃
ᠭᠤᠷᠪᠠᠨ ᠮᠥᠷᠥᠢ ᠪᠡᠨ ᠠᠪᠤᠪᠠ ᠭᠡᠨᠡ ᠃
ᠠᠷᠪᠠᠨ ᠬᠣᠨᠣᠭ ᠠᠷᠠᠵᠠ ᠪᠠᠷ ᠨᠠᠢᠷᠯᠠᠵᠤ
ᠬᠣᠷᠢᠨ ᠬᠣᠨᠣᠭ ᠬᠣᠣᠷᠠᠵᠠ ᠪᠠᠷ ᠨᠠᠢᠷᠯᠠᠵᠤ
ᠨᠠᠷᠠᠨᠽᠠᠨᠳᠠᠨ ᠠᠪᠠᠬᠠᠢ ᠶ᠋ᠢ ᠵᠠᠯᠠᠵᠢᠨ( ᠵᠠᠯᠠᠵᠤ ) ᠠᠪᠤᠪᠠ ᠭᠡᠨᠡ ᠃