ᠲᠡᠮᠦᠷᠰᠡᠭ ᠮᠣᠳᠣТөмөрсөг мод
634
ᠲᠡᠮᠦᠷᠰᠡᠭ ᠮᠣᠳᠣ
ᠲᠡᠮᠦᠷᠯᠡᠭ ᠮᠣᠳᠣᠨ ᠤ᠋ ᠢᠵᠠᠭᠤᠷ
ᠮᠥᠩᠬᠡ ᠨᠣᠭᠣᠭᠠᠨ ᠲᠤᠷᠤᠭ ᠮᠣᠳᠣ᠂ 2 —4m ᠥᠨᠳᠥᠷ᠃ ᠡᠰᠢᠨ ᠦ᠌ ᠬᠢᠨᠢ ᠭᠠᠳᠠᠷ ᠲᠠᠯᠠ ᠪᠠᠷ ᠥᠨᠢᠳᠡ ᠣᠷᠣᠰᠢᠬᠤ ᠨᠠᠪᠴᠢᠨ ᠤ᠋ ᠤᠭ ᠪᠠ ᠲᠤᠩ ᠢᠯᠡᠬᠡᠨ ᠨᠠᠪᠴᠢᠨ ᠣᠷᠣᠮ ᠬᠤᠴᠢᠵᠠᠢ᠃ ᠥᠲᠥᠨ ᠬᠡᠯᠪᠡᠷᠢᠲᠦ ᠨᠡᠢᠯᠡᠮᠡᠯ ᠨᠠᠪᠴᠢ ᠨᠢ1 —2m ᠤᠷᠲᠤ᠂ ᠪᠠᠷᠢᠭᠤᠯ ᠳ᠋ᠠᠭᠠᠨ ᠥᠷᠭᠡᠰᠦ ᠲᠡᠢ᠂ ᠡᠰᠢᠨ ᠦ᠌ ᠪᠡᠨ ᠣᠷᠣᠢ ᠳ᠋ᠤ᠌ ᠪᠠᠭᠯᠠᠷᠠᠨ ᠤᠷᠭᠤᠳᠠᠭ᠃ ᠵᠢᠵᠢᠭ ᠨᠠᠪᠴᠢ ᠨᠢ ᠨᠠᠷᠢᠨ ᠬᠠᠪᠲᠠᠭᠠᠢ ᠲᠡᠪᠡᠨᠡ ᠬᠡᠯᠪᠡᠷᠢ ᠲᠡᠢ᠂ ᠥᠷᠭᠡᠰᠦ ᠮᠡᠲᠦ ᠬᠤᠷᠴᠠ ᠦᠵᠦᠭᠦᠷ ᠲᠡᠢ᠂ ᠬᠥᠪᠡᠭᠡ ᠨᠢ ᠪᠦᠲᠦᠨ ᠪᠥᠭᠡᠳ ᠠᠷᠤ ᠲᠠᠢᠰᠢ ᠪᠠᠨ ᠬᠤᠮᠢᠭᠠᠷ᠂ 9—18cm ᠤᠷᠲᠤ᠂3—6mm ᠥᠷᠭᠡᠨ᠃ ᠴᠡᠴᠡᠭ ᠨᠢ ᠭᠠᠭᠴᠠ ᠪᠡᠯᠭᠡ ᠲᠡᠢ ᠪᠥᠭᠡᠳ ᠣᠨᠳᠣᠣ ᠭᠡᠷ ᠲᠡᠢ᠃ ᠡᠷᠡ ᠪᠠᠭ ᠴᠡᠴᠡᠭ ᠨᠢ ᠪᠥᠭᠡᠷᠡᠩᠬᠡᠢ ᠪᠠᠭᠠᠨᠠ ᠬᠡᠯᠪᠡᠷᠢ ᠲᠡᠢ᠂30—40cm ᠤᠷᠲᠤ᠂ ᠳᠡᠭᠡᠷᠡ ᠨᠢ ᠮᠠᠰᠢ ᠣᠯᠠᠨ ᠰᠢᠭᠠᠨᠲᠠᠭ ᠬᠡᠯᠪᠡᠷᠢ ᠲᠡᠢ ᠬᠠᠢᠷᠰᠤ ᠨᠤᠭᠤᠳ ᠱᠣᠷᠬᠠᠯᠠᠨ ᠴᠢᠬᠢᠯᠳᠦᠵᠦ ᠤᠷᠭᠤᠳᠠᠭ᠂ ᠬᠠᠢᠷᠰᠤ ᠨᠢᠭᠡ ᠪᠦᠷᠢ ᠶ᠋ᠢᠨ ᠠᠷᠤ ᠳ᠋ᠤ᠌ ᠲᠣᠭᠠ ᠦᠭᠡᠢ ᠣᠯᠠᠨ ᠲᠣᠭᠣᠰᠣᠪᠴᠢ ᠪᠣᠢ᠃ ᠡᠮᠡ ᠪᠠᠭ ᠴᠡᠴᠡᠭ ᠨᠢ ᠲᠠᠯᠠ ᠪᠥᠮᠪᠦᠭᠡᠨ ᠬᠡᠯᠪᠡᠷᠢ ᠲᠡᠢ᠂14—22cm ᠤᠷᠲᠤ᠂ ᠭᠠᠳᠠᠭᠤᠷ ᠨᠢ ᠰᠢᠷᠠ ᠬᠦᠷᠡᠩ ᠦᠰᠦ ᠬᠡᠪᠢᠰ ᠰᠢᠭ ᠨᠢᠭ ᠤᠷᠭᠤᠳᠠᠭ᠂ ᠳᠡᠭᠡᠳᠦ ᠣᠷᠣᠢ ᠨᠢ ᠥᠷᠭᠡᠨ ᠪᠥᠭᠡᠳ ᠰᠠᠮ ᠱᠦᠭᠦᠷ ᠮᠡᠲᠦ ᠰᠡᠲᠡᠷᠬᠡᠢ᠂ ᠳᠣᠣᠷᠠᠲᠤ ᠬᠡᠰᠡᠭ ᠦ᠋ᠨ ᠬᠣᠶᠠᠷ ᠬᠠᠵᠠᠭᠤ ᠳ᠋ᠤ᠌2—4 ᠨᠢᠴᠦᠭᠦᠨ ᠦᠷᠡ ᠨᠠᠬᠢᠶᠠ ᠲᠠᠢ᠃ ᠦᠷᠡ ᠨᠢ ᠬᠠᠮᠰᠢᠭᠢᠷ ᠥᠨᠳᠡᠭᠡᠯᠵᠢᠨ᠂4cm ᠤᠷᠲᠤ᠂ ᠪᠣᠯᠪᠠᠰᠤᠷᠠᠪᠠᠯ ᠤᠯᠠᠢᠨᠠ᠃
ᠡᠰᠢᠨ ᠳ᠋ᠦ᠍ᠨᠢ ᠴᠠᠷᠳᠠᠭᠤᠯ ᠲᠠᠢ᠃ ᠦᠷᠡ ᠨᠢ ᠵᠢᠭᠠᠬᠠᠨ ᠬᠣᠣᠷ ᠲᠠᠢ᠂ ᠡᠮ ᠳ᠋ᠦ᠍ ᠣᠷᠣᠨᠠ᠃
ᠬᠢᠲᠠᠳ ᠨᠠᠷᠡ᠄苏铁（铁树）
ᠠᠩᠭ᠌ᠯᠢ ᠨᠡᠷᠡ ᠄ Cycas revoluta Thunb
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠳ᠂ ᠡᠷᠬᠢᠮᠪᠠᠭᠠᠲᠤᠷ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ