ᠬᠠᠨ ᠴᠡᠩᠬᠡᠯ (ᠲᠤᠤᠯᠢ ) -1 Хан цэнгэл (туули ) -1
726ᠬᠠᠨ ᠴᠡᠩᠬᠡᠯ (ᠲᠤᠤᠯᠢ )
ᠬᠡᠳᠦᠢᠨ ᠬᠡᠳᠦᠢᠨ ᠴᠠᠭ ᠲᠤ᠌
ᠤᠷᠢᠳᠤ ᠶ᠋ᠢᠨ ᠤᠷᠢᠳᠤ ᠶ᠋ᠢᠨ ᠴᠠᠭ ᠲᠤ᠌
ᠡᠩᠬᠡ ᠶ᠋ᠢᠨ ᠡᠬᠢᠨ ᠦ᠌ ᠴᠠᠭ ᠲᠤ᠌
ᠡᠩᠬᠡ ᠲᠥᠷᠥ ᠬᠣᠶᠠᠷ
ᠪᠠᠲᠤ ᠪᠠᠢᠬᠤ ᠴᠠᠭ ᠲᠤ᠌
ᠪᠠᠷᠠᠭᠤᠨ ᠬᠣᠢᠲᠤ ᠵᠦᠭ ᠢ᠋
ᠪᠠᠷᠢᠨ ᠡᠵᠡᠯᠡᠨ ᠰᠠᠭᠤᠭᠰᠠᠨ
ᠪᠠᠶᠠᠨ ᠬᠦᠳᠡᠷ ᠠᠯᠲᠠᠢ ᠬᠠᠭᠠᠨ ᠭᠡᠵᠦ
ᠨᠢᠭᠡᠨ ᠶᠡᠬᠡ ᠪᠠᠶᠠᠨ ᠬᠠᠭᠠᠨ ᠪᠠᠢᠪᠠ ᠭᠡᠨᠡ᠃
ᠲᠡᠭᠷᠢ ᠶ᠋ᠢ ᠲᠡᠪᠬᠡ ᠶ᠋ᠢᠨ ᠴᠢᠨᠡᠭᠡᠨ ᠪᠠᠢᠬᠤ ᠴᠠᠭ ᠠ᠋ᠴᠠ
ᠨᠠᠭᠠᠷᠠ ( ᠨᠠᠭᠠᠰᠢ ) ᠭᠠᠵᠠᠷ ᠢ᠋
ᠭᠠᠯ ᠭᠣᠯᠣᠮᠲᠠ ᠶ᠋ᠢᠨ ᠴᠢᠨᠡᠭᠡᠨ ᠪᠠᠢᠬᠤ ᠴᠠᠭ ᠠ᠋ᠴᠠ
ᠨᠠᠭᠠᠷᠠ ( ᠨᠠᠭᠠᠰᠢ ) ᠤᠨᠲᠠᠷᠠᠭᠠᠳ ᠢᠷᠡᠳᠡᠭ
ᠭᠠᠯ ᠲᠠᠢ ᠪᠠᠢᠪᠠ ᠭᠡᠨᠡ
ᠨᠡᠪᠲᠡᠷᠡᠭᠡᠳ ᠢᠷᠡᠳᠡᠭ
ᠲᠥᠷᠥ ᠲᠡᠢ ᠪᠠᠢᠪᠠ ᠭᠡᠨᠡ
ᠰᠦᠨ ᠳᠠᠯᠠᠢ ᠱᠠᠯᠴᠢᠭ ( ᠱᠠᠯᠪᠠᠭ ) ᠪᠠᠢᠪᠠ ᠭᠡᠨᠡ
ᠰᠦᠮᠪᠦᠷ ᠠᠭᠤᠯᠠ ᠳᠣᠪᠣᠩ ( ᠳᠣᠪᠣᠴᠠᠭ ) ᠪᠠᠢᠪᠠ ᠭᠡᠨᠡ
ᠲᠠᠢᠪᠤᠩ ᠬᠠᠭᠠᠨ ᠪᠠᠯᠴᠢᠷ ᠪᠠᠢᠪᠠ ᠭᠡᠨᠡ
ᠳᠠᠯᠠᠢ ᠯᠠᠮᠠ ᠪᠠᠨᠳᠢ ᠪᠠᠢᠪᠠ ᠭᠡᠨᠡ
ᠨᠠᠷᠠᠨ ᠰᠢᠨᠡ ᠮᠠᠨᠳᠤᠪᠠ ᠭᠡᠨᠡ
ᠨᠠᠮᠴᠢ ( ᠨᠠᠪᠴᠢ ) ᠰᠢᠨᠡ ᠳᠡᠯᠭᠡᠷᠡᠪᠡ ᠭᠡᠨᠡ
ᠰᠠᠷᠠ ᠰᠢᠨᠡ ᠮᠠᠨᠳᠤᠪᠠ ᠭᠡᠨᠡ
ᠱᠠᠵᠢᠨ ᠰᠢᠨᠡ ᠳᠡᠯᠭᠡᠷᠡᠪᠡ ᠭᠡᠨᠡ᠃
ᠵᠠᠭᠤᠨ ᠨᠠᠢ᠍ᠮᠠᠨ ᠲᠠᠷᠠᠮ ( ᠬᠠᠨᠠ ) ᠲᠠᠢ ᠪᠠᠢᠪᠠ ᠭᠡᠨᠡ
ᠵᠢᠷᠭᠤᠭᠠᠨ ᠮᠢᠩᠭᠠᠨ ᠣᠨᠢ ᠲᠠᠢ ᠪᠠᠢᠪᠠ ᠭᠡᠨᠡ
ᠳᠠᠭᠠᠨ ( ᠳᠠᠭᠠ ) ᠤ ᠤᠷᠤᠯᠳᠤᠭᠠᠨ ᠤ᠋ ᠴᠢᠨᠡᠭᠡᠨ
ᠭᠠᠵᠠᠷ ᠠ᠋ᠴᠠ ᠨᠠᠭᠠᠷᠠ ( ᠨᠠᠭᠠᠰᠢ ) ᠲᠥᠭᠥᠭᠡᠯᠡᠨ (ᠳᠤᠭᠤᠢᠯᠠᠨ) ᠪᠠᠷᠢᠭᠰᠠᠨ
ᠲᠡᠭᠷᠢ ᠶ᠋ᠢᠨ ᠰᠢᠷᠭᠠᠯ ᠴᠠᠭᠠᠨ ᠡᠭᠦᠯᠡᠨ ᠳ᠋ᠦ᠍
ᠲᠤᠯᠭᠠᠨ ᠪᠠᠷᠢᠭᠰᠠᠨ ᠪᠠᠮᠪᠠᠯᠠᠢ ᠴᠠᠭᠠᠨ ᠥᠷᠭᠥᠭᠡ ᠲᠡᠢ ᠪᠠᠢᠪᠠ ᠭᠡᠨᠡ᠃
ᠡᠮᠦᠷᠡ ( ᠡᠮᠦᠨᠡᠰᠢ ) ᠪᠡᠨ ᠪᠡᠯᠴᠢᠭᠡᠳ ᠭᠠᠷᠳᠠᠭ
ᠦᠢ ᠮᠠᠩᠬᠠᠨ ᠲᠡᠮᠡᠭᠡ ᠲᠡᠢ ᠪᠠᠢᠪᠠ ᠭᠡᠨᠡ
ᠬᠣᠢᠷᠠ ᠪᠠᠨ ᠪᠡᠯᠴᠢᠭᠡᠳ ᠭᠠᠷᠳᠠᠭ
ᠬᠤᠸᠠ ᠤᠯᠠᠭᠠᠨ ᠦᠬᠡᠷ ᠲᠡᠢ ᠪᠠᠢᠪᠠ ᠭᠡᠨᠡ
ᠬᠣᠲᠣᠩ ᠤ᠋ᠨ ᠭᠣᠣᠯ ᠢ᠋ᠶ᠋ᠠᠷ
ᠬᠣᠶᠠᠷ ᠭᠤᠷᠪᠠ ᠳᠦᠭᠦᠷᠳᠡᠭ
ᠪᠤᠮᠠ ᠰᠠᠶᠠ ᠬᠣᠨᠢ ᠲᠠᠢ ᠪᠠᠢᠪᠠ ᠭᠡᠨᠡ
ᠨᠠᠷᠠᠨ ᠤ᠋ ᠬᠥᠯ ᠳᠣᠣᠷᠠ ᠮᠠᠨᠠᠷᠠᠭᠠᠳ ᠪᠠᠢᠳᠠᠭ
ᠨᠠᠶᠠᠯᠠᠨ ᠬᠣᠩᠭᠣᠷ ᠠᠵᠠᠷᠭᠠ ᠶ᠋ᠢᠨ
ᠠᠳᠤᠭᠤ ᠲᠠᠢ ᠪᠠᠢᠪᠠ ᠭᠡᠨᠡ
ᠰᠠᠷᠠᠨ ᠤ᠋ ᠬᠥᠯ ᠳᠣᠣᠷᠠ ᠮᠠᠨᠠᠷᠠᠭᠠᠳ ᠪᠠᠢᠳᠠᠭ
ᠰᠠᠶᠢᠯᠠᠨ ᠬᠣᠩᠭᠣᠷ ᠠᠵᠠᠷᠭᠠ ᠶ᠋ᠢᠨ
ᠠᠳᠤᠭᠤ ᠲᠠᠢ ᠪᠠᠢᠪᠠ ᠭᠡᠨᠡ᠃
ᠨᠢᠭᠡᠨ ᠰᠡᠲᠡᠷ ( ᠣᠩᠭᠣᠨ ) ᠲᠠᠢ ᠪᠠᠢᠪᠠ ᠭᠡᠨᠡ
ᠬᠦ ᠮᠥᠩᠬᠡ ( ᠰᠠᠷᠢᠳᠠᠭ ) ᠶ᠋ᠢᠨ ᠰᠢᠯᠢ ᠶ᠋ᠢᠨ ᠣᠷᠣᠢ
ᠵᠤᠰᠠᠯᠠᠩ ᠲᠠᠢ ᠪᠠᠢᠪᠠ ᠭᠡᠨᠡ
ᠬᠦᠢᠲᠡᠨ ᠬᠠᠪᠴᠢᠯ ᠤ᠋ᠨ ᠡᠬᠢᠨ
ᠨᠠᠮᠤᠷᠵᠢᠩ ( ᠨᠠᠮᠤᠷᠵᠢᠶᠠ ) ᠲᠠᠢ ᠪᠠᠢᠪᠠ ᠭᠡᠨᠡ ᠃
ᠵᠠᠭᠤᠷᠠ ᠬᠣᠨᠣᠮᠠ * ᠤᠷᠲᠤ ᠪᠡᠶᠡ ᠲᠡᠢ ᠪᠠᠢᠪᠠ ᠭᠡᠨᠡ
ᠵᠠᠭᠤᠨ ᠨᠠᠢ᠍ᠮᠠᠨ ᠠᠯᠲᠠ ᠬᠦᠵᠦᠭᠦᠦ ᠲᠡᠢ ᠪᠠᠢᠪᠠ ᠭᠡᠨᠡ
ᠳᠤᠷᠠᠨ ᠬᠣᠶᠠᠷ ᠨᠢᠳᠦ ᠲᠡᠢ ᠪᠠᠢᠪᠠ ᠭᠡᠨᠡ
ᠲᠤᠩ ᠪᠦᠷᠢᠶᠡ ᠶ᠋ᠢᠨ ᠬᠠᠮᠠᠷ ᠲᠠᠢ ᠪᠠᠢᠪᠠ ᠭᠡᠨᠡ
ᠬᠣᠩᠬᠣ ᠶ᠋ᠢᠨ ᠤᠴᠢᠷ ( ᠪᠠᠷᠢᠭᠤᠯ ) ᠴᠢᠬᠢ ᠲᠡᠢ ᠪᠠᠢᠪᠠ ᠭᠡᠨᠡ
ᠥᠷᠥᠯᠪᠢ ᠶ᠋ᠢᠨ ᠠᠮᠠ ᠰᠢᠩᠭᠢ ( ᠰᠢᠭ ) ᠠᠮᠠ ᠲᠠᠢ ᠪᠠᠢᠪᠠ ᠭᠡᠨᠡ
ᠬᠠᠰ ᠡᠷᠳᠡᠨᠢ ᠶ᠋ᠢᠨ ᠰᠢᠳᠦ ᠲᠡᠢ ᠪᠠᠢᠪᠠ ᠭᠡᠨᠡ
ᠪᠣᠭᠲᠣ ᠴᠢᠮᠥᠭᠡᠨ ᠨᠢ ᠮᠠᠲᠠᠭᠠᠷ ᠪᠠᠢᠪᠠ ᠭᠡᠨᠡ
ᠪᠣᠭᠣᠨᠢ ᠬᠠᠪᠢᠰᠤ ᠨᠢ ᠭᠦᠳᠦᠭᠦᠷ ᠪᠠᠢᠪᠠ ᠭᠡᠨᠡ
ᠡᠢᠮᠦ ᠯᠡ ᠨᠢᠭᠡᠨ ᠰᠠᠢᠬᠠᠨ ᠮᠣᠷᠢᠨ ᠪᠠᠢᠪᠠ ᠭᠡᠨᠡ ᠃
ᠨᠢᠭᠡᠨ ᠡᠳᠦᠷ ᠪᠣᠯᠪᠠ ᠭᠡᠨᠡ
ᠨᠢᠭᠡ ᠲᠠᠢᠵᠢ ᠭᠡᠢᠭᠰᠡᠨ ( ᠮᠡᠨᠳᠦᠯᠡᠭᠰᠡᠨ ) ᠪᠠᠢᠪᠠ ᠭᠡᠨᠡ
ᠲᠡᠭᠷᠢ ᠲᠡᠢ ᠲᠡᠰᠦᠷᠡᠯᠴᠡᠭᠡᠳ ( ᠲᠡᠩᠴᠡᠯᠳᠦᠭᠡᠳ ) ᠭᠠᠷᠪᠠ ᠭᠡᠨᠡ
ᠭᠠᠵᠠᠷ ᠲᠠᠢ ᠭᠠᠴᠠᠯᠴᠠᠭᠠᠳ ( ᠬᠠᠷᠰᠢᠯᠳᠤᠭᠠᠳ ) ᠭᠠᠷᠪᠠ ᠭᠡᠨᠡ
ᠵᠠᠭᠤᠨ ᠨᠠᠢ᠍ᠮᠠᠨ ᠢᠷᠭᠡ ᠶ᠋ᠢᠨ ᠠᠷᠠᠰᠤ ᠪᠠᠷ ᠵᠦᠢᠵᠦ ᠵᠠᠭᠠᠵᠤ ( ᠵᠠᠯᠭᠠᠵᠤ )
ᠠᠷᠠᠢ ᠴᠢᠷᠠᠢ ᠭᠡᠵᠦ ᠨᠢᠭᠡ ᠮᠠᠨᠴᠤᠢᠯᠠᠭᠠᠳ ᠲᠠᠯᠪᠢᠭᠠᠳ ᠣᠷᠬᠢᠭᠰᠠᠨ ᠪᠠᠢᠪᠠ ᠭᠡᠨᠡ
ᠵᠡᠭᠦᠨ ᠠᠭᠤᠯᠠ ᠶ᠋ᠢ ᠠᠪᠴᠢᠷᠠᠭᠠᠳ ᠲᠦᠰᠢᠯᠭᠡ ( ᠳᠡᠷᠡ ) ᠲᠠᠯᠪᠢᠪᠠ ᠭᠡᠨᠡ ᠃
ᠪᠠᠷᠠᠭᠤᠨ ᠠᠭᠤᠯᠠ ᠶ᠋ᠢ ᠠᠪᠴᠢᠷᠠᠭᠠᠳ ᠢᠰᠬᠦᠯᠪᠦᠷᠢ ( ᠢᠰᠬᠦᠯᠦᠭᠦᠷ ) ᠲᠠᠯᠪᠢᠪᠠ ᠭᠡᠨᠡ ᠃
ᠭᠤᠨᠠᠨ ᠨᠠᠰᠤ ᠬᠦᠷᠪᠡ ᠭᠡᠨᠡ
ᠭᠤᠨᠵᠢᠨ ᠴᠡᠩᠭᠡᠯ ᠨᠡᠷᠡ ᠳᠠᠭᠤᠷᠢᠰᠤᠨ ᠰᠠᠭᠤᠪᠠ ᠭᠡᠨᠡ
ᠭᠤᠷᠪᠠᠨ ᠪᠠᠢᠷᠢ ᠶ᠋ᠢᠨ ᠡᠵᠡᠨ ᠰᠠᠭᠤᠪᠠ ᠭᠡᠨᠡ
ᠳᠥᠨᠡᠨ ᠨᠠᠰᠤ ᠬᠦᠷᠪᠡ ᠭᠡᠨᠡ
ᠳᠥᠨᠵᠢᠨ ᠴᠡᠩᠭᠡᠯ ᠨᠡᠷᠡ ᠳᠠᠭᠤᠷᠢᠰᠤᠨ ᠰᠠᠭᠤᠪᠠ ᠭᠡᠨᠡ
ᠳᠥᠷᠪᠡᠨ ᠪᠠᠢᠷᠢ ᠶ᠋ᠢᠨ ᠡᠵᠡᠨ ᠰᠠᠭᠤᠪᠠ ᠭᠡᠨᠡ ᠃
ᠨᠢᠭᠡᠨ ᠡᠳᠦᠷ ᠪᠣᠯᠪᠠ ᠭᠡᠨᠡ
ᠨᠠᠢ᠍ᠮᠠᠨ ᠬᠥᠯ ᠲᠡᠢ ᠨᠠᠢᠷ ᠠᠯᠲᠠᠨ ᠰᠢᠷᠡᠭᠡᠨ ᠳᠡᠭᠡᠷᠡ ᠪᠡᠨ
ᠬᠠᠷᠭᠠᠢ ᠶ᠋ᠢᠨ ᠣᠴᠢ ᠮᠡᠲᠦ ᠴᠠᠪ ᠲᠤᠰᠲᠠᠯᠠ ( ᠪᠣᠰᠢᠭᠣ ᠱᠠᠯᠠᠮᠠᠭ )
ᠪᠠᠭᠤᠭᠠᠳ ( ᠰᠠᠭᠤᠭᠠᠳ ) ᠣᠷᠬᠢᠪᠠ ᠭᠡᠨᠡ
《 ᠬᠠᠨ ᠪᠤᠭᠤᠷᠤᠯ ᠠᠪᠤ ᠮᠢᠨᠢ
ᠬᠠᠲᠤᠨ ᠪᠤᠭᠤᠷᠤᠯ ᠡᠬᠡ ᠮᠢᠨᠢ
ᠡᠷᠡ ᠬᠥᠮᠦᠨ ᠭᠡᠰᠡᠨ ᠬᠣᠢᠨᠠ ᠪᠠᠨ
ᠭᠡᠷ ᠲᠦ᠍ ᠲᠥᠷᠥᠳᠡᠭ ᠶᠣᠰᠣᠲᠠᠢ !
ᠬᠡᠭᠡᠷᠡ ᠦᠬᠦᠳᠡᠭ ᠶᠣᠰᠣᠲᠠᠢ
ᠮᠢᠨᠦ ᠶᠠᠪᠤᠳᠠᠭ ᠭᠠᠵᠠᠷ ᠮᠢᠨᠢ ᠬᠠᠮᠢᠭᠠ ᠪᠣᠢ?
ᠰᠠᠭᠤᠳᠠᠭ ᠰᠠᠭᠤᠷᠢ ᠮᠢᠨᠢ ᠬᠠᠮᠢᠭᠠ ᠪᠣᠢ ?》 ᠭᠡᠵᠦ
ᠪᠤᠷᠬᠠᠨ ᠪᠣᠯᠤᠭᠰᠠᠨ ᠮᠠᠩᠨᠠᠢ ᠪᠠᠨ
ᠨᠢᠭᠡ ᠮᠥᠷᠭᠥᠪᠡ ᠭᠡᠨᠡ
ᠪᠤᠯᠠᠭᠠ ᠪᠣᠯᠤᠭᠰᠠᠨ ᠡᠪᠦᠳᠦᠭ ᠢ᠋ᠶ᠋ᠡᠨ ᠨᠢᠭᠡ ᠪᠣᠬᠢᠷᠪᠠ ᠭᠡᠨᠡ ᠃
ᠲᠡᠭᠡᠬᠦ ᠳ᠋ᠦ᠍ ᠬᠠᠲᠤᠨ ᠪᠤᠭᠤᠷᠤᠯ ᠡᠬᠡ ᠨᠢ ᠨᠢᠭᠡᠨ ᠠᠢᠯᠠᠳᠪᠠ ᠭᠡᠨᠡ
《 ᠬᠥᠪᠡᠭᠦᠨ ᠮᠢᠨᠢ ᠂ ᠬᠥᠪᠡᠭᠦᠨ ᠮᠢᠨᠢ
ᠡᠬᠡ ᠡᠴᠡ ᠪᠢᠰᠢ ( ᠪᠤᠰᠤᠳ ) ᠢ᠋ ᠲᠠᠨᠢᠭᠠᠳ ᠦᠭᠡᠢ ᠪᠢᠰᠢᠦ ( ᠪᠠᠢᠨᠠ ᠰᠢᠦ )
ᠡᠷᠭᠢᠨ( ᠪᠣᠱᠣᠭᠠ ) ᠠ᠋ᠴᠠ ᠪᠢᠰᠢ ( ᠪᠤᠰᠤᠳ ) ᠢ᠋ ᠳᠠᠪᠠᠭᠠᠳ ᠦᠭᠡᠢ ᠪᠢᠰᠢᠦ ( ᠪᠠᠢᠨᠠ ᠰᠢᠦ )
ᠮᠢᠬᠠᠨ ᠴᠢᠨᠢ ᠮᠢᠬᠠᠰᠢᠭᠠᠳ ᠦᠭᠡᠢ ᠪᠢᠰᠢᠦ ( ᠪᠠᠢᠨᠠ ᠰᠢᠦ )
ᠱᠥᠯᠦᠨ ᠴᠢᠨᠢ ᠱᠥᠯᠥᠰᠢᠭᠡᠳ ᠦᠭᠡᠢ ᠪᠢᠰᠢᠦ ( ᠪᠠᠢᠨᠠ ᠰᠢᠦ )! 》 ᠭᠡᠵᠦ ᠠᠢᠯᠠᠳᠪᠠ ᠭᠡᠨᠡ᠃
ᠲᠡᠭᠡᠬᠦ ᠳ᠋ᠦ᠍ ᠬᠠᠭᠠᠨ ᠪᠤᠭᠤᠷᠤᠯ ᠠᠪᠤ ᠨᠢ ᠨᠢᠭᠡᠨ ᠠᠢᠯᠠᠳᠪᠠ ᠭᠡᠨᠡ
《 ᠬᠥᠪᠡᠭᠦᠨ ᠮᠢᠨᠢ ᠂ ᠬᠥᠪᠡᠭᠦᠨ ᠮᠢᠨᠢ !
ᠪᠢ ᠪᠠᠭᠠ ᠵᠠᠯᠠᠭᠤ ᠴᠠᠭ ᠲᠤ᠌
ᠪᠠᠬᠠ ᠳᠤᠬᠤ ᠬᠥᠭᠡᠭᠡᠵᠦ ᠶᠠᠪᠤᠬᠤ ᠴᠠᠭ ᠲᠤ᠌
ᠪᠠᠷᠠᠭᠤᠨ ᠬᠣᠢᠲᠤ ᠵᠦᠭ ᠲᠦ᠍
ᠪᠠᠯᠮᠠᠭᠡᠷᠡᠯ ᠮᠠᠨᠠ ᠬᠣᠶᠠᠷ
ᠪᠠᠲᠤᠲᠠᠢᠬᠠᠨ ᠭᠤᠷᠪᠠᠨ ᠦᠭᠡ ᠪᠡᠨ
ᠬᠦᠦᠨᠢᠯᠳᠦᠬᠦ ( ᠶᠠᠷᠢᠯᠴᠠᠬᠤ ) ᠨᠢ ᠬᠦᠦᠨᠢᠯᠳᠦᠭᠰᠡᠨ ᠪᠢᠯᠡ
ᠨᠠᠷᠠᠨᠽᠠᠨᠳᠠᠨ ᠠᠪᠠᠬᠠᠢ ᠶ᠋ᠢ ᠵᠠᠯᠠᠬᠤ ᠪᠠᠷ
ᠰᠢᠢᠳᠬᠦ ᠨᠢ ᠰᠢᠢᠳᠦᠭᠰᠡᠨ ᠪᠢᠯᠡ᠃
ᠬᠤᠤᠷᠠᠨ ᠱᠣᠣ ᠶ᠋ᠢᠨ ᠶᠡᠬᠡ ᠳᠠᠯᠠᠢ ᠲᠠᠢ ᠪᠢᠯᠡ
ᠬᠣᠣᠷᠲᠠᠨ ᠮᠣᠭᠠᠢ ᠶ᠋ᠢᠨ ᠶᠡᠬᠡ ᠳᠠᠢᠰᠤᠨ ᠲᠠᠢ ᠪᠢᠯᠡ᠃
ᠲᠤᠷᠤᠭ ᠰᠢᠪᠠᠭᠤ ᠲᠤᠷᠠᠵᠤ ᠬᠦᠷᠦᠮᠡᠷ
ᠬᠣᠯᠠ ᠭᠠᠵᠠᠷ ᠪᠢᠯᠡ
ᠡᠯᠢᠶᠡ ᠰᠢᠪᠠᠭᠤ ᠭᠤᠷᠪᠠ ᠥᠨᠳᠡᠭᠡᠯᠡᠵᠦ ᠬᠦᠷᠦᠮᠡᠷ ᠬᠣᠯᠠ ᠭᠠᠵᠠᠷ ᠪᠢᠯᠡ! 》ᠭᠡᠵᠦ
ᠠᠢᠯᠠᠳᠤᠭᠰᠠᠨ ᠪᠠᠢᠪᠠ ᠭᠡᠨᠡ ᠃
ᠲᠡᠭᠡᠬᠦ ᠳ᠋ᠦ᠍ ᠪᠠᠷᠠᠭᠤᠨ ᠥᠭᠡᠳᠡ ᠨᠢ
ᠪᠠᠷᠠᠭ ᠪᠣᠯᠤᠭᠰᠠᠨ ᠵᠠᠢᠰᠠᠩ ᠤ᠋ᠳ ᠨᠢ
ᠪᠠᠭᠲᠠᠨ ᠶᠠᠳᠠᠨ ᠰᠠᠭᠤᠯᠴᠠᠭᠠᠳ ᠣᠷᠬᠢᠪᠠ ᠭᠡᠨᠡ
ᠵᠡᠭᠦᠨ ᠥᠭᠡᠳᠡ ᠨᠢ ᠵᠦᠷᠡᠭ ᠪᠣᠯᠤᠭᠰᠠᠨ ᠵᠠᠢᠰᠠᠩ ᠤ᠋ᠳ ᠨᠢ
ᠪᠠᠭᠲᠠᠨ ᠶᠠᠳᠠᠨ ᠰᠠᠭᠤᠯᠴᠠᠭᠠᠳ ᠣᠷᠬᠢᠪᠠ ᠭᠡᠨᠡ᠂
ᠳᠣᠯᠣᠭᠠᠨ ᠬᠦᠷᠡᠯ ᠬᠠᠢᠰᠤ ᠪᠠᠨ ᠣᠷᠣᠯᠳᠣᠭᠤᠯᠤᠭᠠᠳ ᠪᠠᠢᠪᠠ ᠭᠡᠨᠡ
ᠳᠣᠯᠣᠭᠠᠨ ᠠᠭᠤᠯᠠ ᠶ᠋ᠢᠨ ᠴᠠᠭ ( ᠴᠢᠨᠡᠭᠡᠨ ) ᠮᠢᠬᠠ
ᠪᠣᠯᠭᠣᠭᠠᠳ ᠲᠠᠯᠪᠢᠭᠠᠳ ᠣᠷᠬᠢᠪᠠ ᠭᠡᠨᠡ᠃
ᠲᠡᠭᠡᠬᠦ ᠳ᠋ᠦ᠍ ᠠᠳᠤᠭᠤᠴᠢᠨ ᠠᠭ ᠰᠠᠬᠠᠯ ᠡᠪᠦᠭᠡᠨ ᠢ᠋
ᠬᠤᠰᠠᠷᠠᠳᠠᠭ ( ᠬᠤᠰᠠᠷᠠᠩ ) ᠬᠠᠷᠠ ᠭᠡᠭᠦᠦ ᠶ᠋ᠢᠨ
ᠬᠤᠯᠠᠨ ᠬᠣᠩᠭᠣᠷ ᠠᠵᠢᠷᠭᠠ ᠶ᠋ᠢᠨ
ᠬᠠᠰᠢᠭ ᠲᠤᠤᠬᠠᠨ ᠰᠢᠷᠭᠠᠯ ᠭᠡᠳᠡᠭ ᠮᠣᠷᠢᠨ ᠳ᠋ᠤ᠌
ᠮᠣᠷᠳᠠᠭᠤᠯᠤᠭᠠᠳ ( ᠶᠠᠪᠤᠭᠤᠯᠤᠭᠠᠳ ) ᠣᠷᠬᠢᠪᠠ ᠭᠡᠨᠡ᠃
ᠠᠳᠤᠭᠤᠴᠢᠨ ᠠᠭ ᠰᠠᠬᠠᠯ ᠡᠪᠦᠭᠡᠨ
ᠨᠠᠶᠠᠨ ᠨᠠᠢ᠍ᠮᠠᠨ ᠠᠯᠲᠠ ᠴᠠᠯᠮᠠ ᠪᠠᠨ
ᠡᠪᠬᠡᠵᠦ ᠡᠭᠦᠷᠦᠭᠡᠳ ᠮᠣᠷᠳᠠᠭᠠᠳ ᠭᠠᠷᠪᠠ ᠭᠡᠨᠡ ᠃
ᠬᠠᠩᠭᠠᠢ ᠶ᠋ᠢ ᠬᠣᠷᠢᠨ ᠭᠤᠷᠪᠠ ᠡᠷᠭᠢᠪᠡ ᠭᠡᠨᠡ
ᠶᠠᠭᠤ ᠶᠤᠮ ( ᠴᠤ᠌ ) ᠡᠯᠡ ( ᠡᠰᠡ ) ᠬᠠᠷᠠᠭᠳᠠᠪᠠ ᠭᠡᠨᠡ
ᠠᠯᠲᠠᠢ ᠶ᠋ᠢ ᠠᠷᠪᠠᠨ ᠭᠤᠷᠪᠠ ᠡᠷᠭᠢᠪᠡ ᠭᠡᠨᠡ
ᠶᠠᠭᠤ ᠶᠤᠮ ( ᠴᠤ᠌ ) ᠡᠯᠡ ( ᠡᠰᠡ ) ᠬᠠᠷᠠᠭᠳᠠᠪᠠ ᠭᠡᠨᠡ᠃
ᠲᠡᠭᠡᠵᠢᠨ ( ᠲᠡᠭᠡᠵᠦ ) ᠪᠠᠢᠲᠠᠯᠠ
ᠬᠠᠢᠷ ᠳᠠᠯᠠᠢ ᠶ᠋ᠢᠨ ᠬᠥᠪᠡᠭᠡᠨ ᠳ᠋ᠦ᠍
ᠵᠡᠭᠦᠨ ᠴᠢᠬᠢ ᠪᠡᠨ ᠳᠡᠪᠢᠰᠬᠢᠭᠡᠳ
ᠪᠠᠷᠠᠭᠤᠨ ᠬᠥᠯ ᠢ᠋ᠶ᠋ᠡᠨ ᠰᠣᠢᠭᠠᠳ *
ᠪᠠᠷᠠᠭᠤᠨ ᠴᠢᠬᠢ ᠪᠡᠨ ᠳᠡᠪᠢᠰᠬᠢᠭᠡᠳ
ᠵᠡᠭᠦᠨ ᠬᠥᠯ ᠢ᠋ᠶ᠋ᠡᠨ ᠰᠣᠢᠭᠠᠳ *
ᠦᠷᠭᠡᠯᠡᠵᠦ ᠨᠣᠢᠷᠮᠤᠭᠯᠠᠨ ᠵᠣᠭᠰᠤᠵᠢᠨ ( ᠵᠣᠭᠰᠣᠵᠤ ) ᠪᠠᠢᠪᠠ ᠭᠡᠨᠡ᠃
ᠲᠡᠭᠡᠬᠦ ᠳ᠋ᠦ᠍ ᠠᠳᠤᠭᠤᠴᠢᠨ ᠠᠭ ᠰᠠᠬᠠᠯ ᠡᠪᠦᠭᠡᠨ
ᠨᠠᠶᠠᠨ ᠨᠠᠢ᠍ᠮᠠᠨ ᠠᠯᠲᠠ ᠴᠠᠯᠮᠠ ᠪᠠᠨ
ᠨᠠᠶᠠᠨ ᠠᠯᠲᠠ ᠶ᠋ᠢ ᠨᠢ ᠡᠪᠬᠡᠵᠢᠨ ( ᠡᠪᠬᠡᠵᠦ ) ᠪᠠᠷᠢᠭᠠᠳ
ᠨᠠᠢ᠍ᠮᠠᠨ ᠠᠯᠲᠠ ᠶ᠋ᠢ ᠨᠢ ᠴᠢᠷᠦᠭᠡᠳ
ᠠᠷᠤ ᠠ᠋ᠴᠠ ᠨᠢ ᠭᠡᠲᠡᠵᠦᠨ ( ᠭᠡᠲᠡᠵᠦ ) ᠬᠦᠷᠪᠡ ᠭᠡᠨᠡ
ᠨᠠᠭᠠᠴᠤ ᠶ᠋ᠢᠨ ᠴᠢᠨᠢ ᠠᠮᠠᠨ ᠬᠦᠵᠦᠭᠦᠨ ᠳᠤᠮᠳᠠ ᠭᠡᠵᠦ
ᠰᠢᠪᠰᠢᠵᠢᠨ( ᠰᠢᠪᠰᠢᠵᠦ ) ᠨᠢᠭᠡ ᠴᠠᠯᠮᠠᠳᠠᠭᠠᠳ * ᠣᠷᠬᠢᠪᠠ ᠭᠡᠨᠡ ᠃
ᠠᠮᠠᠨ ᠬᠦᠵᠦᠭᠦᠯᠡᠨ ( ᠬᠦᠵᠦᠭᠦᠦ ᠪᠡᠷ ᠨᠢ ) ᠰᠠᠭᠤᠭᠠᠳ ( ᠲᠣᠰᠤᠭᠠᠳ ) ᠣᠷᠬᠢᠪᠠ ᠭᠡᠨᠡ
ᠲᠡᠭᠷᠢ ᠶ᠋ᠢᠨ ᠡᠦᠲᠦ ᠲᠣᠭᠠᠯᠠᠨ ᠪᠤᠯᠭᠢᠪᠠ ᠭᠡᠨᠡ
ᠲᠡᠭᠰᠢ ᠰᠠᠢᠨ ᠳ᠋ᠤ᠌ ᠪᠠᠨ ᠡᠰᠡ ᠲᠠᠯᠪᠢᠪᠠ ᠭᠡᠨᠡ
ᠭᠠᠵᠠᠷ ᠤ᠋ᠨ ᠦᠨᠳᠦᠰᠦ ᠲᠣᠭᠠᠯᠠᠨ ᠪᠤᠯᠭᠢᠪᠠ ᠭᠡᠨᠡ
ᠭᠠᠪᠰᠢᠭᠤᠨ ᠰᠠᠢᠨ ᠳ᠋ᠤ᠌ ᠪᠠᠨ ᠡᠰᠡ ᠲᠠᠯᠪᠢᠪᠠ ᠭᠡᠨᠡ᠃
ᠠᠪᠤᠭᠠᠳ ᠬᠦᠷᠦᠭᠡᠳ ᠢᠷᠡᠪᠡ ᠭᠡᠨᠡ᠃
ᠬᠠᠵᠢ ᠮᠥᠩᠭᠥᠨ ᠬᠠᠵᠠᠭᠠᠷ ᠢ᠋ ᠨᠢ
ᠬᠠᠰ ᠡᠷᠳᠡᠨᠢ ᠶ᠋ᠢᠨ ᠰᠢᠲᠦᠨ ᠳ᠋ᠦ᠍ ᠨᠢ
ᠬᠠᠮᠰᠤᠭᠤᠯᠵᠤ ᠢᠷᠡᠨ ᠬᠠᠵᠠᠭᠠᠷᠯᠠᠭᠠᠳ ᠣᠷᠬᠢᠪᠠ ᠭᠡᠨᠡ
ᠰᠢᠯ ᠮᠥᠩᠭᠥᠨ ᠰᠢᠨᠵᠢᠷᠡᠭᠡ ᠶ᠋ᠢ ᠨᠢ
ᠰᠢᠯᠢ ᠶ᠋ᠢᠨ ᠭᠡᠭᠡ ᠶ᠋ᠢ ᠨᠢ ᠳᠠᠬᠠᠭᠤᠯᠵᠤ ( ᠳᠠᠭᠠᠭᠤᠯᠵᠤ )
ᠰᠢᠨᠵᠢᠷᠡᠭᠡᠯᠡᠭᠡᠳ ᠣᠷᠬᠢᠪᠠ ᠭᠡᠨᠡ᠃
ᠬᠥᠲᠥᠯ ᠦ᠋ᠨ ᠴᠢᠨᠡᠭᠡᠨ
ᠬᠥᠬᠡ ᠮᠥᠩᠭᠥᠨ ᠡᠮᠡᠭᠡᠯ ᠢ᠋ ᠨᠢ ᠲᠣᠬᠣᠪᠠ ᠭᠡᠨᠡ
ᠬᠥᠳᠡᠭᠡ ᠶ᠋ᠢᠨ ᠴᠢᠨᠡᠭᠡᠨ
ᠬᠥᠬᠡ ᠮᠥᠩᠭᠥᠨ ᠬᠡᠪᠢᠰ ᠢ᠋ ᠨᠢ ᠳᠤᠬᠤᠪᠠ ᠭᠡᠨᠡ᠃
ᠬᠣᠢᠷᠠ ᠪᠠᠨ ᠭᠦᠶᠦᠵᠦ ( ᠠᠯᠬᠤᠵᠤ ) ᠬᠣᠨᠣᠵᠤ ᠥᠨᠵᠢᠵᠦ
ᠬᠤᠸᠠ ᠠᠯᠲᠠᠨ ᠬᠤᠳᠠᠷᠭᠠ ᠶ᠋ᠢ ᠨᠢ ᠬᠤᠳᠠᠷᠭᠠᠯᠠᠪᠠ ᠭᠡᠨᠡ
ᠡᠮᠦᠷᠡ ( ᠤᠷᠤᠭᠰᠢ ) ᠪᠠᠨ ᠭᠦᠶᠦᠵᠦ ( ᠠᠯᠬᠤᠵᠤ ) ᠥᠨᠵᠢᠵᠦ ᠬᠣᠨᠣᠵᠤ
ᠬᠦᠵᠢ ᠮᠥᠩᠭᠥᠨ ᠬᠥᠮᠥᠯᠳᠥᠷᠭᠡ ᠶ᠋ᠢ ᠨᠢ ᠬᠥᠮᠥᠯᠳᠥᠷᠭᠡᠯᠡᠪᠡ ᠭᠡᠨᠡ
ᠲᠡᠭᠡᠵᠢᠨ ( ᠲᠡᠭᠡᠵᠦ ) ᠠᠪᠤᠭᠠᠳ ᠵᠢᠷᠢᠵᠢᠮᠡᠯ ᠴᠣᠬᠣᠷ ᠣᠯᠣᠩ ᠢ᠋ ᠨᠢ
ᠵᠢᠷᠠᠨ ᠬᠠᠪᠢᠰᠤᠨ ᠤ᠋ ᠲᠠᠯᠠ ᠳᠤᠮᠳᠠᠭᠤᠷ
ᠵᠢᠷ ᠲᠤᠰᠲᠠᠯᠠ ᠲᠠᠲᠠᠭᠠᠳ ᠣᠷᠬᠢᠪᠠ ᠭᠡᠨᠡ ᠃
ᠲᠡᠭᠡᠭᠡᠳ ᠬᠦᠷᠦᠭᠡᠳ ᠢᠷᠡᠪᠡ ᠭᠡᠨᠡ᠃
ᠲᠡᠭᠡᠬᠦ ᠳ᠋ᠦ᠍ ᠪᠠᠷᠠᠭᠤᠨ ᠥᠭᠡᠳᠡ ᠨᠢ ᠰᠠᠭᠤᠭᠰᠠᠨ
ᠪᠠᠷᠠᠭ ᠪᠣᠯᠤᠭᠰᠠᠨ ᠵᠠᠢᠰᠠᠩ ᠤ᠋ᠳ ᠨᠢ
ᠪᠠᠷᠠᠭᠤᠨ ᠪᠠᠷᠠᠭᠠ * ᠶ᠋ᠢ ᠨᠢ ᠠᠭᠤᠳᠠᠯᠪᠠ * ᠭᠡᠨᠡ
ᠴᠠᠰᠤᠨ ᠠ᠋ᠴᠠ ᠴᠠᠭᠠᠨ ᠴᠠᠭᠠᠰᠤᠨ ᠠ᠋ᠴᠠ ᠨᠢᠮᠭᠡᠨ
ᠴᠠᠷᠠᠭ ᠤ᠋ᠨ ᠴᠠᠭᠠᠨ ᠳᠤᠭᠤᠯᠠᠭᠠ ᠶ᠋ᠢ ᠨᠢ
ᠨᠠᠪᠵᠠᠯᠠᠭᠤᠯᠤᠭᠠᠳ ( ᠡᠮᠦᠰᠬᠡᠭᠡᠳ ) ᠣᠷᠬᠢᠪᠠ ᠭᠡᠨᠡ᠃
ᠵᠡᠭᠦᠨ ᠥᠭᠡᠳᠡ ᠰᠠᠭᠤᠭᠰᠠᠨ ᠵᠦᠷᠡᠭ ᠪᠣᠯᠤᠭᠰᠠᠨ ᠵᠠᠢᠰᠠᠩ ᠤ᠋ᠳ ᠨᠢ
ᠵᠡᠭᠦᠨ ᠪᠠᠷᠠᠭᠠ * ᠶ᠋ᠢ ᠨᠢ ᠠᠭᠤᠳᠠᠯᠪᠠ * ᠭᠡᠨᠡ
ᠦᠢ ᠲᠦᠮᠡᠨ ᠲᠣᠪᠴᠢᠲᠤ ᠦᠬᠡᠷ ᠬᠦ ᠬᠤᠶᠠᠭ ᠢ᠋ ᠨᠢ
ᠨᠠᠪᠵᠠᠯᠠᠭᠤᠯᠤᠭᠠᠳ ( ᠡᠮᠦᠰᠬᠡᠭᠡᠳ ) ᠣᠷᠬᠢᠪᠠ ᠭᠡᠨᠡ ᠃
ᠨᠠᠢ᠍ᠮᠠᠨ ᠬᠥᠮᠦᠨ ᠳᠠᠮᠵᠢᠯᠠᠵᠤ ᠲᠠᠯᠪᠢᠳᠠᠭ
ᠨᠠᠶᠠᠨ ᠬᠥᠮᠦᠨ ᠳᠠᠮᠵᠢᠯᠠᠵᠤ ᠡᠷᠭᠦᠳᠡᠭ
ᠲᠠᠯᠠᠭᠠᠷ ᠴᠠᠭᠠᠨ ᠱᠠᠭᠠᠵᠠᠩ ᠢ᠋ᠶ᠋ᠠᠷ
ᠠᠷᠠᠵᠠ ᠶ᠋ᠢᠨ ᠠᠷᠪᠠᠨ ᠱᠣᠣ ᠠᠮᠲᠠᠲᠤ
ᠬᠣᠣᠷᠠᠵᠠ ᠶ᠋ᠢᠨ ᠬᠣᠷᠢᠨ ᠱᠣᠣ ᠳᠣᠮᠪᠣᠲᠤ (ᠳᠣᠮᠪᠣ ᠲᠠᠢ ) ᠶ᠋ᠢ
ᠬᠠᠨ ᠴᠡᠩᠭᠡᠯ ᠬᠥᠪᠡᠭᠦᠨ ᠳᠠᠪ ᠭᠡᠬᠦ ( ᠭᠱᠠᠨ ) ᠵᠠᠭᠤᠷᠠ
ᠳᠠᠯᠠᠨ ᠨᠢᠭᠡ ᠵᠣᠭᠣᠭᠯᠠᠭᠠᠳ ᠣᠷᠬᠢᠪᠠ ᠭᠡᠨᠡ ᠃
ᠲᠡᠭᠡᠬᠦ ᠳ᠋ᠦ᠍ ᠬᠠᠨ ᠴᠡᠩᠭᠡᠯ ᠬᠥᠪᠡᠭᠦᠨ
ᠨᠢᠭᠡ ᠪᠠᠭᠠᠬᠠᠨ ( ᠵᠢᠭᠠᠬᠠᠨ ) ᠰᠣᠭᠲᠣᠬᠤ ᠶ᠋ᠢᠨ
ᠳᠦᠷᠢ ( ᠪᠠᠢᠳᠠᠯ ) ᠪᠠᠷᠢᠭᠠᠳ ( ᠭᠠᠷᠤᠭᠠᠳ ) ᠢᠷᠡᠪᠡ ᠭᠡᠨᠡ
ᠪᠤᠬᠠ ᠶ᠋ᠢᠨ ᠮᠠᠩᠨᠠᠢ ᠰᠢᠩᠭᠢ ( ᠮᠡᠲᠦ ) ᠮᠠᠩᠨᠠᠢ ᠨᠢ
ᠪᠠᠭᠤᠭᠳᠠᠭᠠᠳ ᠢᠷᠡᠪᠡ ᠭᠡᠨᠡ
ᠪᠤᠤᠷᠠ ᠶ᠋ᠢᠨ ᠰᠣᠶᠣᠭᠠ ᠰᠢᠩᠭᠢ ( ᠮᠡᠲᠦ ) ᠰᠣᠶᠣᠭᠠ ᠨᠢ
ᠢᠷᠠᠯᠵᠠᠭᠠᠳ ᠢᠷᠡᠪᠡ ᠭᠡᠨᠡ
ᠮᠢᠩᠭᠠᠨ ᠬᠥᠮᠦᠨ ᠦ᠌ ᠰᠦᠷ ᠳᠠᠷᠤᠳᠠᠭ
ᠮᠢᠬᠠᠨ ᠤᠯᠠᠭᠠᠨ ᠴᠢᠷᠠᠢ ᠨᠢ ᠭᠠᠷᠤᠭᠠᠳ ᠢᠷᠡᠪᠡ ᠭᠡᠨᠡ
ᠲᠦᠮᠡᠨ ᠬᠥᠮᠦᠨ ᠦ᠌ ᠰᠦᠷ ᠳᠠᠷᠤᠳᠠᠭ
ᠲᠦᠭᠦᠬᠡᠢ ᠤᠯᠠᠭᠠᠨ ᠴᠢᠷᠠᠢ ᠨᠢ ᠭᠠᠷᠤᠭᠠᠳ ᠢᠷᠡᠪᠡ ᠭᠡᠨᠡ᠃
ᠭᠤᠨᠠᠲᠤ ᠶ᠋ᠢᠨ ᠢ᠋ᠶ᠋ᠡᠨ ᠤᠯᠠᠭᠠᠨ ᠵᠢᠳᠠ ᠶ᠋ᠢ
ᠭᠤᠯᠵᠠᠢᠲᠠᠯᠠ ᠲᠤᠯᠤᠭᠠᠳ ᠢᠷᠡᠭᠰᠡᠨ ᠪᠠᠢᠪᠠ ᠭᠡᠨᠡ᠃
ᠲᠡᠭᠡᠬᠦ ᠳ᠋ᠦ᠍ ᠬᠠᠲᠤᠨ ᠪᠤᠭᠤᠷᠤᠯ ᠡᠬᠡ ᠨᠢ ᠨᠢᠭᠡᠨ ᠠᠢᠯᠠᠳᠪᠠ ᠭᠡᠨᠡ
《 ᠬᠥᠪᠡᠭᠦᠨ ᠮᠢᠨᠢ ᠂ ᠬᠥᠪᠡᠭᠦᠨ ᠮᠢᠨᠢ !
ᠬᠥᠪᠡᠭᠦᠨ ᠮᠢᠨᠢ ᠠᠶᠠᠷ ( ᠬᠣᠵᠢᠮ ) ᠪᠠᠭᠤᠬᠤ ( ᠢᠷᠡᠬᠦ ) ᠴᠠᠭ ᠲᠤ᠌
ᠡᠬᠡ ᠠᠪᠤ ᠬᠣᠶᠠᠷ ᠴᠢᠨᠢ ᠠᠮᠢᠳᠤ ᠪᠠᠢᠬᠤ ᠪᠢᠯᠡ ᠤᠤ ? ᠦᠭᠡᠢ ᠪᠢᠯᠡ ᠤᠤ? 》 ᠭᠡᠵᠦ
ᠮᠥᠷᠰᠦᠨ ᠬᠠᠷᠠ ᠴᠡᠴᠡᠭᠡᠢ ᠡᠴᠡ ᠨᠢ ᠮᠥᠨᠳᠥᠷ ᠰᠢᠩᠭᠢ ( ᠰᠢᠭ )
ᠨᠢᠯᠪᠤᠰᠤᠨ ᠠᠰᠬᠠᠷᠠᠭᠠᠳ ᠢᠷᠡᠪᠡ ᠭᠡᠨᠡ᠃
ᠲᠡᠭᠡᠬᠦ ᠳ᠋ᠦ᠍ ᠬᠠᠨ ᠪᠤᠭᠤᠷᠤᠯ ᠠᠪᠤ ᠨᠢ ᠨᠢᠭᠡᠨ ᠠᠢᠯᠠᠳᠪᠠ ᠭᠡᠨᠡ
《 ᠬᠥᠪᠡᠭᠦᠨ ᠮᠢᠨᠢ ᠂ ᠬᠥᠪᠡᠭᠦᠨ ᠮᠢᠨᠢ !
ᠬᠥᠪᠡᠭᠦᠨ ᠮᠢᠨᠢ ᠠᠶᠠᠷ ( ᠬᠣᠵᠢᠮ ) ᠪᠠᠭᠤᠬᠤ ( ᠢᠷᠡᠬᠦ ) ᠴᠠᠭ ᠲᠤ᠌
ᠡᠬᠡ ᠠᠪᠤ ᠬᠣᠶᠠᠷ ᠴᠢᠨᠢ ᠠᠮᠢᠳᠤ ᠪᠠᠢᠬᠤ ᠪᠢᠯᠡ ᠤᠤ ? ᠦᠭᠡᠢ ᠪᠢᠯᠡ ᠤᠤ? 》 ᠭᠡᠵᠦ
ᠮᠥᠷᠰᠦᠨ ᠬᠠᠷᠠ ᠴᠡᠴᠡᠭᠡᠢ ᠡᠴᠡ ᠨᠢ ᠮᠥᠨᠳᠥᠷ ᠰᠢᠩᠭᠢ ( ᠰᠢᠭ )
ᠨᠢᠯᠪᠤᠰᠤᠨ ᠠᠰᠬᠠᠷᠠᠭᠠᠳ ᠢᠷᠡᠪᠡ ᠭᠡᠨᠡ᠃
ᠬᠤᠨᠴᠢᠨ( ᠬᠤᠨ ) ᠰᠢᠩᠭᠢ ( ᠰᠢᠭ )
ᠳᠠᠭᠤ ᠳᠠᠭᠤ ᠪᠠᠨ ᠨᠡᠢᠯᠡᠭᠦᠯᠦᠭᠡᠳ ᠢᠷᠡᠪᠡ ᠭᠡᠨᠡ
ᠬᠤᠯᠠᠨ ᠵᠢᠩᠬᠢᠯᠲᠡᠢ ᠰᠢᠩᠭᠢ ( ᠰᠢᠭ )
ᠵᠢᠰᠦ ᠵᠢᠰᠦ ᠪᠡᠨ ᠨᠡᠢᠯᠡᠭᠦᠯᠦᠭᠡᠳ ᠢᠷᠡᠪᠡ ᠭᠡᠨᠡ᠃
ᠲᠡᠭᠡᠬᠦ ᠳ᠋ᠦ᠍ ᠬᠠᠨ ᠴᠡᠩᠭᠡᠯ ᠨᠢᠭᠡ ᠪᠠᠭᠠᠬᠠᠨ ( ᠵᠢᠭᠠᠬᠠᠨ ) ᠮᠣᠷᠳᠠᠬᠤ ᠶ᠋ᠢᠨ
ᠳᠦᠷᠢ ( ᠪᠠᠢᠳᠠᠯ ) ᠪᠠᠷᠢᠭᠠᠳ ( ᠭᠠᠷᠤᠭᠠᠳ ) ᠢᠷᠡᠪᠡ ᠭᠡᠨᠡ᠃
ᠪᠠᠷᠠᠭᠤᠨ ᠥᠭᠡᠳᠡ ᠨᠢ ᠰᠠᠭᠤᠭᠰᠠᠨ
ᠪᠠᠷᠠᠭ ᠪᠣᠯᠤᠭᠰᠠᠨ ᠵᠠᠢᠰᠠᠩ ᠤ᠋ᠳ ᠨᠢ
ᠪᠠᠷᠠᠭᠤᠨ ᠮᠣᠳᠣᠷ ᠢ᠋ ᠨᠢ ᠲᠦᠰᠢᠪᠡ ᠭᠡᠨᠡ
ᠵᠡᠭᠦᠨ ᠥᠭᠡᠳᠡ ᠰᠠᠭᠤᠭᠰᠠᠨ ᠵᠦᠷᠡᠭ ᠪᠣᠯᠤᠭᠰᠠᠨ ᠵᠠᠢᠰᠠᠩ ᠤ᠋ᠳ ᠨᠢ
ᠵᠡᠭᠦᠨ ᠮᠣᠳᠣᠷ ᠢ᠋ ᠨᠢ ᠲᠦᠰᠢᠪᠡ ᠭᠡᠨᠡ ᠃
ᠬᠦᠷᠡᠯ ᠦ᠋ᠨ ᠮᠥᠩᠭᠥᠨ ᠳᠥᠷᠥᠭᠡ ᠪᠡᠨ ᠳᠥᠷᠥᠭᠡᠯᠡᠵᠦ
ᠬᠦᠨᠳᠦ ᠰᠠᠢᠬᠠᠨ ᠰᠠᠭᠤᠳᠠᠯ ᠢ᠋ᠶ᠋ᠠᠷ ᠢ᠋ᠶ᠋ᠠᠨ
ᠨᠢᠭᠡᠨ ᠰᠠᠭᠤᠵᠢᠨ ( ᠰᠠᠭᠤᠵᠤ ) ᠠᠪᠤᠪᠠ ᠭᠡᠨᠡ ᠃
ᠶᠡᠷᠡᠨ ᠲᠡᠭᠡ ᠶ᠋ᠢᠨ ᠡᠪᠡᠷ ᠢ᠋
ᠶᠠᠷᠳᠠᠵᠤ ( ᠳᠠᠪᠲᠠᠵᠤ ) ᠶᠠᠰᠠᠭᠰᠠᠨ( ᠵᠠᠰᠠᠭᠰᠠᠨ )
ᠶᠠᠷᠳᠠᠮᠠᠯ ᠰᠢᠷᠠ ᠰᠠᠭᠠᠳᠠᠭ ᠢ᠋ᠶ᠋ᠠᠨ
ᠠᠭᠰᠠᠭᠠᠳ ( ᠵᠡᠭᠦᠭᠡᠳ ) ᠣᠷᠬᠢᠭᠰᠠᠨ ᠪᠠᠢᠪᠠ ᠭᠡᠨᠡ
ᠠᠷᠪᠠᠨ ᠳᠠᠪᠠᠭᠠ ᠳᠠᠮᠵᠢᠨ ᠭᠦᠶᠦᠯᠭᠡᠵᠦ ( ᠳᠠᠪᠬᠢᠭᠤᠯᠵᠤ )
ᠠᠬᠢᠷ ᠰᠡᠮᠲᠡᠨ ᠡᠰᠢᠲᠦ ᠵᠢᠳᠠ ᠪᠠᠨ
ᠲᠠᠪᠰᠢᠭᠤᠷᠳᠠᠭᠠᠳ ( ᠬᠠᠪᠴᠢᠭᠤᠯᠤᠭᠠᠳ ) ᠣᠷᠬᠢᠪᠠ ᠭᠡᠨᠡ
ᠼᠤᠤ ᠮᠠᠷᠰᠢᠯ ᠭᠡᠳᠡᠭ ᠰᠡᠯᠡᠮᠡ ᠪᠡᠨ
ᠬᠠᠪᠴᠢᠭᠤᠯᠤᠭᠠᠳ ᠣᠷᠬᠢᠪᠠ ᠭᠡᠨᠡ
ᠯᠠᠩᠴᠢᠨ ᠰᠠᠯᠠᠷᠠᠪᠲᠠᠨ * ᠭᠡᠳᠡᠭ ᠢᠯᠳᠦ ᠪᠡᠨ
ᠭᠤᠷᠪᠠ ᠪᠦᠰᠡᠯᠡᠪᠡ ᠭᠡᠨᠡ ᠃
ᠲᠡᠭᠡᠵᠢᠨ ( ᠲᠡᠭᠡᠵᠦ ) ᠠᠪᠤᠭᠠᠳ
ᠵᠡᠭᠦᠨ ᠭᠠᠷ ᠲᠤ᠌ ᠪᠠᠨ ᠪᠠᠯᠪᠢ ᠨᠢᠩᠮᠠ ᠭᠡᠳᠡᠭ
ᠡᠷᠢᠭᠡ ᠪᠡᠨ ᠪᠠᠷᠢᠪᠠ ᠭᠡᠨᠡ
ᠪᠠᠷᠠᠭᠤᠨ ᠭᠠᠷ ᠲᠤ᠌ ᠪᠠᠨ
ᠨᠠᠢ᠍ᠮᠠᠨ ᠴᠠᠷ ( ᠱᠠᠷ ) ᠤ᠋ᠨ ᠠᠷᠠᠰᠤᠨ ᠳᠣᠲᠣᠷ ᠲᠠᠢ
ᠨᠠᠶᠠᠨ ᠴᠠᠷ ( ᠱᠠᠷ ) ᠤ᠋ᠨ ᠠᠷᠠᠰᠤᠨ ᠭᠠᠳᠠᠷ ᠲᠠᠢ
ᠠᠢᠷᠢᠰᠤᠲᠤ ᠬᠠᠷᠠ ᠲᠠᠪᠠᠷᠴᠠᠭ ᠮᠢᠯᠠᠭᠠ ᠪᠠᠨ ᠪᠠᠷᠢᠪᠠ ᠭᠡᠨᠡ᠃
ᠲᠡᠭᠡᠵᠢᠨ ( ᠲᠡᠭᠡᠵᠦ ) ᠠᠪᠤᠭᠠᠳ
ᠪᠠᠷᠠᠭᠤᠨ ᠠᠭᠤᠯᠠ ᠶ᠋ᠢᠨ ᠪᠠᠯ ᠢ
ᠪᠠᠷᠢᠨ ᠲᠠᠪᠠᠯᠭᠠᠭᠠᠳ * ᠣᠷᠬᠢᠭᠰᠠᠨ( ᠶᠠᠪᠤᠭᠰᠠᠨ ) ᠪᠠᠢᠪᠠ ᠭᠡᠨᠡ ᠃
ᠨᠠᠷᠢᠨ ᠡᠪᠡᠰᠦᠨ ᠦ᠌ ᠲᠣᠯᠣᠭᠠᠢ
ᠨᠠᠬᠢᠯᠵᠠᠭᠤᠯᠤᠨ ᠲᠠᠪᠠᠯᠭᠠᠭᠠᠳ * ᠪᠠᠢᠪᠠ ᠭᠡᠨᠡ
ᠪᠦᠳᠦᠭᠦᠨ ᠡᠪᠡᠰᠦᠨ ᠦ᠌ ᠲᠣᠯᠣᠭᠠᠢ
ᠪᠥᠬᠦᠯᠵᠡᠭᠦᠯᠦᠨ ᠲᠠᠪᠠᠯᠭᠠᠭᠠᠳ * ᠪᠠᠢᠪᠠ ᠭᠡᠨᠡ᠃
ᠴᠠᠰᠤᠨ ᠪᠣᠯᠬᠤᠯᠠ ᠨᠢ ᠡᠪᠦᠯ ᠪᠣᠯᠵᠤ ᠪᠣᠢ ᠪᠠᠢᠨᠠ
ᠬᠤᠷᠠ ᠪᠣᠯᠬᠤᠯᠠ ᠨᠢ ᠵᠤᠨ ᠪᠣᠯᠵᠤ ᠪᠣᠢ ᠪᠠᠢᠨᠠ ᠭᠡᠵᠦ ᠪᠣᠳᠣᠭᠠᠳ
ᠲᠠᠪᠠᠯᠭᠠᠭᠠᠳ * ᠪᠠᠢᠪᠠ ᠭᠡᠨᠡ᠃
ᠨᠢᠭᠡᠨ ᠡᠳᠦᠷ ᠵᠠᠭ ᠮᠣᠳᠣ ᠨᠠᠢᠭᠤᠯᠤᠭᠰᠠᠨ
ᠵᠠᠬᠠ ᠶ᠋ᠢᠨ ᠬᠣᠨᠢᠴᠢᠨ ᠳ᠋ᠤ᠌ ᠬᠦᠷᠦᠭᠡᠳ ᠢᠷᠡᠪᠡ ᠭᠡᠨᠡ
ᠨᠢᠭᠡᠨ ᠬᠥᠭᠰᠢᠨ ᠬᠥᠮᠦᠨ
ᠬᠣᠨᠢ ᠬᠠᠷᠢᠭᠤᠯᠵᠢᠨ( ᠬᠠᠷᠢᠭᠤᠯᠵᠤ ) ᠪᠠᠢᠪᠠ ᠭᠡᠨᠡ ᠃
《 ᠴᠢ ᠡᠨᠡ ᠨᠢᠭᠤᠷ ᠲᠤ᠌ ᠪᠠᠨ ᠭᠠᠯ ᠲᠠᠢ
ᠨᠢᠳᠦᠨ ᠳ᠋ᠦ᠍ ᠪᠡᠨ ᠴᠣᠭ ᠲᠠᠢ
ᠪᠣᠰᠢ ᠦᠭᠡᠢ (ᠣᠨᠴᠠ ) ᠬᠡᠴᠡᠭᠦᠦ ( ᠴᠢᠳᠠᠪᠤᠷᠢᠲᠠᠢ ) ᠬᠥᠪᠡᠭᠦᠨ ᠴᠢ
ᠬᠠᠮᠢᠭᠠ ᠶᠠᠪᠤᠵᠢᠨ ( ᠶᠠᠪᠤᠵᠤ ) ᠪᠠᠢᠨᠠ ?
ᠡᠵᠢ ᠠᠪᠤ ᠴᠢᠨᠢ ᠬᠡᠨ ᠭᠡᠳᠡᠭ ᠪᠣᠢ ?
ᠨᠤᠲᠤᠭ ᠤᠰᠤᠨ ᠴᠢᠨᠢ ᠬᠠᠮᠢᠭᠠ ᠪᠣᠢ ? 》 ᠭᠡᠵᠦ ᠰᠤᠷᠠᠪᠠ ᠭᠡᠨᠡ ᠃
《 ᠠ᠂ ᠪᠢ ᠪᠣᠯᠬᠤᠯᠠ ᠨᠢ
ᠪᠠᠷᠠᠭᠤᠨ ᠬᠣᠢᠲᠤ ᠵᠦᠭ ᠢ᠋
ᠪᠠᠷᠢᠨ ᠡᠵᠡᠯᠡᠨ ᠰᠠᠭᠤᠭᠰᠠᠨ
ᠪᠠᠶᠠᠨ ᠬᠦᠳᠡᠷ ᠠᠯᠲᠠᠢ ᠬᠠᠭᠠᠨ ᠤ᠋
ᠭᠠᠭᠴᠠ ᠲᠠᠢᠵᠢ ᠬᠠᠨ ᠴᠡᠩᠭᠡᠯ ᠬᠥᠪᠡᠭᠦᠨ ᠭᠡᠳᠡᠭ
ᠪᠢ ᠪᠠᠢᠨᠠ ᠃
ᠮᠠᠨᠠ ᠠᠪᠤ ᠪᠠᠯᠮᠠᠭᠡᠷᠡᠯ ᠬᠠᠭᠠᠨ
ᠬᠣᠶᠠᠷ ᠪᠠᠲᠤᠲᠠᠢᠬᠠᠨ ᠭᠤᠷᠪᠠᠨ ᠦᠭᠡ
ᠬᠦᠦᠨᠢᠯᠳᠦᠬᠦ ( ᠶᠠᠷᠢᠯᠴᠠᠬᠤ ) ᠨᠢ ᠬᠦᠦᠨᠢᠯᠳᠦᠭᠰᠡᠨ ᠭᠡᠨᠡ
ᠨᠠᠷᠠᠨᠽᠠᠠᠳᠠᠨ ᠠᠪᠠᠬᠠᠢ ᠶ᠋ᠢ ᠵᠠᠯᠠᠬᠤ ᠪᠠᠷ
ᠰᠢᠢᠳᠬᠦ ᠨᠢ ᠰᠢᠢᠳᠦᠭᠰᠡᠨ ᠭᠡᠨᠡ
ᠲᠡᠭᠡᠭᠡᠳ ᠪᠢ ᠶᠠᠪᠤᠵᠢᠨ ( ᠶᠠᠪᠤᠵᠤ ) ᠪᠠᠢᠨᠠ 》 ᠭᠡᠵᠦ ᠬᠡᠯᠡᠪᠡ ᠭᠡᠨᠡ ᠃
《 ᠦ ! ᠲᠡᠭᠡᠭᠰᠡᠨ ᠬᠣᠢᠨᠠ
ᠪᠢ ᠪᠠᠭᠠ ᠵᠠᠯᠠᠭᠤ ᠪᠠᠯᠴᠢᠷ ᠨᠢᠯᠬᠠ ᠪᠠᠢᠬᠤ ᠴᠠᠭ ᠲᠤ᠌
ᠬᠥᠭᠰᠢᠨ ᠬᠥᠭᠰᠢᠨ ᠨᠠᠰᠤᠲᠠᠢ ᠬᠥᠮᠦᠨ ᠬᠡᠯᠡᠳᠡᠭ ᠪᠠᠢᠯᠠ
ᠪᠠᠶᠠᠨ ᠬᠦᠳᠡᠷ ᠠᠯᠲᠠᠢ ᠬᠠᠭᠠᠨ ᠮᠠᠨᠠ ᠨᠣᠶᠠᠨ ᠭᠡᠵᠦ
ᠨᠢᠭᠡ ᠰᠣᠨᠣᠰᠤᠭᠰᠠᠨ ᠶᠤᠮ ᠪᠠᠢᠨᠠ
ᠲᠡᠭᠡᠭᠡᠳ ᠴᠢ ᠮᠢᠨᠦ ᠨᠣᠶᠠᠨ ᠪᠠᠢᠵᠠᠢ ! 》 ᠭᠡᠵᠦ
ᠤᠬᠢᠯᠠᠭᠠᠳ ᠪᠠᠷᠬᠢᠷᠠᠭᠠᠳ ᠴᠢᠷᠦᠭᠦᠯᠳᠡᠭᠡᠳ ᠪᠠᠢᠪᠠ ᠭᠡᠨᠡ ᠃
ᠲᠡᠨᠳᠡ ᠡᠴᠡ ᠨᠢ ᠴᠠᠭᠠᠷᠠ ( ᠴᠠᠰᠢ ᠪᠠᠨ )
ᠭᠦᠶᠦᠯᠭᠡᠭᠡᠳ ( ᠳᠠᠪᠬᠢᠭᠤᠯᠤᠭᠠᠳ ) ᠶᠠᠪᠤᠪᠠ ᠭᠡᠨᠡ ᠃
ᠴᠠᠰᠤᠨ ᠪᠣᠯᠬᠤᠯᠠ ᠨᠢ ᠡᠪᠦᠯ ᠪᠣᠯᠵᠤ ᠪᠣᠢ ᠪᠠᠢᠨᠠ
ᠬᠤᠷᠠ ᠪᠣᠯᠬᠤᠯᠠ ᠨᠢ ᠵᠤᠨ ᠪᠣᠯᠵᠤ ᠪᠣᠢ ᠪᠠᠢᠨᠠ ᠭᠡᠵᠦ
ᠪᠣᠳᠣᠭᠠᠳ ᠲᠠᠪᠠᠯᠭᠠᠭᠠᠳ * ᠪᠠᠢᠪᠠ ᠭᠡᠨᠡ ᠃
ᠨᠢᠭᠡᠨ ᠡᠳᠦᠷ ᠪᠣᠯᠪᠠ ᠭᠡᠨᠡ
ᠬᠦ ᠮᠥᠩᠬᠡ ᠶ᠋ᠢᠨ ᠰᠢᠯᠢ ᠶ᠋ᠢᠨ ᠣᠷᠣᠢ ᠳᠡᠭᠡᠷᠡ
ᠭᠠᠷᠴᠢᠨ( ᠭᠠᠷᠴᠤ ) ᠢᠷᠡᠪᠡ ᠭᠡᠨᠡ
ᠮᠥᠷᠰᠦᠨ ᠬᠠᠷᠠ ᠴᠡᠴᠡᠭᠡᠢ ᠪᠡᠨ
ᠶᠠᠩᠵᠤ ᠳᠤᠷᠳᠤᠩ ᠭᠡᠳᠡᠭ ᠠᠯᠴᠢᠭᠤᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ
ᠨᠢᠭᠡᠨ ᠠᠷᠴᠢᠵᠢᠨ( ᠠᠷᠴᠢᠵᠤ ) ᠢᠷᠡᠨ
ᠨᠢᠭᠡᠨ ᠬᠠᠷᠠᠰ ᠬᠠᠯᠢᠶᠠᠪᠠ ( ᠬᠠᠷᠠᠪᠠ ) ᠭᠡᠨᠡ᠃
ᠭᠤᠷᠪᠠᠨ ᠳᠣᠯᠣᠭᠠ ᠬᠣᠷᠢᠨ ᠨᠢᠭᠡᠨ ᠬᠣᠨᠣᠭ ᠤ᠋ᠨ ᠭᠠᠵᠠᠷ ᠠ᠋ᠴᠠ
ᠨᠠᠭᠠᠷᠠ ( ᠨᠡᠰᠢ ) ᠬᠠᠯᠢᠶᠠᠭᠠᠳ ( ᠬᠠᠷᠠᠭᠠᠳ ) ᠣᠷᠬᠢᠪᠠ ᠭᠡᠨᠡ
ᠨᠢᠭᠡᠨ ᠰᠠᠢᠨ ᠠᠭᠲᠠ ᠶ᠋ᠢᠨ ᠴᠢᠬᠢᠨ
ᠰᠡᠷᠲᠡᠯᠵᠡᠭᠰᠡᠨ ᠰᠢᠩᠭᠢ ( ᠮᠡᠲᠦ ) ᠪᠣᠯᠪᠠ ᠭᠡᠨᠡ
ᠨᠢᠭᠡᠨ ᠴᠠᠷᠠᠭ ᠤ᠋ᠨ ᠴᠠᠭᠠᠨ ᠳᠤᠭᠤᠯᠠᠭᠠ ᠶ᠋ᠢᠨ ᠣᠷᠣᠢ
ᠴᠤᠬᠤᠢᠭᠰᠠᠨ ᠰᠢᠩᠭᠢ ( ᠮᠡᠲᠦ ) ᠪᠣᠯᠪᠠ ᠭᠡᠨᠡ ᠃
ᠲᠡᠨᠳᠡ ᠪᠡᠨ ᠪᠠᠭᠤᠨ ᠭᠦᠶᠦᠨ ᠰᠠᠭᠤᠭᠠᠳ ᠣᠷᠬᠢᠪᠠ ᠭᠡᠨᠡ ᠃
ᠨᠢᠭᠡ ᠳᠣᠯᠣᠭᠠ ᠬᠣᠨᠣᠬᠤ ᠳ᠋ᠤ᠌
ᠴᠢᠨᠴᠢᠨ ᠮᠢᠨᠴᠢᠨ ᠭᠡᠳᠡᠭ ᠬᠣᠶᠠᠷ ᠰᠢᠪᠠᠭᠤ ᠨᠢ
ᠰᠢᠭᠦᠷᠡᠴᠢᠨ ᠠᠯᠳᠠᠭᠠᠳ ᠰᠢᠭᠦᠷᠡᠴᠢᠨ ᠠᠯᠳᠠᠭᠠᠳ ( ᠰᠢᠭᠦᠷᠡᠭᠡᠳ ᠪᠠᠷᠢᠮᠠᠷ )
ᠭᠠᠷᠤᠭᠠᠳ ( ᠶᠠᠪᠤᠭᠠᠳ ) ᠣᠳᠪᠠ ᠭᠡᠨᠡ
《 ᠡᠭᠦᠨ ᠦ᠌ ᠡᠨᠡ ᠲᠡᠵᠢᠭᠡᠭᠰᠡᠨ ᠰᠢᠪᠠᠭᠤᠨ ᠨᠢ
ᠡᠢᠮᠦ ᠬᠡᠴᠡᠭᠦᠦ ᠶᠦᠮ ᠪᠠᠢᠬᠤ ᠨᠢ
ᠨᠡᠷᠡᠲᠡᠢ ᠲᠥᠷᠥᠭᠰᠡᠨ ᠥᠪᠡᠷ ᠦ᠋ᠨ ᠪᠡᠶᠡ ᠨᠢ
ᠶᠠᠮᠠᠷ ᠶᠤᠮ ᠪᠠᠢᠯᠲᠠᠢ * ᠪᠠᠢᠨᠠ? 》 ᠭᠡᠵᠦ
ᠪᠣᠳᠣᠭᠠᠳ ᠰᠠᠭᠤᠪᠠ ᠭᠡᠨᠡ ᠃
ᠬᠣᠶᠠᠷ ᠳᠣᠯᠣᠭᠠ ᠬᠣᠨᠣᠬᠤ ᠳ᠋ᠤ᠌
ᠪᠠᠰᠠᠷ ᠱᠣᠩᠬᠣᠷ ᠭᠡᠳᠡᠭ ᠬᠣᠶᠠᠷ ᠨᠣᠬᠠᠢ ᠨᠢ
ᠰᠢᠭᠦᠷᠡᠴᠢᠨ ᠠᠯᠳᠠᠭᠠᠳ ᠰᠢᠭᠦᠷᠡᠴᠢᠨ ᠠᠯᠳᠠᠭᠠᠳ (ᠰᠢᠭᠦᠷᠡᠭᠡᠳ ᠪᠠᠷᠢᠮᠠᠷ )
ᠭᠠᠷᠤᠭᠠᠳ ᠣᠳᠪᠠ ᠭᠡᠨᠡ ᠂
《 ᠡᠭᠦᠨ ᠦ᠌ ᠡᠨᠡ ᠲᠡᠵᠢᠭᠡᠭᠰᠡᠨ ᠨᠣᠬᠠᠢ ᠨᠢ
ᠡᠢᠮᠦ ᠬᠡᠴᠡᠭᠦᠦ ᠶᠦᠮ ᠪᠠᠢᠬᠤ ᠨᠢ
ᠨᠡᠷᠡᠲᠡᠢ ᠲᠥᠷᠥᠭᠰᠡᠨ ᠥᠪᠡᠷ ᠦ᠋ᠨ ᠪᠡᠶᠡ ᠨᠢ
ᠶᠠᠮᠠᠷ ᠶᠤᠮ ᠪᠠᠢᠯᠲᠠᠢ * ᠪᠠᠢᠨᠠ? 》 ᠭᠡᠵᠦ
ᠪᠣᠳᠣᠭᠠᠳ ᠰᠠᠭᠤᠪᠠ ᠭᠡᠨᠡ ᠃
ᠭᠤᠷᠪᠠᠨ ᠳᠣᠯᠣᠭᠠ ᠬᠣᠨᠣᠪᠠ ᠭᠡᠨᠡ
ᠲᠡᠭᠡᠬᠦ ᠳ᠋ᠦ᠍ ᠨᠢᠭᠡᠨ ᠡᠳᠦᠷ ᠬᠠᠵᠠᠭᠤ ᠪᠠᠷ ᠨᠢ
ᠬᠠᠷᠠ ᠪᠠᠲᠠᠭᠠᠨᠠ ᠶ᠋ᠢᠨ ᠴᠠᠭ ᠪᠣᠳᠣᠯ ᠦᠭᠡᠢ ᠪᠡᠷ *
ᠲᠠᠪᠠᠯᠭᠠᠭᠠᠳ * ᠭᠠᠷᠴᠤ ᠪᠠᠢᠪᠠ ᠭᠡᠨᠡ᠃
ᠮᠣᠷᠳᠠᠭᠠᠳ ᠭᠦᠶᠦᠯᠭᠡᠭᠡᠳ ( ᠳᠠᠪᠬᠢᠭᠤᠯᠤᠭᠠᠳ ) ᠬᠦᠷᠪᠡ ᠭᠡᠨᠡ᠃
《 ᠠᠬᠠ ᠮᠢᠨᠢ ! ᠠᠬᠠ ᠮᠢᠨᠢ ! ᠠᠮᠤᠷ ᠰᠠᠢᠬᠠᠨ!
ᠨᠤᠲᠤᠭ ᠪᠠᠭᠤᠷᠢ ᠲᠠᠨᠢ ᠬᠠᠮᠢᠭᠠ ᠪᠣᠢ ?
ᠡᠵᠡᠨ ᠨᠣᠶᠠᠨ ᠲᠠᠨᠢ ᠬᠡᠨ ᠪᠣᠢ? 》 ᠭᠡᠵᠦ ᠰᠤᠷᠠᠪᠠ ᠭᠡᠨᠡ ᠃
ᠲᠡᠭᠡᠬᠦ ᠳ᠋ᠦ᠍ 《 ᠦ! ᠴᠢ ᠶᠠᠭᠤᠨ ᠲᠥᠷᠥᠬᠦ ᠪᠡᠷ
ᠡᠷᠭᠢᠭᠦᠦ ᠲᠥᠷᠥᠭᠰᠡᠨ ᠬᠥᠪᠡᠭᠦᠨ ᠪᠣᠢ?
ᠦ ! ᠴᠢ ᠶᠠᠭᠤᠨ ᠪᠡᠶᠡ ᠡᠴᠡ ᠪᠡᠨ ᠭᠠᠵᠠᠭᠠ ( ᠭᠠᠳᠠᠨᠠ )
ᠶᠡᠬᠡ ᠠᠮᠠ ᠲᠠᠢ ( ᠣᠮᠣᠷᠬᠠᠭ ᠪᠠᠷᠳᠠᠮ ) ᠬᠥᠪᠡᠭᠦᠨ ᠪᠣᠢ? 》 ᠭᠡᠵᠦ ᠬᠡᠯᠡᠭᠡᠳ
ᠴᠠᠷᠠᠭ ᠤ᠋ᠨ ᠬᠢᠨᠢ ᠴᠠᠭᠠᠨ ᠳᠤᠭᠤᠯᠠᠭᠠ ᠳᠤᠮᠳᠠᠭᠤᠷ ᠨᠢ
ᠠᠢᠷᠢᠰᠣᠲᠣ ᠬᠠᠷᠠ ᠲᠠᠪᠠᠷᠴᠠᠭ ᠮᠢᠯᠠᠭᠠ ᠪᠠᠷ ᠢ᠋ᠶ᠋ᠠᠨ
ᠨᠢᠭᠡᠨ ᠲᠠᠲᠠᠵᠢᠨ ( ᠲᠠᠰᠢᠭᠤᠷᠳᠠᠨ ) ᠣᠷᠬᠢᠭᠠᠳ
ᠲᠠᠪᠠᠯᠭᠠᠭᠠᠳ * ᠶᠠᠪᠤᠭᠠᠳ ᠣᠳᠪᠠ ᠭᠡᠨᠡ᠃
ᠠᠷᠤ ᠠ᠋ᠴᠠ ᠨᠢ ᠳᠠᠪᠢᠷᠠᠭᠤᠯᠤᠨ ( ᠨᠡᠬᠡᠨ ) ᠬᠦᠷᠪᠡ ᠭᠡᠨᠡ
《 ᠠᠬᠠ ᠮᠢᠨᠢ ! ᠠᠬᠠ ᠮᠢᠨᠢ !
ᠡᠦᠲᠦ ᠮᠢᠨᠦ ᠰᠡᠯᠡᠭᠡᠨ( ᠡᠭᠡᠯᠵᠢ ) ᠪᠢᠵᠡ ? 》 ᠭᠡᠵᠦ ᠬᠡᠯᠡᠪᠡ ᠭᠡᠨᠡ ᠃
《 ᠲᠡᠭᠡᠬᠦ ᠶ᠋ᠢᠨ ᠴᠢᠨᠢ ᠲᠡᠭᠡᠨᠡ ᠪᠢᠵᠡ * ! 》 ᠭᠡᠵᠦ ᠬᠡᠯᠡᠭᠡᠳ
ᠲᠠᠪᠠᠯᠭᠠᠭᠠᠳ * ᠪᠠᠢᠪᠠ ᠭᠡᠨᠡ ᠃
ᠳᠠᠪᠢᠷᠠᠭᠤᠯᠵᠢᠨ (ᠨᠡᠬᠡᠵᠦ) ᠬᠦᠷᠦᠭᠡᠳ
ᠴᠠᠷᠠᠭ ᠤ᠋ᠨ ᠬᠢᠨᠢ ᠴᠠᠭᠠᠨ ᠳᠤᠭᠤᠯᠠᠭᠠ ᠳᠤᠮᠳᠠᠭᠤᠷ ᠨᠢ
ᠠᠢᠷᠢᠰᠣᠲᠣ ᠬᠠᠷᠠ ᠲᠠᠪᠠᠷᠴᠠᠭ ᠮᠢᠯᠠᠭᠠ ᠪᠠᠷ ᠢ᠋ᠶ᠋ᠠᠨ
ᠨᠢᠭᠡ ᠲᠠᠲᠠᠭᠠᠳ ( ᠲᠠᠰᠢᠭᠤᠷᠳᠠᠭᠠᠳ ) ᠣᠷᠬᠢᠪᠠ ᠭᠡᠨᠡ ᠃
ᠲᠡᠭᠡᠬᠦ ᠳ᠋ᠦ᠍ ᠮᠣᠷᠢᠨ ᠤ᠋ ᠪᠠᠨ ᠠᠮᠠ ( ᠠᠮᠠᠭᠠᠢ )
ᠭᠡᠳᠡᠷᠭᠦ ᠪᠡᠨ ᠡᠷᠭᠢᠭᠦᠯᠦᠭᠡᠳ ᠢᠷᠡᠪᠡ ᠭᠡᠨᠡ ᠃
《 ᠴᠢ ᠮᠠᠨᠠ ᠬᠣᠶᠠᠷ ᠡᠨᠡ ᠴᠢᠨᠢ
ᠶᠣᠭ ᠶᠤᠮ ᠪᠣᠯᠣᠰᠢ ᠦᠭᠡᠢ * ᠪᠠᠢᠨᠠ
ᠴᠢ ᠮᠠᠨᠠ ᠬᠣᠶᠠᠷ ᠬᠡᠢ ᠭᠦᠷᠪᠡᠯᠵᠢᠨ ᠰᠢᠭᠢᠷᠡ ᠪᠡᠷ ᠢ᠋ᠶ᠋ᠡᠨ
ᠨᠢᠭᠡ ᠪᠣᠯᠤᠯᠴᠠᠶᠤ (ᠦᠵᠡᠯᠴᠡᠶᠡ ) 》 ᠭᠡᠵᠦ ᠬᠡᠯᠡᠪᠡ ᠭᠡᠨᠡ ᠃
《 ᠲᠡᠭᠡᠬᠦ ᠶ᠋ᠢᠨ ᠴᠢᠨᠢ ᠲᠡᠭᠡᠨᠡ ᠪᠢᠵᠡ *!》 ᠭᠡᠵᠦ ᠬᠡᠯᠡᠪᠡ ᠭᠡᠨᠡ ᠃
ᠣᠴᠢᠨ ᠴᠣᠬᠣᠷ ᠮᠣᠷᠢ ᠬᠠᠰᠢᠭ ᠲᠤᠤᠬᠠᠨ ᠰᠢᠷᠭᠠᠯ
ᠬᠣᠶᠠᠷ ᠮᠣᠷᠢ ᠪᠠᠨ ᠲᠠᠯᠪᠢᠭᠠᠳ ᠬᠥᠭᠡᠭᠡᠳ ᠣᠷᠬᠢᠪᠠ ᠭᠡᠨᠡ᠃
ᠠᠭᠤᠯᠠ ᠠᠭᠤᠯᠠ ᠶ᠋ᠢᠨ ᠪᠠᠯ
ᠠᠪᠤᠭᠠᠳ ᠰᠠᠭᠤᠭᠠᠳ ᠣᠷᠬᠢᠪᠠ ᠭᠡᠨᠡ
ᠬᠣᠨᠣᠭ ᠤ᠋ᠨ ᠭᠠᠵᠠᠷ ᠠ᠋ᠴᠠ
ᠬᠣᠨᠢᠨ ᠤ᠋ ᠴᠢᠨᠡᠭᠡᠨ ᠴᠢᠨᠡᠭᠡᠨ ᠴᠢᠯᠠᠭᠤ ᠪᠠᠷ
ᠴᠣᠬᠢᠷᠠᠯᠳᠤᠭᠠᠳ ᠢᠷᠡᠪᠡ ᠭᠡᠨᠡ
ᠦᠳᠡ ᠶ᠋ᠢᠨ ᠭᠠᠵᠠᠷ ᠠ᠋ᠴᠠ
ᠦᠬᠡᠷ ᠦ᠋ᠨ ᠴᠢᠨᠡᠭᠡᠨ ᠴᠢᠨᠡᠭᠡᠨ ᠴᠢᠯᠠᠭᠤ ᠪᠠᠷ
ᠴᠣᠬᠢᠷᠠᠯᠳᠤᠭᠠᠳ ᠢᠷᠡᠪᠡ ᠭᠡᠨᠡ᠃
ᠨᠢᠭᠡᠨ ᠡᠳᠦᠷ ᠪᠣᠯᠪᠠ ᠭᠡᠨᠡ
ᠮᠠᠳ ᠤᠯᠠᠭᠠᠨ ᠬᠥᠪᠡᠭᠦᠨ ᠬᠡᠯᠡᠪᠡ ᠭᠡᠨᠡ ᠃
《 ᠴᠢ ᠮᠠᠨᠠ ᠬᠣᠶᠠᠷ ᠡᠨᠡ ᠴᠢᠨᠢ
ᠶᠣᠭ ᠶᠤᠮ ᠪᠣᠯᠣᠰᠢ ᠦᠭᠡᠢ * ᠪᠠᠢᠨᠠ
ᠴᠢ ᠮᠠᠨᠠ ᠬᠣᠶᠠᠷ ᠤᠷᠠᠴᠤᠳ ᠤ᠋ᠨ ᠬᠥᠬᠡ ᠲᠡᠮᠦᠷ ᠢ᠋ᠶ᠋ᠡᠷ
ᠨᠢᠭᠡ ᠪᠡᠨ ᠪᠣᠯᠤᠯᠴᠠᠶᠤ (ᠦᠵᠡᠯᠴᠡᠶᠡ ) 》 ᠭᠡᠵᠦ ᠬᠡᠯᠡᠪᠡ ᠭᠡᠨᠡ ᠃
《 ᠲᠡᠭᠡᠬᠦ ᠶ᠋ᠢᠨ ᠴᠢᠨᠢ ᠲᠡᠭᠡᠨᠡ * ᠪᠢᠵᠡ !》 ᠭᠡᠵᠦ ᠬᠡᠯᠡᠪᠡ ᠭᠡᠨᠡ ᠃
ᠮᠠᠳ ᠤᠯᠠᠭᠠᠨ ᠬᠥᠪᠡᠭᠦᠨ
ᠦᠷᠦᠭᠦᠨ (ᠥᠷᠯᠥᠭᠡᠨ ) ᠦ᠌ ᠭᠡᠷᠡᠯ ᠡᠴᠡ
ᠠᠰᠬᠠᠨ (ᠦᠳᠡᠰᠢ ) ᠶ᠋ᠢᠨ ᠭᠡᠷᠡᠯ ᠬᠦᠷᠲᠡᠯᠡ
ᠰᠠᠭᠠᠳᠠᠭ ᠢ᠋ᠶ᠋ᠠᠨ ᠲᠠᠲᠠᠭᠠᠳ ᠣᠷᠬᠢᠭᠰᠠᠨ ᠪᠠᠢᠪᠠ ᠭᠡᠨᠡ ᠃
ᠬᠣᠶᠠᠷ ᠳᠠᠯᠤ ᠶ᠋ᠢᠨ ᠬᠢᠷᠠ
ᠬᠣᠯᠪᠣᠯᠳᠤᠭᠠᠳ ᠢᠷᠡᠪᠡ ᠭᠡᠨᠡ
ᠡᠷᠡᠬᠡᠢ ᠬᠣᠮᠣᠬᠠᠢ (ᠳᠣᠯᠣᠪᠣᠷ) ᠬᠣᠶᠠᠷ ᠠ᠋ᠴᠠ ᠨᠢ
ᠬᠠᠷᠠ ᠬᠠᠷᠠ ᠨᠥᠵᠢᠭ (ᠨᠥᠵᠢ ) ᠤᠨᠠᠭᠠᠳ ᠢᠷᠡᠪᠡ ᠭᠡᠨᠡ ᠃
ᠲᠡᠭᠡᠬᠦ ᠳ᠋ᠦ᠍ ᠬᠠᠨ ᠴᠡᠩᠭᠡᠯ ᠬᠥᠪᠡᠭᠦᠨ
ᠬᠠᠰᠢᠭ ᠲᠣᠣᠬᠠᠨ ᠰᠢᠷᠭᠠᠯ ᠮᠣᠷᠢᠨ ᠤ᠋ ᠪᠠᠨ
ᠪᠠᠷᠠᠭᠤᠨ ᠴᠢᠬᠢᠨ ᠳᠣᠲᠣᠷᠠ
ᠬᠦᠷᠡᠯ ᠬᠠᠷᠴᠠᠭᠠᠢ ᠳ᠋ᠤ᠌ ᠬᠤᠪᠢᠯᠤᠭᠠᠳ
ᠰᠠᠭᠤᠵᠢᠨ ( ᠰᠠᠭᠤᠵᠤ ) ᠪᠠᠢᠪᠠ ᠭᠡᠨᠡ
ᠬᠠᠨ ᠴᠡᠩᠭᠡᠯ ᠬᠥᠪᠡᠭᠦᠨ ᠦ᠌
ᠠᠪᠳᠠᠷᠠ ᠶ᠋ᠢᠨ ᠴᠡᠭᠡᠵᠢᠨ ᠳᠤᠮᠳᠠ * ᠭᠡᠵᠦ
ᠰᠢᠪᠰᠢᠵᠢᠨ (ᠰᠢᠪᠰᠢᠵᠦ ) ᠨᠢᠭᠡ ᠲᠠᠯᠪᠢᠭᠠᠳ
ᠣᠷᠬᠢᠭᠰᠠᠨ ᠪᠠᠢᠪᠠ ᠭᠡᠨᠡ
ᠬᠠᠰᠢᠭ ᠲᠣᠣᠬᠠᠨ ᠰᠢᠷᠭᠠᠯ ᠭᠡᠳᠡᠭ ᠮᠣᠷᠢᠨ ᠤ᠋ ᠬᠢᠨᠢ
ᠭᠡᠷ ᠮᠠᠩᠨᠠᠢ ᠤᠷᠤᠭᠤ
ᠲᠤᠰᠴᠢᠨ ( ᠲᠣᠰᠴᠤ ) ᠣᠷᠬᠢᠪᠠ ᠭᠡᠨᠡ
ᠴᠠᠩᠬᠢᠷ ᠴᠠᠭᠠᠨ ᠬᠠᠳᠠ ᠤᠷᠤᠭᠤ
ᠴᠣᠬᠢᠭᠰᠠᠨ ᠰᠢᠩᠭᠢ ( ᠰᠢᠭ )
《 ᠬᠦᠩ ᠂ ᠬᠠᠩ 》 ᠭᠡᠳ
ᠭᠡᠳᠡᠷᠭᠦ ᠪᠡᠨ ᠤᠨᠠᠵᠢᠨ ( ᠤᠨᠠᠵᠤ ) ᠣᠳᠪᠠ ᠭᠡᠨᠡ ᠃
ᠬᠠᠨ ᠴᠡᠩᠭᠡᠯ ᠬᠥᠪᠡᠭᠦᠨ
ᠦᠷᠦᠭᠦᠨ (ᠥᠷᠯᠥᠭᠡᠨ ) ᠦ᠌ ᠭᠡᠷᠡᠯ ᠡᠴᠡ
ᠠᠰᠬᠠᠨ (ᠦᠳᠡᠰᠢ ) ᠶ᠋ᠢᠨ ᠭᠡᠷᠡᠯ ᠬᠦᠷᠲᠡᠯᠡ
ᠰᠠᠭᠠᠳᠠᠭ ᠢ᠋ᠶ᠋ᠠᠨ ᠲᠠᠲᠠᠭᠠᠳ ᠣᠷᠬᠢᠪᠠ ᠭᠡᠨᠡ᠃
ᠬᠣᠶᠠᠷ ᠳᠠᠯᠤ ᠶ᠋ᠢᠨ ᠬᠢᠷᠠ
ᠬᠣᠯᠪᠣᠯᠳᠤᠭᠠᠳ ᠢᠷᠡᠪᠡ ᠭᠡᠨᠡ
ᠡᠷᠡᠬᠡᠢ ᠬᠣᠮᠣᠬᠠᠢ (ᠳᠣᠯᠣᠪᠣᠷ) ᠬᠣᠶᠠᠷ ᠠ᠋ᠴᠠ ᠨᠢ
ᠬᠠᠷᠠ ᠬᠠᠷᠠ ᠨᠥᠵᠢᠭ ( ᠨᠥᠵᠢ ) ᠤᠨᠠᠭᠠᠳ ᠢᠷᠡᠪᠡ ᠭᠡᠨᠡ᠃
ᠮᠠᠳ ᠤᠯᠠᠭᠠᠨ ᠬᠥᠪᠡᠭᠦᠨ
ᠣᠴᠢᠨ ᠴᠣᠬᠣᠷ ᠮᠣᠷᠢᠨ ᠤ᠋ ᠪᠠᠨ
ᠵᠡᠭᠦᠨ ᠴᠢᠬᠢᠨ ᠳᠣᠲᠣᠷᠠ
ᠬᠦᠷᠡᠯ ᠬᠠᠷᠴᠠᠭᠠᠢ ᠳ᠋ᠤ᠌ ᠬᠤᠪᠢᠯᠤᠭᠠᠳ
ᠰᠠᠭᠤᠵᠢᠨ( ᠰᠠᠭᠤᠵᠤ ) ᠪᠠᠢᠪᠠ ᠭᠡᠨᠡ ᠃
ᠮᠠᠳ ᠤᠯᠠᠭᠠᠨ ᠬᠥᠪᠡᠭᠦᠨ ᠦ᠌
ᠠᠪᠳᠠᠷᠠ ᠶ᠋ᠢᠨ ᠴᠡᠭᠡᠵᠢᠨ ᠳᠤᠮᠳᠠ * ᠭᠡᠵᠦ
ᠰᠢᠪᠰᠢᠨ(ᠰᠢᠪᠰᠢᠵᠦ ) ᠨᠢᠭᠡ ᠲᠠᠯᠪᠢᠭᠠᠳ ᠣᠷᠬᠢᠪᠠ ᠭᠡᠨᠡ
ᠣᠴᠢᠨ ᠴᠣᠬᠣᠷ ᠮᠣᠷᠢᠨ ᠤ᠋
ᠭᠡᠷ ᠮᠠᠩᠨᠠᠢ ᠤᠷᠤᠭᠤ ᠲᠤᠰᠴᠢᠨ ( ᠲᠣᠰᠴᠤ )
ᠴᠠᠩᠬᠢᠷ ᠴᠠᠭᠠᠨ ᠬᠠᠳᠠ ᠤᠷᠤᠭᠤ
ᠴᠣᠬᠢᠭᠰᠠᠨ ᠰᠢᠩᠭᠢ ( ᠰᠢᠭ )
《 ᠬᠦᠩ᠂ ᠬᠠᠩ 》 ᠭᠡᠳ
ᠭᠡᠳᠡᠷᠭᠦ ᠪᠡᠨ ᠤᠨᠠᠵᠢᠨ ( ᠤᠨᠠᠵᠤ ) ᠣᠳᠪᠠ ᠭᠡᠨᠡ᠃
《 ᠦ ! ᠴᠢ ᠮᠠᠨᠠ ᠬᠣᠶᠠᠷ ᠡᠨᠡ ᠴᠢᠨᠢ
ᠶᠣᠭ ᠶᠤᠮ ᠪᠣᠯᠣᠰᠢ ᠦᠭᠡᠢ * ᠪᠠᠢᠨᠠ
ᠴᠢ ᠮᠠᠨᠠ ᠬᠣᠶᠠᠷ
ᠰᠠᠢᠨ ᠡᠵᠢ ᠶ᠋ᠢᠨ ᠠᠪᠤ ᠶ᠋ᠢᠨ ᠬᠠᠢᠷᠠᠯᠠᠭᠰᠠᠨ
ᠳᠠᠯᠤ ᠡᠭᠡᠮ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠨᠢᠭᠡ ᠪᠣᠯᠤᠯᠴᠠᠶᠤ (ᠦᠵᠡᠯᠴᠡᠶᠡ )? 》 ᠭᠡᠵᠦ ᠬᠡᠯᠡᠪᠡ ᠭᠡᠨᠡ ᠃
《 ᠲᠡᠭᠡᠬᠦ ᠴᠢᠨᠢ ᠲᠡᠭᠡᠨᠡ ᠪᠢᠵᠡ * ! 》 ᠭᠡᠵᠦ ᠬᠡᠯᠡᠪᠡ ᠭᠡᠨᠡ
ᠬᠣᠶᠠᠭᠤᠯᠠ ᠪᠠᠨ ᠪᠠᠷᠢᠯᠳᠤᠭᠠᠳ ᠣᠷᠬᠢᠪᠠ ᠭᠡᠨᠡ
ᠪᠡᠷᠢ ᠪᠠᠷᠢᠭᠰᠠᠨ ᠭᠠᠵᠠᠷ ᠠ᠋ᠴᠠ ᠪᠠᠨ
ᠪᠠᠷᠢᠭᠤᠯ ᠤ᠋ᠨ ᠴᠢᠨᠡᠭᠡᠨ ᠴᠢᠨᠡᠭᠡᠨ
ᠮᠢᠬᠠ ᠠᠪᠤᠭᠠᠳ ᠬᠠᠶᠠᠪᠠ ᠭᠡᠨᠡ
ᠬᠥᠷ ᠬᠦᠷᠦᠭᠰᠡᠨ ᠭᠠᠵᠠᠷ ᠠ᠋ᠴᠠ ᠪᠠᠨ
ᠬᠦᠷᠵᠡ ᠶ᠋ᠢᠨ ᠴᠢᠨᠡᠭᠡᠨ ᠴᠢᠨᠡᠭᠡᠨ
ᠮᠢᠬᠠ ᠠᠪᠤᠭᠠᠳ ᠬᠠᠶᠠᠪᠠ ᠭᠡᠨᠡ ᠃
ᠲᠡᠭᠡᠬᠦ ᠳ᠋ᠦ᠍ ᠳᠡᠭᠡᠳᠦ ᠳᠡᠭᠡᠳᠦ ᠶ᠋ᠢᠨ ᠣᠷᠣᠨ ᠤ᠋
ᠯᡁᠸᠩᠮᠠ ᠵᠠᠪᠰᠢ ᠬᠠᠭᠠᠨ ᠠᠢᠯᠠᠳᠪᠠ ᠭᠡᠨᠡ
《 ᠳᠣᠣᠷᠠᠲᠤ ᠳᠣᠣᠷᠠᠲᠤ ᠣᠷᠣᠨ ᠳ᠋ᠤ᠌
ᠬᠣᠶᠠᠷ ᠬᠠᠷᠠ ᠲᠣᠯᠣᠭᠠᠢ ᠲᠠᠢ
ᠰᠢᠪᠠᠵᠢᠨ( ᠰᠢᠪᠠᠵᠢ ) ᠨᠣᠣᠯᠠᠯᠳᠤᠵᠤ ( ᠨᠣᠴᠣᠯᠳᠤᠵᠤ )
ᠭᠤᠷᠪᠠᠨ ᠵᠢᠯ ᠦ᠋ᠨ ᠨᠢᠭᠤᠷ * ᠪᠤᠯᠵᠢᠨ( ᠪᠣᠯᠵᠤ ) ᠪᠠᠢᠨᠠ
ᠲᠡᠷᠡᠭᠦᠨ ( ᠲᠡᠭᠦᠨ ) ᠦ᠌ ᠲᠣᠭᠣᠰᠣᠨ ᠳ᠋ᠤ᠌
ᠮᠥᠭ ᠮᠦᠭᠴᠢᠩ ( ᠭᠠᠢ ᠭᠠᠮᠰᠢᠭ ) ᠪᠣᠯᠵᠢᠨ ( ᠪᠣᠯᠵᠤ ) ᠪᠠᠢᠨᠠ 》 ᠭᠡᠵᠦ
ᠬᠣᠶᠠᠷ ᠬᠤᠷᠳᠤᠨ ᠴᠠᠭᠠᠨ ᠪᠠᠨᠳᠢ ᠳ᠋ᠤ᠌
ᠮᠥᠩᠭᠥᠨ ᠪᠤᠮᠪᠠ ᠲᠠᠢ ᠠᠯᠲᠠᠨ ᠪᠤᠮᠪᠠ ᠲᠠᠢ
ᠬᠣᠶᠠᠷ ᠷᠠᠰᠢᠶᠠᠨ ᠢ᠋ ᠥᠭᠭᠦᠭᠡᠳ ᠶᠠᠪᠤᠭᠤᠯᠪᠠ ᠭᠡᠨᠡ ᠃
ᠬᠠᠨ ᠴᠡᠩᠭᠡᠯ ᠬᠥᠪᠡᠭᠦᠨ ᠳ᠋ᠦ᠍
ᠠᠯᠲᠠᠨ ᠪᠤᠮᠪᠠ ᠲᠠᠢ ᠷᠠᠰᠢᠶᠠᠨ ᠢ᠋ ᠥᠭᠪᠡ ᠭᠡᠨᠡ
ᠣᠷᠣᠢ ᠳᠡᠭᠡᠷᠡ ᠪᠡᠨ ᠲᠠᠯᠪᠢᠵᠤ
ᠨᠢᠭᠡ ᠠᠳᠢᠰ ᠲᠤ᠌ ᠬᠦᠷᠲᠡᠪᠡ ᠭᠡᠨᠡ
ᠠᠯᠠᠭᠠᠨ ᠳᠡᠭᠡᠷᠡ ᠪᠡᠨ ᠳᠤᠰᠤᠭᠠᠵᠤ
ᠨᠢᠭᠡ ᠠᠮᠰᠠᠪᠠ ᠭᠡᠨᠡ ᠃
ᠲᠡᠭᠡᠵᠢᠨ (ᠲᠡᠭᠡᠵᠦ ) ᠠᠪᠤᠭᠠᠳ
ᠳᠤᠤᠭᠠᠷᠤᠯ ᠦᠭᠡᠢ ᠴᠣᠬᠢᠷᠠᠯᠳᠤᠭᠠᠳ ᠪᠠᠢᠪᠠ ᠭᠡᠨᠡ ᠃
ᠮᠠᠳ ᠤᠯᠠᠭᠠᠨ ᠬᠥᠪᠡᠭᠦᠨ ᠳ᠋ᠦ᠍
ᠮᠥᠩᠭᠥᠨ ᠪᠤᠮᠪᠠ ᠲᠠᠢ ᠷᠠᠰᠢᠶᠠᠨ ᠢ᠋ ᠥᠭᠪᠡ ᠭᠡᠨᠡ
ᠭᠠᠷ ᠲᠤ᠌ ᠪᠠᠨ ᠠᠪᠤᠭᠰᠠᠨ ᠴᠤ᠌ ᠦᠭᠡᠢ
《 ᠪᠢ ᠪᠣᠯᠬᠤᠯᠠ ᠨᠢ
ᠡᠨᠡ ᠠᠲᠠᠭᠠ ᠮᠠᠷᠭᠤᠭᠠ ᠪᠠᠨ ᠠᠯᠳᠠᠭᠰᠠᠨ ᠪᠣᠯᠪᠠᠴᠤ
ᠬᠣᠢᠲᠤᠨ ᠠᠲᠠᠭᠠ ᠮᠠᠷᠭᠤᠭᠠ ᠪᠠᠨ ᠠᠪᠤᠨᠠ 》 ᠭᠡᠵᠦ ᠬᠡᠯᠡᠭᠡᠳ
ᠴᠣᠬᠢᠷᠠᠯᠳᠤᠭᠠᠳ ᠪᠠᠢᠪᠠ ᠭᠡᠨᠡ ᠃
ᠬᠣᠶᠠᠷ ᠬᠤᠷᠳᠤᠨ ᠴᠠᠭᠠᠨ ᠪᠠᠨᠳᠢ
ᠲᠡᠭᠷᠢ ᠶ᠋ᠢᠨ ᠣᠷᠣᠨ ᠳ᠋ᠠᠭᠠᠨ
ᠶᠠᠪᠤᠭᠰᠠᠨ ᠪᠠᠢᠪᠠ ᠭᠡᠨᠡ
ᠠᠷᠤ ᠳ᠋ᠤᠨᠢ ᠬᠣᠶᠠᠭᠤᠯᠠ ᠪᠠᠨ
ᠴᠣᠬᠢᠷᠠᠯᠳᠤᠭᠠᠳ ᠪᠠᠢᠪᠠ ᠭᠡᠨᠡ ᠃