ᠪᠢᠴᠢ- ᠳᠡᠭᠦᠦᠵᠠᠶᠠᠭᠠ
290ᠪᠢᠴᠢ
ᠳᠡᠭᠦᠦᠵᠠᠶᠠᠭᠠ
ᠪᠢᠴᠢ—
ᠪᠣᠰᠤᠭᠠ ᠬᠡᠯᠡ ᠪᠡᠷ ᠢ᠋ᠶ᠋ᠡᠨ ᠵᠣᠭᠰᠣᠵᠤ ᠪᠢᠴᠢ
ᠪᠣᠯᠪᠠᠰᠤᠨ ᠲᠡᠦᠬᠡ ᠪᠡᠨ ᠡᠷᠭᠢᠴᠡᠭᠦᠯᠵᠦ ᠪᠢᠴᠢ
ᠪᠤᠷᠤᠭᠤ ᠵᠥᠪ ᠢ᠋ ᠲᠤᠩᠭᠠᠵᠤ ᠪᠢᠴᠢ
ᠪᠤᠳᠠᠩ ᠲᠠᠢ ᠣᠷᠴᠢᠯᠠᠩ ᠢ᠋ ᠭᠡᠢᠭᠦᠯᠵᠦ ᠪᠢᠴᠢ
ᠪᠢᠴᠢ—
ᠪᠤᠶᠠᠨᠲᠤ ᠨᠤᠲᠤᠭ ᠢ᠋ᠶ᠋ᠠᠨ ᠬᠠᠮᠠᠭᠠᠯᠠᠵᠤ ᠪᠢᠴᠢ
ᠪᠤᠷᠬᠠᠨ ᠬᠠᠯᠳᠤᠨ ᠢ᠋ᠶ᠋ᠠᠨ ᠳᠠᠬᠢᠵᠤ ᠪᠢᠴᠢ
ᠪᠤᠯᠪᠠᠷᠠᠢ ᠥᠬᠢᠳ ᠢ᠋ᠶ᠋ᠡᠨ ᠳᠠᠭᠤᠳᠠᠵᠤ ᠪᠢᠴᠢ
ᠪᠤᠳᠤᠯᠢᠭᠰᠠᠨ ᠠᠷᠠᠳ ᠢ᠋ᠶ᠋ᠠᠨ ᠬᠡᠬᠡᠷᠡᠭᠦᠯᠵᠦ ᠪᠢᠴᠢ
ᠪᠢᠴᠢ—
ᠲᠠᠯᠠ ᠶ᠋ᠢᠨ ᠢ᠋ᠶ᠋ᠡᠨ ᠴᠡᠴᠡᠭ ᠢ᠋ ᠮᠥᠰᠢᠶᠡᠯᠭᠡᠵᠦ ᠪᠢᠴᠢ
ᠲᠠᠩᠰᠤᠭ ᠠᠮᠢᠳᠤᠷᠠᠯ ᠢ᠋ᠶ᠋ᠠᠨ ᠳᠠᠭᠤᠯᠠᠵᠤ ᠪᠢᠴᠢ
ᠲᠠᠪᠤᠨ ᠮᠥᠰᠥ ᠪᠡᠷ ᠢ᠋ᠶ᠋ᠡᠨ ᠰᠤᠷᠭᠠᠵᠤ ᠪᠢᠴᠢ
ᠲᠠᠷᠠᠬᠠᠢ ᠪᠤᠲᠠᠷᠬᠠᠢ ᠪᠠᠨ ᠪᠥᠭᠡᠮᠨᠡᠷᠡᠭᠦᠯᠵᠦ ᠪᠢᠴᠢ
ᠪᠢᠴᠢ—
ᠥᠩᠭᠡᠷᠡᠭᠰᠡᠨ ᠡᠳᠦᠭᠡ ᠪᠡᠨ ᠬᠠᠷᠢᠴᠠᠭᠤᠯᠵᠤ ᠪᠢᠴᠢ
ᠦᠨᠡᠨ ᠮᠥᠨ ᠢ᠋ ᠢᠯᠭᠠᠵᠤ ᠪᠢᠴᠢ
ᠥᠪᠡᠷ ᠦ᠋ᠨ ᠪᠤᠷᠤᠭᠤ ᠪᠠᠨ ᠰᠢᠭᠦᠮᠵᠢᠯᠡᠵᠦ ᠪᠢᠴᠢ
ᠥᠷᠥᠭᠡᠯ ᠦ᠋ᠨ ᠰᠠᠢᠨ ᠢ᠋ ᠮᠠᠭᠲᠠᠵᠤ ᠪᠢᠴᠢ
ᠪᠢᠴᠢ—
ᠡᠭᠴᠢ ᠪᠣᠰᠤᠭᠠ ᠳᠡᠭᠡᠭᠰᠢ ᠪᠡᠨ ᠪᠢᠴᠢ
ᠡᠷᠡ ᠵᠣᠷᠢᠭᠲᠠᠢ ᠡᠷᠡᠯᠬᠡᠭ ᠪᠢᠴᠢ
ᠡᠮᠡᠭᠡᠯ ᠦ᠋ᠨ ᠢ᠋ᠶ᠋ᠡᠨ ᠳᠡᠭᠡᠷᠡ ᠡᠴᠡ ᠨᠢᠰᠬᠡᠵᠦ ᠪᠢᠴᠢ
ᠡᠭᠦᠷᠢᠳᠡ ᠶ᠋ᠢᠨ ᠡᠭᠦᠷᠢᠳᠡ ᠵᠠᠯᠭᠠᠮᠵᠢᠯᠠᠵᠤ ᠪᠢᠴᠢ
2024.1.22