ᠡᠢᠮᠦ ᠤᠴᠢᠷ ᠲᠠᠢИйм очиртой
517ᠡᠢᠮᠦ ᠤᠴᠢᠷ ᠲᠠᠢ
ᠵᠠ᠂ ᠡᠨᠡ ᠮᠠᠯᠠᠭᠠᠨ ᠤ᠋ ᠤᠳᠬᠠ ᠨᠢ ᠪᠣᠯ ᠬᠡᠴᠡᠭᠦᠦ ᠡᠢᠮᠦ ᠤᠴᠢᠷ ᠲᠠᠢ ᠪᠠᠢᠬᠤ ᠦᠭᠡᠢ ᠶᠣ᠌! ᠡᠨᠡ ᠤᠷᠲᠤ ᠵᠠᠯᠠᠭᠠ ᠨᠢ ᠪᠣᠯᠬᠣᠷ ᠡᠷᠡ ᠵᠣᠷᠢᠭ᠂ ᠪᠣᠭᠣᠨᠢᠬᠠᠨ ᠨᠢ ᠪᠣᠯᠬᠣᠷ ᠡᠷᠬᠡ ᠴᠢᠯᠥᠭᠡ᠂ ᠪᠢᠳᠡ ᠨᠠᠷ ᠡᠷᠡ ᠵᠣᠷᠢᠭ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠡᠷᠬᠡ ᠴᠢᠯᠥᠭᠡᠨ ᠳ᠋ᠦ᠍ ᠬᠦᠷᠦᠨᠡ ᠭᠡᠰᠡᠨ ᠪᠡᠯᠭᠡᠳᠡᠯ ᠤᠳᠬᠠ ᠲᠠᠢ᠂ ᠡᠨᠡ ᠣᠯᠵᠤ ᠠᠪᠤᠭᠰᠠᠨ ᠡᠷᠬᠡ ᠴᠢᠯᠥᠭᠡ ᠮᠠᠨᠢ ᠮᠥᠩᠬᠡ ᠬᠥᠬᠡ ᠲᠩᠷᠢ ᠰᠢᠭ ᠦᠷᠭᠦᠯᠵᠢᠳᠡ ᠮᠥᠩᠬᠡᠳᠡ ᠪᠠᠢᠨᠠ ᠭᠡᠰᠡᠨ ᠪᠡᠯᠭᠡᠳᠡᠯ ᠨᠢ ᠡᠨᠡᠬᠦ ᠬᠥᠬᠡ ᠥᠩᠭᠡ᠂ ᠡᠨᠡ ᠤᠯᠠᠭᠠᠨ ᠥᠩᠭᠡ ᠨᠢ ᠪᠣᠯᠬᠣᠷ ᠮᠣᠩᠭᠣᠯᠴᠤᠳ ᠤ᠋ᠨ ᠵᠣᠷᠢᠭ ᠵᠢᠷᠦᠬᠡ ᠨᠢ ᠭᠠᠯ ᠰᠢᠭ᠋ ᠪᠠᠳᠮᠠᠯᠠᠵᠤ᠂ ᠭᠠᠯ ᠰᠢᠭ᠋ ᠳᠦᠷᠡᠯᠵᠡᠵᠦ ᠶᠠᠪᠤᠬᠤ ᠶ᠋ᠢ ᠪᠡᠯᠭᠡᠳᠡᠵᠡᠢ᠃ ᠡᠨᠡ ᠵᠠᠩᠭᠢᠯᠠᠭᠠ ᠪᠣᠯᠬᠣᠷ ᠠᠷᠤ᠂ ᠥᠪᠥᠷ᠂ ᠳᠤᠸᠠ᠂ ᠪᠤᠷᠢᠶᠠᠳ᠂ ᠬᠠᠯᠢᠮᠠᠭ ᠲᠠᠪᠤᠨ ᠮᠣᠩᠭᠣᠯᠴᠤᠳ ᠡᠨᠡ ᠵᠠᠩᠭᠢᠯᠠᠭᠠ ᠰᠢᠭ᠋ ᠡᠪ ᠨᠢᠭᠡᠳᠦᠯ ᠲᠡᠢ ᠪᠠᠢᠬᠤ ᠶᠣᠰᠣᠲᠠᠢ ᠭᠡᠵᠦ ᠤᠷᠢᠶᠠᠯᠠᠵᠠᠢ᠃ ᠡᠭᠦᠨ ᠦ᠌ ᠵᠢᠩᠬᠢᠨᠢ ᠨᠡᠷᠡ ᠨᠢ ᠮᠠᠯᠠᠭᠠᠢ ᠪᠢᠰᠢ᠂ ᠭᠠᠯᠬᠠᠢ ᠭᠡᠨᠡ᠃ ᠲᠡᠭᠡᠭᠡᠳ ᠡᠨᠡ ᠮᠠᠯᠠᠭᠠᠢ ᠶ᠋ᠢᠨ ᠪᠦᠬᠦ ᠶᠠᠭᠤᠮᠠ ᠬᠡᠮᠵᠢᠶᠡ ᠲᠡᠢ᠂ ᠥᠩᠭᠡ ᠤᠳᠬᠠ ᠤᠴᠢᠷ ᠢ᠋ ᠥᠭᠡᠷᠡ ᠥᠩᠭᠡ ᠪᠡᠷ ᠬᠢᠵᠦ ᠪᠣᠯᠬᠤ ᠦᠭᠡᠢ᠃ ᠲᠡᠭᠡᠭᠡᠳ ᠡᠨᠡ ᠪᠣᠯᠬᠣᠷ ᠰᠠᠢᠨ ᠡᠷᠡ ᠬᠥᠮᠦᠨ ᠦ᠌ ᠳᠥᠷᠪᠡᠨ ᠬᠤᠷᠤᠭᠤ ᠶ᠋ᠢᠨ ᠬᠡᠮᠵᠢᠶᠡᠰᠦ ᠪᠡᠷ ᠭᠠᠷᠳᠠᠭ᠃ ᠲᠡᠭᠡᠭᠡᠳ ᠮᠠᠯᠠᠭᠠᠢ ᠨᠢ ᠶᠡᠬᠡᠳᠡᠵᠦ ᠪᠠᠭᠠᠳᠠᠬᠤ ᠤᠴᠢᠷ ᠦᠭᠡᠢ᠃ ᠡᠢᠮᠦ ᠮᠠᠯᠠᠭᠠᠢ ᠰᠢᠭ᠋ ᠰᠠᠭᠤᠬᠤ ᠦᠭᠡᠢ ᠭᠡᠰᠡᠨ ᠦᠭᠡ᠂ ᠪᠦᠴᠨᠨ ᠦ᠌ ᠤᠷᠲᠤ᠂ ᠤᠳᠬᠠ ᠤᠴᠢᠷ ᠨᠢ ᠡᠨᠡ ᠪᠠᠢᠬᠤ ᠦᠭᠡᠢ ᠶᠤ᠌! ᠲᠡᠭᠡᠭᠡᠳ ᠮᠢᠨᠦ ᠮᠠᠯᠠᠭᠠᠢ ᠶ᠋ᠢ ᠠᠪᠤᠭᠰᠠᠨ ᠵᠠᠷᠢᠮ ᠬᠥᠮᠦᠰ ᠡᠮᠦᠰᠴᠦ ᠴᠢᠳᠠᠳᠠᠭ ᠦᠭᠡᠢ ᠭᠡᠵᠦ ᠪᠠᠢᠨᠠ᠂ ᠢᠩᠭᠢᠵᠦ ᠲᠠᠯᠪᠢᠬᠤᠯᠠᠷ ᠶᠠᠮᠠᠷ ᠥᠭᠡᠳᠡ ᠲᠡᠢ ᠬᠠᠷᠠᠭᠳᠠᠬᠤ ᠪᠣᠢ! ᠬᠥᠮᠦᠰ ᠢᠩᠭᠢᠵᠦ ᠲᠠᠯᠪᠢᠴᠢᠬᠠᠭᠠᠳ ᠪᠠᠭᠠᠳᠠᠭᠠᠳ ᠪᠠᠢᠨᠠ ᠭᠡᠳᠡᠭ ᠪᠠᠢᠬᠤ ᠦᠭᠡᠢ ᠶᠣ᠌! ᠲᠡᠢᠮᠦ ᠪᠠᠢᠭᠠ ᠪᠢᠵᠡ! ᠦᠭᠡᠢ᠂ ᠡᠨᠡ ᠴᠢᠨᠢ ᠨᠢᠭᠡ ᠬᠥᠮᠥᠰᠬᠡ ᠢᠯᠡ᠂ ᠨᠢᠭᠡ ᠬᠥᠮᠥᠰᠬᠡ ᠵᠠᠪᠠᠯ ᠳᠠᠯᠳᠠ ᠪᠠᠢᠬᠤ ᠶᠣᠰᠣᠲᠠᠢ᠃ ᠲᠡᠭᠡᠭᠡᠳ ᠰᠣᠨᠢᠷᠬᠠᠵᠤ ᠪᠠᠢᠭᠠ ᠬᠥᠮᠦᠰ ᠡᠭᠦᠨ ᠢ᠋ ᠢᠩᠭᠢᠵᠦ ᠡᠮᠦᠰᠦᠭᠡᠳ ᠬᠠᠵᠠᠭᠤ ᠳᠠᠰᠢ ᠵᠠᠪᠠᠯ ᠲᠡᠯᠢᠢᠨᠡ᠃ ᠢᠩᠭᠢᠵᠦ ᠡᠮᠦᠰᠬᠦ ᠭᠡᠰᠡᠨ ᠦᠭᠡ᠂ ᠨᠢᠭᠡ ᠬᠥᠮᠥᠰᠬᠡ ᠪᠡᠨ ᠳᠠᠷᠤᠵᠤ᠂ ᠨᠢᠭᠡ ᠬᠥᠮᠥᠰᠬᠡ ᠴᠢᠨᠢ ᠢᠯᠡ ᠬᠠᠷᠠᠭᠳᠠᠵᠤ ᠪᠠᠢᠭᠠ ᠪᠢᠵᠡ! ᠲᠡᠭᠡᠬᠦᠯᠡᠷ ᠢᠩᠭᠢᠵᠦ ᠰᠦᠷ ᠣᠷᠣᠨᠠ ᠭᠡᠰᠡᠨ ᠦᠭᠡ᠂ ᠲᠡᠭᠡᠭᠡᠳ ᠡᠭᠦᠨ ᠦ᠌ ᠵᠠᠯᠠᠭᠠᠨ ᠤ᠋ ᠤᠷᠲᠤ ᠨᠢ ᠡᠷᠡ ᠵᠣᠷᠢᠭ᠂ ᠡᠷᠬᠡ ᠴᠢᠯᠥᠭᠡ ᠶ᠋ᠢ ᠲᠥᠯᠥᠭᠡᠯᠡᠵᠦ ᠪᠠᠢᠬᠤ ᠮᠥᠷᠲᠡᠭᠡᠨ ᠮᠣᠩᠭᠣᠯ ᠡᠷᠡ ᠬᠥᠮᠦᠨ ᠦ᠌ ᠳᠣᠲᠣᠷᠠ ᠡᠨᠧᠷᠭᠢ᠂ ᠬᠦᠴᠦ ᠴᠢᠳᠠᠯ ᠨᠢ ᠪᠠᠶᠠᠨ ᠤ᠋ ᠪᠠᠨ ᠭᠤᠷᠪᠠᠬᠠᠨ ᠬᠡᠰᠡᠭ ᠢ᠋ᠶ᠋ᠡᠷ ᠭᠠᠷᠳᠠᠭ᠃ ᠲᠡᠷᠡ ᠨᠢ ᠬᠠᠮᠢᠭᠠᠭᠤᠷ ᠭᠠᠷᠳᠠᠭ ᠪᠣᠢ ᠭᠡᠬᠦᠯᠡᠷ ᠡᠨᠡ ᠬᠣᠶᠠᠷ ᠠᠯᠠᠭᠠᠨ ᠤ᠋ ᠳᠤᠮᠳᠠᠭᠤᠷ᠂ ᠠᠷᠤ ᠰᠢᠯᠢᠨ ᠦ᠌ ᠬᠣᠩᠬᠣᠷ ᠢ᠋ᠶ᠋ᠠᠷ᠁ ᠲᠡᠭᠡᠭᠡᠳ ᠡᠨᠧᠷᠭᠢ ᠪᠡᠨ ᠠᠯᠳᠠᠬᠤ ᠦᠭᠡᠢ ᠶ᠋ᠢᠨ ᠲᠤᠯᠠᠳᠠ ᠤᠯᠠᠭᠠᠨ ᠵᠠᠯᠠᠭᠠᠲᠤ ᠮᠣᠩᠭᠣᠯᠴᠤᠳ ᠭᠡᠳᠡᠭ ᠴᠢᠨᠢ ᠠᠷᠤ ᠰᠢᠯᠢᠨ ᠦ᠌ ᠪᠡᠨ ᠬᠣᠩᠬᠣᠷ ᠢ᠋ ᠵᠠᠯᠠᠭᠠ ᠪᠠᠷ ᠢ᠋ᠶ᠋ᠠᠨ ᠨᠢᠭᠤᠳᠠᠭ᠃ ᠡᠨᠡ ᠮᠠᠯᠠᠭᠠᠨ ᠤ᠋ ᠪᠦᠬᠦ ᠣᠶᠣᠮᠠᠯ ᠢ᠋ ᠪᠦᠷ ᠥᠪᠡᠷᠲᠡᠭᠡᠨ ᠬᠢᠵᠦ ᠪᠠᠢᠨᠠ᠃ ᠲᠡᠭᠡᠬᠦᠯᠡᠷ ᠡᠨᠡ ᠵᠠᠭᠪᠤᠷ ᠢ᠋ ᠳᠠᠬᠢᠨ ᠳᠠᠪᠲᠠᠭᠳᠠᠬᠤ ᠦᠭᠡᠢ ᠭᠡᠰᠡᠨ ᠦᠭᠡ᠂ ᠡᠢᠮᠦ ᠤᠴᠢᠷ ᠲᠠᠢ ᠮᠠᠯᠠᠭᠠᠢ᠃
ᠦᠰᠦᠭ ᠬᠠᠲᠠᠵᠤ ᠠᠮᠢᠯᠠᠭᠤᠯᠤᠭᠴᠢ᠄ ᠬᠠᠷᠠᠭᠳᠠᠨ ᠷ᠂ ᠴᠢᠷᠮᠠᠢᠯᠳᠣ
ᠬᠢᠨᠠᠭᠴᠢ᠄ ᠪᠠᠳᠠᠷᠠᠯᠲᠤ