ᠰᠣᠯᠢᠭ ᠤᠷᠤᠰᠬᠠᠯ- ᠬᠣᠨᠳᠣᠨ ᠪᠠᠭᠠᠲᠤᠷСолиг урсгал-хондон баатар
402ᠰᠣᠯᠢᠭ ᠤᠷᠤᠰᠬᠠᠯ
ᠬᠣᠨᠳᠣᠨ ᠪᠠᠭᠠᠲᠤᠷ
ᠬᠠᠮᠢᠭᠠ ᠠ᠋ᠴᠠ ᠶᠠᠭᠠᠬᠢᠵᠤ ᠲᠣᠳᠣᠷᠠᠭᠰᠠᠨ ᠨᠢ ᠡᠰᠡ ᠮᠡᠳᠡᠭᠳᠡᠬᠦ
ᠬᠠᠴᠢᠨ ᠰᠣᠨᠢᠨ ᠤᠪᠠᠳᠢᠰ ᠲᠠᠢ ᠦᠵᠡᠭᠡᠴᠢ ᠰᠢᠨᠵᠢᠭᠡᠴᠢ
ᠬᠤᠷᠳᠤᠨ ᠭᠠᠷ᠂ ᠲᠢᠺ ᠲᠣᠺ ᠢ᠋ᠶ᠋ᠠᠷ ᠫᠢᠳ ᠳᠦᠭᠦᠷᠦᠭᠡᠳ
ᠬᠣᠲᠠᠯᠠ ᠲᠦᠮᠡᠨ ᠢ᠋ ᠵᠠᠶᠠᠭᠠ ᠲᠠᠪᠢᠯᠠᠩ ᠢ᠋ ᠮᠡᠷᠭᠡᠯᠡᠵᠦ ᠶᠠᠭᠠᠷᠠᠯᠳᠤᠨᠠ
ᠥᠪᠡᠷ ᠢ᠋ᠶ᠋ᠡᠨ ᠶᠠᠭᠤ ᠠᠢᠯᠠᠳᠴᠤ ᠪᠠᠢᠬᠤ ᠪᠠᠨ ᠴᠤ᠌ ᠮᠡᠳᠡᠬᠦ ᠦᠭᠡᠢ
ᠥᠩᠭᠡᠲᠦ ᠣᠷᠴᠢᠯᠠᠩ ᠤ᠋ᠨ ᠵᠢᠮᠡ ᠶᠣᠰᠣ ᠶ᠋ᠢ ᠥᠴᠦᠬᠡᠨ ᠴᠦ᠍ ᠣᠢᠯᠠᠭᠠᠬᠤ ᠦᠭᠡᠢ ᠪᠠᠢᠵᠤ
ᠥᠴᠦᠬᠡᠨ ᠠᠰᠢᠭ ᠣᠯᠵᠠ ᠶ᠋ᠢᠨ ᠲᠥᠯᠥᠭᠡ ᠣᠪᠣᠭ ᠶᠠᠰᠤ ᠪᠠᠨ ᠤᠯᠠ ᠳ᠋ᠤ᠌ ᠪᠠᠨ ᠭᠢᠰᠬᠢᠵᠦ
ᠦᠭᠡᠭᠦᠦ ᠠᠷᠠᠳ ᠤ᠋ᠨ ᠴᠢᠰᠤᠨ ᠠ᠋ᠴᠠ ᠳᠤᠰᠤᠯ ᠳᠤᠰᠤᠯ ᠢ᠋ᠶ᠋ᠠᠷ ᠰᠣᠷᠣᠬᠤ ᠶ᠋ᠢ ᠭᠣᠷᠢᠳᠠᠨᠠ
ᠡᠪᠡᠳᠴᠢᠨ ᠵᠣᠪᠠᠯᠠᠩ ᠳ᠋ᠤ᠌ ᠣᠷᠢᠶᠠᠭᠳᠠᠨ ᠭᠠᠷ ᠮᠤᠬᠤᠷᠳᠠᠭᠰᠠᠨ
ᠡᠮᠨᠡᠭᠦᠯᠵᠦ ᠦᠵᠡᠭᠦᠯᠬᠦ ᠵᠣᠭᠣᠰ ᠮᠥᠩᠭᠥ ᠦᠭᠡᠢ ᠰᠡᠳᠬᠢᠯ ᠴᠥᠬᠥᠷᠦᠭᠰᠡᠨ ᠵᠠᠷᠢᠮ ᠤ᠋ᠳ
ᠡᠴᠦᠰ ᠦ᠋ᠨ ᠭᠣᠷᠢᠳᠠᠯᠭᠠ ᠡᠪᠦᠷᠯᠡᠨ ᠥᠪᠡᠷ ᠦ᠋ᠨ ᠪᠡᠶᠡ ᠪᠡᠨ ᠠᠷᠭᠠᠳᠠᠨ
ᠢᠲᠡᠭᠡᠬᠦ ᠢᠲᠡᠭᠡᠬᠦ ᠦᠭᠡᠢ ᠶ᠋ᠢᠨ ᠬᠣᠭᠣᠷᠣᠨᠳᠣ ᠥᠭᠡᠰᠢ ᠲᠣᠣᠷ ᠲᠤ᠌ ᠨᠢ ᠤᠨᠠᠨᠠ
ᠴᠠᠰᠤ ᠰᠢᠭᠤᠷᠭᠠᠨ ᠠ᠋ᠴᠠ ᠴᠤ᠌ ᠠᠶᠤᠮᠰᠢᠭᠲᠠᠢ ᠰᠣᠯᠢᠭ ᠤᠷᠤᠰᠬᠠᠯ
ᠴᠠᠭ ᠤ᠋ᠨ ᠥᠩᠭᠡ ᠶ᠋ᠢ ᠳᠠᠭᠠᠯᠳᠤᠨ ᠨᠢᠳᠦ ᠦᠭᠡᠢ ᠲᠠᠭᠠᠷᠢᠨᠠ
ᠴᠠᠭᠠᠳᠤᠬᠢ ᠴᠢᠨᠢ ᠬᠠᠭᠤᠷᠮᠠᠭ ᠮᠡᠬᠡ ᠭᠡᠳᠡᠭ ᠢ᠋ ᠮᠡᠳᠡᠭᠳᠡᠭᠰᠡᠭᠡᠷ ᠪᠠᠢᠵᠤ
ᠴᠠᠢᠯᠭᠠᠨ ᠠᠷᠠᠳ ᠮᠢᠨᠢ ᠢᠳᠡᠭ ᠢᠳᠡᠭ ᠢ᠋ᠶ᠋ᠡᠷ ᠤᠷᠤᠰᠬᠠᠯ ᠳᠠᠭᠠᠵᠤ ᠤᠷᠤᠭᠤᠳᠠᠨᠠ
ᠠᠢ᠂ ᠬᠥᠭᠡᠷᠦᠬᠦᠢ ᠰᠢᠨᠡ ᠮᠢᠩᠭᠠᠨ ᠤ᠋ ᠬᠥᠮᠦᠰ ᠮᠢᠨᠢ
ᠠᠯᠢ ᠴᠤ᠌ ᠦᠶᠡ ᠳ᠋ᠦ᠍ ᠭᠡᠳ ᠮᠡᠬᠡᠯᠡᠭᠴᠢ ᠮᠤᠩᠳᠠᠬᠤ ᠪᠢᠰᠢ
ᠴᠠᠬᠢᠮ ᠰᠦᠯᠵᠢᠶᠡ ᠳᠡᠯᠡᠬᠡᠢ ᠶ᠋ᠢ ᠪᠦᠷᠬᠦᠭᠰᠡᠨ ᠥᠨᠥᠳᠥᠷ ᠪᠢᠳᠡ
ᠴᠢᠰᠤ ᠰᠣᠷᠣᠳᠠᠭ ᠬᠤᠪᠠᠯᠵᠠ ᠶ᠋ᠢ ᠲᠠᠷᠭᠤᠯᠠᠭᠤᠯᠤᠭᠠᠳ ᠰᠠᠭᠤᠬᠤ ᠨᠢ ᠢᠨᠢᠶᠡᠳᠦᠮ ᠪᠢᠰᠢ ᠤᠤ?
2024 ~ 2-14
ᠰᠥᠨᠢ ᠶ᠋ᠢᠨ ᠭᠦᠨᠡ ᠨᠡᠪᠲᠡᠷᠡᠭᠦᠯᠭᠡ ᠦᠵᠡᠭᠡᠳ ᠂ ᠂ ᠂