ᠬᠠᠪᠤᠷ ᠤ᠋ᠨ ᠠᠩᠬᠠᠨ ᠤ᠋ ᠡᠳᠦᠷ ᠦ᠋ᠨ ᠴᠠᠰᠤ- ᠫ᠂ ᠸᠠᠩᠳᠢᠨᠪᠤᠤХаврын анхны өдрийн цас-П,Вандинбуу
390ᠬᠠᠪᠤᠷ ᠤ᠋ᠨ ᠠᠩᠬᠠᠨ ᠤ᠋ ᠡᠳᠦᠷ ᠦ᠋ᠨ ᠴᠠᠰᠤ
ᠫ᠂ ᠸᠠᠩᠳᠢᠨᠪᠤᠤ
ᠬᠠᠪᠤᠷ ᠤ᠋ᠨ ᠠᠩᠬᠠᠨ ᠤ᠋ ᠡᠳᠦᠷ ᠦ᠋ᠨ ᠴᠠᠰᠤ
ᠬᠠᠨᠠᠭᠠᠷ ᠲᠠᠯᠠ ᠶ᠋ᠢ ᠪᠦᠷᠬᠦᠵᠦ ᠪᠠᠭᠤᠯᠠ
ᠬᠠᠮᠤᠭ ᠲᠦᠮᠡᠨ ᠢ᠋ ᠪᠠᠶᠠᠰᠬᠠᠵᠤ ᠪᠠᠭᠤᠯᠠ
ᠬᠠᠴᠠᠷ ᠢ᠋ ᠦᠨᠦᠰᠴᠦ ᠰᠡᠮᠡᠭᠡᠷᠬᠡᠨ ᠪᠠᠭᠤᠯᠠ
ᠬᠠᠪᠤᠷ ᠤ᠋ᠨ ᠠᠩᠬᠠᠨ ᠤ᠋ ᠡᠳᠦᠷ ᠦ᠋ᠨ ᠴᠠᠰᠤ
ᠬᠠᠮᠤᠭ ᠤᠷᠭᠤᠮᠠᠯ ᠢ᠋ ᠤᠮᠳᠠᠯᠠᠵᠤ ᠪᠠᠭᠤᠯᠠ
ᠬᠠᠷᠢᠶᠠᠴᠠᠢ ᠰᠢᠪᠠᠭᠤ ᠶ᠋ᠢ ᠳᠠᠭᠤᠳᠠᠵᠤ ᠪᠠᠭᠤᠯᠠ
ᠬᠠᠳᠠᠭ ᠳᠡᠯᠭᠡᠨ ᠰᠢᠨᠡᠯᠡᠬᠦ ᠭᠡᠵᠦ ᠪᠠᠭᠤᠯᠠ
ᠬᠠᠪᠤᠷ ᠤ᠋ᠨ ᠠᠩᠬᠠᠨ ᠤ᠋ ᠡᠳᠦᠷ ᠦ᠋ᠨ ᠴᠠᠰᠤ
ᠬᠠᠢᠷᠠ ᠪᠠᠨ ᠢᠪᠡᠭᠡᠵᠦ ᠴᠡᠪᠡᠷᠬᠡᠨ ᠪᠠᠭᠤᠯᠠ
ᠬᠠᠷᠢ ᠶ᠋ᠢᠨ ᠰᠤᠷᠠᠭ ᠢ᠋ ᠰᠣᠨᠣᠰᠬᠠᠵᠤ ᠪᠠᠭᠤᠯᠠ
ᠬᠠᠪᠤᠷ ᠤ᠋ᠨ ᠥᠩᠭᠡ ᠶ᠋ᠢ ᠮᠡᠳᠡᠭᠦᠯᠵᠦ ᠪᠠᠭᠤᠯᠠ
ᠬᠠᠪᠤᠷ ᠤ᠋ᠨ ᠡᠳᠦᠷ ᠦ᠋ᠨ ᠠᠩᠬᠠᠨ ᠤ᠋ ᠴᠠᠰᠤ
ᠬᠠᠨᠢᠶᠠᠳᠤ ᠲᠣᠮᠣᠭᠣ ᠶ᠋ᠢ ᠠᠷᠢᠯᠭᠠᠵᠤ ᠪᠠᠭᠤᠯᠠ
ᠬᠠᠯᠳᠠᠪᠤᠷᠢᠲᠤ ᠡᠪᠡᠳᠴᠢᠨ ᠢ᠋ ᠬᠥᠭᠡᠭᠡᠵᠦ ᠪᠠᠭᠤᠯᠠ
ᠬᠠᠯᠠᠭᠤᠨ ᠬᠦᠢᠲᠡᠨ ᠢ᠋ ᠲᠡᠩᠴᠡᠭᠦᠯᠵᠦ ᠪᠠᠭᠤᠯᠠ
ᠬᠠᠪᠤᠷ ᠤ᠋ᠨ ᠠᠩᠬᠠᠨ ᠤ᠋ ᠡᠳᠦᠷ ᠦ᠋ᠨ ᠴᠠᠰᠤ
ᠬᠠᠳᠠᠨ ᠤ᠋ ᠴᠡᠴᠡᠭ ᠢ᠋ ᠠᠮᠢᠯᠠᠭᠤᠯᠵᠤ ᠪᠠᠭᠤᠯᠠ
ᠬᠠᠨ ᠲᠩᠷᠢ ᠶ᠋ᠢᠨ ᠵᠢᠭᠠᠪᠤᠷᠢ ᠲᠠᠢ ᠪᠠᠭᠤᠯᠠ
ᠬᠠᠮᠤᠭ ᠠᠮᠢᠲᠠᠨ ᠢ᠋ ᠲᠤᠰᠠᠯᠠᠵᠤ ᠪᠠᠭᠤᠯᠠ
ᠬᠠᠪᠤᠷ ᠤ᠋ᠨ ᠠᠩᠬᠠᠨ ᠤ᠋ ᠡᠳᠦᠷ ᠦ᠋ᠨ ᠴᠠᠰᠤ
ᠬᠠᠮᠤᠭ ᠰᠠᠢᠬᠠᠨ ᠢ᠋ ᠪᠡᠯᠭᠡᠳᠡᠵᠦ ᠪᠠᠭᠤᠯᠠ
ᠬᠠᠮᠲᠤ ᠳ᠋ᠠᠭᠠᠨ ᠰᠢᠨᠡᠯᠡᠬᠦ ᠪᠡᠷ ᠤᠭᠲᠤᠵᠤ ᠪᠠᠭᠤᠯᠠ
ᠬᠠᠳᠠᠭ ᠢ᠋ᠶ᠋ᠠᠨ ᠳᠡᠯᠭᠡᠵᠦ ᠮᠡᠨᠳᠦᠯᠡᠵᠦ ᠪᠠᠭᠤᠯᠠ
2024.2.4
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠳᠡᠯᠭᠡᠷᠴᠡᠴᠡᠭ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠡ