ᠬᠣᠷᠭᠣ ᠶᠢᠨ ᠬᠥᠬᠡ ᠠᠭᠤᠯᠠᠰ ᠮᠢᠨᠢ- ᠬ᠃ ᠭᠠᠩ-ᠡᠷᠳᠡᠨᠢХоргын хөх уулс минь- Х. Ган-Эрдэнэ
425ᠬᠣᠷᠭᠣ ᠶ᠋ᠢᠨ ᠬᠥᠬᠡ ᠠᠭᠤᠯᠠᠰ ᠮᠢᠨᠢ
ᠦᠭᠡ᠄ ᠠ᠊·ᠲᠡᠭᠦᠰᠵᠢᠷᠭᠠᠯ
ᠠᠶᠠ᠄ ᠰ· ᠪᠠᠳᠤᠸᠴᠢᠷ
ᠭ· ᠭᠠᠩᠡᠷᠳᠡᠨᠢ ᠳᠠᠭᠤᠯᠠᠨᠠ
ᠡᠭᠦᠯᠡᠨ ᠳᠤᠮᠳᠠ ᠠ᠋ᠴᠠ ᠬᠥᠩᠬᠥᠢᠬᠦ ᠬᠣᠷᠭᠣ ᠶ᠋ᠢᠨ ᠴᠡᠩᠬᠡᠷ ᠠᠭᠤᠯᠠ
ᠦᠶᠡᠯᠵᠡᠭᠰᠡᠨ ᠨᠠᠭᠤᠷ ᠤ᠋ᠨ ᠳᠣᠯᠭᠢᠶᠠ ᠰᠢᠭ᠋ ᠡᠪᠡᠰᠦᠨ ᠰᠥᠯ ᠲᠡᠢ ᠨᠤᠲᠤᠭ ᠮᠢᠨᠢ!
ᠦᠭᠡᠢᠯᠡᠨ ᠰᠠᠨᠠᠬᠤ ᠶ᠋ᠢᠨ ᠵᠢᠷᠭᠠᠯ ᠢ᠋ᠶ᠋ᠠᠷ ᠲᠠᠨ ᠢ᠋ ᠪᠡᠨ ᠵᠣᠷᠢᠨ ᠣᠴᠢᠬᠤ ᠳ᠋ᠤ᠌ ᠮᠢᠨᠢ
ᠦᠷᠡ ᠪᠡᠨ ᠲᠡᠪᠡᠷᠢᠬᠦ ᠠᠪᠤ ᠰᠢᠭ᠋ ᠮᠢᠨᠢ ᠰᠡᠳᠬᠢᠯ ᠳ᠋ᠦ᠍ ᠲᠦᠰᠢᠭᠲᠡᠢ ᠬᠠᠩᠭᠠᠢ ᠮᠢᠨᠢ!
ᠦᠶᠡ ᠦᠶᠡᠰᠬᠡᠨ ᠪᠣᠳᠣᠭᠳᠠᠭᠠᠳ ᠪᠠᠢᠨᠠ
ᠦᠭᠡᠢᠯᠡᠨ ᠰᠠᠨᠠᠭᠰᠠᠭᠠᠷ ᠨᠤᠲᠤᠭ ᠲᠤ ᠪᠠᠨ ᠢᠷᠡᠯᠡ᠃
ᠪᠠᠷᠠ ᠪᠠᠷᠠᠨ ᠳ᠋ᠤ᠌ ᠪᠠᠨ ᠲᠦᠩᠬᠦᠢᠬᠦ ᠪᠠᠲᠤ ᠬᠠᠨ ᠤ᠋ ᠬᠦᠷᠭᠡᠨ ᠠᠭᠤᠯᠠ
ᠪᠠᠳ ᠤ᠋ᠨ ᠪᠥᠭᠡᠷᠡ ᠶ᠋ᠢᠨ ᠤᠨᠳᠤᠷᠭᠠ ᠪᠠᠷ ᠥᠯᠮᠡᠢ ᠳᠡᠪᠢᠰᠦᠭᠰᠡᠨ ᠨᠤᠲᠤᠭ ᠮᠢᠨᠢ!
ᠪᠠᠬᠠᠳᠤᠨ ᠰᠠᠨᠠᠬᠤ ᠶ᠋ᠢᠨ ᠵᠢᠷᠭᠠᠯ ᠢ᠋ᠶ᠋ᠠᠷ ᠲᠠᠨ ᠢ᠋ ᠪᠡᠨ ᠵᠣᠷᠢᠨ ᠣᠴᠢᠬᠤ ᠳ᠋ᠤ᠌ ᠮᠢᠨᠢ
ᠪᠤᠳᠠᠩ ᠤ᠋ᠨ ᠨᠠᠮᠢᠷᠠᠭᠠ ᠬᠤᠷᠠ ᠪᠠᠷ ᠡᠯᠢᠭᠡ ᠶ᠋ᠢ ᠮᠢᠨᠢ ᠳᠡᠪᠲᠦᠭᠡᠬᠦ ᠬᠠᠩᠭᠠᠢ ᠮᠢᠨᠢ
ᠪᠣᠳᠣᠯ ᠤ᠋ᠨ ᠭᠦᠨ ᠡᠴᠡ ᠦᠭᠡᠢᠯᠡᠭᠳᠡᠭᠡᠳ ᠪᠠᠢᠨᠠ
ᠪᠤᠭᠤᠷᠤᠯ ᠤ᠋ᠨ ᠪᠤᠶᠠᠨ ᠲᠠᠢ ᠨᠤᠲᠤᠭ ᠲᠤ ᠪᠠᠨ ᠢᠷᠡᠯᠡ᠃
ᠡᠷᠡᠩᠳᠤᠨᠤᠢ ᠶ᠋ᠢᠨ ᠳᠣᠮᠣᠭ ᠢ᠋ ᠢᠪᠡᠭᠡᠯ ᠳ᠋ᠦ᠍ ᠪᠡᠨ ᠬᠠᠳᠠᠭᠠᠯᠠᠭᠰᠠᠨ ᠠᠭᠤᠯᠠ
ᠡᠴᠢᠭᠡ ᠳᠡᠭᠡᠳᠦᠰ ᠦ᠋ᠨ ᠦᠶᠡ ᠡᠴᠡ ᠥᠨᠢ ᠭᠤᠶᠤᠭᠰᠠᠨ ᠨᠤᠲᠤᠭ ᠮᠢᠨᠢ
ᠡᠭᠡᠨᠡᠭᠰᠢᠨ ᠰᠠᠨᠠᠬᠤ ᠶ᠋ᠢᠨ ᠵᠢᠷᠭᠠᠯ ᠢ᠋ᠶ᠋ᠠᠷ ᠲᠠᠨ ᠢ᠋ ᠪᠡᠨ ᠵᠣᠷᠢᠨ ᠣᠴᠢᠬᠤ ᠳ᠋ᠤ᠌ ᠮᠢᠨᠢ
ᠡᠬᠡ ᠶ᠋ᠢᠨ ᠬᠠᠯᠠᠭᠤᠨ ᠡᠪᠦᠷ ᠰᠢᠭ ᠵᠢᠷᠦᠬᠡᠨ ᠳ᠋ᠦ᠍ ᠳᠤᠯᠠᠭᠠᠬᠠᠨ ᠬᠠᠩᠭᠠᠢ ᠮᠢᠨᠢ
ᠡᠯᠢᠭᠡ ᠵᠢᠷᠦᠬᠡᠨ ᠳ᠋ᠦ᠍ ᠮᠢᠨᠢ ᠤᠶᠠᠭᠠᠲᠠᠢ ᠪᠠᠢᠳᠠᠭ
ᠡᠷᠬᠡᠯᠡᠵᠦ ᠲᠣᠷᠨᠢᠭᠰᠠᠨ ᠨᠤᠲᠤᠭ ᠲᠤ ᠪᠠᠨ ᠢᠷᠡᠯᠡ᠃
ᠰᠠᠢᠬᠠᠨ ᠨᠤᠲᠤᠭ ᠮᠢᠨᠢ ᠵᠡᠭᠦᠳᠦᠯᠡᠭᠳᠡᠭᠡᠳ ᠪᠠᠢᠨᠠ
ᠰᠠᠨᠠᠨ ᠰᠠᠨᠠᠭᠰᠠᠭᠠᠷ ᠨᠤᠲᠤᠭ ᠲᠤ ᠪᠠᠨ ᠢᠷᠡᠯᠡ᠂
ᠰᠠᠨᠠᠨ ᠰᠠᠨᠠᠭᠰᠠᠭᠠᠷ ᠨᠤᠲᠤᠭ ᠲᠤ ᠪᠠᠨ ᠢᠷᠡᠯᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠪᠠᠳᠠᠷᠠᠯᠲᠤ
ᠦᠰᠦᠭ ᠬᠠᠲᠠᠵᠤ ᠬᠢᠨᠠᠭᠴᠢ᠄ ᠬᠠᠷᠠᠭᠳᠠᠨ ᠷ᠂ ᠴᠢᠷᠮᠠᠢᠯᠳᠣ