ᠪᠣᠰᠤᠭᠠ ᠦᠰᠦᠭ ᠢ᠋ᠶ᠋ᠡᠨ ᠨᠠᠨᠳᠢᠩᠨᠠᠨ ᠪᠢᠴᠢᠶᠡ- ᠬᠣᠨᠢᠴᠢᠨ ᠭᠠᠷᠠᠭ
466ᠪᠣᠰᠤᠭᠠ ᠦᠰᠦᠭ ᠢ᠋ᠶ᠋ᠡᠨ ᠨᠠᠨᠳᠢᠩᠨᠠᠨ ᠪᠢᠴᠢᠶᠡ
ᠬᠣᠨᠢᠴᠢᠨ ᠭᠠᠷᠠᠭ
ᠠᠮᠢᠨ ᠬᠠᠢᠷᠠᠲᠠᠢ ᠰᠢᠲᠦᠭᠡᠨ ᠬᠡᠯᠡ ᠪᠡᠨ
ᠠᠴᠢᠷ ᠬᠣᠢᠴᠢᠰ ᠲᠠᠭᠠᠨ
ᠤᠯᠠᠮᠵᠢᠯᠠᠨ ᠪᠢᠴᠢᠶᠡ
ᠠᠭᠤᠤ ᠡᠬᠡᠰᠢᠭ ᠡᠷᠬᠢᠮ ᠬᠡᠯᠡ ᠪᠡᠨ
ᠠᠯᠲᠠᠨ ᠬᠣᠢᠮᠣᠷ ᠲᠤ᠌ ᠪᠠᠨ ᠰᠡᠢᠯᠦᠨ ᠪᠢᠴᠢᠶᠡ
ᠠᠪᠢᠶᠠ ᠵᠦᠢ ᠮᠥᠩᠬᠡ ᠬᠡᠯᠡ ᠪᠡᠨ
ᠠᠴᠤᠭ ᠰᠢᠲᠦ ᠶ᠋ᠢ ᠨᠢ ᠬᠠᠶᠠᠯ ᠦᠭᠡᠢ ᠪᠢᠴᠢᠶᠡ
ᠪᠣᠭᠳᠠ ᠶ᠋ᠢᠨ ᠠᠯᠲᠠᠨ ᠵᠠᠷᠯᠢᠭ ᠢ᠋ᠶ᠋ᠠᠷ
ᠪᠣᠰᠤᠭᠠ ᠦᠰᠦᠭ ᠢ᠋ᠶ᠋ᠡᠨ
ᠨᠠᠨᠳᠢᠩᠨᠠᠨ ᠪᠢᠴᠢᠶᠡ
ᠪᠤᠭᠤᠷᠤᠯ ᠳᠡᠭᠡᠳᠦᠰ ᠦ᠋ᠨ ᠵᠠᠬᠢᠶᠠ ᠪᠠᠷ
ᠪᠣᠳᠣᠯ ᠵᠢᠷᠦᠬᠡᠨ ᠳ᠋ᠦ᠍ ᠪᠡᠨ ᠲᠤᠩᠭᠠᠨ ᠪᠢᠴᠢᠶᠡ
ᠪᠤᠷᠬᠠᠨ ᠵᠠᠶᠠᠭᠠ ᠲᠠᠢ ᠮᠣᠩᠭᠣᠯ ᠪᠢᠴᠢᠭ ᠢ᠋ᠶ᠋ᠡᠨ
ᠪᠣᠯᠣᠷ ᠲᠡᠦᠬᠡ ᠲᠡᠢ ᠨᠢ ᠰᠤᠳᠤᠯᠤᠨ ᠪᠢᠴᠢᠶᠡ
ᠰᠤᠷᠪᠤᠯᠵᠢ ᠪᠢᠴᠢᠭ ᠦ᠋ᠨ ᠦᠨᠳᠦᠰᠦᠯᠡᠯ ᠢ᠋ᠶ᠋ᠡᠷ
ᠰᠤᠤ ᠤᠬᠠᠭᠠᠨ ᠳ᠋ᠠᠭᠠᠨ ᠲᠣᠯᠢᠯᠠᠨ ᠪᠢᠴᠢᠶᠡ
ᠰᠤᠷᠭᠠᠯ ᠵᠢᠷᠤᠮ ᠤ᠋ᠨ ᠬᠡᠯᠬᠢᠶᠡᠰᠦᠯᠡᠯ ᠢ᠋ᠶ᠋ᠡᠷ
ᠰᠣᠨᠣᠷ ᠰᠡᠷᠡᠮᠵᠢ ᠲᠡᠢ ᠥᠪᠯᠡᠨ ᠪᠢᠴᠢᠶᠡ
ᠰᠣᠶᠣᠮᠪᠣ ᠢᠵᠠᠭᠤᠷ ᠤ᠋ᠨ ᠲᠠᠮᠠᠭᠠᠨ ᠪᠢᠴᠢᠭ ᠢ᠋ᠶ᠋ᠡᠨ
ᠰᠣᠳᠣᠨ ᠦᠷᠡᠰ ᠲᠦ᠍ ᠪᠡᠨ ᠵᠠᠯᠭᠠᠮᠵᠢᠯᠠᠨ ᠪᠢᠴᠢᠶᠡ
2024.1.10