ᠤᠯᠠᠮᠵᠢᠯᠠᠯᠲᠤ ᠨᠠᠭᠠᠳᠤᠮ- ᠣᠶᠣᠮᠠУламжлалт наадам-Оём
442ᠤᠯᠠᠮᠵᠢᠯᠠᠯᠲᠤ ᠨᠠᠭᠠᠳᠤᠮ
ᠣᠶᠣᠮᠠ
ᠠᠬᠠᠮᠠᠳ ᠠ᠋ᠴᠠ ᠤᠯᠠᠮᠵᠢᠯᠠᠭᠰᠠᠨ ᠮᠣᠳᠣᠨ ᠫᠠᠢ
ᠠᠯᠢ ᠡᠷᠲᠡ ᠡᠴᠡ ᠨᠠᠭᠠᠳᠳᠠᠭ ᠮᠣᠩᠭᠣᠯ ᠰᠢᠳᠡᠷᠡ
ᠠᠵᠢᠯ ᠤ᠋ᠨ ᠴᠢᠯᠥᠭᠡ ᠪᠡᠷ ᠢ᠋ᠶ᠋ᠡᠨ ᠨᠠᠭᠠᠳᠳᠠᠭ ᠱᠠᠭᠠ
ᠠᠲᠠᠷ ᠲᠠᠯᠠ ᠪᠠᠷ ᠳᠠᠪᠬᠢᠭᠤᠯᠳᠠᠭ ᠮᠣᠷᠢᠨ ᠤᠷᠤᠯᠳᠤᠭᠠᠨ
ᠡᠷᠴᠢ ᠬᠦᠴᠦ ᠰᠢᠯᠭᠠᠷᠠᠭᠤᠯᠬᠤ ᠪᠠᠷ ᠪᠠᠷᠢᠯᠳᠤᠬᠤ
ᠡᠷᠡᠬᠡᠢ ᠮᠡᠷᠭᠡᠨ ᠢ᠋ᠶ᠋ᠡᠨ ᠦᠵᠡᠬᠦ ᠨᠤᠮᠤ ᠰᠤᠮᠤ ᠬᠠᠷᠪᠤᠬᠤ
ᠡᠷᠡᠯᠬᠡᠭ ᠵᠣᠷᠢᠭ ᠢ᠋ᠶ᠋ᠠᠨ ᠭᠠᠢᠬᠠᠭᠤᠯᠬᠤ ᠪᠠᠷ
ᠡᠮᠨᠢᠭ ᠲᠣᠭᠰᠢᠨ ᠤᠨᠤᠵᠤ ᠪᠤᠯᠭᠢᠭᠤᠯᠬᠤ
ᠬᠣᠨᠢᠨ ᠤ᠋ ᠪᠡᠯᠴᠢᠭᠡᠷ ᠲᠦ ᠲᠣᠭᠯᠠᠬᠤ ᠠ᠋ᠴᠠ
ᠪᠤᠭᠤ ᠶ᠋ᠢᠨ ᠵᠢᠷᠭᠢᠭᠡᠨ ᠮᠥᠷᠥᠢᠴᠡᠭᠡᠨ ᠲᠡᠢ
ᠬᠣᠯᠠ ᠶ᠋ᠢᠨ ᠭᠠᠵᠠᠷ ᠲᠤ ᠰᠢᠨᠳᠠᠰᠤ ᠲᠠᠢ
ᠬᠤᠷᠳᠤᠨ ᠲᠡᠮᠡᠭᠡᠨ ᠦ᠌ ᠤᠷᠤᠯᠳᠤᠭᠠᠨ
ᠦᠳᠡᠯᠦᠭᠡ ᠨᠠᠰᠤᠲᠠᠨ ᠢ᠋ᠶ᠋ᠠᠨ ᠪᠠᠶᠠᠰᠬᠠᠬᠤ
ᠥᠨᠳᠥᠷ ᠨᠠᠰᠤᠨ ᠨᠠᠢᠷ ᠲᠠᠢ
ᠥᠰᠪᠥᠷᠢ ᠶ᠋ᠢᠨ ᠬᠡᠦᠬᠡᠳ ᠢ᠋ᠶ᠋ᠡᠨ ᠬᠠᠢᠷᠠᠯᠠᠭᠰᠠᠨ
ᠥᠷᠪᠥᠭᠡ ᠬᠥᠨᠳᠡᠬᠦ ᠨᠠᠢᠷ ᠲᠠᠢ
ᠠᠢᠯ ᠰᠠᠭᠠᠬᠠᠯᠲᠠ ᠪᠠᠷ ᠢ᠋ᠶ᠋ᠠᠨ ᠣᠷᠣᠯᠴᠠᠳᠠᠭ
ᠠᠳᠤᠭᠤᠨ ᠰᠣᠶᠣᠯ ᠤ᠋ᠨ ᠨᠠᠭᠠᠳᠤᠮ ᠲᠠᠢ
ᠠᠷᠭᠠ ᠳᠠᠮ᠂ ᠴᠢᠳᠠᠯ ᠢ᠋ᠶ᠋ᠠᠨ ᠦᠵᠡᠯᠴᠡᠬᠦ
ᠠᠵᠢᠷᠭᠠ ᠤᠷᠭᠠᠯᠠᠬᠤ ᠤᠳᠤᠮᠰᠢᠯ ᠲᠠᠢ
ᠣᠶᠤᠨ ᠤᠬᠠᠭᠠᠨ ᠢ᠋ᠶ᠋ᠠᠨ ᠬᠥᠭᠵᠢᠭᠡᠬᠦ ᠡᠴᠡ
ᠣᠨᠢᠰᠣᠭᠠ ᠳᠠᠭᠠᠪᠤᠷᠢ ᠲᠣᠭᠯᠠᠭᠠᠮ ᠲᠠᠢ
ᠤᠷᠠ ᠳᠠᠮ ᠢ᠋ᠶ᠋ᠠᠨ ᠰᠢᠯᠭᠠᠷᠠᠭᠤᠯᠬᠤ ᠠ᠋ᠴᠠ
ᠶᠠᠰᠤ ᠬᠤᠭᠤᠯᠬᠤ ᠮᠡᠷᠭᠡᠵᠢᠯ ᠲᠡᠢ
ᠨᠡᠭᠦᠳᠡᠯᠴᠢᠨ ᠮᠠᠨ ᠤ᠋ ᠥᠪ ᠰᠣᠶᠣᠯ
ᠤᠯᠠᠮᠵᠢᠯᠠᠯᠲᠤ ᠨᠠᠭᠠᠳᠤᠮ ᠲᠠᠢ ᠪᠣᠯᠬᠣᠷ
ᠦᠶᠡ ᠤᠯᠠᠷᠢᠨ ᠵᠠᠯᠭᠠᠮᠵᠢᠯᠠᠨ ᠶᠠᠪᠤᠬᠤ ᠨᠢ
ᠥᠨᠢᠳᠡ ᠪᠢᠳᠡᠨ ᠦ᠌ ᠳᠠᠷᠬᠠᠨ ᠬᠠᠷᠢᠭᠤᠴᠠᠯᠭᠠ ᠶᠤᠮ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠣᠳᠬᠠᠨᠴᠡᠴᠡᠭ
ᠬᠢᠨᠠᠭᠴᠢ ᠪᠠᠭᠰᠢ᠄ ᠭᠠᠷᠮᠠ᠂ ᠪᠠᠶᠠᠷᠴᠡᠴᠡᠭ᠂ ᠣᠶᠤᠨᠴᠡᠴᠡᠭ