ᠰᠠᠢᠬᠠᠨ ᠮᠣᠩᠭᠣᠯ ᠦᠰᠦᠭ ᠮᠢᠨᠢ- ᠮᠠᠨᠳᠤᠬᠤСайхан монгол үсэг минь-мандах
965ᠰᠠᠢᠬᠠᠨ ᠮᠣᠩᠭᠣᠯ ᠦᠰᠦᠭ ᠮᠢᠨᠢ
- ᠮᠠᠨᠳᠤᠬᠤ
ᠠᠭᠠᠷᠤ ᠽᠠᠨᠳᠠᠨ ᠮᠣᠳᠣ ᠰᠢᠭ᠋
ᠠᠰᠬᠠ ᠲᠡᠭᠰᠢ ᠨᠢᠷᠤᠭᠤ ᠲᠠᠢ
ᠠᠷ ᠲᠠᠢ ᠲᠣᠷᠭᠠᠨ ᠲᠤᠤᠰᠠ ᠰᠢᠭ᠋
ᠠᠴᠤᠭ᠂ ᠰᠢᠯᠪᠢ᠂ ᠰᠢᠳᠦ ᠲᠡᠢ
ᠤᠳᠤᠮᠰᠢᠯᠲᠤ ᠮᠣᠩᠭᠣᠯ ᠦᠰᠦᠭ ᠮᠢᠨᠢ
ᠤᠷᠠᠨ ᠵᠢᠷᠤᠭ ᠰᠢᠭ᠋ ᠰᠠᠢᠬᠠᠨ ᠪᠠᠢᠨᠠ᠃
ᠣᠶᠤᠨ ᠪᠢᠯᠢᠭᠲᠦ ᠳᠡᠭᠡᠳᠦ ᠶ᠋ᠢᠨ ᠮᠢᠨᠢ
ᠤᠬᠠᠭᠠᠨ ᠮᠡᠳᠡᠯᠭᠡ ᠶ᠋ᠢᠨ ᠲᠠᠯᠠᠰᠲᠤ ᠪᠠᠢᠨᠠ᠃
ᠲᠡᠷᠭᠡᠯ ᠮᠥᠩᠭᠥᠨ ᠰᠠᠷᠠ ᠰᠢᠭ᠋
ᠲᠡᠭᠰᠢ ᠳᠤᠭᠤᠷᠠᠭ ᠭᠡᠳᠡᠰᠦ ᠲᠡᠢ
ᠲᠡᠨᠢᠭᠡᠷ ᠬᠠᠰ ᠰᠡᠢᠯᠦᠮᠡᠯ ᠰᠢᠭ
ᠳᠡᠪᠬᠡ᠂ ᠭᠣᠬᠠ᠂ ᠬᠢᠮᠤᠰᠤ ᠲᠠᠢ
ᠤᠳᠤᠮᠰᠢᠯᠲᠤ ᠮᠣᠩᠭᠣᠯ ᠦᠰᠦᠭ ᠮᠢᠨᠢ
ᠤᠷᠠᠨ ᠵᠢᠷᠤᠭ ᠰᠢᠭ᠋ ᠰᠠᠢᠬᠠᠨ ᠪᠠᠢᠨᠠ᠃
ᠤᠷᠮᠠ ᠵᠣᠷᠢᠭᠲᠤ ᠦᠷᠡᠰ ᠲᠤ ᠪᠡᠨ
ᠤᠯᠠᠮᠵᠢᠯᠠᠵᠤ ᠥᠭᠭᠦᠭᠰᠡᠨ ᠡᠷᠳᠡᠨᠢᠰ ᠪᠠᠢᠨᠠ᠃
ᠡᠷᠬᠡᠰ ᠲᠩᠷᠢ ᠶ᠋ᠢᠨ ᠣᠳᠣ ᠰᠢᠭ᠋
ᠡᠨᠳᠡ ᠲᠡᠨᠳᠡ ᠪᠡᠨ ᠳᠤᠰᠤᠯ ᠲᠠᠢ
ᠡᠷᠢᠶᠡᠨ ᠯᠤᠤ ᠶ᠋ᠢᠨ ᠰᠠᠬᠠᠯ ᠰᠢᠭ᠋
ᠡᠪᠡᠷ᠂ ᠭᠡᠵᠢᠭᠡ᠂ ᠰᠡᠭᠦᠯ ᠲᠡᠢ
ᠤᠳᠤᠮᠰᠢᠯᠲᠤ ᠮᠣᠩᠭᠣᠯ ᠦᠰᠦᠭ ᠮᠢᠨᠢ
ᠤᠷᠠᠨ ᠵᠢᠷᠤᠭ ᠰᠢᠭ᠋ ᠰᠠᠢᠬᠠᠨ ᠪᠠᠢᠨᠠ᠃
ᠤᠷᠠ ᠴᠢᠳᠠᠯ ᠢ᠋ ᠬᠥᠭᠵᠢᠭᠡᠬᠦ
ᠤᠳᠬᠠ ᠲᠡᠭᠦᠰ ᠡᠷᠳᠡᠮ ᠪᠠᠢᠨᠠ᠃
ᠠᠷᠴᠠ ᠬᠥᠭᠵᠢᠭᠡᠭᠰᠡᠨ ᠭᠥᠯᠢᠰ ᠰᠢᠭ
ᠠᠩᠭᠠᠬᠠᠢ ᠪᠢᠲᠡᠭᠦᠦ ᠰᠠᠨᠵᠢ ᠲᠠᠢ
ᠠᠪᠤᠷᠭᠤ ᠪᠥᠬᠡ ᠶ᠋ᠢᠨ ᠮᠠᠭᠰᠢᠯᠲᠠ ᠰᠢᠭ᠋
ᠠᠴᠠᠯᠭᠠ᠂ ᠳᠡᠪᠢᠯᠭᠡ᠂ ᠳᠡᠭᠡᠭᠡ ᠲᠡᠢ
ᠤᠳᠤᠮᠰᠢᠯᠲᠤ ᠮᠣᠩᠭᠣᠯ ᠦᠰᠦᠭ ᠮᠢᠨᠢ
ᠤᠷᠠᠨ ᠵᠢᠷᠤᠭ ᠰᠢᠭ᠋ ᠰᠠᠢᠬᠠᠨ ᠪᠠᠢᠨᠠ
ᠤᠯᠠᠮ ᠴᠢᠨᠠᠭᠰᠢᠳᠠ ᠬᠥᠭᠵᠢᠭᠦᠯᠬᠦ ᠨᠢ
ᠤᠭ ᠠ᠋ᠴᠠ ᠮᠠᠨ ᠤ᠋ ᠡᠭᠦᠷᠭᠡ ᠯᠡ ᠪᠠᠢᠨᠠ᠃