ᠢᠷᠭᠤᠢ ᠴᠢ ᠮᠢᠨᠢ ᠶᠠᠭᠤᠨ ᠳᠤ ᠪᠠᠨ ᠶᠠᠭᠠᠷᠠᠪᠠ -ᠯ ∙ ᠰᠦᠬᠡᠪᠠᠭᠠᠲᠤᠷЯргуй чи минь юундаа яарав-Л.Сүхбаатар
553ᠢᠷᠭᠤᠢ ᠴᠢ ᠮᠢᠨᠢ ᠶᠠᠭᠤᠨ ᠳᠤ ᠪᠠᠨ ᠶᠠᠭᠠᠷᠠᠪᠠ
ᠮᠥᠷᠡᠨ ᠭᠣᠣᠯ ᠤ᠋ᠨ ᠰᠥᠩ ᠢ᠋ ᠳᠦᠷᠦᠭᠦᠯᠦᠭᠡᠳ
ᠬᠣᠯᠠ ᠶ᠋ᠢᠨ ᠰᠢᠪᠠᠭᠤᠳ ᠢ᠋ ᠲᠤᠰᠬᠤ ᠭᠡᠳ
ᠮᠠᠯᠴᠢᠨ ᠬᠥᠮᠦᠨ ᠦ᠌ ᠰᠡᠳᠬᠢᠯ ᠪᠠᠶᠠᠰᠤᠭᠠᠳ
ᠲᠥᠯ ᠦ᠋ᠨ ᠳᠠᠭᠤᠨ ᠢ᠋ ᠰᠣᠨᠣᠰᠬᠤ ᠭᠡᠳ
ᠢᠷᠭᠤᠢ ᠴᠢ ᠮᠢᠨᠢ ᠶᠠᠭᠠᠷᠠᠭᠠᠳ ᠢᠷᠡᠭᠡ ᠶᠤ᠌
ᠢᠷᠠᠭᠤᠬᠠᠨ ᠬᠠᠪᠤᠷ ᠲᠠᠭᠠᠨ ᠵᠣᠯᠭᠠᠭᠠᠳ ᠢᠷᠡᠭᠡ ᠶᠣ᠌
ᠰᠢᠵᠢᠭᠡᠷᠬᠡᠨ ᠲᠠᠷᠢᠶᠠ ᠶ᠋ᠢ ᠦᠷᠡᠯᠡᠨ ᠰᠠᠭᠤᠯᠭᠠᠭᠰᠠᠨ
ᠰᠢᠯᠢᠳᠡᠭ ᠲᠠᠷᠢᠶᠠᠴᠢᠳ ᠢ᠋ ᠤᠭᠲᠤᠬᠤ ᠭᠡᠳ
ᠰᠢᠨᠡᠬᠡᠨ ᠬᠣᠲᠠ ᠤᠷᠠᠯᠠᠨ ᠪᠣᠰᠬᠠᠭᠠᠳ
ᠰᠢᠵᠢᠭᠢᠷ ᠪᠠᠷᠢᠭᠴᠢᠳ ᠢ᠋ ᠮᠠᠭᠲᠠᠬᠤ ᠭᠡᠳ
ᠢᠷᠭᠤᠢ ᠴᠢ ᠮᠢᠨᠢ ᠶᠠᠭᠠᠷᠠᠭᠠᠳ ᠢᠷᠡᠭᠡ ᠶᠣ᠌
ᠢᠷᠠᠭᠤᠬᠠᠨ ᠬᠠᠪᠤᠷ ᠲᠠᠭᠠᠨ ᠵᠣᠯᠭᠠᠭᠠᠳ ᠢᠷᠡᠭᠡ ᠶᠣ᠌
ᠴᠡᠯᠮᠡᠭᠬᠡᠨ ᠦᠳᠡᠰᠢ ᠵᠤᠰᠠᠯᠠᠩ ᠳ᠋ᠤ᠌ ᠵᠤᠭᠠᠯᠠᠭᠰᠠᠨ
ᠴᠡᠩᠭᠡᠯᠲᠡᠢ ᠵᠠᠯᠠᠭᠤᠰ ᠢ᠋ ᠦᠵᠡᠬᠦ ᠭᠡᠳ
ᠴᠡᠯᠡᠭᠡᠷᠬᠡᠨ ᠬᠥᠨᠳᠡᠢ ᠳ᠋ᠦ᠍ ᠰᠦᠷᠦᠭ ᠦ᠋ᠨ ᠳᠡᠷᠭᠡᠳᠡ
ᠴᠡᠭᠡᠯᠬᠡᠨ ᠠᠶᠠᠯᠭᠤ ᠰᠣᠨᠣᠰᠬᠤ ᠭᠡᠳ
ᠢᠷᠭᠤᠢ ᠴᠢ ᠮᠢᠨᠢ ᠶᠠᠭᠠᠷᠠᠭᠠᠳ ᠢᠷᠡᠭᠡ ᠶᠤ᠌
ᠢᠷᠠᠭᠤᠬᠠᠨ ᠬᠠᠪᠤᠷ ᠲᠠᠭᠠᠨ ᠵᠣᠯᠭᠠᠭᠠᠳ ᠢᠷᠡᠭᠡ ᠶᠣ᠌
ᠠᠵᠢᠯ ᠳ᠋ᠤ᠌ ᠰᠢᠮᠳᠠᠭᠰᠠᠨ ᠬᠥᠳᠡᠯᠮᠦᠷᠢᠴᠢ ᠲᠦᠮᠡᠨ ᠦ᠌
ᠦᠢᠯᠡᠰ ᠠᠯᠳᠠᠷ ᠢ᠋ ᠨᠢ ᠮᠠᠭᠲᠠᠬᠤ ᠭᠡᠳ
ᠠᠮᠵᠢᠯᠲᠠ ᠲᠣᠳᠣᠷᠠᠭᠰᠠᠨ ᠮᠠᠨ ᠤ᠋ ᠨᠤᠲᠤᠭ ᠤ᠋ᠨ
ᠦᠵᠡᠮᠵᠢ ᠲᠠᠩᠰᠤᠭ ᠢ᠋ ᠨᠢ ᠨᠡᠮᠡᠬᠦ ᠭᠡᠳ
ᠢᠷᠭᠤᠢ ᠴᠢ ᠮᠢᠨᠢ ᠶᠠᠭᠠᠷᠠᠭᠠᠳ ᠢᠷᠡᠭᠡ ᠶᠣ᠌
ᠢᠷᠠᠭᠤᠬᠠᠨ ᠬᠠᠪᠤᠷ ᠲᠠᠭᠠᠨ ᠵᠣᠯᠭᠠᠭᠠᠳ ᠢᠷᠡᠭᠡ ᠶᠣ᠌
ᠢᠷᠭᠤᠢ ᠴᠢ ᠮᠢᠨᠢ ᠶᠠᠭᠠᠷᠠᠭᠠᠳ ᠢᠷᠡᠭᠡ ᠶᠤ᠌
ᠢᠷᠠᠭᠤᠬᠠᠨ ᠬᠠᠪᠤᠷ ᠲᠠᠭᠠᠨ ᠵᠣᠯᠭᠠᠭᠠᠳ ᠢᠷᠡᠭᠡ ᠶᠤ᠌
ᠦᠰᠦᠭ ᠬᠠᠲᠠᠵᠤ ᠠᠮᠢᠯᠠᠭᠤᠯᠤᠭᠴᠢ᠄ ᠬᠠᠷᠠᠭᠳᠠᠨ ᠷ᠂ ᠴᠢᠷᠮᠠᠢᠯᠳᠣ
ᠬᠢᠨᠠᠭᠴᠢ᠄ ᠪᠠᠳᠠᠷᠠᠯᠲᠤ